Chapter 64

cittāvatāro nāma sargaḥ |
catuṣṣaṣṭitamaḥ sargaḥ |
vasiṣṭhaḥ |
yo'yaṃ sarvagato devaḥ paramātmā maheśvaraḥ |
svacchaḥ svānubhavānandarūpo'ntādivivarjitaḥ || 1 ||
[Analyze grammar]

etasmātparamānandācchuddhacinmātrarūpiṇaḥ |
jīvaḥ sañjāyate pūrvaṃ sa cittaṃ tattato jagat || 2 ||
[Analyze grammar]

rāmaḥ |
svānubhūtipramāṇe'sminbrahmanbrahmaṇi bṛṃhite |
kathaṃ sattāmavāpnoti jīvako dvaitavarjite || 3 ||
[Analyze grammar]

vasiṣṭhaḥ |
asadābhāsamadhyātma brahmāstīha prabṛṃhitam |
bṛṃhaccidbhairavavapurānandābhidhamavyayam || 4 ||
[Analyze grammar]

tasya yatsamamāpūrṇaṃ śuddhaṃ sattvamacihnitam |
tadvidāmapyanirdeśyaṃ tacchāntaṃ paramaṃ padam || 5 ||
[Analyze grammar]

tasyaivodyanmahāśānti yatsattvaṃ saṃvidātmakam |
svabhāvātspandanaṃ tattajjīvaśabdena kathyate || 6 ||
[Analyze grammar]

tatremāḥ paramādarśe cidvyomnyanubhavātmikāḥ |
asatyāḥ pratibimbanti jagajjālaparamparāḥ || 7 ||
[Analyze grammar]

brahmaṇaḥ sphuraṇaṃ kiñcid yadavātāmbudheriva |
dīpasya vāpyavātasya tajjīvaṃ viddhi rāghava || 8 ||
[Analyze grammar]

śāntatvāpagame'cchasya manāksaṃvedanātmakam |
svābhāvikaṃ yatsphuraṇaṃ cidvyomnaḥ so'ṅga jīvakaḥ || 9 ||
[Analyze grammar]

yathā vātasya calanaṃ kṛśāṇoruṣṇatā yathā |
śītatā vā tuṣārasya tathā jīvatvamātmanaḥ || 10 ||
[Analyze grammar]

cidrūpasyātmatattvasya svabhāvavaśataḥ svayam |
manāksaṃvedanaṃ pūrvaṃ yattajjīva iti smṛtaḥ || 11 ||
[Analyze grammar]

tadeva ghanasaṃvitti yātyahantāmanukramāt |
vahnyaṇuḥ svendhanādhikyātsvāṃ prakāśakatāmiva || 12 ||
[Analyze grammar]

yathāsya tārakāsarge vyomnaḥ sphurati nīlimā |
śūnyasyāpyasya jīvasya tathāhambhāvabhāvanā || 13 ||
[Analyze grammar]

jīvo'haṅkṛtimādatte saṅkalpakalayeddhayā |
svayaiva vā ghanatayā nīlimānamivāmbaram || 14 ||
[Analyze grammar]

ahambhāvo hi dikkālavyavacchedāṅkitākṛtiḥ |
khasthaḥ saṅkalpavaśato vātaspanda iva sphuran || 15 ||
[Analyze grammar]

saṅkalponmukhatāṃ yātastvahaṅkārābhidhaḥ sthitaḥ |
cittaṃ jīvo mano māyā prakṛtiśceti nāmabhiḥ || 16 ||
[Analyze grammar]

tatsaṅkalpātmakaṃ ceto bhūtamātrātmakalpanam |
kurvaṃstattāṃ vrajatyeva saṅkalpād yāti pañcatām || 17 ||
[Analyze grammar]

tanmātrapañcakākāraṃ cittaṃ tejaḥkaṇo bhavet |
ajātajagati vyomni tārakā pelavā yathā || 18 ||
[Analyze grammar]

tejaḥkaṇatvamādatte cittaṃ tanmātrakalpanāt |
śanaiḥ svasmātparispandādbījamaṅkuratāmiva || 19 ||
[Analyze grammar]

asau tejaḥkaṇo'ṇḍākhyātkalpanātkaścidaṇḍatām |
prayātyantassphuradbrahmā jalamāpīḍatāmiva || 20 ||
[Analyze grammar]

kaściddrāgiti dehādikalpanād yāti dehatām |
bhrāntyutthāṃ tadatadrūpāṃ gandharveccheva pūśśriyam || 21 ||
[Analyze grammar]

kaścitsthāvaratāmeti kaścijjaṅgamatāmapi |
kaścid yāti khavāryādirūpaṃ saṅkalpataḥ svajāt || 22 ||
[Analyze grammar]

sargādāvādijo deho jīvasaṅkalpasambhavaḥ |
krameṇa padamāsādya vairiñcaṃ kurute jagat || 23 ||
[Analyze grammar]

ātmabhūḥ kalanātmābho yatsaṅkalpayati kṣaṇāt |
tatsvabhāvavaśādeva jātameva prapaśyati || 24 ||
[Analyze grammar]

citsvabhāvātsvamāyātaṃ brahmatvaṃ sarvakāraṇam |
saṃsṛtau kāraṇaṃ paścātkarma nirmāya saṃsthitam || 25 ||
[Analyze grammar]

cittvaṃ svabhāvātsphurati citaḥ phena ivāmbhasaḥ |
karmabhirbadhyate paścāddiṇḍīramiva rajjubhiḥ || 26 ||
[Analyze grammar]

saṅkalpaḥ karmaṇo bījaṃ tadātmaiva hi jīvakaḥ |
karma paścāttanotyuccairutthāyākarmakakramam || 27 ||
[Analyze grammar]

kroḍīkṛtāṅkurāṃ pūrvaṃ bījaṃ dhatte svabījatām |
paścānnānātvamāyāti pattrāṅkuraphalabhramaiḥ || 28 ||
[Analyze grammar]

anye kha eva ye jīvā evamevākṛtiṃ gatāḥ |
pūrvotpanne jagati te yānti bhūtāśritāḥ sthitim || 29 ||
[Analyze grammar]

svakarmabhistato janmamṛtikāraṇatāṃ gataiḥ |
prayāntyūrdhvamadhastādvā karma citspanda ucyate || 30 ||
[Analyze grammar]

citspandanaṃ bhavati karma tadeva daivaṃ cittaṃ tadeva ca tadeva śubhāśubhādi |
tasmādbhavanti bhuvanāni jaganti pūrvaṃ bhūtāni cāśu kusumāni tarorivādyāt || 31 ||
[Analyze grammar]