Chapter 27

saṃsārāvataraṇapratipādanopadeśayogo nāma sargaḥ |
saptaviṃśaḥ sargaḥ |
vasiṣṭhaḥ |
evaṃsampannamevaitannakiñcidapi saṃsthitam |
śūnyameva nabhomātraṃ manovilasitaṃ param || 1 ||
[Analyze grammar]

na deśakālāvetena brahmāṇḍenāvṛtau kvacit |
manāgapi mahārūpavatāpyākāśarūpiṇā || 2 ||
[Analyze grammar]

etatsaṅkalpamātrātma svapnadṛṣṭapuropamam |
yatraitattatra niśśūnyaṃ kevalaṃ vyoma saṃsthitam || 3 ||
[Analyze grammar]

abhittirāgaracanamapi dṛṣṭamasanmayam |
akṛtaṃ kṛtamevaitadvyomni citraṃ vicitrakam || 4 ||
[Analyze grammar]

manasā kalpitaṃ sarvaṃ dehādibhuvanatrayam |
saṃsṛtau kāraṇaṃ caitaccakṣurālokane yathā || 5 ||
[Analyze grammar]

ābhāsamātraṃ hi jagadghaṭāvaṭapaṭakramaiḥ |
āvartate na sadrūpāḥ pṛthakkuḍyādayaḥ sthitāḥ || 6 ||
[Analyze grammar]

manasedaṃ śarīraṃ hi nivāsārthaṃ prakalpitam |
krimiṇā kośakāreṇa svātmakośa iva svayam || 7 ||
[Analyze grammar]

na tadasti na yannāma cetaḥ saṅkalpamantharam |
na karoti na cāpnoti durgamapyatiduṣkaram || 8 ||
[Analyze grammar]

sarvaśaktau pare deve kā nāma nanu śaktayaḥ |
na sambhavantyāvriyate yābhirantarmanoguhā || 9 ||
[Analyze grammar]

sattāsatte padārthānāṃ sarveṣāṃ sarvadaiva hi |
mahābāho sambhavataḥ sarvaśaktau vibhau sati || 10 ||
[Analyze grammar]

paśya bhāvanayā prāptaṃ manasā pādmajaṃ vapuḥ |
tasmāttatkalanaṃ rāma sarvaśaktiyutaṃ viduḥ || 11 ||
[Analyze grammar]

svasaṅkalpaiḥ kṛtāḥ sarge devāsuranarācarāḥ |
svasaṅkalpopaśamane śāmyantyasnehadīpavat || 12 ||
[Analyze grammar]

ākāśasadṛśaṃ sarvaṃ kalpanāmātrajṛmbhitam |
jagatpaśya mahābuddhe sudīrghaṃ svapnamutthitam || 13 ||
[Analyze grammar]

na jāyate na mriyate iha kaścitkadācana |
pāramārthyena sumate mithyā sarvaṃ pravartate || 14 ||
[Analyze grammar]

na vṛddhimeti no nāśaṃ yatra kiñcitkadācana |
rekhātaruvane tatra kasya nāma ca khaṇḍanā || 15 ||
[Analyze grammar]

bhramabhūtaṃ svakāyaṃ tvamapaśyannipuṇaṃ dṛśā |
rāghavāghahatasvāntaḥ kimajña iva bhāṣase || 16 ||
[Analyze grammar]

mṛgatṛṣṇā yathā tāpānmanaso'tiśayāttathā |
asanta eva dṛśyante sarve brahmādayo'pyamī || 17 ||
[Analyze grammar]

dvicandravibhramaprakhyā manorathavadutthitāḥ |
mithyājñānamayāḥ sarve jagatyākārarāśayaḥ || 18 ||
[Analyze grammar]

yathā nauyāyino mithyā sthāṇuspandamatistathā |
asatyaivotthitā nityamākārāṇāṃ paramparā || 19 ||
[Analyze grammar]

indrajālamidaṃ viddhi māyāracitapañjaram |
manomanananirmāṇaṃ na sannāsadiva sthitam || 20 ||
[Analyze grammar]

brahmaivedaṃ jagatsarvamanyatāyāstvataḥ kutaḥ |
prasaṅgaḥ kīdṛśaḥ ko'sau kva cāsau paritiṣṭhati || 21 ||
[Analyze grammar]

ayaṃ girirayaṃ sthāṇurityāḍambaravibhramaḥ |
manaso bhāvanādārḍhyādasatsadiva lakṣyate || 22 ||
[Analyze grammar]

prapañcacaturārambhamantastucchamidaṃ jagat |
sakāmatṛṣṇāmananaṃ tyaktvānyad rāma bhāvaya || 23 ||
[Analyze grammar]

yathā svapne mahārambho bhrāntireva na vastusat |
dīrghasvapnaṃ tathaivedaṃ viddhi cittopakalpitam || 24 ||
[Analyze grammar]

dṛśyamānamahābhogaṃ gṛhyamāṇamavastukam |
kośamāśābhujaṅgīnāṃ saṃsārāḍambaraṃ tyaja || 25 ||
[Analyze grammar]

asadetaditi jñātvā mātra bhāvaṃ niveśaya |
anudhāvati kaḥ prājño vijñāya mṛgatṛṣṇikām || 26 ||
[Analyze grammar]

svasaṅkalpottharūpāḍhyāṃ manorathamayīṃ striyam |
yo'nugacchati mūḍhātmā duḥkhasyaiva sa bhājanam || 27 ||
[Analyze grammar]

vastunyasati loko'yaṃ yātu kāmamavastuni |
yastu vastu parityajya yātyavastu sa naśyati || 28 ||
[Analyze grammar]

manovyāmoha evedaṃ rajjvāmahibhayaṃ yathā |
bhāvanāmātravaicitryācciramāvartate jagat || 29 ||
[Analyze grammar]

asadabhyuditairbhāvairjalāntaścandracañcalaiḥ |
vañcyate bāla eveha na tattvajño bhavādṛśaḥ || 30 ||
[Analyze grammar]

ya imaṃ guṇasaṅghātaṃ bhāvayan sukhamīhate |
pramārṣṭi sa jaḍo jāḍyaṃ vahnāvappratibimbite || 31 ||
[Analyze grammar]

asadevedamābhogi dṛśyate dṛśyapañjaram |
manomanananirmāṇaṃ hṛdaye nagaraṃ yathā || 32 ||
[Analyze grammar]

idaṃ cittecchayodeti līyate ca tadicchayā |
mithyaiva dṛśyate sphāraṃ gandharvanagaraṃ yathā || 33 ||
[Analyze grammar]

rāma naṣṭe jagatyasminna kiñcidapi naśyati |
yukte'pi ca jagatyasminna kiñcidapi yujyate || 34 ||
[Analyze grammar]

manaḥprakalpite bhagne hṛdi vistīrṇapattane |
vṛddhiṃ vopagate brūhi kiṃ vṛddhaṃ kasya kiṃ kṣataṃ || 35 ||
[Analyze grammar]

krīḍārthena yathodeti bālānāṃ hṛdi pattanam |
manasā tadvadevedamudetyavirataṃ jagat || 36 ||
[Analyze grammar]

na kiñcitkasyacinnaṣṭamindrajālajale yathā |
bhraṣṭe naṣṭe tathaivāsmin saṃsāre vibhavotthite || 37 ||
[Analyze grammar]

yadasattadasatsyāccettatkiṃ kasya kila kṣatam |
ato harṣaviṣādābhyāṃ saṃsāro nāma nāspadam || 38 ||
[Analyze grammar]

asadeva yadatyantaṃ tasmin kiṃ nāma naśyati |
nāśābhāve hi duḥkhasya kaḥ prasaṅgo mahāmate || 39 ||
[Analyze grammar]

sadeva vā yadatyantaṃ tasya kiṃ nāma naśyati |
brahmaivedaṃ jagatsarvaṃ sukhaduḥkhe kimutthite || 40 ||
[Analyze grammar]

sarvatrāsatyabhūte'sminprapañcaikāntakāriṇi |
saṃsāre kimupādeyaṃ prājño yadabhivāñchatu || 41 ||
[Analyze grammar]

sarvatra satyabhūte'sminbrahmatattvamaye'pi ca |
kiṃ syāttribhuvane heyaṃ prājñāḥ pariharantu yat || 42 ||
[Analyze grammar]

asatsadvā jagajjñasya tenāsau sukhaduḥkhayoḥ |
agamya eva mūrkhastu tṛtīyāṃśena duḥkhitaḥ || 43 ||
[Analyze grammar]

ādāvante'pi yannāsti vartamāne'pi sanna tat |
yo'bhivāñchatyasad rāma tasyāsattaiva śiṣyate || 44 ||
[Analyze grammar]

ādāvante ca yatsatyaṃ vartamāne sadeva tat |
yasya sarvaṃ sadeva syāttasya sattaiva śiṣyate || 45 ||
[Analyze grammar]

asatyabhūtaṃ toyāntaścandravyomalatādikam |
bālā evābhivāñchanti manomohāya nottamāḥ || 46 ||
[Analyze grammar]

bālo hi vitatākārairvasturiktaiḥ prayojanaiḥ |
santoṣametyanantāya duḥkhāya na sukhāya tu || 47 ||
[Analyze grammar]

tasmānmā bhava bālastvaṃ rāma rājīvalocana |
anityatāmihālokya nityamāśraya susthiram || 48 ||
[Analyze grammar]

asadidamakhilaṃ mayā sametaṃ tviti vigaṇayya viṣāditāstu mā te |
sadiha hi sakalaṃ mayā sametaṃ tviti ca vilokya viṣāditāstu mā te || 49 ||
[Analyze grammar]

vālmīkiḥ |
ityuktavatyatha munau divaso jagāma sāyantanāya vidhaye'stamino jagāma |
snātuṃ sabhā kṛtanamaskaraṇā jagāma śyāmākṣaye ravikaraiśca sahājagāma || 50 ||
[Analyze grammar]