Chapter 248

pāṣāṇopākhyāne jalaparamāṇvantargatajagadvarṇanaṃ nāma sargaḥ |
aṣṭacatvāriṃśaduttaradviśatatamaḥ sargaḥ |
vasiṣṭhaḥ |
tato'hamabhavaṃ tejastejodhāraṇayeddhayā |
candrārkatārakāgnyādivicitrāvayavānvitam || 1 ||
[Analyze grammar]

nityaṃ sattvapradhānatvātprakāśākṛtirājavat |
sarvadṛśyamṛte sarvacaurāddhvāntātpratāpayuk || 2 ||
[Analyze grammar]

dīpādibhiścaraiḥ snigdhairdaśāśatavihāribhiḥ |
pratyakṣīkṛtasarvārthaṃ pratigehaṃ surājavat || 3 ||
[Analyze grammar]

lokālokena hṛṣitaiḥ pratyakṣādyāṃśuromabhiḥ |
paraprakāśaikaratairdūrotkṣiptāsitāmbaram || 4 ||
[Analyze grammar]

andhakārasya dainyasya samastaguṇanāśinaḥ |
adṛśyaṃ dṛśyamaniśaṃ sarvasya guṇaśālinaḥ || 5 ||
[Analyze grammar]

tamastamālaparaśuḥ paraśuddhikaraṃ padam |
suvarṇamaṇimāṇikyamuktādijanajīvitam || 6 ||
[Analyze grammar]

śuklakṛṣṇāruṇādīnāṃ bhittyaṅgotsaṅgaśāyinām |
putrāṇāmiva varṇānāṃ sarveṣāṃ dehadaḥ pitā || 7 ||
[Analyze grammar]

ghanasnehadaśaṃ pṛthvyā rakṣitānilavedhanam |
gṛhaṃ prati ghanānandairdhṛtadīpakaputrakam || 8 ||
[Analyze grammar]

dṛṣṭaṃ pātālakeṣvīṣattamorūpiṣu pāvanam |
ardhadṛṣṭaṃ rajorūpe bhūtale bhūtamālite || 9 ||
[Analyze grammar]

sattvātmasu mahāsattvaṃ nityasthaṃ devasadmasu |
jagajjīrṇakuṭīdīpaḥ kūpo'ndhatamaso mahān || 10 ||
[Analyze grammar]

digvadhūvimalādarśo niśānīhāramārutaḥ |
sattvaṃ candrārkavahnīnāṃ kuṅkumālepanaṃ divaḥ || 11 ||
[Analyze grammar]

kedāraṃ dinasasyānāṃ tamo'mbūnāmavagrahaḥ |
nabhaḥkācabṛhatpātrakṣālanāmbu samullasat || 12 ||
[Analyze grammar]

sattāpradatayārthānāṃ prakāśakatayāpi ca |
cinmātraparamārthasya sahodara ivānujaḥ || 13 ||
[Analyze grammar]

kriyākamalinībhānurbhūtalodarajīvitam |
rūpālokamanaskāracamatkāre citiryathā || 14 ||
[Analyze grammar]

nabhastalagatāsaṅkhyanakṣatramaṇimālitaḥ |
dinartuvatsarāvarto vāḍavāgnyādiphenilaḥ || 15 ||
[Analyze grammar]

candrārkāditaraṅgo'ntarajaḍo'paṅkilo mahān |
bṛhadbrahmāṇḍakhātastho nityamekārṇavo'kṣayaḥ || 16 ||
[Analyze grammar]

hemādiṣu suvarṇatvaṃ narādiṣu parākramaḥ |
kācakacyaṃ ca ratnādiṣvarkādiṣvavabhāsanam || 17 ||
[Analyze grammar]

jyotsnā mukhendubimbeṣu pakṣmalekṣaṇalakṣmasu |
sravatsnehāmṛtāpūro hāsaḥ sauhārdabhāsanam || 18 ||
[Analyze grammar]

kapolabāhunetrākṣibhrūkarālakalāsakaḥ |
nijo'jeyatayā jāto vilāsaḥ kāminījane || 19 ||
[Analyze grammar]

tṛṇīkṛtatribhuvanaṃ capeṭāsphoṭitadviṣam |
śirassu vajrīkaraṇaṃ vīryaṃ siṃhādicetasi || 20 ||
[Analyze grammar]

kaṭukaṅkaṭakuṭṭākakhaḍgasaṅghaṭṭaṭāṅkṛteḥ |
paṭusphuṭāsphoṭaraṭi bhaṭeṣvaṭanamudbhaṭam || 21 ||
[Analyze grammar]

deveṣu dānavāritvaṃ surāritvaṃ surāriṣu |
sarvabhūteṣu saujastvamunnāmaḥ sthāvarādiṣu || 22 ||
[Analyze grammar]

atha hema bhavanbhāsvāṃstatrāhamanubhūtavān |
jagadākāśakośeṣu teṣu tāmarasekṣaṇa || 23 ||
[Analyze grammar]

digantadaśakāstīrṇaiḥ karajālairjagatkhagam |
gṛhṇadadryaṅgamarkatvaṃ grāmavaddṛṣṭabhūtalam || 24 ||
[Analyze grammar]

vyomotpale kośacakraṃ vāḍavaṃ timirārṇave |
brahmāṇḍasadane dīpo vṛkṣo dinaphalāvaleḥ || 25 ||
[Analyze grammar]

rasāyanahradākāramindutvaṃ vadanaṃ divaḥ |
niśāniśācarīhāso vikāso rajanīdiśām || 26 ||
[Analyze grammar]

jagallāvaṇyalakṣmīnāṃ sarvāsāmupamāspadam |
rajanīrohiṇīnārīkairavāṇāṃ paraṃ priyam || 27 ||
[Analyze grammar]

netravṛndaṃ khaśakrasya dyulatāpuṣpajālakam |
svargaukomaṣakavyūhaṃ tārakāpaṭalaṃ pṛthu || 28 ||
[Analyze grammar]

vaṇiṅmārge vaṇigghastatalatolanadolitam |
ratnatvaṃ jalakallolahastāndolitamabdhibhiḥ || 29 ||
[Analyze grammar]

abdābdhau śapharāvartamabdāge mañjarīgaṇaḥ |
abdādrau dāvadahano vaidyutaṃ dyotanaṃ tarau || 30 ||
[Analyze grammar]

dārudāruṇadurvāraṃ dīptaṃ jvalanacālanam |
yajñāgnidāhakalpāntavisphoṭakaṭhināravam || 31 ||
[Analyze grammar]

kacatkāñcanamāṇikyamuktāmaṇimayaṃ mahaḥ |
tamastāṃ nītamākṣipya pāṇḍityamiva pāmaraiḥ || 32 ||
[Analyze grammar]

viśrāntaṃ stanatuṅgeṣu muktāhāratayā mayā |
asuroragagandharvanaranāyakayoṣitām || 33 ||
[Analyze grammar]

pādāhatiśataṃ mārge tilakatvaṃ vadhūmukhe |
khadyotena mayā labdhaṃ paśyāvasthāsu cāpalam || 34 ||
[Analyze grammar]

kvacidvidyuttayābhreṣu śapharyevārṇaveṣviha |
khastheṣu vihṛtaṃ cāru vāryāvartavirāviṣu || 35 ||
[Analyze grammar]

kvaciddīpatayā nīpakalikākomalāṅgayā |
antaḥpureṣu kāntānāṃ suratālokanaṃ kṛtam || 36 ||
[Analyze grammar]

kvacitkajjalajālasya jvālātvena kacākṛteḥ |
khe'ntarnilīnaṃ kūrmāṅgasaṅgheneva svakoṭare || 37 ||
[Analyze grammar]

kalpānteṣu kvacitsarvajagadgrāsaghanaśramāt |
khe kajjalāsite līnaṃ ruddhe'bhra iva vidyutā || 38 ||
[Analyze grammar]

kvacidākalpamāpīya vaḍavāgnitayā jalam |
jagatsu gaganeneva na tṛptaṃ jalarāśiṣu || 39 ||
[Analyze grammar]

kvacidulmukadantena mayā jvālābhujātmanā |
viloladhūmāvartograkuntalenākulaujasā || 40 ||
[Analyze grammar]

purapalvalavāheṣu kavalīkṛtajantunā |
kṛtāṣṭakārāḥ kāṣṭhādipadārthāsvādanoditāḥ || 41 ||
[Analyze grammar]

hatena śastrapāṣāṇairayaḥpiṇḍādivāsinā |
hantṛdāhārthamudgīrṇāḥ kaṇāḥ kopalavāḥ kvacit || 42 ||
[Analyze grammar]

kvacinmahāśilākośe pāṣāṇamaṇinā mayā |
samastabhūtādṛśyena sthitaṃ yugaśatānyapi || 43 ||
[Analyze grammar]

rāmaḥ |
mune tasyāmavasthāyāmanubhūtaṃ tvayā sukham |
uta duḥkhamiti brūhi bodhāya mama mānada || 44 ||
[Analyze grammar]

vasiṣṭhaḥ |
yathā yāti naraḥ supto jaḍatāṃ cetano'pi san |
cidvyoma gacchaddṛśyatvaṃ tathā jāḍyaṃ pracetati || 45 ||
[Analyze grammar]

ātmānaṃ cetati brahma pṛthvyādīva yadā tadā |
suptaṃ jaḍamivāste'ntaḥ syādasya na tadanyathā || 46 ||
[Analyze grammar]

vastutastvasya khorvyādi nāsadrūpaṃ na sanmayam |
draṣṭṛdṛśyamivābhāti brahmaivaitatsamaṃ sthitam || 47 ||
[Analyze grammar]

etatsatyaṃ parijñānaṃ yasyotpannamakhaṇḍitam |
na tasya pañcabhūtāni na draṣṭṛdṛśyavibhramaḥ || 48 ||
[Analyze grammar]

tadā mayaivaṃ śuddhena tatkṛtaṃ brahmarūpiṇā |
brahmarūpādṛte kiñcidetatkartuṃ na yujyate || 49 ||
[Analyze grammar]

yadā sarvamidaṃ dṛśyaṃ jñātaṃ brahma nirāmayam |
tadā brahmapadasthena mayātmaivaivamīkṣitaḥ || 50 ||
[Analyze grammar]

yadā punarahaṃ pañcabhūtānītyeva bhāvayan |
bhavāmi jaḍa evāhaṃ tadā cetāmi kiṃ kila || 51 ||
[Analyze grammar]

supto'smīti dṛḍhaṃ bhāvaṃ buddhavāṃścetano'pi san |
naidramevaityalaṃ jāḍyaṃ na sa cetati kiñcana || 52 ||
[Analyze grammar]

yastu prajñāprabuddhātmā dehastasyādhibhautikaḥ |
śāmyatyudeti vimalo bodhātmaivātivāhikaḥ || 53 ||
[Analyze grammar]

ātivāhikadehena tena bodhātmanāṇunā |
bṛhatā vā yathākāmaṃ nirvāṇātmā sa tiṣṭhate || 54 ||
[Analyze grammar]

bodhadehena hṛdayaṃ śilānāmapyabhedinā |
praviśyāśu viniryāti yāti pātālamambaram || 55 ||
[Analyze grammar]

tasmānmayā purā rāma bodhadehena tattadā |
tathā kṛtamanantena cinmayavyomarūpiṇā || 56 ||
[Analyze grammar]

vajrapāṣāṇapātālanabho'ntaragamāgamān |
kurvatastādṛśasyāśu na vighna upajāyate || 57 ||
[Analyze grammar]

bodhamātraśarīreṇa yāvadāste jaḍeṣvasau |
padārtheṣu tathābhūtastāvattatrāvatiṣṭhate || 58 ||
[Analyze grammar]

svecchayaiva calitvātha tato'nyatra prayāti cet |
tattatraiva sthitiṃ yāti tathaivāṅga matiryathā || 59 ||
[Analyze grammar]

bodhamātraṃ vidurdehamātivāhikamavyayam |
idānīṃ tvaṃ tameveha buddho'nubhavasi svayam || 60 ||
[Analyze grammar]

cinmātravyomarūpo'smītyarkādāviti bodhataḥ |
ātmaivāstamupānītaḥ sannevāsannivātmanā || 61 ||
[Analyze grammar]

sthitaṃ svapnādijagati tamasevāsateva vā |
āvṛteneva vānyāsāmalabhyena satā dṛśām || 62 ||
[Analyze grammar]

taraṅgalekhayāṅgārasaritaḥ svāṅgalagnayā |
manorājyaśriyevāśu protpannastabdhadehayā || 63 ||
[Analyze grammar]

kajjalālikayā vahnivipine puṣpaśobhayā |
phullatsthalāmbujāsārakiṃśukāśokarūpayā || 64 ||
[Analyze grammar]

vitatārambhayāpyuccairjvālājālatayeddhayā |
utthāyotthāya valitaṃ khalalakṣmyeva lolayā || 65 ||
[Analyze grammar]

tejastayāpi paramāṇukaṇodare'pi dṛṣṭetthamevamiha rāma mayā jagacchrīḥ |
anyā ca sā na ca cidambarataḥ parasmātsvapne purācalagaṇo'tra nidarśanaṃ vaḥ || 66 ||
[Analyze grammar]