Chapter 267

mārkaṇḍeya uvāca |
tatastatraiva rāmasya samāsīnasya taiḥ saha |
samājagmuḥ kapiśreṣṭhāḥ sugrīvavacanāttadā || 1 ||
[Analyze grammar]

vṛtaḥ koṭisahasreṇa vānarāṇāṃ tarasvinām |
śvaśuro vālinaḥ śrīmānsuṣeṇo rāmamabhyayāt || 2 ||
[Analyze grammar]

koṭīśatavṛtau cāpi gajo gavaya eva ca |
vānarendrau mahāvīryau pṛthakpṛthagadṛśyatām || 3 ||
[Analyze grammar]

ṣaṣṭikoṭisahasrāṇi prakarṣanpratyadṛśyata |
golāṅgūlo mahārāja gavākṣo bhīmadarśanaḥ || 4 ||
[Analyze grammar]

gandhamādanavāsī tu prathito gandhamādanaḥ |
koṭīsahasramugrāṇāṃ harīṇāṃ samakarṣata || 5 ||
[Analyze grammar]

panaso nāma medhāvī vānaraḥ sumahābalaḥ |
koṭīrdaśa dvādaśa ca triṃśatpañca prakarṣati || 6 ||
[Analyze grammar]

śrīmāndadhimukho nāma harivṛddho'pi vīryavān |
pracakarṣa mahatsainyaṃ harīṇāṃ bhīmatejasām || 7 ||
[Analyze grammar]

kṛṣṇānāṃ mukhapuṇḍrāṇāmṛkṣāṇāṃ bhīmakarmaṇām |
koṭīśatasahasreṇa jāmbavānpratyadṛśyata || 8 ||
[Analyze grammar]

ete cānye ca bahavo hariyūthapayūthapāḥ |
asaṃkhyeyā mahārāja samīyū rāmakāraṇāt || 9 ||
[Analyze grammar]

śirīṣakusumābhānāṃ siṃhānāmiva nardatām |
śrūyate tumulaḥ śabdastatra tatra pradhāvatām || 10 ||
[Analyze grammar]

girikūṭanibhāḥ kecitkecinmahiṣasaṃnibhāḥ |
śaradabhrapratīkāśāḥ piṣṭahiṅgulakānanāḥ || 11 ||
[Analyze grammar]

utpatantaḥ patantaśca plavamānāśca vānarāḥ |
uddhunvanto'pare reṇūnsamājagmuḥ samantataḥ || 12 ||
[Analyze grammar]

sa vānaramahālokaḥ pūrṇasāgarasaṃnibhaḥ |
niveśamakarottatra sugrīvānumate tadā || 13 ||
[Analyze grammar]

tatasteṣu harīndreṣu samāvṛtteṣu sarvaśaḥ |
tithau praśaste nakṣatre muhūrte cābhipūjite || 14 ||
[Analyze grammar]

tena vyūḍhena sainyena lokānudvartayanniva |
prayayau rāghavaḥ śrīmānsugrīvasahitastadā || 15 ||
[Analyze grammar]

mukhamāsīttu sainyasya hanūmānmārutātmajaḥ |
jaghanaṃ pālayāmāsa saumitrirakutobhayaḥ || 16 ||
[Analyze grammar]

baddhagodhāṅgulitrāṇau rāghavau tatra rejatuḥ |
vṛtau harimahāmātraiścandrasūryau grahairiva || 17 ||
[Analyze grammar]

prababhau harisainyaṃ tacchālatālaśilāyudham |
sumahacchālibhavanaṃ yathā sūryodayaṃ prati || 18 ||
[Analyze grammar]

nalanīlāṅgadakrāthamaindadvividapālitā |
yayau sumahatī senā rāghavasyārthasiddhaye || 19 ||
[Analyze grammar]

vidhivatsupraśasteṣu bahumūlaphaleṣu ca |
prabhūtamadhumāṃseṣu vārimatsu śiveṣu ca || 20 ||
[Analyze grammar]

nivasantī nirābādhā tathaiva girisānuṣu |
upāyāddharisenā sā kṣārodamatha sāgaram || 21 ||
[Analyze grammar]

dvitīyasāgaranibhaṃ tadbalaṃ bahuladhvajam |
velāvanaṃ samāsādya nivāsamakarottadā || 22 ||
[Analyze grammar]

tato dāśarathiḥ śrīmānsugrīvaṃ pratyabhāṣata |
madhye vānaramukhyānāṃ prāptakālamidaṃ vacaḥ || 23 ||
[Analyze grammar]

upāyaḥ ko nu bhavatāṃ mataḥ sāgaralaṅghane |
iyaṃ ca mahatī senā sāgaraścāpi dustaraḥ || 24 ||
[Analyze grammar]

tatrānye vyāharanti sma vānarāḥ paṭumāninaḥ |
samarthā laṅghane sindhorna tu kṛtsnasya vānarāḥ || 25 ||
[Analyze grammar]

kecinnaubhirvyavasyanti kecicca vividhaiḥ plavaiḥ |
neti rāmaśca tānsarvānsāntvayanpratyabhāṣata || 26 ||
[Analyze grammar]

śatayojanavistāraṃ na śaktāḥ sarvavānarāḥ |
krāntuṃ toyanidhiṃ vīrā naiṣā vo naiṣṭhikī matiḥ || 27 ||
[Analyze grammar]

nāvo na santi senāyā bahvyastārayituṃ tathā |
vaṇijāmupaghātaṃ ca kathamasmadvidhaścaret || 28 ||
[Analyze grammar]

vistīrṇaṃ caiva naḥ sainyaṃ hanyācchidreṣu vai paraḥ |
plavoḍupapratāraśca naivātra mama rocate || 29 ||
[Analyze grammar]

ahaṃ tvimaṃ jalanidhiṃ samārapsyāmyupāyataḥ |
pratiśeṣyāmyupavasandarśayiṣyati māṃ tataḥ || 30 ||
[Analyze grammar]

na ceddarśayitā mārgaṃ dhakṣyāmyenamahaṃ tataḥ |
mahāstrairapratihatairatyagnipavanojjvalaiḥ || 31 ||
[Analyze grammar]

ityuktvā sahasaumitrirupaspṛśyātha rāghavaḥ |
pratiśiśye jalanidhiṃ vidhivatkuśasaṃstare || 32 ||
[Analyze grammar]

sāgarastu tataḥ svapne darśayāmāsa rāghavam |
devo nadanadībhartā śrīmānyādogaṇairvṛtaḥ || 33 ||
[Analyze grammar]

kausalyāmātarityevamābhāṣya madhuraṃ vacaḥ |
idamityāha ratnānāmākaraiḥ śataśo vṛtaḥ || 34 ||
[Analyze grammar]

brūhi kiṃ te karomyatra sāhāyyaṃ puruṣarṣabha |
ikṣvākurasmi te jñātiriti rāmastamabravīt || 35 ||
[Analyze grammar]

mārgamicchāmi sainyasya dattaṃ nadanadīpate |
yena gatvā daśagrīvaṃ hanyāṃ paulastyapāṃsanam || 36 ||
[Analyze grammar]

yadyevaṃ yācato mārgaṃ na pradāsyati me bhavān |
śaraistvāṃ śoṣayiṣyāmi divyāstrapratimantritaiḥ || 37 ||
[Analyze grammar]

ityevaṃ bruvataḥ śrutvā rāmasya varuṇālayaḥ |
uvāca vyathito vākyamiti baddhāñjaliḥ sthitaḥ || 38 ||
[Analyze grammar]

necchāmi pratighātaṃ te nāsmi vighnakarastava |
śṛṇu cedaṃ vaco rāma śrutvā kartavyamācara || 39 ||
[Analyze grammar]

yadi dāsyāmi te mārgaṃ sainyasya vrajato''jñayā |
anye'pyājñāpayiṣyanti māmevaṃ dhanuṣo balāt || 40 ||
[Analyze grammar]

asti tvatra nalo nāma vānaraḥ śilpisaṃmataḥ |
tvaṣṭurdevasya tanayo balavānviśvakarmaṇaḥ || 41 ||
[Analyze grammar]

sa yatkāṣṭhaṃ tṛṇaṃ vāpi śilāṃ vā kṣepsyate mayi |
sarvaṃ taddhārayiṣyāmi sa te seturbhaviṣyati || 42 ||
[Analyze grammar]

ityuktvāntarhite tasminrāmo nalamuvāca ha |
kuru setuṃ samudre tvaṃ śakto hyasi mato mama || 43 ||
[Analyze grammar]

tenopāyena kākutsthaḥ setubandhamakārayat |
daśayojanavistāramāyataṃ śatayojanam || 44 ||
[Analyze grammar]

nalaseturiti khyāto yo'dyāpi prathito bhuvi |
rāmasyājñāṃ puraskṛtya dhāryate girisaṃnibhaḥ || 45 ||
[Analyze grammar]

tatrasthaṃ sa tu dharmātmā samāgacchadvibhīṣaṇaḥ |
bhrātā vai rākṣasendrasya caturbhiḥ sacivaiḥ saha || 46 ||
[Analyze grammar]

pratijagrāha rāmastaṃ svāgatena mahāmanāḥ |
sugrīvasya tu śaṅkābhūtpraṇidhiḥ syāditi sma ha || 47 ||
[Analyze grammar]

rāghavastasya ceṣṭābhiḥ samyakca cariteṅgitaiḥ |
yadā tattvena tuṣṭo'bhūttata enamapūjayat || 48 ||
[Analyze grammar]

sarvarākṣasarājye cāpyabhyaṣiñcadvibhīṣaṇam |
cakre ca mantrānucaraṃ suhṛdaṃ lakṣmaṇasya ca || 49 ||
[Analyze grammar]

vibhīṣaṇamate caiva so'tyakrāmanmahārṇavam |
sasainyaḥ setunā tena māsenaiva narādhipa || 50 ||
[Analyze grammar]

tato gatvā samāsādya laṅkodyānānyanekaśaḥ |
bhedayāmāsa kapibhirmahānti ca bahūni ca || 51 ||
[Analyze grammar]

tatrāstāṃ rāvaṇāmātyau rākṣasau śukasāraṇau |
cārau vānararūpeṇa tau jagrāha vibhīṣaṇaḥ || 52 ||
[Analyze grammar]

pratipannau yadā rūpaṃ rākṣasaṃ tau niśācarau |
darśayitvā tataḥ sainyaṃ rāmaḥ paścādavāsṛjat || 53 ||
[Analyze grammar]

niveśyopavane sainyaṃ tacchūraḥ prājñavānaram |
preṣayāmāsa dautyena rāvaṇasya tato'ṅgadam || 54 ||
[Analyze grammar]