Chapter 92

vaiśaṃpāyana uvāca |
tathā kathayatoreva tayorbuddhimatostadā |
śivā nakṣatrasaṃpannā sā vyatīyāya śarvarī || 1 ||
[Analyze grammar]

dharmārthakāmayuktāśca vicitrārthapadākṣarāḥ |
śṛṇvato vividhā vāco vidurasya mahātmanaḥ || 2 ||
[Analyze grammar]

kathābhiranurūpābhiḥ kṛṣṇasyāmitatejasaḥ |
akāmasyeva kṛṣṇasya sā vyatīyāya śarvarī || 3 ||
[Analyze grammar]

tatastu svarasaṃpannā bahavaḥ sūtamāgadhāḥ |
śaṅkhadundubhinirghoṣaiḥ keśavaṃ pratyabodhayan || 4 ||
[Analyze grammar]

tata utthāya dāśārha ṛṣabhaḥ sarvasātvatām |
sarvamāvaśyakaṃ cakre prātaḥkāryaṃ janārdanaḥ || 5 ||
[Analyze grammar]

kṛtodakāryajapyaḥ sa hutāgniḥ samalaṃkṛtaḥ |
tata ādityamudyantamupātiṣṭhata mādhavaḥ || 6 ||
[Analyze grammar]

atha duryodhanaḥ kṛṣṇaṃ śakuniścāpi saubalaḥ |
saṃdhyāṃ tiṣṭhantamabhyetya dāśārhamaparājitam || 7 ||
[Analyze grammar]

ācakṣetāṃ tu kṛṣṇasya dhṛtarāṣṭraṃ sabhāgatam |
kurūṃśca bhīṣmapramukhānrājñaḥ sarvāṃśca pārthivān || 8 ||
[Analyze grammar]

tvāmarthayante govinda divi śakramivāmarāḥ |
tāvabhyanandadgovindaḥ sāmnā paramavalgunā || 9 ||
[Analyze grammar]

tato vimala āditye brāhmaṇebhyo janārdanaḥ |
dadau hiraṇyaṃ vāsāṃsi gāścāśvāṃśca paraṃtapaḥ || 10 ||
[Analyze grammar]

visṛṣṭavantaṃ ratnāni dāśārhamaparājitam |
tiṣṭhantamupasaṃgamya vavande sārathistadā || 11 ||
[Analyze grammar]

tamupasthitamājñāya rathaṃ divyaṃ mahāmanāḥ |
mahābhraghananirghoṣaṃ sarvaratnavibhūṣitam || 12 ||
[Analyze grammar]

agniṃ pradakṣiṇaṃ kṛtvā brāhmaṇāṃśca janārdanaḥ |
kaustubhaṃ maṇimāmucya śriyā paramayā jvalan || 13 ||
[Analyze grammar]

kurubhiḥ saṃvṛtaḥ kṛṣṇo vṛṣṇibhiścābhirakṣitaḥ |
ātiṣṭhata rathaṃ śauriḥ sarvayādavanandanaḥ || 14 ||
[Analyze grammar]

anvāruroha dāśārhaṃ viduraḥ sarvadharmavit |
sarvaprāṇabhṛtāṃ śreṣṭhaṃ sarvadharmabhṛtāṃ varam || 15 ||
[Analyze grammar]

tato duryodhanaḥ kṛṣṇaṃ śakuniścāpi saubalaḥ |
dvitīyena rathenainamanvayātāṃ paraṃtapam || 16 ||
[Analyze grammar]

sātyakiḥ kṛtavarmā ca vṛṣṇīnāṃ ca mahārathāḥ |
pṛṣṭhato'nuyayuḥ kṛṣṇaṃ rathairaśvairgajairapi || 17 ||
[Analyze grammar]

teṣāṃ hemapariṣkārā yuktāḥ paramavājibhiḥ |
gacchatāṃ ghoṣiṇaścitrāścāru babhrājire rathāḥ || 18 ||
[Analyze grammar]

saṃmṛṣṭasaṃsiktarajaḥ pratipede mahāpatham |
rājarṣicaritaṃ kāle kṛṣṇo dhīmāñśriyā jvalan || 19 ||
[Analyze grammar]

tataḥ prayāte dāśārhe prāvādyantaikapuṣkarāḥ |
śaṅkhāśca dadhmire tatra vādyānyanyāni yāni ca || 20 ||
[Analyze grammar]

pravīrāḥ sarvalokasya yuvānaḥ siṃhavikramāḥ |
parivārya rathaṃ śaureragacchanta paraṃtapāḥ || 21 ||
[Analyze grammar]

tato'nye bahusāhasrā vicitrādbhutavāsasaḥ |
asiprāsāyudhadharāḥ kṛṣṇasyāsanpuraḥsarāḥ || 22 ||
[Analyze grammar]

gajāḥ paraḥśatāstatra varāścāśvāḥ sahasraśaḥ |
prayāntamanvayurvīraṃ dāśārhamaparājitam || 23 ||
[Analyze grammar]

puraṃ kurūṇāṃ saṃvṛttaṃ draṣṭukāmaṃ janārdanam |
savṛddhabālaṃ sastrīkaṃ rathyāgatamariṃdamam || 24 ||
[Analyze grammar]

vedikāpāśritābhiśca samākrāntānyanekaśaḥ |
pracalantīva bhāreṇa yoṣidbhirbhavanānyuta || 25 ||
[Analyze grammar]

saṃpūjyamānaḥ kurubhiḥ saṃśṛṇvanvividhāḥ kathāḥ |
yathārhaṃ pratisatkurvanprekṣamāṇaḥ śanairyayau || 26 ||
[Analyze grammar]

tataḥ sabhāṃ samāsādya keśavasyānuyāyinaḥ |
saśaṅkhairveṇunirghoṣairdiśaḥ sarvā vyanādayan || 27 ||
[Analyze grammar]

tataḥ sā samitiḥ sarvā rājñāmamitatejasām |
saṃprākampata harṣeṇa kṛṣṇāgamanakāṅkṣayā || 28 ||
[Analyze grammar]

tato'bhyāśagate kṛṣṇe samahṛṣyannarādhipāḥ |
śrutvā taṃ rathanirghoṣaṃ parjanyaninadopamam || 29 ||
[Analyze grammar]

āsādya tu sabhādvāramṛṣabhaḥ sarvasātvatām |
avatīrya rathācchauriḥ kailāsaśikharopamāt || 30 ||
[Analyze grammar]

nagameghapratīkāśāṃ jvalantīmiva tejasā |
mahendrasadanaprakhyāṃ praviveśa sabhāṃ tataḥ || 31 ||
[Analyze grammar]

pāṇau gṛhītvā viduraṃ sātyakiṃ ca mahāyaśāḥ |
jyotīṃṣyādityavadrājankurūnpracchādayañśriyā || 32 ||
[Analyze grammar]

agrato vāsudevasya karṇaduryodhanāvubhau |
vṛṣṇayaḥ kṛtavarmā ca āsankṛṣṇasya pṛṣṭhataḥ || 33 ||
[Analyze grammar]

dhṛtarāṣṭraṃ puraskṛtya bhīṣmadroṇādayastataḥ |
āsanebhyo'calansarve pūjayanto janārdanam || 34 ||
[Analyze grammar]

abhyāgacchati dāśārhe prajñācakṣurmahāmanāḥ |
sahaiva bhīṣmadroṇābhyāmudatiṣṭhanmahāyaśāḥ || 35 ||
[Analyze grammar]

uttiṣṭhati mahārāje dhṛtarāṣṭre janeśvare |
tāni rājasahasrāṇi samuttasthuḥ samantataḥ || 36 ||
[Analyze grammar]

āsanaṃ sarvatobhadraṃ jāmbūnadapariṣkṛtam |
kṛṣṇārthe kalpitaṃ tatra dhṛtarāṣṭrasya śāsanāt || 37 ||
[Analyze grammar]

smayamānastu rājānaṃ bhīṣmadroṇau ca mādhavaḥ |
abhyabhāṣata dharmātmā rājñaścānyānyathāvayaḥ || 38 ||
[Analyze grammar]

tatra keśavamānarcuḥ samyagabhyāgataṃ sabhām |
rājānaḥ pārthivāḥ sarve kuravaśca janārdanam || 39 ||
[Analyze grammar]

tatra tiṣṭhansa dāśārho rājamadhye paraṃtapaḥ |
apaśyadantarikṣasthānṛṣīnparapuraṃjayaḥ || 40 ||
[Analyze grammar]

tatastānabhisaṃprekṣya nāradapramukhānṛṣīn |
abhyabhāṣata dāśārho bhīṣmaṃ śāṃtanavaṃ śanaiḥ || 41 ||
[Analyze grammar]

pārthivīṃ samitiṃ draṣṭumṛṣayo'bhyāgatā nṛpa |
nimantryantāmāsanaiśca satkāreṇa ca bhūyasā || 42 ||
[Analyze grammar]

naiteṣvanupaviṣṭeṣu śakyaṃ kenacidāsitum |
pūjā prayujyatāmāśu munīnāṃ bhāvitātmanām || 43 ||
[Analyze grammar]

ṛṣīñśāṃtanavo dṛṣṭvā sabhādvāramupasthitān |
tvaramāṇastato bhṛtyānāsanānītyacodayat || 44 ||
[Analyze grammar]

āsanānyatha mṛṣṭāni mahānti vipulāni ca |
maṇikāñcanacitrāṇi samājahrustatastataḥ || 45 ||
[Analyze grammar]

teṣu tatropaviṣṭeṣu gṛhītārgheṣu bhārata |
niṣasādāsane kṛṣṇo rājānaśca yathāsanam || 46 ||
[Analyze grammar]

duḥśāsanaḥ sātyakaye dadāvāsanamuttamam |
viviṃśatirdadau pīṭhaṃ kāñcanaṃ kṛtavarmaṇe || 47 ||
[Analyze grammar]

avidūre'tha kṛṣṇasya karṇaduryodhanāvubhau |
ekāsane mahātmānau niṣīdaturamarṣaṇau || 48 ||
[Analyze grammar]

gāndhārarājaḥ śakunirgāndhārairabhirakṣitaḥ |
niṣasādāsane rājā sahaputro viśāṃ pate || 49 ||
[Analyze grammar]

viduro maṇipīṭhe tu śuklaspardhyājinottare |
saṃspṛśannāsanaṃ śaurermahāmatirupāviśat || 50 ||
[Analyze grammar]

cirasya dṛṣṭvā dāśārhaṃ rājānaḥ sarvapārthivāḥ |
amṛtasyeva nātṛpyanprekṣamāṇā janārdanam || 51 ||
[Analyze grammar]

atasīpuṣpasaṃkāśaḥ pītavāsā janārdanaḥ |
vyabhrājata sabhāmadhye hemnīvopahito maṇiḥ || 52 ||
[Analyze grammar]

tatastūṣṇīṃ sarvamāsīdgovindagatamānasam |
na tatra kaścitkiṃciddhi vyājahāra pumānkvacit || 53 ||
[Analyze grammar]