Chapter 61

suraghuvṛttāntaḥ samāptaḥ nāma sargaḥ |
ekaṣaṣṭitamaḥ sargaḥ |
vasiṣṭhaḥ |
etāṃ dṛṣṭimavaṣṭabhya na manaḥ paritapyate |
ghore tamasi nirmagnaṃ labdhadīpaśśiśuryathā || 1 ||
[Analyze grammar]

vivekāvasthayā cetastanvyaivāyāti nirvṛtim |
patañchvabhre dṛḍhatṛṇapracayālambanādiva || 2 ||
[Analyze grammar]

buddhvaitāṃ pāvanīṃ dṛṣṭiṃ bhāvayitvāpyudāharan |
nityamekasamādhāno bhava bhūṣitabhūtalaḥ || 3 ||
[Analyze grammar]

rāmaḥ |
kathamekasamādhānaṃ kīdṛśaṃ vā munīśvara |
vātāhatamayūrāṅgaruhalolaṃ mano bhavet || 4 ||
[Analyze grammar]

vasiṣṭhaḥ |
śṛṇu tasyaiva suraghoḥ prabuddhasya satastadā |
parṇādasya ca rājarṣeḥ saṃvādamimamadbhutam || 5 ||
[Analyze grammar]

rāghavaikasamādhānabodhitāyoditātmanoḥ |
parasparasamālāpamimaṃ prakaṭayāmi te || 6 ||
[Analyze grammar]

babhūva pārasīkānāṃ pārthivaḥ paravīrahā |
parigho nāma vikhyātaḥ parighaḥ syandane yathā || 7 ||
[Analyze grammar]

sa babhūva paraṃ mitraṃ suragho raghunandana |
nandanodyānasaṃsthasya madanasyeva mādhavaḥ || 8 ||
[Analyze grammar]

kadācitparighasyābhūdakāṇḍaṃ maṇḍale mahat |
kalpānta iva saṃsāre prajāduṣkṛtadoṣajam || 9 ||
[Analyze grammar]

vineśurjanatāstatra bahvyaḥ kṣutkṣatajīvitāḥ |
jvalite vipine vahnau yathā bhūtaparamparāḥ || 10 ||
[Analyze grammar]

tadduḥkhaṃ parigho dṛṣṭvā viṣādamatulaṃ yayau |
tatyāja cākhilaṃ rājyaṃ dagdhaṃ grāmamivādhvagaḥ || 11 ||
[Analyze grammar]

prajānāśapratīkāreṣvasamartho virāgavān |
jagāma vipinaṃ kartuṃ tapo jinamunīndravat || 12 ||
[Analyze grammar]

paurāṇāmaparijñātaḥ kasmiṃściddūrakānane |
sa uvāsa viraktātmā lokāntara ivāpare || 13 ||
[Analyze grammar]

tapaścarañchāntamatirdāntaḥ kandaramandiraḥ |
svayaṃ śīrṇāni śuṣkāṇi tatra parṇānyabhakṣayat || 14 ||
[Analyze grammar]

ciraṃ hutāśavacchuṣkaparṇānyevātha bhakṣayan |
parṇāda iti nāmāsau prāpa madhye tapasvinām || 15 ||
[Analyze grammar]

tataḥ prabhṛti parṇādanāmā rājarṣisattamaḥ |
jambudvīpe babhūvāsau vikhyāto munisadmasu || 16 ||
[Analyze grammar]

tato varṣasahasreṇa tapasā dāruṇātmanā |
prāpadabhyāsavaśato jñānamātmaprasādajam || 17 ||
[Analyze grammar]

babhūva vigatadvandvo nīrāgaḥ samadarśanaḥ |
nirīho niranukrośo jīvanmuktaḥ prabuddhadhīḥ || 18 ||
[Analyze grammar]

vijahāra yathākāmaṃ trilokīmaṭhikāmimām |
siddhasādhyaiḥ samaṃ sādho sahaṃso'lirivābjinīm || 19 ||
[Analyze grammar]

ekadā tasya sadanaṃ hemacūḍamahīpateḥ |
prāpa ratnavinirmāṇaṃ merośśṛṅgamivāparam || 20 ||
[Analyze grammar]

te tatra prāktane mitre pūjāmakurutāṃ mithaḥ |
pūrṇāṃ vijñātavijñeyau maurkhyagartādvinirgate || 21 ||
[Analyze grammar]

aho nu mama kalyāṇaiḥ phalitaṃ bata pāvanaiḥ |
samprāptavānahaṃ yattvāmityanyo'nyamathocatuḥ || 22 ||
[Analyze grammar]

āliṅgitaśarīrau tāvanyo'nyāninditākṛtī |
ekāsane viviśatuścandrārkāviva bhūdhare || 23 ||
[Analyze grammar]

parighaḥ |
paramānandamāyātaṃ cetastvaddarśanena me |
candrabimba ivonmagnamantaśśītalatāṃ gatam || 24 ||
[Analyze grammar]

akṛtrimaṃ suhṛtprema viyoge śataśākhatām |
prayāti palvalataṭe chinnarūḍha iva drumaḥ || 25 ||
[Analyze grammar]

visrabdhāṃstān kathālāpāṃstā līlāstacca ceṣṭitam |
saṃsmṛtya prāktanaṃ sādho hṛṣyāmyeva punaḥ punaḥ || 26 ||
[Analyze grammar]

jñānametanmayā prāptaṃ tvayā jñānaṃ yathānagha |
māṇḍavyasya prasādena paramātmaprasādajam || 27 ||
[Analyze grammar]

adya kaccidaduḥkhastvaṃ kaccidviśrāntavānasi |
parame kāraṇe merāviva bhūmaṇḍalādhipa || 28 ||
[Analyze grammar]

kaccitparamakalyāṇa svātmārāmatayā tava |
prasādo jāyate citte śaradīva saro'mbhasi || 29 ||
[Analyze grammar]

kaccitkaroṣi samayā suprasannagabhīrayā |
dṛṣṭyā subhaga kāryāṇi kāryāṇyeva narādhipa || 30 ||
[Analyze grammar]

nirādhivyādhayo dhīrāḥ kaccitsampannaśālayaḥ |
janatāstava deśeṣu tiṣṭhanti vigatajvaram || 31 ||
[Analyze grammar]

kacciduddāmaphalinī phalinīva latānatā |
dharā tava phalāpūrairbhṛśaṃ dhārayati prajāḥ || 32 ||
[Analyze grammar]

kaccittava diganteṣu candrasyevāṃśupañjaram |
tuṣāranikarākāraṃ prasṛtaṃ pāvanaṃ yaśaḥ || 33 ||
[Analyze grammar]

kaccidguṇaśatairetā diśo nirvivarīkṛtāḥ |
tvayā saro'mbhasā bandho bisānāmiva bhittayaḥ || 34 ||
[Analyze grammar]

kaccitkalamakedārakoṇasthāṇuṣu harṣulāḥ |
pratigrāmaṃ kumāryaste gāyantyānandadaṃ yaśaḥ || 35 ||
[Analyze grammar]

kuśalaṃ tava dhānyeṣu dhaneṣu vibhaveṣu ca |
bhṛtyeṣvatha kalatreṣu putreṣu nagareṣu ca || 36 ||
[Analyze grammar]

ādhivyādhivihīneyaṃ kaccitkāyalatā tava |
phalaṃ phalati puṇyākhyaṃ yadihāmutra coditam || 37 ||
[Analyze grammar]

āpātaramaṇīyeṣu paryantātyantavairiṣu |
kaccidviṣayasarpeṣu savirāgaṃ manastava || 38 ||
[Analyze grammar]

aho bata ciraṃ kālamāvāṃ viśleṣamāgatau |
kālena śleṣitau bhūyo vasantādritaṭāviva || 39 ||
[Analyze grammar]

na tā jagati vidyante sukhaduḥkhadaśāḥ sakhe |
jīvadbhiryā na dṛśyante saṃyogajaviyogajāḥ || 40 ||
[Analyze grammar]

tathaitāsvatidīrghāsu daśāsvanyatvamāgatāḥ |
bhūyo vayamapi śliṣṭāścitrā hi niyatirvidheḥ || 41 ||
[Analyze grammar]

suraghuḥ |
bhagavanniyaterasyā gatiṃ dīpagateriva |
daivikyāḥ ko hi jānāti gambhīrāṃ vismayapradām || 42 ||
[Analyze grammar]

tvamahaṃ ca viyojyātidūre dūradaśāsu ca |
adya saṅghaṭitau bhūyaḥ kimasādhyamaho vidheḥ || 43 ||
[Analyze grammar]

vayaṃ tvadya mahāsattva bhṛśaṃ kuśalinaḥ sthitāḥ |
tvadāgamanapuṇyena parāṃ pāvanatāṃ gatāḥ || 44 ||
[Analyze grammar]

īṣattvadāgamakṣīṇapāpānāṃ puṇyapādapaiḥ |
tathā phalitamasmākaṃ na yathā vayamākulāḥ || 45 ||
[Analyze grammar]

sarvāḥ sampattayo'smākaṃ rājarṣe saṃsthitāḥ pure |
bhavadāgamanenādya prayātāśśataśākhatām || 46 ||
[Analyze grammar]

vikirati parito rasāyanānāmiva nikaraṃ madhuraṃ mahānubhāva |
tava vacanamavekṣaṇaṃ ca puṇyaṃ paramapadapratimo hi sādhusaṅgaḥ || 47 ||
[Analyze grammar]