Chapter 39

līlopākhyāna āhavavarṇanaṃ nāma sargaḥ |
ekonatriṃśaḥ sargaḥ |
vasiṣṭhaḥ |
atha vīra ivāraktaḥ kālenāstamito raviḥ |
śaśvattejaḥparimlānapratāpo'bdhau samujjhitaḥ || 1 ||
[Analyze grammar]

raṇaraktarucivyomadarpaṇapratibimbitā |
ahnaḥ sūryaśiraśchede sandhyālekhodabhūtkṣaṇāt || 2 ||
[Analyze grammar]

bhūpātālanabhodigbhyaḥ pralayābdhijalaughavat |
samājagmustamastālā vetālavalayā iva || 3 ||
[Analyze grammar]

dṛṣṭaṃ dhvāntāsidalite dinanāgendramastake |
sandhyārāgāruṇākīrṇaṃ tārānikaramauktikam || 4 ||
[Analyze grammar]

nissattveṣu tamo'ndheṣu sarassvarasaśāliṣu |
saṅkocamāyayuḥ padmā mṛtānāṃ hṛdayeṣviva || 5 ||
[Analyze grammar]

mīlatpakṣāḥ kṣaṇātsuptāḥ kacchavruḍitakandharāḥ |
kulāyeṣu khagā āsan sarvāṅgeṣviva hetayaḥ || 6 ||
[Analyze grammar]

āsannacandrasubhagālokāḥ kumudapaṅktayaḥ |
ullasaddhṛdayā jātā vīrapakṣeṣviva śriyaḥ || 7 ||
[Analyze grammar]

raktavārimayī sāyasaṅgaguptaśilīmukhā |
saṅkucadvaktrapadmābhūd raṇabhūmirivābjinī || 8 ||
[Analyze grammar]

uparyabhūdvyomasarastārākumudamaṇḍitam |
adhastvabhūdvāriviyatsphuratkumudatārakam || 9 ||
[Analyze grammar]

tamāṃsyapītakāryāṇi bhūtāni cākhilānyalam |
payāṃsīva viserūni prasṛtāni diśaṃ prati || 10 ||
[Analyze grammar]

āsīd raṇāṅganaṃ gāyadvetālakulasaṅkulam |
kvaṇatkaṅkālakaṇṭhasthakaṅkakākolakelimat || 11 ||
[Analyze grammar]

rathakāṣṭacitijvālāsatārāmbarabhāsuram |
pacatpacapacāśabdamedomāṃsamayānalam || 12 ||
[Analyze grammar]

śavāṅgāsthisphuṭāsphoṭaluṭhacciticayolmukam |
vetālalalanārabdhajalalīlātirohitam || 13 ||
[Analyze grammar]

śvakākayakṣavetālatālakolāhalolbaṇam |
samāgamena bhūtānāṃ samuḍḍīnavanopamam || 14 ||
[Analyze grammar]

raktamāṃsavasāmedoharaṇavyagraḍākinam |
carvitāsṛgvasāmāṃsasravatsṛkvipiśācakam || 15 ||
[Analyze grammar]

sabhyamadhyacitālokaprakaṭāsṛkśavavrajam |
kharūpikānīyamānāśvasannyastamahāśavam || 16 ||
[Analyze grammar]

uttāṇḍavograkumbhāṇḍamaṇḍaloḍḍāmarodaram |
chamacchamivilāpāntaṃ medo'sṛgbāṣpasāmbudam || 17 ||
[Analyze grammar]

vahadraktanadīraṃhorūḍhabhūcararūpikam |
vetālākulakaṅkālakarṣaṇākulakākakam || 18 ||
[Analyze grammar]

mṛtebhodaramañjūṣāsuptavetālabālakam |
viviktaikatarūddeśapānakrīḍāstharākṣasam || 19 ||
[Analyze grammar]

mattavetālakalahe citālātaraṇojjvalam |
vahadraktavasāmiśragandhabandhuramārutam || 20 ||
[Analyze grammar]

rūpikāpeṭake vegaraṇadruṭaruṭāravam |
ardhapakvaśavāsvādalubdhayakṣollasatkili || 21 ||
[Analyze grammar]

tuṅgavaṅgakaliṅgāṅgataṅganāṅgalagatkhagam |
tārāpātopamabhavatsaṃmukhajvālarūpikam || 22 ||
[Analyze grammar]

patadvetālasollāsamadhyasthāsṛksurūpikam |
piśācākarṇitābhyarṇayoginīgaṇagāyanam || 23 ||
[Analyze grammar]

prasṛtāntramahātantrīprāyasampannavādanam |
piśācavāsanotkrāntapiśācībhūtamānavam || 24 ||
[Analyze grammar]

rūpikālokanāpūrvatrāsārdhamṛtasadbhaṭam |
kvacidvetālarakṣobhirahanīvonnamadraṇam || 25 ||
[Analyze grammar]

kharūpikāskandhapatacchavatrastaniśācaram |
nabhassaṅghaṭitāpūrvabhūtapeṭakasaṅkaṭam || 26 ||
[Analyze grammar]

atiprayatnāpahṛtamriyamāṇanarādhipam |
subhakṣāpekṣiyakṣekṣāvikṣiptaśavarāśimat || 27 ||
[Analyze grammar]

śivāmukhānalaśikhākhaṇḍaiśchamitanaktagaiḥ |
samuḍḍīnanavāśokapuṣpagucchamivābhitaḥ || 28 ||
[Analyze grammar]

kabandhakandharābaddhavyagravetālabālakam |
yakṣarakṣaḥpiśācājikacadākāśagolmukam || 29 ||
[Analyze grammar]

ākāśabhūdharanikuñjaguhāntarāla piṇḍopamasthitatamo'mbudapīṭhapūram |
vyālolabhūtarabhasākulakalpavāta vyādhūtalokakarakāṇḍakavāṭakalpam || 30 ||
[Analyze grammar]