Chapter 48

duryodhana uvāca |
dāyaṃ tu tasmai vividhaṃ śṛṇu me gadato'nagha |
yajñārthaṃ rājabhirdattaṃ mahāntaṃ dhanasaṃcayam || 1 ||
[Analyze grammar]

merumandarayormadhye śailodāmabhito nadīm |
ye te kīcakaveṇūnāṃ chāyāṃ ramyāmupāsate || 2 ||
[Analyze grammar]

khaśā ekāśanājyohāḥ pradarā dīrghaveṇavaḥ |
paśupāśca kuṇindāśca taṅgaṇāḥ parataṅgaṇāḥ || 3 ||
[Analyze grammar]

te vai pipīlikaṃ nāma varadattaṃ pipīlikaiḥ |
jātarūpaṃ droṇameyamahārṣuḥ puñjaśo nṛpāḥ || 4 ||
[Analyze grammar]

kṛṣṇāṃllalāmāṃścamarāñśuklāṃścānyāñśaśiprabhān |
himavatpuṣpajaṃ caiva svādu kṣaudraṃ tathā bahu || 5 ||
[Analyze grammar]

uttarebhyaḥ kurubhyaścāpyapoḍhaṃ mālyamambubhiḥ |
uttarādapi kailāsādoṣadhīḥ sumahābalāḥ || 6 ||
[Analyze grammar]

pārvatīyā baliṃ cānyamāhṛtya praṇatāḥ sthitāḥ |
ajātaśatrornṛpaterdvāri tiṣṭhanti vāritāḥ || 7 ||
[Analyze grammar]

ye parārdhe himavataḥ sūryodayagirau nṛpāḥ |
vāriṣeṇasamudrānte lohityamabhitaśca ye |
phalamūlāśanā ye ca kirātāścarmavāsasaḥ || 8 ||
[Analyze grammar]

candanāgurukāṣṭhānāṃ bhārānkālīyakasya ca |
carmaratnasuvarṇānāṃ gandhānāṃ caiva rāśayaḥ || 9 ||
[Analyze grammar]

kairātikānāmayutaṃ dāsīnāṃ ca viśāṃ pate |
āhṛtya ramaṇīyārthāndūrajānmṛgapakṣiṇaḥ || 10 ||
[Analyze grammar]

nicitaṃ parvatebhyaśca hiraṇyaṃ bhūrivarcasam |
baliṃ ca kṛtsnamādāya dvāri tiṣṭhanti vāritāḥ || 11 ||
[Analyze grammar]

kāyavyā daradā dārvāḥ śūrā vaiyamakāstathā |
audumbarā durvibhāgāḥ pāradā bāhlikaiḥ saha || 12 ||
[Analyze grammar]

kāśmīrāḥ kundamānāśca paurakā haṃsakāyanāḥ |
śibitrigartayaudheyā rājanyā madrakekayāḥ || 13 ||
[Analyze grammar]

ambaṣṭhāḥ kaukurāstārkṣyā vastrapāḥ pahlavaiḥ saha |
vasātayaḥ samauleyāḥ saha kṣudrakamālavaiḥ || 14 ||
[Analyze grammar]

śauṇḍikāḥ kukkurāścaiva śakāścaiva viśāṃ pate |
aṅgā vaṅgāśca puṇḍrāśca śānavatyā gayāstathā || 15 ||
[Analyze grammar]

sujātayaḥ śreṇimantaḥ śreyāṃsaḥ śastrapāṇayaḥ |
āhārṣuḥ kṣatriyā vittaṃ śataśo'jātaśatrave || 16 ||
[Analyze grammar]

vaṅgāḥ kaliṅgapatayastāmraliptāḥ sapuṇḍrakāḥ |
dukūlaṃ kauśikaṃ caiva patrorṇaṃ prāvarānapi || 17 ||
[Analyze grammar]

tatra sma dvārapālaiste procyante rājaśāsanāt |
kṛtakārāḥ subalayastato dvāramavāpsyatha || 18 ||
[Analyze grammar]

īṣādantānhemakakṣānpadmavarṇānkuthāvṛtān |
śailābhānnityamattāṃśca abhitaḥ kāmyakaṃ saraḥ || 19 ||
[Analyze grammar]

dattvaikaiko daśaśatānkuñjarānkavacāvṛtān |
kṣamāvataḥ kulīnāṃśca dvāreṇa prāviśaṃstataḥ || 20 ||
[Analyze grammar]

ete cānye ca bahavo gaṇā digbhyaḥ samāgatāḥ |
anyaiścopāhṛtānyatra ratnānīha mahātmabhiḥ || 21 ||
[Analyze grammar]

rājā citraratho nāma gandharvo vāsavānugaḥ |
śatāni catvāryadadaddhayānāṃ vātaraṃhasām || 22 ||
[Analyze grammar]

tumburustu pramudito gandharvo vājināṃ śatam |
āmrapatrasavarṇānāmadadaddhemamālinām || 23 ||
[Analyze grammar]

kṛtī tu rājā kauravya śūkarāṇāṃ viśāṃ pate |
adadadgajaratnānāṃ śatāni subahūnyapi || 24 ||
[Analyze grammar]

virāṭena tu matsyena balyarthaṃ hemamālinām |
kuñjarāṇāṃ sahasre dve mattānāṃ samupāhṛte || 25 ||
[Analyze grammar]

pāṃśurāṣṭrādvasudāno rājā ṣaḍviṃśatiṃ gajān |
aśvānāṃ ca sahasre dve rājankāñcanamālinām || 26 ||
[Analyze grammar]

javasattvopapannānāṃ vayaḥsthānāṃ narādhipa |
baliṃ ca kṛtsnamādāya pāṇḍavebhyo nyavedayat || 27 ||
[Analyze grammar]

yajñasenena dāsīnāṃ sahasrāṇi caturdaśa |
dāsānāmayutaṃ caiva sadārāṇāṃ viśāṃ pate || 28 ||
[Analyze grammar]

gajayuktā mahārāja rathāḥ ṣaḍviṃśatistathā |
rājyaṃ ca kṛtsnaṃ pārthebhyo yajñārthaṃ vai niveditam || 29 ||
[Analyze grammar]

samudrasāraṃ vaiḍūryaṃ muktāḥ śaṅkhāṃstathaiva ca |
śataśaśca kuthāṃstatra siṃhalāḥ samupāharan || 30 ||
[Analyze grammar]

saṃvṛtā maṇicīraistu śyāmāstāmrāntalocanāḥ |
tāngṛhītvā narāstatra dvāri tiṣṭhanti vāritāḥ || 31 ||
[Analyze grammar]

prītyarthaṃ brāhmaṇāścaiva kṣatriyāśca vinirjitāḥ |
upājahrurviśaścaiva śūdrāḥ śuśrūṣavo'pi ca |
prītyā ca bahumānācca abhyagacchanyudhiṣṭhiram || 32 ||
[Analyze grammar]

sarve mlecchāḥ sarvavarṇā ādimadhyāntajāstathā |
nānādeśasamutthaiśca nānājātibhirāgataiḥ |
paryasta iva loko'yaṃ yudhiṣṭhiraniveśane || 33 ||
[Analyze grammar]

uccāvacānupagrāhānrājabhiḥ prahitānbahūn |
śatrūṇāṃ paśyato duḥkhānmumūrṣā me'dya jāyate || 34 ||
[Analyze grammar]

bhṛtyāstu ye pāṇḍavānāṃ tāṃste vakṣyāmi bhārata |
yeṣāmāmaṃ ca pakvaṃ ca saṃvidhatte yudhiṣṭhiraḥ || 35 ||
[Analyze grammar]

ayutaṃ trīṇi padmāni gajārohāḥ sasādinaḥ |
rathānāmarbudaṃ cāpi pādātā bahavastathā || 36 ||
[Analyze grammar]

pramīyamāṇamārabdhaṃ pacyamānaṃ tathaiva ca |
visṛjyamānaṃ cānyatra puṇyāhasvana eva ca || 37 ||
[Analyze grammar]

nābhuktavantaṃ nāhṛṣṭaṃ nāsubhikṣaṃ kathaṃcana |
apaśyaṃ sarvavarṇānāṃ yudhiṣṭhiraniveśane || 38 ||
[Analyze grammar]

aṣṭāśītisahasrāṇi snātakā gṛhamedhinaḥ |
triṃśaddāsīka ekaiko yānbibharti yudhiṣṭhiraḥ |
suprītāḥ parituṣṭāśca te'pyāśaṃsantyarikṣayam || 39 ||
[Analyze grammar]

daśānyāni sahasrāṇi yatīnāmūrdhvaretasām |
bhuñjate rukmapātrīṣu yudhiṣṭhiraniveśane || 40 ||
[Analyze grammar]

bhuktābhuktaṃ kṛtākṛtaṃ sarvamākubjavāmanam |
abhuñjānā yājñasenī pratyavaikṣadviśāṃ pate || 41 ||
[Analyze grammar]

dvau karaṃ na prayacchetāṃ kuntīputrāya bhārata |
vaivāhikena pāñcālāḥ sakhyenāndhakavṛṣṇayaḥ || 42 ||
[Analyze grammar]