Chapter 171

indropākhyāne trasareṇvantarasargasaṅghavarṇanaṃ nāma sargaḥ |
ekasaptatyuttaraśatatamaḥ sargaḥ |
bhusuṇḍaḥ |
tasya śakrasya kulajaḥ kaścidāsītsurādhipaḥ |
tatrottamaguṇaśśrīmānpāścātyā yasya sā tanuḥ || 1 ||
[Analyze grammar]

athendrakulaputrasya tasya tatra babhūva ha |
pratibhājñānasamprāptirbṛhaspatigiroditā || 2 ||
[Analyze grammar]

tato viditavedyo'sau yathāprāptānuvṛttimān |
cakāra jagatāṃ rājyamājyapānāmadhīśvaraḥ || 3 ||
[Analyze grammar]

yuyudhe dānavaiḥ sārdhamajayatsarvaśātravān |
śataṃ cakāra yajñānāmajñānottīrṇamānasaḥ || 4 ||
[Analyze grammar]

uvāsa kāryavaśato bisavālāntare ciram |
anyānyapi ca vṛttāntaśatānyanubabhūva ha || 5 ||
[Analyze grammar]

kadācidāsīttasyecchā prabodhabalaśālinaḥ |
brahmatattvamavekṣe'haṃ yathāvaddhyānavāniti || 6 ||
[Analyze grammar]

so'paśyatpraṇidhānena tata ekāntasaṃsthitaḥ |
sa bāhyābhyantarāśeṣakaraṇatyāgaśāntadhīḥ || 7 ||
[Analyze grammar]

sarvaśakti paraṃ brahma sarvavastumayaṃ tatam |
sarvathā sarvadā sarvaṃ sarvaiḥ sarvatra sarvagam || 8 ||
[Analyze grammar]

sarvataḥ pāṇipādāntaṃ sarvato'kṣiśiromukham |
sarvataśśrutimal loke sarvamāvṛtya saṃsthitam || 9 ||
[Analyze grammar]

sarvendriyaguṇairmuktaṃ sarvendriyaguṇānvitam |
asaktaṃ sarvabhṛccaiva nirguṇaṃ guṇabhoktṛ ca || 10 ||
[Analyze grammar]

bahirantaśca bhūtānāmacaraṃ carameva ca |
sūkṣmatvāttadavijñeyaṃ dūrasthaṃ cāntike ca tat || 11 ||
[Analyze grammar]

sarvatra candrārkamayaṃ sarvatraiva dharāmayam |
sarvatra parvatamayaṃ sarvatrābdhimayaṃ tathā || 12 ||
[Analyze grammar]

sarvatra sāragurukaṃ sarvatraiva nabhomayam |
sarvatra saṃsṛtimayaṃ sarvatraiva jaganmayam || 13 ||
[Analyze grammar]

sarvatraiva ca mokṣātma sarvatraivādyacinmayam |
sarvatra sarvārthamayaṃ sarvataḥ sarvavarjitam || 14 ||
[Analyze grammar]

ghaṭe vaṭe paṭe kuḍye śakaṭe vānare nare |
dhāmni vyomni tarāvadrāvanile salile'nale || 15 ||
[Analyze grammar]

nānācāravikārāṇi vividhāvṛttimanti ca |
paramāṇvaṃśamātre'pi trijaganti dadarśa saḥ || 16 ||
[Analyze grammar]

maricasyāntare taikṣṇyaṃ śūnyatvamiva vāṅga khe |
trijagatsatyasati ca vidyate cinmayātmani || 17 ||
[Analyze grammar]

ityevaṃ bhāvayanmuktabhāvayā śuddhasaṃvidā |
śakraḥ krameṇa tenaiva sa nirvāṇamavāptavān || 18 ||
[Analyze grammar]

tasyābhavad yaśśakrasya putraḥ parapurañjayaḥ |
so'pi krameṇa tenaiva tathaiva dhyānavānabhūt || 19 ||
[Analyze grammar]

dhyānena sarvamekatra paśyaṃściramudāradhīḥ |
dadarśemamasau sargamasmadīyaṃ mahāmatiḥ || 20 ||
[Analyze grammar]

tato'sminvicaran sarge śakrānte śakratāṃ gataḥ |
cakāra jagatāṃ rājyaṃ vṛttāntaśataśobhitam || 21 ||
[Analyze grammar]

vidyādharakulādhīśa ihādyaiva sa devarāṭ |
tasyendrasya kulotpanna iti viddhi yathāsthitam || 22 ||
[Analyze grammar]

tato hṛdayabījasthaprāṅmukhābhyāsayogataḥ |
bisajālavilāsādivṛttāntamanubhūtavān || 23 ||
[Analyze grammar]

yathaiṣa śakraḥ kathitastrasareṇūdarāspadaḥ |
bisavālāspadaścaitatkulajaḥ kāntimānatha || 24 ||
[Analyze grammar]

tathā śatasahasrāṇi tatrataścānyataśca khe |
tādṛśavyavahārāṇi samatītāni santi ca || 25 ||
[Analyze grammar]

vahatīyamavicchinnā cirāyaivaṃ taraṅgiṇī |
tāta dṛśyasaritprauḍhā mūḍhā rūḍheva tatpade || 26 ||
[Analyze grammar]

iti māyeyamādīrghā prasṛtopaśamonmukhī |
satyāvalokamātrātivilayaikavilāsinī || 27 ||
[Analyze grammar]

yataḥ kutaścinmāyeyaṃ yatra kvacana vānagha |
yathā kathañcitsampannamātraiva paridṛśyate || 28 ||
[Analyze grammar]

ahambhāvacamatkāramātrādvṛṣṭirivāmbudāt |
jāyate mihikevāśu prekṣāmātravināśinī || 29 ||
[Analyze grammar]

maināṃ patābhimatadarśana paśya dṛśyamuktaṃ svabhāvamavabhāsanamātratattvam |
sarvārthaśūnyamata eva ca śūnyarūpamekaṃ khamātramiva mātra vikalpamehi || 30 ||
[Analyze grammar]