Chapter 65

vibhūtiyogopadeśo nāma sargaḥ |
pañcaṣaṣṭitamaḥ sargaḥ |
rāmaḥ |
yathāsmākaṃ mune svapnapurapattanamaṇḍalam |
tathaiva padmajādīnāṃ yadi dehaparigrahaḥ || 1 ||
[Analyze grammar]

tathaivedaṃ ca sañjātaṃ yadi sarvamasanmayam |
tadasmākaṃ dṛḍhataraḥ pratyayaḥ kathamutthitaḥ || 2 ||
[Analyze grammar]

vasiṣṭhaḥ |
asmatsargavadābhāti pūrvasargaprajāpatiḥ |
svajīvapratibhāsātmā vidyate na tu vāstavaḥ || 3 ||
[Analyze grammar]

sarvagatvācciteḥ sarvaṃ jīvaḥ sarvatra saṃsṛtiḥ |
sā cāsatyā darśanotthā samyagdarśananāśinī || 4 ||
[Analyze grammar]

svapnābhaḥ pratibhāso'sya ya eṣa svayamutthitaḥ |
ahantāpratyayaikātmā sa evātidṛḍhaḥ sthitaḥ || 5 ||
[Analyze grammar]

svapne kṣaṇavināśitvaṃ yathā puṃsā na dṛśyate |
sargasvapne tathaivaitadbrahmaṇāpi na lakṣyate || 6 ||
[Analyze grammar]

svapno'grapuruṣasyāsya pratibhāsaśca yo bhavet |
rāmāsmadādisargātmā bhavettādṛśa eva saḥ || 7 ||
[Analyze grammar]

yatsvapnapuruṣājjātaṃ tatsvapnapuruṣātmakam |
bhavatītyanubhūtaṃ hi yadbījaṃ tatphalaṃ yathā || 8 ||
[Analyze grammar]

asatyameva tadviddhi yadasatyena sādhyate |
asatyarthe samarthe'pi na yuktaṃ bhāvabandhanam || 9 ||
[Analyze grammar]

asatyarthe samarthe'pi sattā bhāvanasambhavā |
yatastena parityājyamasadbhāvanabhāvanam || 10 ||
[Analyze grammar]

dṛḍhapratyayinaḥ svapnapuruṣād yatsamutthitam |
bhavatyātmani sargādi dṛḍhapratyayameva tat || 11 ||
[Analyze grammar]

nimeṣamātramevāyaṃ sargasvapnaḥ sphuran sthitaḥ |
tasminnimeṣa evāsmatkalpatā parikalpitā || 12 ||
[Analyze grammar]

sudīrghasvapnaṣaṇḍo'yaṃ yathodeti prajāpateḥ |
sargādyāḥ sarvabhūtānāṃ pratyekamuditāstathā || 13 ||
[Analyze grammar]

cittattvasyaiva bhāvena sargasvapnaparamparāḥ |
sphurantyambho dravatvena yathāvartavivartanaiḥ || 14 ||
[Analyze grammar]

yadā svapnātmikaiveyaṃ sargalakṣmīrna vāstavī |
idaṃ sambhavatīdaṃ no vetyataḥ pralayaṃ gatam || 15 ||
[Analyze grammar]

yad yathā yādṛśaṃ dṛṣṭaṃ tattādṛgvidyate tathā |
na hi paryanuyujyante svapnavibhramanītayaḥ || 16 ||
[Analyze grammar]

na tadasti jagatyasminyanna sambhavati bhrame |
vicitrāstriṣu lokeṣu dṛśyante vastudṛṣṭayaḥ || 17 ||
[Analyze grammar]

jalamadhye jvalatyagniryathābdhau vaḍavānalaḥ |
nagarāṇyambare santi yathā vaimānikāśrayāḥ || 18 ||
[Analyze grammar]

śilāsvabjāni jāyante hemādrāviva pādapāḥ |
ekāge sarvapuṣpāṇi santi kalpatarau yathā || 19 ||
[Analyze grammar]

śilāḥ phalanti phalavad yathā ratnagulucchakāḥ |
śilāntaḥ prāṇinaḥ santi bhekā iva śilāntare || 20 ||
[Analyze grammar]

dṛṣado vāri niryāti candrakāntopalādiva |
nimeṣeṇa ghaṭo yāti paṭatāṃ śāpavāniva || 21 ||
[Analyze grammar]

svāsattāmapi budhyante svapne svamaraṇaṃ yathā |
adhogāmi jalaṃ vyomni ḍīyate'bhragataṃ yathā || 22 ||
[Analyze grammar]

vitānamiva khe vāri tiṣṭhati svarnadī yathā |
uḍḍīyante śilāḥ sthūlāḥ pakṣavanto'drayo yathā || 23 ||
[Analyze grammar]

śilātaḥ prāpyate sarvaṃ nanu cintāmaṇeriva |
cintitāni phalantyāśu devodyānāntareṣviva || 24 ||
[Analyze grammar]

tānyeva na phalantyāśu mokṣādīnīva rāghava |
acetano'pi kurute karma yantrapumāniva || 25 ||
[Analyze grammar]

evamādistathānyaśca vicitrārambhavibhramaḥ |
dṛṣṭaśśambaragandharvavilāsairapyasambhavaḥ || 26 ||
[Analyze grammar]

deśakālakriyādravyaratnaśambaraśāpajāḥ |
mayagandharvajanitā anantāḥ satyasambhavāḥ || 27 ||
[Analyze grammar]

asambhavaḥ sambhavānāmapīhābhyupapadyate |
sambhavāsambhavāṃśasya siddhayaḥ svapnavibhramāḥ || 28 ||
[Analyze grammar]

na tadasti na yatsatyaṃ na tadasti na yanmṛṣā |
sarvaṃ sarveṇa sarvatra svapne sargābhidhānake || 29 ||
[Analyze grammar]

svapne nimagnadhīrjantuḥ paśyati sthiratāṃ yathā |
sargasvapne magnabuddhiḥ paśyati sthiratāṃ tathā || 30 ||
[Analyze grammar]

bhramādbhramāntaraṃ gacchan svapnātsvapnāntaraṃ vrajan |
atisthirapratyayabhāgiha jīvo vimuhyati || 31 ||
[Analyze grammar]

śvabhrāntaraṃ śvabhranipātadoṣātsamprāpnuvanmugdhamṛgaḥ prayāti |
mohaṃ yathā pātamayaikarūpaṃ jīvastathā saṃsṛtipātamūḍhaḥ || 32 ||
[Analyze grammar]