Chapter 35

[English text for this chapter is available]

bhīṣma uvāca |
uktaṃ bhagavatā sarvaṃ purāṇāśrayasaṃyutaṃ |
tathā śvetena brahmāṃḍaṃ gurave pratipāditaṃ || 1 ||
[Analyze grammar]

śrutvaitatkautukaṃ jātaṃ yathā tenāsthilehanaṃ |
kṛtaṃ kṣudhāpanodārthe annadānādvinā dvija || 2 ||
[Analyze grammar]

tadahaṃ śrotumicchāmi pṛthivyāṃ ye ca pārthivāḥ |
annadānāddivaṃ prāptāḥ kratavaścānnamūlakāḥ || 3 ||
[Analyze grammar]

kathaṃ tasya matirnaṣṭā śvetasya ca mahātmanaḥ |
na dattaṃ tenānnadānamṛṣibhirvā na darśitam || 4 ||
[Analyze grammar]

aho māhātmyamannasya iha dattasya yatphalam |
paratra bhujyate puṃbhiḥ svargaścākṣayatāṃ vrajet || 5 ||
[Analyze grammar]

annadānaṃ paraṃ viprāḥ kīrtayaṃti sadotthitāḥ |
annadānātsuredreṇa trailokyamiha bhujyate || 6 ||
[Analyze grammar]

śatakraturiti proktaḥ sarvaireva dvijottamaiḥ |
tenāvasthāṃ tatsadṛśīṃ prāptavāṃstridaśeśvaraḥ || 7 ||
[Analyze grammar]

dānadevagataḥ svargaṃ tvattaḥ sarvaṃ śrutaṃ mayā |
aparaṃ ca purāvṛttaṃ nivṛttaṃ yadi karhicit || 8 ||
[Analyze grammar]

bhūyopi śrotumicchāmi tanme vada mahāmate |
pulastya uvāca |
etadākhyānakaṃ pūrvamagastyena mahātmanā || 9 ||
[Analyze grammar]

rāmāya kathitaṃ rājaṃstatte vakṣyāmi sāṃpratam |
bhīṣma uvāca |
kasminvaṃśe samutpanno rāmo'sau nṛpasattamaḥ || 10 ||
[Analyze grammar]

yasyāgastyena kathitaścetihāsaḥ purātanaḥ |
pulastya uvāca |
raghuvaṃśe samutpanno rāmo nāma mahābalaḥ || 11 ||
[Analyze grammar]

devakāryaṃ kṛtaṃ tena laṃkāyāṃ rāvaṇo hataḥ |
pṛthivīṃ rājyasaṃsthasya ṛṣayo'bhyāgatā gṛhe || 12 ||
[Analyze grammar]

prāptāste tu mahātmāno rāghavasya niveśanam |
pratīhārastato rāmamagastyavacanāddrutam || 13 ||
[Analyze grammar]

āvedayāmāsa ṛṣīnprāptāstāṃśca tvarānvitaḥ |
dṛṣṭvā rāmaṃ dvārapālaḥ pūrṇacaṃdramivoditam || 14 ||
[Analyze grammar]

kausalyāsuta bhadraṃ te suprabhātādya śarvarī |
draṣṭumabhyudayaṃ tedya samprāpto raghunaṃdana || 15 ||
[Analyze grammar]

agastyo munibhiḥ sārdhaṃ dvāri tiṣṭhati te nṛpa |
śrutvā prāptānmunīnrāmastānbhāskarasamadyutīn || 16 ||
[Analyze grammar]

prāha vākyaṃ tadā dvāsthaṃ praveśaya tvarānvitaḥ |
kimarthaṃ tu tvayā dvāri niruddhā munisattamāḥ || 17 ||
[Analyze grammar]

rāmavākyānmunīṃstāṃstu prāveśayadyathāsukham |
dṛṣṭvā tu tānmunīṃnprāptānpratyuvāca kṛtāṃjali || 18 ||
[Analyze grammar]

rāmo'bhivādya praṇata āsaneṣu nyaveśayat |
te tu kāṃcanacitreṣu svāstīrṇeṣu sukheṣu ca || 19 ||
[Analyze grammar]

kuśottareṣu cāsīnāḥ samaṃtānmunipuṃgavāḥ |
pādyamācamanīyaṃ ca dadau cārghyaṃ purohitaḥ || 20 ||
[Analyze grammar]

rāmeṇa kuśalaṃ pṛṣṭā ṛṣayaḥ sarva eva te |
maharṣayo vedavida idaṃ vacanamabruvan || 21 ||
[Analyze grammar]

kuśalaṃ te mahābāho sarvatra raghunaṃdana |
tvāṃ tu diṣṭyā kuśalinaṃ paśyāmo hatavidviṣam || 22 ||
[Analyze grammar]

hṛtā sītātipāpena rāvaṇena durātmanā |
patnī te raghuśārdūla tasyā evaujasā hataḥ || 23 ||
[Analyze grammar]

asahāyena caikena tvayā rāma raṇe hataḥ |
yādṛśaṃ te kṛtaṃ karma tasya kartā na vidyate || 24 ||
[Analyze grammar]

iha saṃbhāṣituṃ prāptā dṛṣṭvā pūtāḥ sma sāṃpratam |
darśanāttava rājeṃdra sarve jātāstapasvinaḥ || 25 ||
[Analyze grammar]

rāvaṇasya vadhāttedya kṛtamaśrupramārjanam |
datvā puṇyāmimāṃ vīra jagatyabhayadakṣiṇām || 26 ||
[Analyze grammar]

diṣṭyā vardhasi kākutstha jayenāmitavikrama |
dṛṣṭassaṃbhāṣitaścāsi yāsyāmaścāśramānsvakān || 27 ||
[Analyze grammar]

araṇyaṃ te praviṣṭasya mayā ceṃdraśarāsanam |
arpitaṃ cākṣayau tūṇau kavacaṃ ca paraṃtapa || 28 ||
[Analyze grammar]

bhūyopyāgamanaṃ kāryamāśrame me raghūdvaha |
evamuktvā tu te sarve munayoṃtarhitā'bhavan || 29 ||
[Analyze grammar]

gateṣu munimukhyeṣu rāmo dharmabhṛtāṃ varaḥ |
ciṃtayāmāsa tatkāryaṃ kiṃ syānme muninoditam || 30 ||
[Analyze grammar]

bhūyopyāgamanaṃ kāryamāśrame raghunaṃdana |
avaśyameva gaṃtavyaṃ mayā'gastyasya sannidhau || 31 ||
[Analyze grammar]

śrotavyaṃ devaguhyaṃ tu kāryamanyacca yadvadet |
evaṃ ciṃtayatastasya rāmasyāmitatejasaḥ || 32 ||
[Analyze grammar]

kariṣye niyataṃ dharmaṃ dharmo hi paramā gatiḥ |
sutavarṣasahasrāṇi daśa rājyamakārayat || 33 ||
[Analyze grammar]

dadato juhvataścaiva jagmustānyekavarṣavat |
prajāḥ pālayatastasya rāghavasya mahātmanaḥ || 34 ||
[Analyze grammar]

etasminneva divase vṛddho jānapado dvijaḥ |
mṛtaṃ putramupādāya rāmadvāramupāgataḥ || 35 ||
[Analyze grammar]

uvāca vividhaṃ vākyaṃ snehākṣarasamanvitam |
duṣkṛtaṃ kiṃtu me putra pūrvadehāṃtare kṛtam || 36 ||
[Analyze grammar]

tvāmekaputraṃ yadahaṃ paśyāmi nidhanaṃ gatam |
aprāptayauvanaṃ bālaṃ paṃcavarṣaṃ gatāyuṣam || 37 ||
[Analyze grammar]

akāle kālamāpannaṃ duḥkhāya mama putraka |
akṛtvā pitṛkāryāṇi gato vaivasvatakṣayam || 38 ||
[Analyze grammar]

rāmasya duṣkṛtaṃ vyaktaṃ yena te mṛtyurāgataḥ |
bālavadhyā brahmavadhyā strīvadhyā caiva rāghavam || 39 ||
[Analyze grammar]

pravekṣyati na sandehaḥ sabhārye tu mṛte mayi |
śuśrāva rāghavaḥ sarvaṃ duḥkhaśokasamanvitam || 40 ||
[Analyze grammar]

nivārya taṃ dvijaṃ rāmo vasiṣṭhaṃ vākyamabravīt |
kiṃ mayādya ca kartavyaṃ kāryamevaṃ vidhe sthite || 41 ||
[Analyze grammar]

prāṇānahaṃ juhomyagnau parvatādvā patehyaham |
kathaṃ śuddhimahaṃ yāmi śrutvā brāhmaṇabhāṣitam || 42 ||
[Analyze grammar]

vasiṣṭhasyāgrataḥ sthitvā rājño dīnasya nāradaḥ |
pratyuvāca śrutaṃ vākyamṛṣīṇāṃ sannidhau tadā || 43 ||
[Analyze grammar]

śṛṇu rāma yathākālaṃ prāpto vai bālasaṃkṣayaḥ |
purā kṛtayuge rāma sarvatra brāhmaṇottaram || 44 ||
[Analyze grammar]

abrāhmaṇo na vai kaścittapastapati rāghava |
amṛtyavastadā sarve jāyaṃte cirajīvinaḥ || 45 ||
[Analyze grammar]

tretāyuge punaḥ prāpte brahmakṣatramanuttamam |
adharmo dvāpare teṣāṃ vaiśyānśūdrāṃstathāviśat || 46 ||
[Analyze grammar]

evaṃ niraṃtaraṃ juṣṭamudbhūtamanṛtaṃ punaḥ |
adharmasya trayaḥ pādā eko dharmasya cāgataḥ || 47 ||
[Analyze grammar]

tataḥ pūrve bhṛśaṃ trastā varṇā brāhmaṇapūrvakāḥ |
bhūyaḥ pādastu dharmasya dvitīyaḥ samapadyata || 48 ||
[Analyze grammar]

tasmindvāparasaṃjñe tu tapo vaiśyaṃ samāviśat |
yugatrayasya vaidharmyaṃ dharmasya pratitiṣṭhati || 49 ||
[Analyze grammar]

kalisaṃjñe tataḥ prāpte vartamāne yugeṃtime |
adharmaścānṛtaṃ caiva vavṛdhāte nararṣabha || 50 ||
[Analyze grammar]

bhavitā śūdrayonyāṃ tu tapaścaryā kalau yuge |
sa te viṣayaparyaṃte rājannugrataraṃ tapaḥ || 51 ||
[Analyze grammar]

śūdrastapati durbuddhistena bālavadhaḥ kṛtaḥ |
yasyādharmamakāryaṃ vā viṣaye pārthivasya hi || 52 ||
[Analyze grammar]

pure vā rājaśārdūla kurute durmatirnaraḥ |
kṣipraṃ sa narakaṃ yāti yāvadābhūtasaṃplavam || 53 ||
[Analyze grammar]

caturthaṃ tasya pāpasya bhāgamaśnāti pārthivaḥ |
sattvaṃ puruṣaśārdūla gacchasva viṣayaṃ svakam || 54 ||
[Analyze grammar]

duṣkṛtaṃ yatra paśyethāstatra yatnaṃ samācara |
evaṃ te dharmavṛddhiśca balasya vardhanaṃ tathā || 55 ||
[Analyze grammar]

bhaviṣyati naraśreṣṭha bālasyāsya ca jīvanam |
nāradenaivamuktastu sāścaryo raghunaṃdanaḥ || 56 ||
[Analyze grammar]

praharṣamatulaṃ lebhe lakṣmaṇaṃ cedamabravīt |
gaccha saumya dvijaśreṣṭhaṃ samāśvāsaya lakṣmaṇa || 57 ||
[Analyze grammar]

bālasya ca śarīraṃ tvaṃ tailadroṇyāṃ nidhāpaya |
gaṃdhaiśca paramodāraistailaiścaiva sugaṃdhibhiḥ || 58 ||
[Analyze grammar]

yathā na śīryate bālastathā saumya vidhīyatām |
yathā śarīraṃ guptaṃ syādbālasyākliṣṭakarmaṇaḥ || 59 ||
[Analyze grammar]

vipattiḥ paribhedo vā na bhavettattathā kuru |
tathā saṃdiśya saumitraṃ lakṣmaṇaṃ śubhalakṣaṇam || 60 ||
[Analyze grammar]

manasā puṣpakaṃ dadhyāvāgaccheti mahāyaśāḥ |
iṃgitaṃ tattu vijñāya kāmagaṃ hemabhūṣitam || 61 ||
[Analyze grammar]

ājagāma muhūrtāttu samīpaṃ rāghavasya hi |
sobravītprāñjalirvākyamahamasmi narādhipa || 62 ||
[Analyze grammar]

agre tava mahābāho kiṃkaraḥ samupasthitaḥ |
bhāṣitaṃ suciraṃ śrutvā puṣpakasya narādhipa || 63 ||
[Analyze grammar]

abhivādya maharṣīṃstānvimānaṃ sodhyarohata |
dhanurgṛhītvā tūṇau ca khaḍgaṃ cāpi mahāprabham || 64 ||
[Analyze grammar]

nikṣipya nagare vīrau saumitri bharatāvubhau |
prāyātpratīcīṃ tvarito vicinvansusamāhitaḥ || 65 ||
[Analyze grammar]

uttarāmagamatpaścāddiśaṃ himavadāśritām |
pūrvāmapi diśāṃ gatvā tathā'paśyannarādhipaḥ || 66 ||
[Analyze grammar]

sarvāṃ śuddhasamācārāmādarśamiva nirmalām |
tato diśaṃ samākrāmaddakṣiṇāṃ raghunaṃdanaḥ || 67 ||
[Analyze grammar]

śailasya uttare pārśve dadarśa sumahatsaraḥ |
tasminsarasi tapyaṃtaṃ tāpasaṃ sumahattapaḥ || 68 ||
[Analyze grammar]

dadarśa rāghavo bhīmaṃ laṃbamānamadhomukhaṃ |
tamupāgamya kākutsthastapyamānaṃ tu tāpasam || 69 ||
[Analyze grammar]

uvāca rāghavo vākyaṃ dhanyastvamamaraprabha |
kasyāṃ yonau tapovṛddhirvartate dṛḍhaniścaya || 70 ||
[Analyze grammar]

ahaṃ dāśarathī rāmaḥ pṛcchāmi tvāṃ kutūhalāt |
kortho vyavasitastubhyaṃ svargalokotha vetaraḥ || 71 ||
[Analyze grammar]

kimarthaṃ tapyase vā tvaṃ śrotumicchāmi tāpasa |
brāhmaṇo vāsi bhadraṃ te kṣatriyo vātha durjayaḥ || 72 ||
[Analyze grammar]

vaiśyastṛtīyavarṇo vā śūdro vā satyamucyatām |
tapaḥ satyātmakaṃ nityaṃ svargalokaparigrahe || 73 ||
[Analyze grammar]

sātvikaṃ rājasaṃ caiva tacca satyātmakaṃ tapaḥ |
jagadupakāraheturhi sṛṣṭaṃ tadvai viriṃcinā || 74 ||
[Analyze grammar]

raudraṃ kṣatriyatejojaṃ tattu rājasamucyate |
parasyotsādanārthāya taccāsuramudāhṛtam || 75 ||
[Analyze grammar]

aṃgāni nihnute yo vā asṛgdigdhāni bhāgaśaḥ |
paṃcāgniṃsādhayedvāpi siddhiṃ vā mṛtyumeva vā || 76 ||
[Analyze grammar]

āsuro hyeṣa te bhāvo na ca me tvaṃ dvijo mataḥ |
satyaṃ te vadataḥ siddhiranṛte nāsti jīvitam || 77 ||
[Analyze grammar]

tasya tadbhāṣitaṃ śrutvā rāmasyākliṣṭakarmaṇaḥ |
avākśirāstathā bhūto vākyametaduvāca ha || 78 ||
[Analyze grammar]

svāgataṃ te nṛpaśreṣṭha cirāddṛṣṭosi rāghava |
putrabhūtosmi te cāhaṃ pitṛbhūtosi menagha || 79 ||
[Analyze grammar]

athavā naitadevaṃ hi sarveṣāṃ nṛpatiḥ pitā |
satvamarcyo'si bho rājanvayaṃ te viṣaye tapaḥ || 80 ||
[Analyze grammar]

carāmastatrabhāgosti pūrvaṃ sṛṣṭaḥ svayaṃbhuvā |
na dhanyāḥ smo vayaṃ rāma dhanyastvamasi pārthiva || 81 ||
[Analyze grammar]

yasya te viṣaye hyevaṃ siddhimicchaṃti tāpasāḥ |
tapasā tvaṃ madīyena siddhimāpnuhi rāghava || 82 ||
[Analyze grammar]

yadetadbhavatā proktaṃ yonau kasyāṃ tu te tapaḥ |
śūdrayoniprasūtohaṃ tapa ugraṃ samāsthitaḥ || 83 ||
[Analyze grammar]

devatvaṃ prārthaye rāma svaśarīreṇa suvrata |
na mithyāhaṃ vade bhūpa devalokajigīṣayā || 84 ||
[Analyze grammar]

śūdraṃ māṃ viddhi kākutstha śaṃbūkaṃ nāma nāmataḥ |
bhāṣatastasya kākutsthaḥ khaḍgaṃ tu ruciraprabhaṃ || 85 ||
[Analyze grammar]

niṣkṛṣya kośādvimalaṃ śiraściccheda rāghavaḥ |
tasminśūdre hate devāḥ sendrāścāgnipurogamāḥ || 86 ||
[Analyze grammar]

sādhusādhviti kākutsthaṃ praśaśaṃsurmuhurmuhuḥ |
puṣpavṛṣṭiśca mahatī devānāṃ susugaṃdhinī || 87 ||
[Analyze grammar]

ākāśādvipramuktā tu rāghavaṃ sarvatokirat |
suprītāścābruvandevā rāmaṃ vākyavidāṃvaram || 88 ||
[Analyze grammar]

surakāryamidaṃ saumya kṛtaṃ te raghunaṃdana |
gṛhāṇa ca varaṃ rāma yamicchasi mahāvrata || 89 ||
[Analyze grammar]

tvatkṛtena hi śūdro'yaṃ saśarīro'bhyagāddivaṃ |
devānāṃ bhāṣitaṃ śrutvā rāghavaḥ susamāhitaḥ || 90 ||
[Analyze grammar]

uvāca prāñjalirvākyaṃ sahasrākṣaṃ puraṃdaram |
yadi devāḥ prasannā me varārho yadi vāpyaham || 91 ||
[Analyze grammar]

karmaṇā yadi me prītā dvijaputraḥ sa jīvatu |
varametaddhi bhavatāṃ kāṃkṣitaṃ paramaṃ hi me || 92 ||
[Analyze grammar]

mamāparādhādbālo'sau brāhmaṇasyaikaputrakaḥ |
aprāptakālaḥ kālena nīto vaivasvata kṣayam || 93 ||
[Analyze grammar]

taṃ jīvayata bhadraṃ vo nānṛtī syāmahaṃ guroḥ |
dvijasya saṃśruto hyartho jīvayiṣyāmi te sutam || 94 ||
[Analyze grammar]

madīyenāyuṣā bālaṃ pādenārddhena vā surāḥ |
jīvedayaṃ varo mahyaṃ varakoṭyadhiko vṛtaḥ || 95 ||
[Analyze grammar]

rāghavasya tu tadvākyaṃ śrutvā vibudhasattamāḥ |
pratyūcuste mahātmānaṃ prītāḥ prītisamanvitāḥ || 96 ||
[Analyze grammar]

nirvṛto bhava kākutstha brāhmaṇasyaikaputrakaḥ |
jīvitaṃ prāptavānbhūyaḥ sametaścāpi baṃdhubhiḥ || 97 ||
[Analyze grammar]

yasminmuhūrte kākutstha śūdroyaṃ vinipātitaḥ |
tasminmuhūrte sahasā jīvena samayujyata || 98 ||
[Analyze grammar]

svasti prāpnuhi bhadraṃ te sādhayāmaḥ paraṃtapaḥ |
agastyasyāśramapade draṣṭāraḥ sma mahāmunim || 99 ||
[Analyze grammar]

sa tatheti pratijñāya devānāṃ raghunaṃdanaḥ |
āruroha vimānaṃ taṃ puṣpakaṃ hemabhūṣitam || 100 ||
[Analyze grammar]