Chapter 26

jīvanicayasaṃsthānopadeśo nāma sargaḥ |
ṣaḍviṃśaḥ sargaḥ |
rāmaḥ |
krameṇānena yenāptā jīvena sthitirātmanaḥ |
sa kathaṃ bhagavandehaṃ samādatte'sthipañjaram || 1 ||
[Analyze grammar]

vasiṣṭhaḥ |
pūrvameva mayā proktaṃ rāma kiṃ nāvabudhyase |
pūrvāparavicārārhā śemuṣī kva gatā tava || 2 ||
[Analyze grammar]

yadidaṃ hi śarīrādi jagatsthāvarajaṅgamam |
ābhāsamātramevaitadasatsvapna ivotthitam || 3 ||
[Analyze grammar]

dīrghasvapno hyayaṃ rāma mithyaivānagha dṛśyate |
dvicandravibhramākāro bhramārtabhrāntaśailavat || 4 ||
[Analyze grammar]

praśāntājñānanidraḥ sannūnaṃ galitabhāvanaḥ |
prabuddhacetāḥ saṃsārasvapnaṃ paśyanna paśyati || 5 ||
[Analyze grammar]

svabhāvakalpito rāma jīvānāṃ sarvadaiva hi |
āmokṣapadasamprāpti saṃsāro'styātmano'ntare || 6 ||
[Analyze grammar]

svabhāvakalpito nityaṃ sarvasyāstyātmano'ntare |
jīvasya taralaḥ kāya āvartaḥ payaso yathā || 7 ||
[Analyze grammar]

bīje yathāṅkuraḥ sphāraḥ pallavaścāṅkure yathā |
pallave ca yathā puṣpaṃ puṣpakośe phalaṃ yathā || 8 ||
[Analyze grammar]

yataśca kalpanārūpo deho'sti manaso'ntare |
bahīrūpatayā rāma tato'styeveha sa sphuṭaḥ || 9 ||
[Analyze grammar]

ya eva pratibhāso'sya manasaḥ kila jāyate |
sa evāśu bhavatyetanmṛtpiṇḍo ghaṭako yathā || 10 ||
[Analyze grammar]

pratibhāsata evedaṃ manassaṅkalpamātrakam |
jagad rāghava no satyaṃ mṛgatṛṣṇājalaṃ yathā || 11 ||
[Analyze grammar]

pratibhāsena caitena deho'yaṃ dṛśyate puraḥ |
bhītibhrāntena bālena vetālo'gragato yathā || 12 ||
[Analyze grammar]

ādisarge purā kāyapratibhāso'sya cetasaḥ |
yaḥ sa eva vibhurbrahmā padmakośagṛhe sthitaḥ || 13 ||
[Analyze grammar]

tatsaṅkalpakrameṇaiva tataḥ sthitimupāgatā |
iyaṃ sṛṣṭiraparyantā māyeva ghanamāyayā || 14 ||
[Analyze grammar]

rāmaḥ |
jīvo manaḥpadaṃ prāpya vairiñcapadamāgataḥ |
yathā brahmaṃstathā sarvaṃ vistareṇa vadāśu me || 15 ||
[Analyze grammar]

vasiṣṭhaḥ |
brāhmaṃ śṛṇu mahābāho śarīragrahaṇe kramam |
nidarśanena tenaiva jāgatīṃ jñāsyasi sthitim || 16 ||
[Analyze grammar]

dikkālādyanavacchinnamātmatattvaṃ svaśaktitaḥ |
līlayaiva yadādatte dikkālakalitaṃ vapuḥ || 17 ||
[Analyze grammar]

tadetajjīvaparyāyaṃ vāsanāveśatatparaṃ |
manaḥ sampadyate lolaṃ kalanākalanonmukham || 18 ||
[Analyze grammar]

kalayantī manaśśaktirādau bhāvayati kṣaṇāt |
ākāśabhāvanāmacchāṃ śabdabījarasonmukhīm || 19 ||
[Analyze grammar]

tatastadghanatāṃ yātaṃ ghanaspandaṃ kramānmanaḥ |
bhāvayatyanilaspandaṃ sparśabījarasonmukham || 20 ||
[Analyze grammar]

tābhyāmākāśavātābhyāmāmṛṣṭābhyāṃ manodṛśā |
śabdasparśasvarūpābhyāṃ saṅgharṣājjanyate'nalaḥ || 21 ||
[Analyze grammar]

manastadghanatāṃ prāpya tato bhāvayati kṣaṇāt |
prākāśyamamalālokamālokastena vardhate || 22 ||
[Analyze grammar]

manastādṛgguṇagaṇaṃ rasatanmātravedanam |
kṣaṇāccinotyapāṃ śaityaṃ jalasaṃvittato bhavet || 23 ||
[Analyze grammar]

tatastādṛgguṇagaṇaṃ mano bhāvayati kṣaṇāt |
svarūpaṃ gandhavatsthūlaṃ yenodeṣyati medinī || 24 ||
[Analyze grammar]

athedaṃ bhūtatanmātraveṣṭitaṃ tanutāṃ jahat |
vapurvahnikaṇākāraṃ sphuritaṃ vyomni paśyati || 25 ||
[Analyze grammar]

ahaṅkārakalāyuktaṃ buddhijīvasamanvitam |
tatpuryaṣṭakamityuktaṃ bhūtahṛtpadmaṣaṭpadaḥ || 26 ||
[Analyze grammar]

tasmiṃstattīvrasaṃvegādbhāvayadbhāsuraṃ vapuḥ |
sthūlatāṃ eti pākena mano bhavyaphalaṃ yathā || 27 ||
[Analyze grammar]

mūṣāsthadrutahemābhaṃ sphuritaṃ vimalāmbare |
sanniveśamathādatte tattejaḥ svaṃ svabhāvataḥ || 28 ||
[Analyze grammar]

tasmin svasanniveśe'tha tejaḥpuñjamaye manaḥ |
bhajate bhāvanāṃ sphāre niścitāmātatāṃ svataḥ || 29 ||
[Analyze grammar]

ūrdhvaṃ śiraḥpīṭhamayīmadhaḥ pādamayīṃ tathā |
pārśvayorhastasaṃsthānāṃ madhye codaradharmiṇīṃ || 30 ||
[Analyze grammar]

prakaṭāvayavo bālo jvālājālāmalākṛtiḥ |
manorathavaśopāttavapustiṣṭhatyasāvatha || 31 ||
[Analyze grammar]

evaṃ svavāsanāveśātkalpitāṅgaṃ mano muneḥ |
nayatyupacayaṃ dehaṃ svaṃ svabhāvamṛturyathā || 32 ||
[Analyze grammar]

kālena sphuṭatāmetya bhavatyamalavigrahaḥ |
buddhisattvabalotsāhavijñānaiśvaryasaṃsthitaḥ || 33 ||
[Analyze grammar]

sa eṣa bhagavānbrahmā sarvalokādhināyakaḥ |
dravatkanakasaṅkāśaḥ paramākāśasambhavaḥ || 34 ||
[Analyze grammar]

athāsau paramākāśe tiṣṭhanparamarūpavān |
kalpayatyātmano gehamātmasthaścittalīlayā || 35 ||
[Analyze grammar]

kadācitkevalaṃ vyoma paramaṃ pāravarjitam |
anādimadhyaparyantaṃ kadācidamalaṃ payaḥ || 36 ||
[Analyze grammar]

kadācitkalpakālāgnijvālābhāsuramaṇḍitam |
kadācitkānanaṃ kāntaṃ nābhīkamalakuṭmalam || 37 ||
[Analyze grammar]

anyānyanyānyanekāni pratijanmāvadhi prabhuḥ |
kalpayatyāsanānyeṣa nānārūpāṇi helayā || 38 ||
[Analyze grammar]

tatredamprathamatvena yadaiṣa brahmaṇaḥ padāt |
avatīrṇastadā jñānāttasyaiva susamaḥ smṛtaḥ || 39 ||
[Analyze grammar]

garbhanidrāvyapagame vapuḥ paśyati bhāsuram |
prāṇāpānapravāhāḍhyaṃ dravyaireva vinirmitam || 40 ||
[Analyze grammar]

romakoṭibhirākīrṇaṃ dvātriṃśaddaśanānvitam |
tristhūṇaṃ pañcadaivatyamadhaścaraṇalāñchitam || 41 ||
[Analyze grammar]

pañcabhāgaṃ navadvāraṃ tvaglepamasṛṇāṅgakam |
yuktamaṅguliviṃśatyā nakhaviṃśatilāñchitam || 42 ||
[Analyze grammar]

dvibāhuṃ dvistanaṃ dvyakṣaṃ bahvakṣabhujameva vā |
nīḍaṃ cittavihaṅgasya bilaṃ manmathabhoginaḥ || 43 ||
[Analyze grammar]

tṛṣṇāpiśācyā nilayaṃ jīvakesarikandaram |
abhimānagajālānamānanāmbhojaśobhitam || 44 ||
[Analyze grammar]

avalokya vapurbrahmā kāntamātmīyamuttamam |
cintayāmāsa bhagavāṃstrikālāmaladarśanaḥ || 45 ||
[Analyze grammar]

asminnākāśakuhare tate madupalāñchite |
adṛṣṭāpāraparyante prathamaṃ kimabhūditi || 46 ||
[Analyze grammar]

iti cintitavānbrahmā sadyojāto'malātmadṛk |
apaśyatsargavṛndāni samatītānyanekaśaḥ || 47 ||
[Analyze grammar]

atha sasmāra sakalān sa sadharmaguṇakramān |
vasantaḥ kusumānīva vedānvāṅmayasaṃyutān || 48 ||
[Analyze grammar]

līlayā kalpayāmāsa citrāḥ saṅkalpajāḥ prajāḥ |
nānācārasamārambhā gandharvo nagaraṃ yathā || 49 ||
[Analyze grammar]

tāsāṃ svargāpavargārthaṃ dharmakāmārthasiddhaye |
anantāni vicitrāṇi śāstrāṇi samakalpayat || 50 ||
[Analyze grammar]

sṛṣṭirevamiyaṃ rāma sarge'smin sthitimāgatā |
viriñcarūpānmanasaḥ puṣpalakṣmīrmadhoriva || 51 ||
[Analyze grammar]

vividhaviracanaiḥ kriyāvilāsaiḥ kamalajarūpadhareṇa cetasaiva |
raghusuta parikalpanena nītā sthitimatulāṃ jagatīha sargalakṣmīḥ || 52 ||
[Analyze grammar]