Chapter 71

saṃsaṅgacikitsopadeśo nāma sargaḥ |
ekasaptatitamaḥ sargaḥ |
vasiṣṭhaḥ |
yāvatturyaparāmarśastāvatkevalatāpadam |
jīvanmuktasya viṣayo vacasāṃ ca raghūdvaha || 1 ||
[Analyze grammar]

ata ūrdhvaṃ sadehānāṃ muktānāṃ vacasāṃ tathā |
viṣayo na mahābāho puruṣāṇāṃ ivāmbaram || 2 ||
[Analyze grammar]

sā hi viśrāntipadavī dūrebhyo'pi davīyasī |
gamyā videhamuktānāṃ khalekheva nabhasvatām || 3 ||
[Analyze grammar]

suṣuptāvasthayā kañcitkālaṃ bhuktvā jagatsthitim |
turyatāmetya tadanu paramānandaghūrṇitāḥ || 4 ||
[Analyze grammar]

turyātītāṃ daśāṃ tajjñā yathā yāntyātmakovidāḥ |
tathādhigaccha nirdvandvaṃ padaṃ raghukulodvaha || 5 ||
[Analyze grammar]

suṣuptāvasthayā rāma bhava saṃvyavahāravān |
citrendoriva te na staḥ kṣayodvegāvarindama || 6 ||
[Analyze grammar]

śarīrasanniveśasya kṣaye sthairye ca saṃvidam |
mā gṛhāṇa bhramo hyeṣa śarīramiti jṛmbhate || 7 ||
[Analyze grammar]

dehanāśena ko'rthaste ko'rthaste dehasaṃsthayā |
bhava tvaṃ prakṛtārambhastiṣṭhatveṣa yathāsthitam || 8 ||
[Analyze grammar]

jñātavānasi tatsatyaṃ buddhavānasi tatpadam |
prāptavānasi rūpaṃ svaṃ viśoko bhava bhūtaye || 9 ||
[Analyze grammar]

īpsitānīpsitatyaktaśśītalālokaśobhayā |
andhakārātapāmbhodamuktaṃ khamiva śobhase || 10 ||
[Analyze grammar]

manastavātmā sampannaṃ nādhaḥ samanudhāvati |
yogamantratapassiddhaḥ puruṣaḥ khādivāvanim || 11 ||
[Analyze grammar]

iha śuddhā cidevāsti pārāvāravivarjitā |
ayaṃ so'hamidaṃ tanme iti te māstu vibhramaḥ || 12 ||
[Analyze grammar]

ātmeti vyavahārārthamabhidhā kalpitā vibhoḥ |
nāmarūpādibhedāstu dūramasmādalaṃ gatāḥ || 13 ||
[Analyze grammar]

jalameva yathāmbhodhirna taraṅgādikaṃ pṛthak |
ātmaivedaṃ tathā sarvaṃ na bhūtaughādikaṃ pṛthak || 14 ||
[Analyze grammar]

yathā samastājjaladherjalādanyanna labhyate |
tathaiva jagataḥ sphārādātmano'nyanna labhyate || 15 ||
[Analyze grammar]

ayaṃ so'hamiti prājña kva karoṣi vyavasthitim |
kiṃ tattvaṃ kiṃ ca vā te syātkiṃ na tvaṃ kiṃ ca vā na te || 16 ||
[Analyze grammar]

na dvitvamasti no dehaḥ sambandho na ca taiścitaḥ |
sambhavatyakalaṅkāyā bhānoriva tamaḥpaṭaiḥ || 17 ||
[Analyze grammar]

dvitvamabhyupagamyāpi kathayāmi tavārihan |
dehādibhiḥ sadbhirapi na sambandho vibhorbhavet || 18 ||
[Analyze grammar]

chāyātapaprasarayoḥ prakāśatamasoryathā |
na sambhavati sambandhastathā vai dehadehinoḥ || 19 ||
[Analyze grammar]

yathā śītoṣṇayornityaṃ parasparaviruddhayoḥ |
na sambhavati sambandho rāma dehātmanostathā || 20 ||
[Analyze grammar]

avinābhāvitārthastu sambandhaḥ kathametayoḥ |
jaḍacetanayordehadehinoranubhūyate || 21 ||
[Analyze grammar]

cinmātreṇātmanā dehaḥ sambaddha iti yā kathā |
saiṣā duravabodhotthā dāvāgnau jaladhīryathā || 22 ||
[Analyze grammar]

satyāvalokanenaiṣā mithyādṛṣṭirvinaśyati |
avalokanayā samyagātape jaladhīryathā || 23 ||
[Analyze grammar]

cidātmā nirmalo nityaḥ svāvabhāso nirāmayaḥ |
dehastvanityo malavāṃstena sambadhyate katham || 24 ||
[Analyze grammar]

spandamāyāti vātena bhūtairāpīvarīkṛtaḥ |
dehastena na sambandho manāgeva mahātmanaḥ || 25 ||
[Analyze grammar]

siddhe dvitve'pi dehasya na sambandhasya sambhavaḥ |
dvitvāsiddhau tu sumate kalanaivedṛśī kutaḥ || 26 ||
[Analyze grammar]

ityetadeva tatsatyamatraivāṅga sthitiṃ kuru |
na bandho'sti na mokṣo'sti kadācitkasyacitkvacit || 27 ||
[Analyze grammar]

sarvamātmamayaṃ śāntamityeva pratyayaṃ sphuṭam |
sabāhyābhyantaraṃ rāma sarvatra dṛḍhatāṃ naya || 28 ||
[Analyze grammar]

sukhī duḥkhī ca mūḍho'smītyetā durdṛṣṭayaḥ smṛtāḥ |
āsu cedvastubuddhiste tacciraṃ duḥkhameṣyasi || 29 ||
[Analyze grammar]

yaḥ kramaśśailatṛṇayoḥ kauśeyopalayostathā |
sāmyaṃ prati sa evoktaḥ paramātmaśarīrayoḥ || 30 ||
[Analyze grammar]

yathā śītoṣṇayoraikyaṃ kathāsvapi na dṛśyate |
jaḍaprakāśayośśleṣo na tathātmaśarīrayoḥ || 31 ||
[Analyze grammar]

yathā tejastimirayorna sambandho na tulyatā |
atyantabhinnayo rāma tathā hyātmaśarīrayoḥ || 32 ||
[Analyze grammar]

dehaścalati vātena tenaivāyāti gacchati |
śabdaṃ karoti tenaiva dehanāḍīvilāsinā || 33 ||
[Analyze grammar]

śabdaḥ kacaṭataprāyaḥ sphuratyantaḥ samīraṇe |
yathā prajāyate vaṃśāddeharandhrāttathaiva hi || 34 ||
[Analyze grammar]

kanīnikāparispandaścakṣusspandaśca mārutāt |
indriyasphuraṇaṃ caiva saṃvitkevalamātmanaḥ || 35 ||
[Analyze grammar]

ākāśopalakuḍyādau sarvatrātmadaśā sthitā |
pratibimbamivādarśe citta eva ca dṛśyate || 36 ||
[Analyze grammar]

śarīrālayamutsṛjya yatra cittavihaṅgamaḥ |
svavāsanāvaśād yāti tatraivātmānubhūyate || 37 ||
[Analyze grammar]

yatra puṣpaṃ tatra gandhasaṃvidaḥ saṃsthitā yathā |
yatra cittaṃ hi tatrātmasaṃvidaḥ saṃsthitāstathā || 38 ||
[Analyze grammar]

sarvatra sthitamākāśamādarśe pratibimbate |
yathā tathātmā sarvatra sthitaścetasi dṛśyate || 39 ||
[Analyze grammar]

apāmavanataṃ sthānamāspadaṃ bhūtale yathā |
antaḥkaraṇamevātmasaṃvidāmāspadaṃ tathā || 40 ||
[Analyze grammar]

satyāsatyaṃ jagadrūpamantaḥkaraṇabimbitā |
ātmasaṃvittanotīdamālokamiva sūryabhāḥ || 41 ||
[Analyze grammar]

antaḥkaraṇamevātaḥ kāraṇaṃ bhūtasaṃsṛtau |
ātmā sarvātigatvāttu kāraṇaṃ sadakāraṇam || 42 ||
[Analyze grammar]

avicāraṇamajñānaṃ maurkhyamāhurmahādhiyaḥ |
saṃsārasaṃsṛtau sāramantaḥkaraṇakāraṇam || 43 ||
[Analyze grammar]

asamyakprekṣaṇānmohāccetaḥ sattāṃ gṛhītavat |
sammohabījakaṇikāṃ tamo'rkadravaṇādiva || 44 ||
[Analyze grammar]

yathābhūtātmatattvaikaparijñānena rāghava |
asattāmetyalaṃ ceto dīpeneva tamaḥ kṣaṇāt || 45 ||
[Analyze grammar]

saṃsārakāraṇamataḥ svayaṃ ceto'vicāraṇāt |
jīvo'ntaḥkaraṇaṃ cittaṃ manaścetyādināmakam || 46 ||
[Analyze grammar]

rāmaḥ |
etāḥ sañjñāḥ prabho bahvyaścetaso rūḍhimāgatāḥ |
kathamityeva kathaya mayi mānada siddhaye || 47 ||
[Analyze grammar]

vasiṣṭhaḥ |
sarve bhāvā ime nityamātmatattvaikarūpiṇaḥ |
citrāstaraṅgakakaṇā jalaikakalitā yathā || 48 ||
[Analyze grammar]

ātmā spandaikarūpātmā sthitasteṣu kvacitkvacit |
taraṅgeṣu viloleṣu payo vyomāmalaṃ yathā || 49 ||
[Analyze grammar]

kvacidaspandarūpātmā sthitasteṣu maheśvaraḥ |
taraṅgatvamayāteṣu jalabhāvo jaleṣviva || 50 ||
[Analyze grammar]

tatropalādayo bhāvā alolā ātmani sthitāḥ |
surāphenavadutspandā lolāstu puruṣādayaḥ || 51 ||
[Analyze grammar]

tatra teṣu śarīreṣu sarvaśaktitayātmanā |
kalitājñānakalanā tenājñānamasau śritaḥ || 52 ||
[Analyze grammar]

tadajñānamanantātmarūṣitaṃ jīva ucyate |
sa saṃsārī mahāmohamāyāpañjarakuñjaraḥ || 53 ||
[Analyze grammar]

jīvanājjīva ityukto'hambhāvaścāpyahantayā |
buddhirniścāyakatvena saṅkalpakalanānmanaḥ || 54 ||
[Analyze grammar]

prakṛtiḥ prakṛtatvena deho digdhatayā sthitaḥ |
jaḍaḥ prakṛtibhāvena cetanaḥ svātmasattayā || 55 ||
[Analyze grammar]

jaḍājaḍadṛśormadhye yattattvaṃ pāramātmikam |
tadetadeva nānātvaṃ nānāsañjñābhirāgatam || 56 ||
[Analyze grammar]

evaṃ svarūpaṃ jīvasya bṛhadāraṇyakādiṣu |
bahudhā bahuṣu proktaṃ vedānteṣu kilānagha || 57 ||
[Analyze grammar]

anyaistvetāsu sañjñāsu kuvikalpakutārkikaiḥ |
mohāya kevalaṃ mūḍhairvyarthamarthāḥ prakalpitāḥ || 58 ||
[Analyze grammar]

evameṣa mahābāho jīvaḥ saṃsārakāraṇam |
mūkenātivarākeṇa dehakeneha kiṃ kṛtam || 59 ||
[Analyze grammar]

ādhārādheyayorekanāśenānyasya naṣṭatā |
yathā tathā śarīrādināśe nātmani naṣṭatā || 60 ||
[Analyze grammar]

ekaparṇarase kṣīṇe raso naiti yathā kṣayam |
yāti parṇarasaścārkaraśmijālāntaraṃ yathā || 61 ||
[Analyze grammar]

śarīrasaṅkṣaye dehī na kṣayaṃ yāti kasyacit |
nirvāsanaścettadvyomni tiṣṭhatyātmapade tathā || 62 ||
[Analyze grammar]

dehanāśe vinaṣṭo'smītyevaṃ yasyāmaterbhramaḥ |
mātuḥ stanataṭāttasya manye vetāla utthitaḥ || 63 ||
[Analyze grammar]

yasya hyātyantiko nāśaḥ syādasāv uditaḥ smṛtaḥ |
cittanāśo hi nāśaḥ syātsa mokṣa iti kathyate || 64 ||
[Analyze grammar]

mṛto naṣṭa iti proktamanyaistacca mṛṣā na sat |
sa deśakālāntarito bhūtvā bhūyo'nubhūyate || 65 ||
[Analyze grammar]

ihohyate janairoghataraṅgāntastṛṇairiva |
maraṇavyapadeśāttu deśakālatirohitaiḥ || 66 ||
[Analyze grammar]

vāsanāvalito jīvo yātyutsṛjya śarīrakam |
kapirvanataruṃ tyaktvā tarvantaramivāsthitaḥ || 67 ||
[Analyze grammar]

punastadapi santyajya prayātyanyadapi kṣaṇāt |
anyasminvitate deśe kāle'nyasmiṃśca rāghava || 68 ||
[Analyze grammar]

itaścetaśca nīyante jīvā vāsanayā svayā |
ciraṃ tadupajīvinyā dhūrtadhātryeva bālakāḥ || 69 ||
[Analyze grammar]

vāsanārajjuvalitā jīrṇāḥ parvatakukṣiṣu |
jarayantyatiduḥkhena jīvitaṃ jīvajīvakāḥ || 70 ||
[Analyze grammar]

jaraḍhajagadupoḍhaduḥkhabhārāḥ pariṇatajarjarajīvitāśśvasantyaḥ |
hṛdayajanitavāsanānuvṛttyā narakabhare janatāściraṃ patanti || 71 ||
[Analyze grammar]

vālmīkiḥ |
ityuktavatyatha munau divaso jagāma sāyantanāya vidhaye'stamino jagāma |
snātuṃ sabhā kṛtanamaskaraṇā jagāma śyāmākṣaye ravikaraiśca sahājagāma || 72 ||
[Analyze grammar]