Chapter 74

ātmavicāro nāma sargaḥ |
catussaptatitamaḥ sargaḥ |
vasiṣṭhaḥ |
līlayāpaśyati vapuḥ kalanātmani jāyate |
ramyasyāpaśyato vaktraṃ hṛdi daurūpyadhīriva || 1 ||
[Analyze grammar]

tadvaśādiyamāyātā mahatī medurodarā |
māyā madamahāśaktiḥ surāsvādalavādiva || 2 ||
[Analyze grammar]

tayānayā vikāriṇyā tadatadbhāvabhūtayā |
idaṃ sampannamakhilaṃ tāpādiva marau payaḥ || 3 ||
[Analyze grammar]

mano buddhirahaṅkāro vāsanāścendriyāṇyapi |
evaṅkalpitanāmāṅkaḥ sphuratyātmābdhirambubhiḥ || 4 ||
[Analyze grammar]

cittāhaṅkārayordvitvaṃ vacasyasti na vastutaḥ |
yaccittaṃ sa hyahaṅkāro yo'haṅkāro mano hi tat || 5 ||
[Analyze grammar]

vyatiriktaṃ himācchauklyamiti saṅkalpyate yathā |
mudhaiva kalpyate bhedaścittāhaṅkārayostathā || 6 ||
[Analyze grammar]

mano'haṅkārayorantardvayorekatarakṣaye |
kṣīṇe dve eva hi yathā paṭaśauklye paṭakṣaye || 7 ||
[Analyze grammar]

tucchāṃ mokṣadhiyaṃ tyaktvā bandhabuddhiṃ tathaiṣaṇāḥ |
suvairāgyavivekābhyāṃ kevalaṃ kṣapayenmanaḥ || 8 ||
[Analyze grammar]

mokṣo me'stviti cintā cejjātā tadvyutthitaṃ manaḥ |
mananotke manasyuccairvapurdoṣāya kevalam || 9 ||
[Analyze grammar]

ātmanyatīte sarvasmātsarvarūpe'tha vā tate |
ko bandhaḥ kaśca vā mokṣo nirmūlaṃ mananaṃ kutaḥ || 10 ||
[Analyze grammar]

vāyuḥ spandanadharmatvād yadā lagati dehake |
tadā sphurati hastāṅgarasanāpallavāvalī || 11 ||
[Analyze grammar]

pādape pallavaśreṇīṃ cālayatyanilo yathā |
tathaivāṅgāvalīṃ vāyurdehe sañcālayatyalam || 12 ||
[Analyze grammar]

citsarvavyāpinī sūkṣmā na calā na ca cālyate |
na svataḥ spandamāyāti devācala ivānilaiḥ || 13 ||
[Analyze grammar]

pratibimbitasarvārthā kevalaṃ svātmani sthitā |
prakāśayati bodhena jagantīmāni dīpavat || 14 ||
[Analyze grammar]

tatra ko'yaṃ mudhā moho bhavatāmatiduḥkhadaḥ |
ayaṃ so'haṃ mamāṅgāni mamedaṃ ceti durdhiyām || 15 ||
[Analyze grammar]

anicchalolatvānnunnadṛṣadārāvarāśivat |
jñatvakartṛtvabhoktṛtvakriyā samupalabhyate || 16 ||
[Analyze grammar]

tatrāyamātmā sammantā bhoktā karteti jāyate |
mudhaivājñānatāpotthā mṛgatṛṣṇeva vāsanā || 17 ||
[Analyze grammar]

ajñātaiṣā manomattamṛgaṃ viṣayatarṣulam |
asatyaiva hi satyeva mṛgatṛṣṇeva karṣati || 18 ||
[Analyze grammar]

vijñātā satyarūpeyaṃ nāśaṃ yāti palāyate |
vipramadhyātparijñātā yathā caṇḍālakanyakā || 19 ||
[Analyze grammar]

avidyā samparijñātā na manaḥ parikarṣati |
mṛgatṛṣṇā parijñātā tarṣulaṃ nāpakarṣati || 20 ||
[Analyze grammar]

paramārthāvabodhena samūlaṃ rāma vāsanā |
dīpenevāndhakāraśrīrgalatyāloka eti ca || 21 ||
[Analyze grammar]

nāstyavidyeti sañjāte niścaye śāstrayuktitaḥ |
galatyavidyā tāpena tuṣārakaṇikā yathā || 22 ||
[Analyze grammar]

dehasyāsya jaḍasyārthe kiṃ bhogairiti niścayī |
bhinattyāśāmayaṃ jñānī pañjaraṃ kesarī yathā || 23 ||
[Analyze grammar]

āśāparikare rāma nūnaṃ parihṛte hṛdaḥ |
pumānāgatasaundaryo hlādamāyāti candravat || 24 ||
[Analyze grammar]

parāṃ śītalatāmeti vṛṣṭidhauta ivācalaḥ |
nirvṛtiṃ paramāṃ dhatte prāptarājya ivādhanaḥ || 25 ||
[Analyze grammar]

śobhate'malayā lakṣmyā śaradīva nabhastalam |
ātmanyeva na mātyuccaiḥ kalpasyānta ivārṇavaḥ || 26 ||
[Analyze grammar]

bhavatyapetasaṃrambho vṛṣṭamūka ivāmbudaḥ |
tiṣṭhatyātmani saṃvettā praśānta iva vāridhiḥ || 27 ||
[Analyze grammar]

paraṃ dhairyamupādatte sthairyaṃ merurivācalaḥ |
rājate svasthayā lakṣmyā śāntendhana ivānalaḥ || 28 ||
[Analyze grammar]

bhavatyātmani nirvāṇaḥ praśānta iva dīpakaḥ |
dṛṣṭimāyāti paramāṃ naraḥ pītāmṛto yathā || 29 ||
[Analyze grammar]

antardīpo ghaṭa iva madhyajvāla ivānalaḥ |
sphuraddīptirmaṇiriva prayātyantaḥ prakāśatām || 30 ||
[Analyze grammar]

sarvātmakaṃ sarvagataṃ sarveśaṃ sarvanāyakam |
sarvākāraṃ nirākāraṃ svamātmānaṃ prapaśyati || 31 ||
[Analyze grammar]

hasatyalamatītāstāḥ pelavā divasāvalīḥ |
yāsu smaraśaraśreṇīcapalaṃ cittamacchinat || 32 ||
[Analyze grammar]

saṅgaraṅgaviniṣkrāntaśśāntamānamanojvaraḥ |
adhyātmaratirāsīnaḥ pūrṇapāvanamānasaḥ || 33 ||
[Analyze grammar]

nirmṛṣṭakāmapaṅkāṅkaśchinnajanmanibandhanaḥ |
dvandvadoṣabhayonmuktastīrṇasaṃsārasāgaraḥ || 34 ||
[Analyze grammar]

prāptānuttamaviśrāntirlabdhālabhyapadāspadaḥ |
anivartipadaṃ prāptaḥ karmaṇāmantamāgataḥ || 35 ||
[Analyze grammar]

sarvābhivāñchitārambho na kiñcidapi vāñchati |
sarvānumoditānando na kiñcidanumodate || 36 ||
[Analyze grammar]

na dadāti na cādatte na stauti na ca nindati |
nāstameti na codeti na tuṣyati na śocati || 37 ||
[Analyze grammar]

sarvārambhaphalatyāgī sarvopādhivivarjitaḥ |
sarvāśāsamparityāgī jīvanmukta iti smṛtaḥ || 38 ||
[Analyze grammar]

sarvaiṣaṇāḥ parityajya cetasā bhava maunavān |
dhārā niravaśeṣeṇa yathā tyaktvā payodharaḥ || 39 ||
[Analyze grammar]

tathā na sukhayatyaṅgasaṃlagnā varavarṇinī |
yathā sukhayati svāntaminduśītā nirāśatā || 40 ||
[Analyze grammar]

na tathenduḥ sukhayati kaṇṭhalagno'pi rāghava |
nairāśyaṃ sukhayatyantaryathā sakalaśītalam || 41 ||
[Analyze grammar]

puṣpaghūrṇannavalato na tathā rājate madhuḥ |
yathodāramatirmaunī nairāśyasamamānasaḥ || 42 ||
[Analyze grammar]

na himādrerna muktābhyo na rambhābhyo na candanāt |
na taccandramasaśśaityaṃ nairāśyād yadavāpyate || 43 ||
[Analyze grammar]

api rājyādapi svargādapīndorapi mādhavāt |
api kāntāsamāsaṅgānnairāśyaṃ paramaṃ sukham || 44 ||
[Analyze grammar]

tṛṇavannopakurvanti yayā tribhuvanaśriyaḥ |
sā parā nirvṛtiḥ sādho nairāśyādupalabhyate || 45 ||
[Analyze grammar]

āśākarañjaparaśuṃ parāyā nirvṛteḥ padam |
puṣpagucchaṃ śamatarorālambasva nirāśatām || 46 ||
[Analyze grammar]

goṣpadaṃ pṛthivī meruḥ sthāṇurāśāḥ samudgikāḥ |
tṛṇaṃ tribhuvanaṃ rāma nairāśyālaṅkṛtākṛteḥ || 47 ||
[Analyze grammar]

dānādānasamāhāravihāravibhavādikāḥ |
kriyā jagati hasyante nirāśaiḥ puruṣottamaiḥ || 48 ||
[Analyze grammar]

padaṃ yasya na badhnāti kadācitkalanā hṛdi |
tṛṇīkṛtatribhuvanaḥ kenāsāv upamīyate || 49 ||
[Analyze grammar]

idamevāstvidaṃ māstu mameti hṛdi rañjanā |
na yasyāsti tamātmeśaṃ tolayanti kathaṃ janāḥ || 50 ||
[Analyze grammar]

sarvasaṅkaṭaparyantamasaṅkaṭamalaṃ sukham |
saubhāgyaṃ paramaṃ buddhernairāśyamavalambyatām || 51 ||
[Analyze grammar]

na śāsteha tvamāśānāṃ viddhi mithyābhramaṃ jagat |
vahadrathasthadikcakranemyāvartavadutthitam || 52 ||
[Analyze grammar]

kiṃ muhyasi mahābāho mūrkhavatpaṇḍito'pi san |
mamedaṃ tadayaṃ so'hamityudbhrāntena cetasā || 53 ||
[Analyze grammar]

ātmaivedaṃ jagatsarvaṃ nānāteha na vidyate |
ekarūpaṃ jagajjñātvā dhīrai rāma na khidyate || 54 ||
[Analyze grammar]

yathābhūtapadārthaughadarśanādeva rāghava |
paramāśvāsanaṃ buddhernairāśyamadhigamyate || 55 ||
[Analyze grammar]

bhāvābhāvavisaṃvādamuktamādyantayoḥ sthitam |
yad rūpaṃ tatsamālambya padārthānāṃ sthitiṃ kuru || 56 ||
[Analyze grammar]

nairāśyadhīramanaso māyeyamatimohinī |
palāyya yāti saṃsārī mṛgī kesariṇo yathā || 57 ||
[Analyze grammar]

kāntāmuddāmamadanāṃ lolāṃ vanalatāmapi |
jarjaropalapālīṃ ca samaṃ paśyati dhīradhīḥ || 58 ||
[Analyze grammar]

bhogā nānandayantyantaḥ khedayanti na cāpadaḥ |
dṛśyaśriyo harantyaṅga na jñamadrimivānilāḥ || 59 ||
[Analyze grammar]

raktabālāṅganasyāpi jñasyodāradhiyo muneḥ |
kaṇaśaḥ khaṇḍatāṃ yānti manasi smarasāyakāḥ || 60 ||
[Analyze grammar]

rāgadveṣaiḥ svarūpajño nāvaśaḥ parikṛṣyate |
sparśa evāsya naitābhyāṃ kimutākramaṇaṃ bhavet || 61 ||
[Analyze grammar]

samadṛṣṭalatālolavanitādriśilādiṣu |
ramate naiṣa bhogeṣu pāntho marumahīṣviva || 62 ||
[Analyze grammar]

ayatnopanataṃ sarvaṃ līlayā muktamānasaḥ |
bhuṅkte bhogabharaṃ prājñastvālokamiva locanam || 63 ||
[Analyze grammar]

kākatālīyavatprāptā bhogālī lalanādikā |
sevitāpyaṅga dhīrasya na duḥkhāya na tuṣṭaye || 64 ||
[Analyze grammar]

samyagdṛṣṭapadārthaṃ jñaṃ sukhaduḥkhagatī manāk |
dve vīcyāviva śailendraṃ kṣobhaṃ netuṃ na śaknutaḥ || 65 ||
[Analyze grammar]

helayālokayanbhogānmṛdurdānto gatajvaraḥ |
svameva padamālambya sarvabhūtāntarasthitam || 66 ||
[Analyze grammar]

jñastiṣṭhati gatavyagraṃ vyagrayāpi samanvitaḥ |
jaganti janayanneva brahmevātmaparāyaṇaḥ || 67 ||
[Analyze grammar]

āpatatsu yathākāmaṃ yathākālaṃ yathākramam |
sukhaduḥkheṣu na kṣobhameti bhūbhṛdṛtuṣviva || 68 ||
[Analyze grammar]

majjato'pi bahujñasya rāma karmendriyakramaiḥ |
asaktamanaso nityaṃ na kiñcidapi majjati || 69 ||
[Analyze grammar]

kalaṅkyantaḥkalaṅkena procyate hema nānyathā |
bhāvāsaktyā samāsakta ukto janturhi nānyathā || 70 ||
[Analyze grammar]

śarīrātpraviviktaṃ svaṃ paśyataḥ pravivekinaḥ |
vikartitāṅgakasyāpi na kiñcitpravikartitam || 71 ||
[Analyze grammar]

sakṛtprabhātaṃ vimalaṃ yajjñātaṃ jñātameva tat |
na hi bandhuḥ parijñātaḥ punarajñātatāṃ vrajet || 72 ||
[Analyze grammar]

sarpabhrāntau nivṛttāyāṃ na rajjvāṃ sarpabhāvanā |
punareti yathā prāvṛṇnadī giritaṭacyutā || 73 ||
[Analyze grammar]

na hema tāpaśuddhāṅgaṃ svābhāsamalamāgatam |
kardame magnamapi satsamādatte malaṃ punaḥ || 74 ||
[Analyze grammar]

kṣīṇe svahṛdayagranthau na bandho'sti punarguṇaiḥ |
yatnenāpi punarbaddhaṃ kena vṛnte cyutaṃ phalam || 75 ||
[Analyze grammar]

ayaśchedavicārābhyāmabhitaḥ khaṇḍaśo gatam |
pāṣāṇaṃ ca manaścaiva sandhātuṃ kasya śaktatā || 76 ||
[Analyze grammar]

vijñātāyāmavidyāyāṃ kaḥ punaḥ parimajjati |
parijñāya śvapākānāṃ yātrāṃ kaḥ prekṣate dvijaḥ || 77 ||
[Analyze grammar]

sudhāmbhasi yathā kṣīradhīrvicārānnivartate |
saṃsāravāsanā tadvaddhīvicārānnivartate || 78 ||
[Analyze grammar]

madhvambuśaṅkayā tāvadviṣavāri prapīyate |
yāvattanna parijñātaṃ parijñātaṃ vihīyate || 79 ||
[Analyze grammar]

rūpalāvaṇyayuktāpi citrakānteva kāminī |
dravyamātrasamārambhāttattvavidbhirvilokyate || 80 ||
[Analyze grammar]

yathā maṣīkusumbhādi striyāścitre tathaiva hi |
jīvantyā api keśoṣṭhaṃ kastāṃ prati kila grahaḥ || 81 ||
[Analyze grammar]

anubhūto guḍaḥ svādurapi dāhavikartanaiḥ |
na śakyate'nyathā kartuṃ tattvālokastathātmanaḥ || 82 ||
[Analyze grammar]

paravyasaninī nārī vyagrāpi gṛhakarmaṇi |
tadevāsvādayatyantarnavasaṅgarasāyanam || 83 ||
[Analyze grammar]

evaṃ tattve pare śuddhe dhīro viśrāntimāgataḥ |
na śakyate cālayituṃ devairapi sahāsuraiḥ || 84 ||
[Analyze grammar]

paravyasaninī nārī kena bhartrā balīyasā |
vismāritā svasaṅkalpakāntasaṅgamahotsavam || 85 ||
[Analyze grammar]

jagatsamarasānantacidālokāvalambanam |
kena vismāryate buddhistattvajñasya mahātmanaḥ || 86 ||
[Analyze grammar]

samagrasukhaduḥkhābhyāṃ vyavahāramakhaṇḍitam |
kurvan gurujanāyatto bhartṛśvaśurakheditaḥ || 87 ||
[Analyze grammar]

yathā saṅkalpakāntena bhavatyānandamantharaḥ |
vadhūloko vyasanavānduḥkhajālairna khedyate || 88 ||
[Analyze grammar]

tathā vigalitāvidyo vyavahāraparo'pi san |
samyagdṛṣṭisamācāro mudametyantarātmanā || 89 ||
[Analyze grammar]

chidyate na nikṛttāṅgo galadasrurna roditi |
dahyate na pradagdho'pi naṣṭo'pi na vinaśyati || 90 ||
[Analyze grammar]

vyapagatasukhaduḥkhasannipāto vidhividhureṣvapi saṅkaṭeṣvakhinnaḥ |
nivasatu sadane purottame vā vitatagirau vipine tapovane vā || 91 ||
[Analyze grammar]