Chapter 50

līlopākhyāne dvitīyāstrayuddhaṃ nāma sargaḥ |
pañcāśaḥ sargaḥ |
vasiṣṭhaḥ |
tasmiṃstadā vartamāne ghore samrambhavibhrame |
sarvārisainyanāśārthamekaḥ svabalaśāntaye || 1 ||
[Analyze grammar]

sasmāra smṛtimānantaranantodāradhairyabhṛt |
astramastreśvaraṃ śrīmadvaiṣṇavaṃ śaṅkaropamam || 2 ||
[Analyze grammar]

atha yo'sau śarastena vaiṣṇavāstrābhimantritaḥ |
muktastasya phalaprāntādulmukānīva niryayuḥ || 3 ||
[Analyze grammar]

paṅktayaḥ sphāracakrāṇāṃ śatārkīkṛtadiktaṭāḥ |
gadānāmabhiyāntīnāṃ śatavaṃśīkṛtāmbarāḥ || 4 ||
[Analyze grammar]

vajrāṇāmurudhārāṇāṃ śaracchṛṅgīkṛtāmbarāḥ |
paṭṭisānāṃ ca paṭṭānāṃ tīravṛkṣīkṛtāmbarāḥ || 5 ||
[Analyze grammar]

atha rājā dvitīyo'pi vaiṣṇavāstrapraśāntaye |
dadau vaiṣṇavamevāstraṃ śastraniṣṭhīvapūrakam || 6 ||
[Analyze grammar]

tato'pi niryayurnadyo hetīnāṃ hatahetayaḥ |
śaraśaktigadāprāsapaṭṭisādipayorayāḥ || 7 ||
[Analyze grammar]

śastrāstrasaritāṃ tāsāṃ vyomni yuddhamavartata |
rodorandhrakṣayakaraṃ kulaśailendradāraṇam || 8 ||
[Analyze grammar]

śaraśātitaśūlāśrikhaḍgākuṭṭitapaṭṭisam |
suprāsaprahataprāsaṃ śūlaśātitaśaktikam || 9 ||
[Analyze grammar]

śarāmburāśimathanamattamudgaramandaram |
gadāvadalanodyuktadurvārādrinibhāśani || 10 ||
[Analyze grammar]

ṛṣṭivṛṣṭipraśamanabhramatkuntendumaṇḍalam |
prāsagrasanasaṃrabdhaprodyacchaṅkukṛtāntakam || 11 ||
[Analyze grammar]

cakrārdhacaṭitoccādrivajravijvaraparvatam |
śaṅkuśaṅkitaśūtkārakāśiśūlaśilātalam || 12 ||
[Analyze grammar]

bhusuṇḍībhaṇḍitoddaṇḍabhiṇḍipāloḍumaṇḍalam |
paraśūlakarānekaparaśūlūkalaṅghitam || 13 ||
[Analyze grammar]

vahatkacakrakacavacchinnacañcuracāmaram |
sphuṭaccaṭacaṭāsphoṭatruṭyattripathagārayam || 14 ||
[Analyze grammar]

hetyaśricūrṇasaṃbhāramahābhramavitānakam |
anyo'nyaśastrasaṃghaṭṭabhramajjvālollasattaḍit || 15 ||
[Analyze grammar]

śabdasphuradviriñcāṇḍaṃ ghātabhagnakulācalam |
dhārānikṛttaśastraughamastrayoryudhyamānayoḥ || 16 ||
[Analyze grammar]

sadastravāraṇenaiva yātaḥ kālo balātmanaḥ |
svayaṃ kiyadbala iti sindhau tiṣṭhati helayā || 17 ||
[Analyze grammar]

vidūratho'stramāgneyaṃ tatyājāśaniśabdavat |
jvālayāmāsa sa rathaṃ sindhoḥ kakṣamivārasam || 18 ||
[Analyze grammar]

etasminnantare vyomni hetinirvivarodare |
sa sannāha iva prāvṛṭpayodapaṭinīva vā || 19 ||
[Analyze grammar]

astrarājekṣaṇaṃ kṛtvā yuddhaṃ paramadāruṇaṃ |
anyo'nyaṃ śamamāyātau savīryau subhaṭāviva || 20 ||
[Analyze grammar]

etasminnantare'strāgnī rathaṃ kṛtvāśu bhasmasāt |
prāpa dagdhvā vanaṃ sindhuṃ mṛgendramiva kandarāt || 21 ||
[Analyze grammar]

sindhurabhyāśato'gnyastraṃ vāruṇāstreṇa śātayan |
rathaṃ tyaktvāvaniṃ prāpya khaḍgakheṭakavānabhūt || 22 ||
[Analyze grammar]

akṣṇornimeṣamātreṇa rathāśvānāṃ ripoḥ khurān |
lulāva karavālena mṛṇālānīva lāghavāt || 23 ||
[Analyze grammar]

vidūratho'pi viratho babhūva kheṭakāsimān |
samāyudhau samotsāhau ceraturmaṇḍalānvitau || 24 ||
[Analyze grammar]

khaḍgau krakacatāṃ yātau mithaḥ praharatostayoḥ |
dantamāleyamasyeva calecarcayataḥ prajāḥ || 25 ||
[Analyze grammar]

śaktimādāya cikṣepa khaḍgaṃ tyaktvā vidūrathaḥ |
sindhāv udghargharārāvaṃ mahotpāta ivāśanim || 26 ||
[Analyze grammar]

avicchinnaṃ samāyāntī patitā sāsya vakṣasi |
apriyasya yathā bharturanicchantī svakāminī || 27 ||
[Analyze grammar]

tena śaktiprahāreṇa nāsau maraṇamāptavān |
kevalaṃ rudhirasroto nāgo jalamivātyajat || 28 ||
[Analyze grammar]

taddeśalīlā taṃ dṛṣṭvā bhagnaṃ tama ivendunā |
savikāsā ghanānandā pūrvalīlāmuvāca ha || 29 ||
[Analyze grammar]

devi paśya nṛsiṃhena hato bhartāyamāvayoḥ |
śaktikoṭinakhairdaityaḥ sindhuruddhurakandharaḥ || 30 ||
[Analyze grammar]

sarastalasthanāgendravarahūṅkṛtavārivat |
diṣṭyorasyasya niryāti raktaṃ śuluśulāravaiḥ || 31 ||
[Analyze grammar]

hā kaṣṭaṃ rathamānītaṃ sindhurāroḍhumudyataḥ |
sauvarṇaṃ mairavaṃ śṛṅgaṃ puṣkarāvartako yathā || 32 ||
[Analyze grammar]

paśya devi ratho'syāsau mudgareṇāvacūrṇitaḥ |
bhramatparvatapātena sauvarṇaṃ nagaraṃ yathā || 33 ||
[Analyze grammar]

pravṛtto rathamānītamāroḍhuṃ patireṣa me |
kaṣṭaṃ vajramivendreṇa musulaṃ sindhuneritam || 34 ||
[Analyze grammar]

vañcayitvā vilāsena rathamāruhya lāghavāt |
paśya bhartā madīyo'sau cakāsti nitarāṃ raṇe || 35 ||
[Analyze grammar]

hā dhikkaṣṭamasau sindhurāryaputrarathaṃ balāt |
hariśśvabhramivarūḍhaḥ plavenontariva drumam || 36 ||
[Analyze grammar]

khaḍgenārohato'syāṃsacchinno bhartā vilokaya |
padmarāgagirirdyotamiva muñcati śoṇitam || 37 ||
[Analyze grammar]

hā hā dhikkaṣṭametena sindhunā khaḍgadhārayā |
jaṅghayorme patiśchinnaḥ krakaceneva pādapaḥ || 38 ||
[Analyze grammar]

hā hā hatāsmi dagdhāsmi mṛtāsmyapahatāsmi ca |
mṛṇāle iva lūne me patyurdve api jānunī || 39 ||
[Analyze grammar]

ityuktvā sā tadālokya bhartṛbhāvabhayāturā |
latā paraśukṛtteva mūrchitā patitā bhuvi || 40 ||
[Analyze grammar]

vidūratho'pi nirjānuḥ praharanneva vidviṣi |
papāta syandane'pyāśu chinnamūla iva drumaḥ || 41 ||
[Analyze grammar]

patannevaiṣa sūtena rathenaivāpavāhitaḥ |
yadā tadāhatiṃ tasya kaṇṭhe'dātsindhuruddhataḥ || 42 ||
[Analyze grammar]

ardhavicchinnakaṇṭho'sāvanuyāto'tha sindhunā |
syandanenāviśatsadma padmamevendirā yathā || 43 ||
[Analyze grammar]

sarasvatīprabhāvāḍhyaṃ tatpraveṣṭumasau gṛham |
nāśakanmaṣako matto mahājvālāntaraṃ yathā || 44 ||
[Analyze grammar]

khaḍgāvakṛttagalagartagalatsavātaraktacchaṭācchuritavastratanutragātram |
tatyāja taṃ bhagavatīmabhito gṛhāntaḥ sūtaḥ praviśya mṛtitalpatale gatārim || 45 ||
[Analyze grammar]