Chapter 266

mārkaṇḍeya uvāca |
rāghavastu sasaumitriḥ sugrīveṇābhipālitaḥ |
vasanmālyavataḥ pṛṣṭhe dadarśa vimalaṃ nabhaḥ || 1 ||
[Analyze grammar]

sa dṛṣṭvā vimale vyomni nirmalaṃ śaśalakṣaṇam |
grahanakṣatratārābhiranuyātamamitrahā || 2 ||
[Analyze grammar]

kumudotpalapadmānāṃ gandhamādāya vāyunā |
mahīdharasthaḥ śītena sahasā pratibodhitaḥ || 3 ||
[Analyze grammar]

prabhāte lakṣmaṇaṃ vīramabhyabhāṣata durmanāḥ |
sītāṃ saṃsmṛtya dharmātmā ruddhāṃ rākṣasaveśmani || 4 ||
[Analyze grammar]

gaccha lakṣmaṇa jānīhi kiṣkindhāyāṃ kapīśvaram |
pramattaṃ grāmyadharmeṣu kṛtaghnaṃ svārthapaṇḍitam || 5 ||
[Analyze grammar]

yo'sau kulādhamo mūḍho mayā rājye'bhiṣecitaḥ |
sarvavānaragopucchā yamṛkṣāśca bhajanti vai || 6 ||
[Analyze grammar]

yadarthaṃ nihato vālī mayā raghukulodvaha |
tvayā saha mahābāho kiṣkindhopavane tadā || 7 ||
[Analyze grammar]

kṛtaghnaṃ tamahaṃ manye vānarāpasadaṃ bhuvi |
yo māmevaṃgato mūḍho na jānīte'dya lakṣmaṇa || 8 ||
[Analyze grammar]

asau manye na jānīte samayapratipādanam |
kṛtopakāraṃ māṃ nūnamavamanyālpayā dhiyā || 9 ||
[Analyze grammar]

yadi tāvadanudyuktaḥ śete kāmasukhātmakaḥ |
netavyo vālimārgeṇa sarvabhūtagatiṃ tvayā || 10 ||
[Analyze grammar]

athāpi ghaṭate'smākamarthe vānarapuṃgavaḥ |
tamādāyaihi kākutstha tvarāvānbhava mā ciram || 11 ||
[Analyze grammar]

ityukto lakṣmaṇo bhrātrā guruvākyahite rataḥ |
pratasthe ruciraṃ gṛhya samārgaṇaguṇaṃ dhanuḥ |
kiṣkindhādvāramāsādya praviveśānivāritaḥ || 12 ||
[Analyze grammar]

sakrodha iti taṃ matvā rājā pratyudyayau hariḥ |
taṃ sadāro vinītātmā sugrīvaḥ plavagādhipaḥ |
pūjayā pratijagrāha prīyamāṇastadarhayā || 13 ||
[Analyze grammar]

tamabravīdrāmavacaḥ saumitrirakutobhayaḥ |
sa tatsarvamaśeṣeṇa śrutvā prahvaḥ kṛtāñjaliḥ || 14 ||
[Analyze grammar]

sabhṛtyadāro rājendra sugrīvo vānarādhipaḥ |
idamāha vacaḥ prīto lakṣmaṇaṃ narakuñjaram || 15 ||
[Analyze grammar]

nāsmi lakṣmaṇa durmedhā na kṛtaghno na nirghṛṇaḥ |
śrūyatāṃ yaḥ prayatno me sītāparyeṣaṇe kṛtaḥ || 16 ||
[Analyze grammar]

diśaḥ prasthāpitāḥ sarve vinītā harayo mayā |
sarveṣāṃ ca kṛtaḥ kālo māsenāgamanaṃ punaḥ || 17 ||
[Analyze grammar]

yairiyaṃ savanā sādriḥ sapurā sāgarāmbarā |
vicetavyā mahī vīra sagrāmanagarākarā || 18 ||
[Analyze grammar]

sa māsaḥ pañcarātreṇa pūrṇo bhavitumarhati |
tataḥ śroṣyasi rāmeṇa sahitaḥ sumahatpriyam || 19 ||
[Analyze grammar]

ityukto lakṣmaṇastena vānarendreṇa dhīmatā |
tyaktvā roṣamadīnātmā sugrīvaṃ pratyapūjayat || 20 ||
[Analyze grammar]

sa rāmaṃ sahasugrīvo mālyavatpṛṣṭhamāsthitam |
abhigamyodayaṃ tasya kāryasya pratyavedayat || 21 ||
[Analyze grammar]

ityevaṃ vānarendrāste samājagmuḥ sahasraśaḥ |
diśastisro vicityātha na tu ye dakṣiṇāṃ gatāḥ || 22 ||
[Analyze grammar]

ācakhyuste tu rāmāya mahīṃ sāgaramekhalām |
vicitāṃ na tu vaidehyā darśanaṃ rāvaṇasya vā || 23 ||
[Analyze grammar]

gatāstu dakṣiṇāmāśāṃ ye vai vānarapuṃgavāḥ |
āśāvāṃsteṣu kākutsthaḥ prāṇānārto'pyadhārayat || 24 ||
[Analyze grammar]

dvimāsoparame kāle vyatīte plavagāstataḥ |
sugrīvamabhigamyedaṃ tvaritā vākyamabruvan || 25 ||
[Analyze grammar]

rakṣitaṃ vālinā yattatsphītaṃ madhuvanaṃ mahat |
tvayā ca plavagaśreṣṭha tadbhuṅkte pavanātmajaḥ || 26 ||
[Analyze grammar]

vāliputro'ṅgadaścaiva ye cānye plavagarṣabhāḥ |
vicetuṃ dakṣiṇāmāśāṃ rājanprasthāpitāstvayā || 27 ||
[Analyze grammar]

teṣāṃ taṃ praṇayaṃ śrutvā mene sa kṛtakṛtyatām |
kṛtārthānāṃ hi bhṛtyānāmetadbhavati ceṣṭitam || 28 ||
[Analyze grammar]

sa tadrāmāya medhāvī śaśaṃsa plavagarṣabhaḥ |
rāmaścāpyanumānena mene dṛṣṭāṃ tu maithilīm || 29 ||
[Analyze grammar]

hanūmatpramukhāścāpi viśrāntāste plavaṃgamāḥ |
abhijagmurharīndraṃ taṃ rāmalakṣmaṇasaṃnidhau || 30 ||
[Analyze grammar]

gatiṃ ca mukhavarṇaṃ ca dṛṣṭvā rāmo hanūmataḥ |
agamatpratyayaṃ bhūyo dṛṣṭā sīteti bhārata || 31 ||
[Analyze grammar]

hanūmatpramukhāste tu vānarāḥ pūrṇamānasāḥ |
praṇemurvidhivadrāmaṃ sugrīvaṃ lakṣmaṇaṃ tathā || 32 ||
[Analyze grammar]

tānuvācāgatānrāmaḥ pragṛhya saśaraṃ dhanuḥ |
api māṃ jīvayiṣyadhvamapi vaḥ kṛtakṛtyatā || 33 ||
[Analyze grammar]

api rājyamayodhyāyāṃ kārayiṣyāmyahaṃ punaḥ |
nihatya samare śatrūnāhṛtya janakātmajām || 34 ||
[Analyze grammar]

amokṣayitvā vaidehīmahatvā ca ripūnraṇe |
hṛtadāro'vadhūtaśca nāhaṃ jīvitumutsahe || 35 ||
[Analyze grammar]

ityuktavacanaṃ rāmaṃ pratyuvācānilātmajaḥ |
priyamākhyāmi te rāma dṛṣṭā sā jānakī mayā || 36 ||
[Analyze grammar]

vicitya dakṣiṇāmāśāṃ saparvatavanākarām |
śrāntāḥ kāle vyatīte sma dṛṣṭavanto mahāguhām || 37 ||
[Analyze grammar]

praviśāmo vayaṃ tāṃ tu bahuyojanamāyatām |
andhakārāṃ suvipināṃ gahanāṃ kīṭasevitām || 38 ||
[Analyze grammar]

gatvā sumahadadhvānamādityasya prabhāṃ tataḥ |
dṛṣṭavantaḥ sma tatraiva bhavanaṃ divyamantarā || 39 ||
[Analyze grammar]

mayasya kila daityasya tadāsīdveśma rāghava |
tatra prabhāvatī nāma tapo'tapyata tāpasī || 40 ||
[Analyze grammar]

tayā dattāni bhojyāni pānāni vividhāni ca |
bhuktvā labdhabalāḥ santastayoktena pathā tataḥ || 41 ||
[Analyze grammar]

niryāya tasmāduddeśātpaśyāmo lavaṇāmbhasaḥ |
samīpe sahyamalayau darduraṃ ca mahāgirim || 42 ||
[Analyze grammar]

tato malayamāruhya paśyanto varuṇālayam |
viṣaṇṇā vyathitāḥ khinnā nirāśā jīvite bhṛśam || 43 ||
[Analyze grammar]

anekaśatavistīrṇaṃ yojanānāṃ mahodadhim |
timinakrajhaṣāvāsaṃ cintayantaḥ suduḥkhitāḥ || 44 ||
[Analyze grammar]

tatrānaśanasaṃkalpaṃ kṛtvāsīnā vayaṃ tadā |
tataḥ kathānte gṛdhrasya jaṭāyorabhavatkathā || 45 ||
[Analyze grammar]

tataḥ parvataśṛṅgābhaṃ ghorarūpaṃ bhayāvaham |
pakṣiṇaṃ dṛṣṭavantaḥ sma vainateyamivāparam || 46 ||
[Analyze grammar]

so'smānatarkayadbhoktumathābhyetya vaco'bravīt |
bhoḥ ka eṣa mama bhrāturjaṭāyoḥ kurute kathām || 47 ||
[Analyze grammar]

saṃpātirnāma tasyāhaṃ jyeṣṭho bhrātā khagādhipaḥ |
anyonyaspardhayārūḍhāvāvāmādityasaṃsadam || 48 ||
[Analyze grammar]

tato dagdhāvimau pakṣau na dagdhau tu jaṭāyuṣaḥ |
tadā me ciradṛṣṭaḥ sa bhrātā gṛdhrapatiḥ priyaḥ |
nirdagdhapakṣaḥ patito hyahamasminmahāgirau || 49 ||
[Analyze grammar]

tasyaivaṃ vadato'smābhirhato bhrātā niveditaḥ |
vyasanaṃ bhavataścedaṃ saṃkṣepādvai niveditam || 50 ||
[Analyze grammar]

sa saṃpātistadā rājañśrutvā sumahadapriyam |
viṣaṇṇacetāḥ papraccha punarasmānariṃdama || 51 ||
[Analyze grammar]

kaḥ sa rāmaḥ kathaṃ sītā jaṭāyuśca kathaṃ hataḥ |
icchāmi sarvamevaitacchrotuṃ plavagasattamāḥ || 52 ||
[Analyze grammar]

tasyāhaṃ sarvamevaitaṃ bhavato vyasanāgamam |
prāyopaveśane caiva hetuṃ vistarato'bruvam || 53 ||
[Analyze grammar]

so'smānutthāpayāmāsa vākyenānena pakṣirāṭ |
rāvaṇo vidito mahyaṃ laṅkā cāsya mahāpurī || 54 ||
[Analyze grammar]

dṛṣṭā pāre samudrasya trikūṭagirikandare |
bhavitrī tatra vaidehī na me'styatra vicāraṇā || 55 ||
[Analyze grammar]

iti tasya vacaḥ śrutvā vayamutthāya satvarāḥ |
sāgaraplavane mantraṃ mantrayāmaḥ paraṃtapa || 56 ||
[Analyze grammar]

nādhyavasyadyadā kaścitsāgarasya vilaṅghane |
tataḥ pitaramāviśya pupluve'haṃ mahārṇavam |
śatayojanavistīrṇaṃ nihatya jalarākṣasīm || 57 ||
[Analyze grammar]

tatra sītā mayā dṛṣṭā rāvaṇāntaḥpure satī |
upavāsatapaḥśīlā bhartṛdarśanalālasā |
jaṭilā maladigdhāṅgī kṛśā dīnā tapasvinī || 58 ||
[Analyze grammar]

nimittaistāmahaṃ sītāmupalabhya pṛthagvidhaiḥ |
upasṛtyābruvaṃ cāryāmabhigamya rahogatām || 59 ||
[Analyze grammar]

sīte rāmasya dūto'haṃ vānaro mārutātmajaḥ |
tvaddarśanamabhiprepsuriha prāpto vihāyasā || 60 ||
[Analyze grammar]

rājaputrau kuśalinau bhrātarau rāmalakṣmaṇau |
sarvaśākhāmṛgendreṇa sugrīveṇābhipālitau || 61 ||
[Analyze grammar]

kuśalaṃ tvābravīdrāmaḥ sīte saumitriṇā saha |
sakhibhāvācca sugrīvaḥ kuśalaṃ tvānupṛcchati || 62 ||
[Analyze grammar]

kṣiprameṣyati te bhartā sarvaśākhāmṛgaiḥ saha |
pratyayaṃ kuru me devi vānaro'smi na rākṣasaḥ || 63 ||
[Analyze grammar]

muhūrtamiva ca dhyātvā sītā māṃ pratyuvāca ha |
avaimi tvāṃ hanūmantamavindhyavacanādaham || 64 ||
[Analyze grammar]

avindhyo hi mahābāho rākṣaso vṛddhasaṃmataḥ |
kathitastena sugrīvastvadvidhaiḥ sacivairvṛtaḥ || 65 ||
[Analyze grammar]

gamyatāmiti coktvā māṃ sītā prādādimaṃ maṇim |
dhāritā yena vaidehī kālametamaninditā || 66 ||
[Analyze grammar]

pratyayārthaṃ kathāṃ cemāṃ kathayāmāsa jānakī |
kṣiptāmiṣīkāṃ kākasya citrakūṭe mahāgirau |
bhavatā puruṣavyāghra pratyabhijñānakāraṇāt || 67 ||
[Analyze grammar]

śrāvayitvā tadātmānaṃ tato dagdhvā ca tāṃ purīm |
saṃprāpta iti taṃ rāmaḥ priyavādinamarcayat || 68 ||
[Analyze grammar]