Chapter 170

saṅkalpasargayoraikyapratipattirnāma sargaḥ |
saptatyuttaraśatatamaḥ sargaḥ |
bhusuṇḍaḥ |
jagatprasarapūrasya na deśa upayujyate |
na kālo dhāraṇe stambha ālokasyāmbare yathā || 1 ||
[Analyze grammar]

manomanananirmāṇamātrametajjagattrayam |
śāntaṃ tanu laghu svacchaṃ vātāntaḥ saurabhādapi || 2 ||
[Analyze grammar]

ciccamatkṛtimātrasya sādho jagadaṇoḥ kila |
vātāntaḥ saurabhaṃ meruranyānubhavayogataḥ || 3 ||
[Analyze grammar]

yaṃ pratyudeti sargo'yaṃ sa eveha hi cetati |
padārthaḥ sanniveśaṃ svamiha svapnaṃ pumāniva || 4 ||
[Analyze grammar]

atraivodāharantīmamitihāsaṃ purātanam |
yadvṛttaṃ devarājasya trasareṇūdare purā || 5 ||
[Analyze grammar]

kvacitkadācitkasmiṃścitkiñcitkalpadrume'bhavat |
kasyāñcid yugaśākhāyāṃ phalaṃ jagaduḍumbaram || 6 ||
[Analyze grammar]

sasurāsurabhūtaughamaṣakāhitaghuṅghumam |
śailamāṃsalapātāladyubhūmyugrakavāṭakam || 7 ||
[Analyze grammar]

ciccamatkṛticārūccairvāsanārasapīvaram |
vividhānubhavāmodaṃ cittāsvādamanoharaṃ || 8 ||
[Analyze grammar]

bṛhadbrahmataruprauḍhasattāvratatikoṭigam |
ahaṅkāramahāvṛntaṃ samālokasamujjvalam || 9 ||
[Analyze grammar]

mokṣadvāravikāsāsyaṃ saridabdhisirāvṛtam |
mātrāpañcakakośasthaṃ tarattārakaśīkaram || 10 ||
[Analyze grammar]

kalpāvasānajaraḍhaṃ kālakokilarūpayā |
pātitaṃ śāntamāyātaṃ kvāpyantardhānamāgatam || 11 ||
[Analyze grammar]

tatrābhūdamarādhīśaśśakrastribhuvaneśvaraḥ |
kṣaudrakumbhaniṣaṇṇānāṃ kṣudrāṇāmiva nāyakaḥ || 12 ||
[Analyze grammar]

gurūpadeśasvābhyāsātsa kṣīṇāvaraṇo'bhavat |
mahātmā bhāvitātmāntaḥ pūrvāparavidāṃ varaḥ || 13 ||
[Analyze grammar]

nārāyaṇādiṣu tataḥ kadācidvīryaśāliṣu |
kvacideva nilīneṣu satsvekaḥ sa surādhipaḥ || 14 ||
[Analyze grammar]

śastrajvālānalodgārairayudhyata mahāsuraiḥ |
vijitastairmahāvīrairato vyadravadādrutam || 15 ||
[Analyze grammar]

diśo daśa sa vegena dudrāvābhidruto'ribhiḥ |
na viśramāspadaṃ prāpa paraloka ivādhamaḥ || 16 ||
[Analyze grammar]

udbhrāntavṛttiṣvariṣu manākchidramavāpya saḥ |
praśamaṃ kāryasaṅkalpaṃ nītvā svaṃ svāntareva hi || 17 ||
[Analyze grammar]

kamapyarkāṃśukoṭisthaṃ trasareṇuṃ viveśa saḥ |
saṃvidrūpatayā padmakośaṃ sa madhupo yathā || 18 ||
[Analyze grammar]

sa tatrāśu viśaśrāma cirādāśvāsamāyayau |
atha vismṛtasaṅgrāmo nirvṛtiṃ samupāgamat || 19 ||
[Analyze grammar]

kalpitaṃ sadma tatrātha sa kṣaṇādanubhūtavān |
tasmin sadmani padmābhe reme sva iva viṣṭape || 20 ||
[Analyze grammar]

gṛhasthaḥ sa dadarśātha kalpitaṃ nagaraṃ hariḥ |
maṇimuktāpravālādikṛtaprākāramandiram || 21 ||
[Analyze grammar]

nagarāntargato'paśyattato janapadaṃ hariḥ |
nānādrigrāmagovāṭapattanāraṇyasaṃyutam || 22 ||
[Analyze grammar]

tādṛgratiścetitavān sa śakro bhuvaṇaṃ tataḥ |
sādridyūrvīnadīśāṃśaṃ sakriyākālakalpanam || 23 ||
[Analyze grammar]

tādṛgratiścetitavān sa śakrastrijagattataḥ |
sapātālamahīvyomaviṣṭapārkādiparvatam || 24 ||
[Analyze grammar]

tatrātiṣṭhatsureśatve sa bhogabharabhūṣitaḥ |
putro babhūva tasyātha kundo nāmātivīryavān || 25 ||
[Analyze grammar]

tato jīvitaparyante tyaktvā dehamaninditaḥ |
nirvāṇamāyayau śakro nissneha iva dīpakaḥ || 26 ||
[Analyze grammar]

kundastrailokyarājo'bhūjjanayitvā sutaṃ śubham |
kālena jīvitasyānte prāptavānparamaṃ padam || 27 ||
[Analyze grammar]

tatputro'pi tathaivātha kṛtvā rājye sutaṃ nijam |
jagāma jīvitasyānte pāvanaṃ paramaṃ padam || 28 ||
[Analyze grammar]

evaṃ pautrasahasrāṇi samatītāni sundara |
tatrādyāpi sureśasya yeṣāṃ rājye sthito'ṃśakaḥ || 29 ||
[Analyze grammar]

ityadya yāvadamareśvaravaṃśa eṣa saṅkalpito jagati vaṃśapadaṃ vidhatte |
tasmin kṣate'pi galite'pi hate'pi naṣṭe kvāpyambare dinakarātapapāvanāṇau || 30 ||
[Analyze grammar]