Chapter 73

mukhyasvarūpopadeśo nāma sargaḥ |
trisaptatitamaḥ sargaḥ |
vasiṣṭhaḥ |
evaṃvicārayā dṛṣṭyā dvaitatyāgena rāghava |
svo bhāvaḥ prāpyate tajjñaistajjñaiścintāmaṇiryathā || 1 ||
[Analyze grammar]

athemāmaparāṃ dṛṣṭiṃ śṛṇu rāmānayā yathā |
drakṣyasyātmānamacalaṃ bhaviṣyasi ca divyadṛk || 2 ||
[Analyze grammar]

ahaṃ khamahamādityo diśo'hamahamapyadhaḥ |
ahaṃ daityā ahaṃ devāśśailāścāhamahaṃ mahaḥ || 3 ||
[Analyze grammar]

tamo'hamahamabhrāṇi bhūsamudrādikaṃ tvaham |
rajo vāyurathāgniśca jagatsarvamidaṃ tvaham || 4 ||
[Analyze grammar]

jagattraye'haṃ sarvatra sa ātmaiva kila sthitaḥ |
ko'haṃ kimanyadiha hi dvitvamekasya kīdṛśam || 5 ||
[Analyze grammar]

iti niścayavānantarnūnamātmatayā jagat |
paśyan harṣaviṣādābhyāṃ nāvaśaḥ paribhūyate || 6 ||
[Analyze grammar]

manmaye'smin kila jagatyakhile saṃsthite'nagha |
kimātmīyaṃ paraṃ kiṃ syātkamalekṣaṇa kathyatām || 7 ||
[Analyze grammar]

kiṃ tajjñavyatirekeṇa vidyate yadupāgame |
harṣametu viṣādaṃ vā vināśe jño jaganmayaḥ || 8 ||
[Analyze grammar]

ahaṅkāradṛśāvete sāttvike dve vinirmale |
tattvajñānātpravartete mokṣade pāramārthike || 9 ||
[Analyze grammar]

paro'ṇuḥ sakalātītarūpo'haṃ tvityahaṅkṛtiḥ |
prathamā sarvamevāhamityanyoktā raghūdvaha || 10 ||
[Analyze grammar]

ahaṅkāradṛganyā tu tṛtīyā vidyate'nagha |
deho'hamiti tāṃ viddhi duḥkhāyaiva na śāntaye || 11 ||
[Analyze grammar]

atha vaitattrayamapi tyaktvā sakalasiddhaye |
yathecchaṃ tadupālambya tiṣṭhāvaṣṭabdhatatpadaḥ || 12 ||
[Analyze grammar]

sarvātītasvarūpo'pi sarvasattātigo'pi ca |
svasattāpūritajagadastyevātmā prakāśakaḥ || 13 ||
[Analyze grammar]

svānubhūtyaiva paśyāśu sa evāsi sadoditaḥ |
saṃśayaṃ hṛdayagranthiṃ tyaja tattvavidāṃ vara || 14 ||
[Analyze grammar]

nātmāstyanumayā rāma na cāptavacanādinā |
sarvadā sarvathā sarvaṃ sa pratyakṣānubhūtitaḥ || 15 ||
[Analyze grammar]

yadidaṃ darśanaṃ spandaḥ kiñcid yatsaṃvidādyapi |
tatsarvamātmā bhagavāndṛśyadarśanavarjitaḥ || 16 ||
[Analyze grammar]

na sannāsadasau devo nāṇurnāpi mahānasau |
nāpyetayordṛśormadhyaṃ sa evedaṃ ca sarvaśaḥ || 17 ||
[Analyze grammar]

sa evedaṃ ca vadati sa ca vaktuṃ na yujyate |
na tadanyadidaṃ naitatpaśya māyāmanāmayām || 18 ||
[Analyze grammar]

nātmāyamayamapyātmā sañjñābheda iti svayam |
tenaiva sarvagatayā śaktyā svātmani kalpitaḥ || 19 ||
[Analyze grammar]

saṃsthitaḥ sa hi sarvatra triṣu kāleṣu bhāsuraḥ |
sūkṣmatvātsumahattvācca kevalaṃ na vibhāvyate || 20 ||
[Analyze grammar]

satsvanantapadārtheṣu jīvatvenābhibimbati |
ātmā puryaṣṭakādarśe svabhāvavaśataḥ svataḥ || 21 ||
[Analyze grammar]

puryaṣṭakodayādeva svayamātmānubhūyate |
sarvadā sarvasaṃsthaḥ khe ghanaspandādivānilaḥ || 22 ||
[Analyze grammar]

cidātmā sarvago vyāpī na kvacinnāma na sthitaḥ |
yadvatsarvapadārthānāṃ sattā tadvanmaheśvaraḥ || 23 ||
[Analyze grammar]

sati puryaṣṭake tasmiñjīvaḥ sphurati nopalaḥ |
sati vāyāviva rajaḥ sati dīpa ivekṣaṇam || 24 ||
[Analyze grammar]

iyaṃ puryaṣṭakasyecchā svātmanyevātmani sthite |
sati sphuratyabhyudite bhānāviva janaiṣaṇā || 25 ||
[Analyze grammar]

yadi sūrye sthite vyomni tadvaśoditasaṃsthitiḥ |
naśyati vyavahāro'yaṃ bhāsvataḥ kimupāgatam || 26 ||
[Analyze grammar]

yadyātmani sthite deve tatsattālabdhasaṃsthitiḥ |
deho nāśamupāyāti tatkimunnaṣṭamātmanaḥ || 27 ||
[Analyze grammar]

na jāyate na mriyate nābhivāñchati nojjhati |
na mukto na ca baddho'yamātmā sarvasya sarvadā || 28 ||
[Analyze grammar]

ātmāvabodhābhyuditā nirātmanyātmatāṃ gatā |
sarparajjubhramākārā bhrāntirduḥkhāya kevalam || 29 ||
[Analyze grammar]

anāditvānna jāto'yamajātatvānna naśyati |
ātmātmavyatiriktaṃ tu nābhivāñchatyasambhavāt || 30 ||
[Analyze grammar]

dikkālādyanavacchedānna baddho'yaṃ kadācana |
bandhābhāve'pyamuktiḥ syādamokṣastena sa smṛtaḥ || 31 ||
[Analyze grammar]

evaṅguṇaviśiṣṭo'yamātmā sarvasya rāghava |
avicāravaśānmūḍho loko'yaṃ pariroditi || 32 ||
[Analyze grammar]

samyagālokitāśeṣapūrvāparajagatkramaḥ |
mā śokaṃ gaccha sumate maurkhyopahatalokavat || 33 ||
[Analyze grammar]

dve eva kalane tyaktvā mokṣabandhātmike sadā |
viduṣā vyavahartavyaṃ yantreṇevātmamauninā || 34 ||
[Analyze grammar]

na mokṣo nabhasaḥ pṛṣṭhe na pātāle na bhūtale |
mokṣo hi ceto vimalaṃ samyagjñānāvabodhitam || 35 ||
[Analyze grammar]

sakalāśāsvasaṃsaktyā yaḥ svayaṃ cetasaḥ kṣayaḥ |
sa mokṣanāmnā kathitastattvajñairātmadarśibhiḥ || 36 ||
[Analyze grammar]

yāvatprabodho vimalo noditastāvadeva saḥ |
maurkhyadīnatayā rāma bhaktyā mokṣo'bhivāñchyate || 37 ||
[Analyze grammar]

ciraṃ prabodhamāsādya citte'vitatatāṃ gate |
daśa mokṣā na vāñchyante kimutaiko hi mokṣakaḥ || 38 ||
[Analyze grammar]

ayaṃ mokṣastvayaṃ bandhaḥ pelavāṃ kalanāmimām |
parityajya mahātyāgī tvaṃ tvameva bhavābhavaḥ || 39 ||
[Analyze grammar]

parigalitavikalpatāṃ prayātaḥ sagarasutaughanikhātamekhalāṅkam |
avanivalayamantarastasaṅgaściramanupālaya sarvadoditaśrīḥ || 40 ||
[Analyze grammar]