Chapter 139

vaiśaṃpāyana uvāca |
tatra teṣu śayāneṣu hiḍimbo nāma rākṣasaḥ |
avidūre vanāttasmācchālavṛkṣamupāśritaḥ || 1 ||
[Analyze grammar]

krūro mānuṣamāṃsādo mahāvīryo mahābalaḥ |
virūparūpaḥ piṅgākṣaḥ karālo ghoradarśanaḥ |
piśitepsuḥ kṣudhārtastānapaśyata yadṛcchayā || 2 ||
[Analyze grammar]

ūrdhvāṅguliḥ sa kaṇḍūyandhunvanrūkṣāñśiroruhān |
jṛmbhamāṇo mahāvaktraḥ punaḥ punaravekṣya ca || 3 ||
[Analyze grammar]

duṣṭo mānuṣamāṃsādo mahākāyo mahābalaḥ |
āghrāya mānuṣaṃ gandhaṃ bhaginīmidamabravīt || 4 ||
[Analyze grammar]

upapannaścirasyādya bhakṣo mama manaḥpriyaḥ |
snehasravānprasravati jihvā paryeti me mukham || 5 ||
[Analyze grammar]

aṣṭau daṃṣṭrāḥ sutīkṣṇāgrāścirasyāpātaduḥsahāḥ |
deheṣu majjayiṣyāmi snigdheṣu piśiteṣu ca || 6 ||
[Analyze grammar]

ākramya mānuṣaṃ kaṇṭhamācchidya dhamanīmapi |
uṣṇaṃ navaṃ prapāsyāmi phenilaṃ rudhiraṃ bahu || 7 ||
[Analyze grammar]

gaccha jānīhi ke tvete śerate vanamāśritāḥ |
mānuṣo balavāngandho ghrāṇaṃ tarpayatīva me || 8 ||
[Analyze grammar]

hatvaitānmānuṣānsarvānānayasva mamāntikam |
asmadviṣayasuptebhyo naitebhyo bhayamasti te || 9 ||
[Analyze grammar]

eṣāṃ māṃsāni saṃskṛtya mānuṣāṇāṃ yatheṣṭataḥ |
bhakṣayiṣyāva sahitau kuru tūrṇaṃ vaco mama || 10 ||
[Analyze grammar]

bhrāturvacanamājñāya tvaramāṇeva rākṣasī |
jagāma tatra yatra sma pāṇḍavā bharatarṣabha || 11 ||
[Analyze grammar]

dadarśa tatra gatvā sā pāṇḍavānpṛthayā saha |
śayānānbhīmasenaṃ ca jāgrataṃ tvaparājitam || 12 ||
[Analyze grammar]

dṛṣṭvaiva bhīmasenaṃ sā śālaskandhamivodgatam |
rākṣasī kāmayāmāsa rūpeṇāpratimaṃ bhuvi || 13 ||
[Analyze grammar]

ayaṃ śyāmo mahābāhuḥ siṃhaskandho mahādyutiḥ |
kambugrīvaḥ puṣkarākṣo bhartā yukto bhavenmama || 14 ||
[Analyze grammar]

nāhaṃ bhrātṛvaco jātu kuryāṃ krūropasaṃhitam |
patisneho'tibalavānna tathā bhrātṛsauhṛdam || 15 ||
[Analyze grammar]

muhūrtamiva tṛptiśca bhavedbhrāturmamaiva ca |
hatairetairahatvā tu modiṣye śāśvatīḥ samāḥ || 16 ||
[Analyze grammar]

sā kāmarūpiṇī rūpaṃ kṛtvā mānuṣamuttamam |
upatasthe mahābāhuṃ bhīmasenaṃ śanaiḥ śanaiḥ || 17 ||
[Analyze grammar]

vilajjamāneva latā divyābharaṇabhūṣitā |
smitapūrvamidaṃ vākyaṃ bhīmasenamathābravīt || 18 ||
[Analyze grammar]

kutastvamasi saṃprāptaḥ kaścāsi puruṣarṣabha |
ka ime śerate ceha puruṣā devarūpiṇaḥ || 19 ||
[Analyze grammar]

keyaṃ ca bṛhatī śyāmā sukumārī tavānagha |
śete vanamidaṃ prāpya viśvastā svagṛhe yathā || 20 ||
[Analyze grammar]

nedaṃ jānāti gahanaṃ vanaṃ rākṣasasevitam |
vasati hyatra pāpātmā hiḍimbo nāma rākṣasaḥ || 21 ||
[Analyze grammar]

tenāhaṃ preṣitā bhrātrā duṣṭabhāvena rakṣasā |
bibhakṣayiṣatā māṃsaṃ yuṣmākamamaropama || 22 ||
[Analyze grammar]

sāhaṃ tvāmabhisaṃprekṣya devagarbhasamaprabham |
nānyaṃ bhartāramicchāmi satyametadbravīmi te || 23 ||
[Analyze grammar]

etadvijñāya dharmajña yuktaṃ mayi samācara |
kāmopahatacittāṅgīṃ bhajamānāṃ bhajasva mām || 24 ||
[Analyze grammar]

trāsye'haṃ tvāṃ mahābāho rākṣasātpuruṣādakāt |
vatsyāvo giridurgeṣu bhartā bhava mamānagha || 25 ||
[Analyze grammar]

antarikṣacarā hyasmi kāmato vicarāmi ca |
atulāmāpnuhi prītiṃ tatra tatra mayā saha || 26 ||
[Analyze grammar]

bhīma uvāca |
mātaraṃ bhrātaraṃ jyeṣṭhaṃ kaniṣṭhānaparānimān |
parityajeta ko nvadya prabhavanniva rākṣasi || 27 ||
[Analyze grammar]

ko hi suptānimānbhrātṝndattvā rākṣasabhojanam |
mātaraṃ ca naro gacchetkāmārta iva madvidhaḥ || 28 ||
[Analyze grammar]

rākṣasyuvāca |
yatte priyaṃ tatkariṣye sarvānetānprabodhaya |
mokṣayiṣyāmi vaḥ kāmaṃ rākṣasātpuruṣādakāt || 29 ||
[Analyze grammar]

bhīma uvāca |
sukhasuptānvane bhrātṝnmātaraṃ caiva rākṣasi |
na bhayādbodhayiṣyāmi bhrātustava durātmanaḥ || 30 ||
[Analyze grammar]

na hi me rākṣasā bhīru soḍhuṃ śaktāḥ parākramam |
na manuṣyā na gandharvā na yakṣāścārulocane || 31 ||
[Analyze grammar]

gaccha vā tiṣṭha vā bhadre yadvāpīcchasi tatkuru |
taṃ vā preṣaya tanvaṅgi bhrātaraṃ puruṣādakam || 32 ||
[Analyze grammar]