Chapter 22

bhusuṇḍasvarūpavarṇanaṃ nāma sargaḥ |
dvāviṃśaḥ sargaḥ |
bhusuṇḍaḥ |
yugakṣobheṣu ghoreṣu vātyāsu viṣamāsu ca |
susthiraḥ kalpavṛkṣo'yaṃ na kadācana kampate || 1 ||
[Analyze grammar]

agamyo'yaṃ samagrāṇāṃ lokāntaravihāriṇām |
bhūtānāṃ tena tiṣṭhāmaḥ sukhamasminvanaspatau || 2 ||
[Analyze grammar]

hiraṇyākṣo dharāpīṭhaṃ dvīpasaptakaveṣṭitam |
yadā jahāra tarasā nākampata tadā drumaḥ || 3 ||
[Analyze grammar]

yadā dolāyitavapurbabhūvāmaraparvataḥ |
sarvato dattajhampādrirnākampata tadā drumaḥ || 4 ||
[Analyze grammar]

bhujāvaṣṭambhavinamanmerurnārāyaṇo yadā |
mandaraṃ proddadhārādriṃ nākampata tadā drumaḥ || 5 ||
[Analyze grammar]

unmūlitādrīndraśilā yadotpātānilā vavuḥ |
ādhūtamerutaravastadā nākampata drumaḥ || 6 ||
[Analyze grammar]

yadā surāsurakṣobhasphuraccandrārkamaṇḍalam |
āsījjagadatikṣubdhaṃ tadā nākampata drumaḥ || 7 ||
[Analyze grammar]

yadā kṣīrodalolādrikandarānilakampitāḥ |
kalpābhrapaṅktayaḥ petustadā nākampata drumaḥ || 8 ||
[Analyze grammar]

yadā samantato meruḥ kālanemibhujāntare |
kiñcidunmūlito'tiṣṭhattadā nākampata drumaḥ || 9 ||
[Analyze grammar]

pakṣīśapakṣapavanā amṛtākrāntisaṅgare |
yadā vavuḥ patatsiddhāstadā nākampata drumaḥ || 10 ||
[Analyze grammar]

yadā śeṣākṛtiṃ karṣannasamāptaikaveṣṭanāt |
yayau garutmānamṛtaṃ tadā nākampata drumaḥ || 11 ||
[Analyze grammar]

yadā kalpānalaśikhāśśailābdhivalanolbaṇāḥ |
śeṣaḥ phaṇābhistatyāja tadā nākampata drumaḥ || 12 ||
[Analyze grammar]

evaṃrūpe drumavare tiṣṭhatāmāpadaḥ kutaḥ |
asmākaṃ muniśārdūla daussthityena kilāpadaḥ || 13 ||
[Analyze grammar]

vasiṣṭhaḥ |
kalpānteṣu mahābuddhe vahatsvagnyambuvāyuṣu |
pratapatsu tathārkeṣu kathaṃ tiṣṭhasi vijvaram || 14 ||
[Analyze grammar]

bhusuṇḍaḥ |
yadopayāti kalpāntavyavahāro jagatsthitau |
kṛtaghna iva sanmitraṃ tadā nīḍaṃ tyajāmyaham || 15 ||
[Analyze grammar]

ākāśa eva tiṣṭhāmi vigatākhilakalpanam |
stabdhaprasṛtasarvāṅgo mano nirvāsanaṃ yathā || 16 ||
[Analyze grammar]

pratapanti yadādityāḥ salilīkṛtabhūdharāḥ |
vāruṇīṃ dhāraṇāṃ baddhvā tadā tiṣṭhāmi dhīradhīḥ || 17 ||
[Analyze grammar]

yadā śakalitādrīndrā vānti pralayavāyavaḥ |
pārvatīṃ dhāraṇāṃ baddhvā khe tiṣṭhāmyacalastadā || 18 ||
[Analyze grammar]

jagadgalitamervādi yātyekārṇavatāṃ yadā |
vāyavīṃ dhāraṇāṃ baddhvā khaṃ plave'caladhīstadā || 19 ||
[Analyze grammar]

brahmāṇḍapāramāsādya tattvānte vimale pade |
suṣuptāvasthayā tāvattiṣṭhāmyacalarūpayā || 20 ||
[Analyze grammar]

yāvatpunaḥ kamalajaḥ sṛṣṭikarmaṇi tiṣṭhati |
tataḥ praviśya brahmāṇḍaṃ tiṣṭhāmi patagālaye || 21 ||
[Analyze grammar]

vasiṣṭhaḥ |
yathā tiṣṭhasi pakṣīśa dhāraṇābhirakhaṇḍitaḥ |
kalpānteṣu tathā kasmānnānye tiṣṭhanti yoginaḥ || 22 ||
[Analyze grammar]

bhusuṇḍaḥ |
brahmanniyatireṣā hi durlaṅghyā pārameśvarī |
mayedṛśena vai bhāvyaṃ bhāvyamanyaistu tādṛśaiḥ || 23 ||
[Analyze grammar]

na śakyate tolayitumavaśyabhavitavyatā |
yad yathā tattathaitaddhi svabhāvasyaiṣa niścayaḥ || 24 ||
[Analyze grammar]

matsaṅkalpavaśenaiva kalpe kalpe punaḥ punaḥ |
asminneva gireśśṛṅge taruritthaṃ bhavatyayam || 25 ||
[Analyze grammar]

vasiṣṭhaḥ |
atyantameva dīrghāyurbhavānvihaganāyaka |
jñānavijñānavānvīro yogayogyamanogatiḥ || 26 ||
[Analyze grammar]

dṛṣṭānekavidhānalpasargasaṅghasamāgamaḥ |
kiṃ kiṃ smarasi kalyāṇiṃścitramasmiñjagattraye || 27 ||
[Analyze grammar]

bhusuṇḍaḥ |
bṛhadgiriśilārūkṣāmajātatṛṇavīrudham |
aśailavanavṛkṣaughāṃ smarāmīmāṃ dharāmadhaḥ || 28 ||
[Analyze grammar]

daśavarṣasahasrāṇi daśavarṣaśatāni ca |
bhasmabhārabharāpūrṇāṃ smarāmīmāṃ dharāmadhaḥ || 29 ||
[Analyze grammar]

anutpannadinādhīśāmajātaśaśimaṇḍalām |
avibhaktadinālokāṃ saṃsmarāmi dharāmadhaḥ || 30 ||
[Analyze grammar]

meruratnataṭoddyotairardhaprakaṭakoṭaram |
lokālokamivādyādriṃ bhuvanaṃ saṃsmarāmyaham || 31 ||
[Analyze grammar]

pravṛddhāsurasaṅgrāme mriyamāṇānnarāniva |
palāyamānānabhitaḥ saṃsmarāmi surānaham || 32 ||
[Analyze grammar]

caturyugāni pañcāśadasurairmattakāśibhiḥ |
daityāntaḥpuratāṃ prāptāṃ saṃsmarāmi dharāmimām || 33 ||
[Analyze grammar]

atyantāntaritāntāntasamastāsuramaṇḍalām |
ajadevatrayīśeṣāṃ saṃsmarāmi jagatkuṭīm || 34 ||
[Analyze grammar]

caturyugārdhaṃ caramaṃ nīrandhrāṃ ghanapādapaiḥ |
adṛṣṭanaranirmāṇāṃ saṃsmarāmi dharāmimām || 35 ||
[Analyze grammar]

evaṃ caturyugaṃ sāgraṃ nīrandhrairacalairyutām |
apravṛttajanācārāṃ saṃsmarāmi dharāmimām || 36 ||
[Analyze grammar]

ajātaṣaṇmukhāṃ mattatārakodvāsitāmarām |
daityapakṣajayodriktāṃ saṃsmarāmi jagatkuṭīm || 37 ||
[Analyze grammar]

caturyugāni trīṇyambupūraplutakakummukhīm |
merudaṇḍāṅkitāṃ madhye saṃsmarāmi dharāmimām || 38 ||
[Analyze grammar]

bhayādantarhitāśeṣavaimānikanabhaścarām |
dyāṃ nirṛkṣaniśeśārkāṃ saṃsmarāmi tamomayīm || 39 ||
[Analyze grammar]

anagastyāmagastyāśāmekaparvatatāṃ gatāṃ |
matte vindhyamahāśaile saṃsmarāmi jagatkuṭīm || 40 ||
[Analyze grammar]

etāṃścānyāṃśca vṛttāntān saṃsmarāmi bahūnapi |
kiṃ tena bahunoktena sāraṃ saṅkṣepataśśṛṇu || 41 ||
[Analyze grammar]

asaṅkhyātānmanūnbrahman smarāmi śataśo gatān |
sargānārambhabahulāṃścaturyugaśatāni ca || 42 ||
[Analyze grammar]

ekadevamayaṃ śuddhaṃ puruṣāsuravarjitam |
alokatritayaṃ caikasvargaṃ sargaṃ smarāmyaham || 43 ||
[Analyze grammar]

surāpabrāhmaṇaṃ mattaṃ niṣiddhasuraśūdrakam |
bahunāthasatīkaṃ ca kañcitsargaṃ smarāmyaham || 44 ||
[Analyze grammar]

vṛkṣanīrandhrabhūlokamakalpitamahārṇavam |
svargasañjātapuruṣaṃ kañcitsargaṃ smarāmyaham || 45 ||
[Analyze grammar]

aparvatamabhūmiṃ ca vyomasthāmaramānavam |
acandrārkaprakāśāḍhyaṃ kañcitsargaṃ smarāmyaham || 46 ||
[Analyze grammar]

anindramamahīpālamamadhyasthādhamottamam |
samasarvakakubbhūtaṃ kañcitsargaṃ smarāmyaham || 47 ||
[Analyze grammar]

sargaprārambhakalanāvibhāge bhuvanatraye |
devāsuravinirmāṇaṃ dvīpābdhivalayodayaḥ || 48 ||
[Analyze grammar]

kulaparvatasaṃsthānaṃ jambudvīpe pṛthaksthitim |
varṇadharmadhiyaṃ sṛṣṭivibhāgaṃ maṇḍalāvaleḥ || 49 ||
[Analyze grammar]

ṛkṣacakrakasaṃsthānaṃ dhruvanirmāṇameva ca |
janmendubhāskarādīnāmindropendravyavasthitiḥ || 50 ||
[Analyze grammar]

hiraṇyākṣāpaharaṇaṃ varāhoddharaṇaṃ kṣiteḥ |
kalpanaṃ pārthivānāṃ ca vedānayanameva ca || 51 ||
[Analyze grammar]

mandaroddhūnanaṃ cābdheramṛtārthe ca manthanam |
ajātapakṣo garuḍaḥ sāgarāṇāṃ ca sambhavaḥ || 52 ||
[Analyze grammar]

ityādikā yāḥ smṛtayaḥ svalpātītamanukramāḥ |
bālairapi hi tāstāta smaryante tāsu kiṃ grahaḥ || 53 ||
[Analyze grammar]

garuḍavāhanamagaruḍavāhanaṃ sitavivāhanamasitavivāhanam |
suvṛṣavāhanamasuvṛṣavāhanaṃ kalitavānahamakalitajīvitaḥ || 54 ||
[Analyze grammar]