Chapter 70

sātatikasamācārayogopadeśo nāma sargaḥ |
saptatitamaḥ sargaḥ |
vasiṣṭhaḥ |
asaṃsaṅgasukhadhyānasaṃsthitairviditātmabhiḥ |
vyavahāribhirapyantarvītaśokairavasthitam || 1 ||
[Analyze grammar]

prakṣubdhākṣubdhadehasya visaṃvedanasaṃvidaḥ |
antaḥpūrṇasya vadane śrīrindoriva lakṣyate || 2 ||
[Analyze grammar]

cetyahīnacidālambi mano yasya gatajvaram |
tenāmbu katakeneva janatā samprasīdati || 3 ||
[Analyze grammar]

nityamātmadṛgālīno jñaḥ svasthaścañcalo'pi san |
kṣubdho dṛśyata evāsau pratibimbārkavanmudhā || 4 ||
[Analyze grammar]

ātmārāmā mahātmānaḥ prabuddhāḥ paramodayāḥ |
bahiḥ piñchāgrataralā antarmerurivācalāḥ || 5 ||
[Analyze grammar]

cittamātmatvamāyātaṃ sukhaduḥkhānurañjanām |
nopaiti raṅgasaṃyogaṃ masṛṇaḥ sphaṭiko yathā || 6 ||
[Analyze grammar]

saṃsāradṛṣṭiruditā jñātalokaparāvaram |
na rañjayati saccittaṃ jalalekhā yathāmbujam || 7 ||
[Analyze grammar]

ātmadhyānamayo'dhyānī prabodhaṃ paramāgataḥ |
kalanāmalanirmuktastvasakta iti kathyate || 8 ||
[Analyze grammar]

ātmārāmatayā jīvo yātyasaṃsaktatāmiha |
ātmajñānena saṃsaṅgastanutāmeti nānyathā || 9 ||
[Analyze grammar]

jāgratyeva suṣuptastho jīvo bhavati rāghava |
asyāṃ dṛśi gatadvandvo nityānastamayodayaḥ || 10 ||
[Analyze grammar]

atra prauḍhimupāyātasturyatāmeti pāvanīm |
pariṇāmavaśādinduramāvasyārkatāmiva || 11 ||
[Analyze grammar]

cittve cetyadaśāhīne yā sthitiḥ kṣīṇacetasaḥ |
socyate śāntakalanā jāgratyeva suṣuptatā || 12 ||
[Analyze grammar]

tāṃ ca suptadaśāmetya jīvanvyavaharannaraḥ |
sukhaduḥkhavaratrābhirna kadācana kṛṣyate || 13 ||
[Analyze grammar]

jāgratyeva suṣuptastho yaḥ karoti jagatkriyām |
taṃ yantraputrakamiva nāyāti sukhaduḥkhadṛk || 14 ||
[Analyze grammar]

cittasya bādhikā saktirbhāvābhāvopatāpadā |
ātmatāmāgate citte kasya kiṃ bādhate katham || 15 ||
[Analyze grammar]

suṣuptabuddhiḥ karmāṇi pūrvahevākahelayā |
kurvanna badhyate jīvo jīvanmuktatayā sthitaḥ || 16 ||
[Analyze grammar]

sauṣuptīṃ vṛttimāśritya kuru mā kuru vānagha |
karma prakṛtihevākavaśādupagataṃ svakam || 17 ||
[Analyze grammar]

nādānaṃ na parityāgaḥ karmaṇo jñāya rocate |
tiṣṭhantyadhigatātmāno yathāprāptānuvartinaḥ || 18 ||
[Analyze grammar]

kurvannapi na kartāsi suṣuptaikasthayā dhiyā |
akartāpi ca kartāsi yathecchasi tathā kuru || 19 ||
[Analyze grammar]

yathā na kiñcitkalayanmañcake spandate śiśuḥ |
tathā phalādyakalayan kuru karmāṇi rāghava || 20 ||
[Analyze grammar]

acetyacitpadasthatvājjāgratyapi suṣuptadhīḥ |
yad yatkaroti labdhātmā tasmiṃstasya na kartṛtā || 21 ||
[Analyze grammar]

daśāmāsādya sauṣuptīṃ svavidaiva vivāsanaḥ |
antaśśītalatāmeti jño rasena yathā śaśī || 22 ||
[Analyze grammar]

suṣuptastho mahātejā ghūrṇanpūrṇendubimbavat |
samaḥ sarvāsvavasthāsu bhavatyadriryathartuṣu || 23 ||
[Analyze grammar]

suṣuptasaṃstho dhīrātmā bahirāyāti lolatām |
kriyāsu nāntarbhūkampapraspandita ivācalaḥ || 24 ||
[Analyze grammar]

suṣuptāvasthito bhūtvā dehaṃ vigatakalmaṣaḥ |
ghātayāśvatha vā dīrghaṃ kālaṃ dhāraya śailavat || 25 ||
[Analyze grammar]

eṣaiva rāma sauṣuptī sthitirabhyāsayogataḥ |
prauḍhā satī turyamiti kathitā tattvakovidaiḥ || 26 ||
[Analyze grammar]

ānandamaya evātra prakṣīṇasakalāmayaḥ |
atyantāstaṅgatamanā bhavati jño mahodayaḥ || 27 ||
[Analyze grammar]

atrastho jñaḥ pramuditaḥ paramānandaghūrṇitaḥ |
līlāmivemāṃ racanāṃ sāṃsārīmanupaśyati || 28 ||
[Analyze grammar]

vītaśokabhayāyāso gatasaṃsārasambhramaḥ |
turyāvasthāmupārūḍho bhūyaḥ patati nātmavān || 29 ||
[Analyze grammar]

prāptuṃ svāṃ padavīṃ puṇyāṃ yatnavantamimaṃ janam |
śailasaṃstha ivādhassthaṃ hasanpaśyati dhīradhīḥ || 30 ||
[Analyze grammar]

asyāṃ tu turyāvasthāyāṃ sthitiṃ prāpyāvināśinīm |
ānandaikāntalīnatvādanānandapadaṃ gataḥ || 31 ||
[Analyze grammar]

anānandamahānandaḥ kalātītastato'pi hi |
mukta ityucyate yogī turyātītapadaṃ gataḥ || 32 ||
[Analyze grammar]

parigalitasamastajanmapāśaḥ sakalavihīnamanomayābhimānaḥ |
paramarasamayīṃ prayāti sattāṃ jalagatasaindhavakhaṇḍavanmahātmā || 33 ||
[Analyze grammar]