Chapter 66

jagatsvapnakathanaṃ nāma sargaḥ |
ṣaṭṣaṣṭitamaḥ sargaḥ |
vasiṣṭhaḥ |
atra rāghava vakṣye'hamitihāsamimaṃ śṛṇu |
yadvṛttaṃ kasyacidbhikṣoḥ kvacinmananaśālinaḥ || 1 ||
[Analyze grammar]

āsītkaścinmahābhikṣuḥ samādhyabhyāsatatparaḥ |
nityaṃ svavyavahāreṇa kṣapayannakhilaṃ dinam || 2 ||
[Analyze grammar]

samādhyabhyāsaśuddhaṃ tattasya cittaṃ kṣaṇena yat |
cintayatyāśu tadbhāvaṃ gacchatyambviva vīcitām || 3 ||
[Analyze grammar]

kadācitsa samādhānavirato'tiṣṭhadekadhīḥ |
kañcitsañcintayāmāsa svāsanasthaḥ kriyākramam || 4 ||
[Analyze grammar]

tasya cintayato jātā pratibheyamatha svataḥ |
bhāvayāmyāśu līlārthaṃ sāmānyajanavṛttitām || 5 ||
[Analyze grammar]

iti sañcintya ceto'sya sthitaṃ kiñcinnarāntaram |
spandasaṃsthānasantyāgamātreṇāvartake'mbviva || 6 ||
[Analyze grammar]

tena cittanareṇātha kṛtaṃ nāmātmanīcchayā |
jīvaṭo'smīti sahasā kākatālīyavatsthitam || 7 ||
[Analyze grammar]

jīvaṭo vijahārātha sa svapnapuruṣaściram |
svapnanirmāṇanagare kasmiṃścitpuravīthiṣu || 8 ||
[Analyze grammar]

tatra pānaṃ papau matto bhṛṅgaḥ padmarasaṃ yathā |
śilayeva dṛḍhaṃ piṣṭaḥ suṣvāpa ghananidrayā || 9 ||
[Analyze grammar]

svapne dadarśa vipratvaṃ pāṭhānuṣṭhānatuṣṭimat |
pratibhāmātrasampannaṃ cittadeśāntarāptivat || 10 ||
[Analyze grammar]

kadācitsa dvijaśreṣṭhaḥ svāharvyāpāraniṣṭhayā |
ājagāma ghanāṃ nidrāṃ bījatāmiva pādapaḥ || 11 ||
[Analyze grammar]

so'pyapaśyatsvayaṃ svapne sāmantatvamathātmani |
patākārathahastyaśvasenājaladamālitam || 12 ||
[Analyze grammar]

sa sāmantaḥ kṛtāhāraḥ kadācidghananidrayā |
suṣvāpāntarvyavahṛtirbījatāyāmiva drumaḥ || 13 ||
[Analyze grammar]

apaśyad rājatāṃ svapne kakubvalayamālinīm |
lālitāṃ bhogapūgena puṣpaughenartutāmiva || 14 ||
[Analyze grammar]

sa kadācinnṛpaḥ svasthaḥ suṣvāpāstamitehitaḥ |
purobhāvinijācāraḥ svaṃ kāryamiva kāraṇe || 15 ||
[Analyze grammar]

apaśyadātmani svapne surastrītvamaninditam |
vṛkṣaḥ kesarasollāso mañjarītvamivoditam || 16 ||
[Analyze grammar]

sā reme surasenāsu devodyānasthalīṣu ca |
kṣīrāmbhodhitaraṅgeṣu loleva harivallabhā || 17 ||
[Analyze grammar]

suṣvāpa saikadā bālā mattodyānalatāgṛhe |
saṃśāntasvamanasspandaṃ gandhalekheva paṅkaje || 18 ||
[Analyze grammar]

dadarśātmanyatha svapne saṃsargavaśatoditam |
mṛgītvamātmani svairamāvartatvamivāmbutā || 19 ||
[Analyze grammar]

sā mṛgī lolanayanā kadācinnidrayāhṛtā |
svapne dadarśa vallītvaṃ svābhyāsād rūḍhamātmani || 20 ||
[Analyze grammar]

tiryañco'pi prapaśyanti svapnaṃ cittasvabhāvataḥ |
dṛṣṭānto'tra śukāśvebhasañjñāsmaraṇamakṣatam || 21 ||
[Analyze grammar]

sā babhūva latā puṣpaphalapallavaśālinī |
vanadevīvanodyānalatāgṛhavilāsinī || 22 ||
[Analyze grammar]

bījāntassthāṅkurākārarūpayehādhirūḍhayā |
sāpaśyadantassaṃvittyā sphuṭaṃ lavanamātmanaḥ || 23 ||
[Analyze grammar]

kañcitkālaṃ suṣuptasthakalayā jaḍatāṃ ghanam |
anubhūya dadarśātha svātmānaṃ bhramaraṃ sthitam || 24 ||
[Analyze grammar]

ṣaṭpado vijahārātha vane vanalatāsvasau |
padminīṣu ca phullāsu taruṇīṣviva vallabhaḥ || 25 ||
[Analyze grammar]

bimbādharaṃ vidalayan svādayan kausumaṃ madhu |
svapan kusumaśayyāsu bhuktvā vallīvilāsinīḥ || 26 ||
[Analyze grammar]

sa babhūva sarojinyāṃ vyasanī bisanālavat |
kvacideva ratiṃ yāti ceto jaḍamaterapi || 27 ||
[Analyze grammar]

tāmājagāma nalinīṃ pariloḍayituṃ gajaḥ |
ramyavastukṣayāyaiva mūḍhānāṃ jṛmbhate manaḥ || 28 ||
[Analyze grammar]

nalinīmathanenaiva samaṃ tena sa ṣaṭpadaḥ |
guṇavattāntare rūḍhiriva cūrṇatvamāyayau || 29 ||
[Analyze grammar]

bhramaro vāraṇālokādvāraṇālokabhāvanāt |
dadarśātmānamālolamattahastitayoditam || 30 ||
[Analyze grammar]

śuṣkasāgaragambhīre gajaḥ khāte papāta ha |
tamoghanaghane śūnye saṃsāra iva jīvakaḥ || 31 ||
[Analyze grammar]

babhūva vallabho rājño mahānparabalāntakaḥ |
sadā madabalakṣīvo ghūrṇanniva niśācaraḥ || 32 ||
[Analyze grammar]

kadācidarinistriṃśacchinnaḥ so'stamupāyayau |
vivekāsilatālūnarūpo jīva ivātmani || 33 ||
[Analyze grammar]

paśyan gajaghaṭākumbhamaṇīnprocchalitānalīn |
utkrāman sa gajājjīvo bhūyo drāgityabhūdaliḥ || 34 ||
[Analyze grammar]

sevamāno vanalatāḥ punarāyātsa padminīm |
dustaro hi cirābhyāso vāsanānāmabodhataḥ || 35 ||
[Analyze grammar]

tatra hastikhurākrāntyā punarācūrṇatāṃ yayau |
pārśvasthahaṃsasaṃvittyā babhūva kalahaṃsakaḥ || 36 ||
[Analyze grammar]

sa haṃsaḥ phullapadmāsu sarasīṣu ciraṃ caran |
kadācidbahubhirhaṃsaiḥ saṅgato virarāja ha || 37 ||
[Analyze grammar]

brahmahaṃsātmikā saṃvidaśabdārthavatī manāk |
tatra pusphora tasyāntaḥ prāgjāṇḍarasabarhivat || 38 ||
[Analyze grammar]

sa tāṃ vibhāvayandūrāddṛḍhaṃ dāśeṣuṇā hataḥ |
tatsaṃvittyanusandhānājjātaḥ padmajasārasaḥ || 39 ||
[Analyze grammar]

tatrātisantatavivekavacovilāsairābodhito'dhigatapāvanavastudṛṣṭiḥ |
muktaḥ sthito nanu yugāntavidhau videhamuktena tena kila bhāvyamavaśyameva || 40 ||
[Analyze grammar]