Chapter 49

līlopākhyāne astrayuddhavarṇanaṃ nāma sargaḥ |
ekonapañcāśattamaḥ sargaḥ |
vasiṣṭhaḥ |
vavurvalitanīhārā vikīrṇaghanapallavāḥ |
vāyavo dhūtavṛkṣaughāḥ patanotpāṭanodbhaṭāḥ || 1 ||
[Analyze grammar]

vikuṭṭitāṭavīṣaṇḍāśśvabhrabhittivibhedinaḥ |
tenātibhīmavātena vidūratharatho'pyatha || 2 ||
[Analyze grammar]

uhyamāno'bhavannadyā yathā jarjarapallavaḥ |
vidūratho'tha tatyāja parvatāstraṃ mahāstravit || 3 ||
[Analyze grammar]

vyomāpi ghanatāṃ yena samādhātumivodyatam |
tena śailāstraghātena virarāma samīraṇaḥ || 4 ||
[Analyze grammar]

śamaṃ ca tena śāntena prayayau vāyunā yataḥ |
antarikṣagatā vṛkṣapaṅktayaḥ patitā bhuvi || 5 ||
[Analyze grammar]

nānājanāśanavyūhe kākānāmiva koṭayaḥ |
śemuśśītkāraḍakkārabhākkārokkārakā diśām || 6 ||
[Analyze grammar]

pralāpā iva vidhvastaprathāḥ pavanavīrudhām |
girīnapaśyannabhasaḥ patataḥ parṇapattravat || 7 ||
[Analyze grammar]

sindhuḥ sindhurivotpannānmainākādīnitastataḥ |
vajrāstramasṛjaddīptaṃ terurvajraghanāstataḥ || 8 ||
[Analyze grammar]

pibanto'drīnpratigiraṃ vahnidāhādivāgnayaḥ |
te girīṇāṃ purīṇāṃ ca koṭituṇḍāvakhaṇḍanaiḥ || 9 ||
[Analyze grammar]

śirāṃsi śātayāmāsuḥ phalānīvolbanānilāḥ |
vidūratho'tha vajrāstraśāntyai brahmāstramabhyadāt || 10 ||
[Analyze grammar]

tato brahmāstravajrāstre samaṃ praśamamāgate |
śyāmāśyāmaṃ piśācāstramatha sindhuracodayat || 11 ||
[Analyze grammar]

tenodaguḥ piśācānāṃ paṅktayo'nantabhītidāḥ |
sandhyāyāmiva bhītyeva divasaśśyāmatāṃ yayau || 12 ||
[Analyze grammar]

piśācā bhuvanaṃ jahrurandhakārabharā iva |
bhāsmanastambhasadṛśāstālottālavilāsinaḥ || 13 ||
[Analyze grammar]

dṛśyamānamahākārā muṣṭigrāhyā nakiñcana |
ūrdhvakeśāḥ kṛśāṅgāśca kecicca śmaśrulā api || 14 ||
[Analyze grammar]

kṛśāṅgā malināṅgāśca grāmyā iva nabhaścarāḥ |
sabhāyāṃ mūḍhadṛṣṭāśca yatkiñcanakarāḥ khalāḥ || 15 ||
[Analyze grammar]

dīnā bahvāśinaḥ krūrā dīnā grāmyajanā iva |
tarukardamarathyāntaśśūnyagehagṛhāścalāḥ || 16 ||
[Analyze grammar]

lelihānāḥ pretarūpāḥ kṛṣṇāṅgāśśvapacā iva |
jagṛhuste tadā mattā hataśiṣṭamarerbalam || 17 ||
[Analyze grammar]

āsannasainikāstatra vitrastakṣubdhacetanāḥ |
tyaktāyudhatanutrāṇāstrastaprāṇāḥ skhaladgamāḥ || 18 ||
[Analyze grammar]

netrairaṅgairmukhaiḥ pādairvikārabhayakāriṇaḥ |
tyaktakaupīnavasanā nirnagnā hasanottarāḥ || 19 ||
[Analyze grammar]

viṣṭhāṃ mūtraṃ ca kurvantaḥ sthiramārabdhanartanāḥ |
piśācarājo rājānamatha yāvadvidūratham || 20 ||
[Analyze grammar]

samākrāmati tāvatsa māyāṃ tāṃ bubudhe budhaḥ |
piśācasaṅgrāmakarīṃ māyāṃ vetti sa bhūmipaḥ || 21 ||
[Analyze grammar]

tayā piśācasainyaṃ tatparasainye nyayojayat |
tataḥ svasainikāḥ svasthāḥ parayodhāḥ piśācinaḥ || 22 ||
[Analyze grammar]

tasyātha rūpikāstraṃ taddadau cānyadasau ruṣā |
udagurbhūtalādvyomno rūpikāḥ stabdhamūrdhajāḥ || 23 ||
[Analyze grammar]

nirnagnā vikarālākṣyo lambaśroṇipayodharāḥ |
udbhinnayauvanā vṛddhāḥ pīvarāṅgyo'tha jarjarāḥ || 24 ||
[Analyze grammar]

svarūpārūpajaghanā durnāṭyavikasadbhagāḥ |
narapadmaśirohastā rudhirāruṇagātrakāḥ || 25 ||
[Analyze grammar]

ardhacarvitamāṃsāsṛksravatsṛkvāktalālanāḥ |
nānānānāṅgavalanānanonnamanasannamāḥ || 26 ||
[Analyze grammar]

sirālabhujavaktrorukucapārśvakarāṅgikāḥ |
tāḍīkṛtārbhakaśavādanukṛṣṭāntrarajjavaḥ || 27 ||
[Analyze grammar]

śvakākolūkavadanā nimnavaktrahanūdarāḥ |
jagṛhustāḥ piśācāṃstāndurbalānduśśiśūniva || 28 ||
[Analyze grammar]

piśācarūpikāsainyaṃ tadāsīdekatāṃ gatam |
nirnagnaṃ nartanottānavadanāṅgavilocanam || 29 ||
[Analyze grammar]

parasparākrāntikaraṃ bhīṣayaṃśca parasparam |
niṣkāsitamahājihvaṃ nānāmukhavikāradam || 30 ||
[Analyze grammar]

śavabhārāḍhyamanyo'nyaṃ hriyamāṇaśavāṅgakam |
rudhirāmbhasi majjattadunmajjacca lasattanu || 31 ||
[Analyze grammar]

lambodaraṃ lambabhujaṃ lambakarṇoṣṭhanāsikam |
raktamāṃsavasāpaṅkeṣvanyo'nyaṃ vellanātma tat || 32 ||
[Analyze grammar]

mandaroddhūtadugdhābdhilasatkalakalākulam |
yathaiva māyāsañcārastena tasya kṛtaḥ punaḥ || 33 ||
[Analyze grammar]

tenāpi tasyāśu tathā kṛto buddhvāśu lāghavam |
vetālāstraṃ tato dattaṃ tenottasthuśśavavrajāḥ || 34 ||
[Analyze grammar]

amūrdhānaḥ samūrdhāno vetālāveśavalgitāḥ |
tataḥ piśācavetālarūpikaughakabandhavat || 35 ||
[Analyze grammar]

udbabhūva balaṃ bhīmamūrvīnigaraṇakṣamam |
athetaro'pi bhūpālo māyāṃ sañcārya cāparām || 36 ||
[Analyze grammar]

rākṣasāstraṃ sasarjāśu trailokyākramaṇonmukham |
udaguḥ parvatākārāḥ sarvataḥ sthūlarākṣasāḥ || 37 ||
[Analyze grammar]

dehamāśritya niṣkrāntāḥ pātālānnarakā iva |
athābhūttadbalaṃ bhīmaṃ sasurāsurabhītidam || 38 ||
[Analyze grammar]

garjadrakṣomahāmbhodavādyanṛtyatkabandhakam |
rūpikādārikārūpaṃ piśācasthānasusthiti || 39 ||
[Analyze grammar]

āttakvaṇitavaṃśāḍhyaṃ śiraḥ padmotkarākulam |
lolāntramālāvalitaṃ rudhirāmbusamukṣitam || 40 ||
[Analyze grammar]

vetālatālasollāsaṃ lasaddhāma piśācakam |
medomāṃsavasādyāḍhyaṃ rudhirāsavasundaram |
kṣībavetālakumbhāṇḍayakṣatāṇḍavasaṅkaṭam || 41 ||
[Analyze grammar]

kumbhāṇḍakottāṇḍavadaṇḍapādakṣubdhāsṛgutkṣiptataraṅgasiktaiḥ |
sandhyābhradhārotkarakoṭikāntairbhūtairasṛksrotasi dattasetu || 42 ||
[Analyze grammar]