Mahabharata [sanskrit]

699,462 words | ISBN-10: 812150094X | ISBN-13: 9788121500944

The Sanskrit edition of the Mahabharata, one of the largest epic poems ever written, consisting of 100,000 metrical verses. Consisting of 18 books, the Mahabharata details the history and legends concerning ancient India (Bharata), including a major battle campaign involving the Kauravas and the Pandavas, also known as the Kurukshetra War. This portion also contains the Bhagavad-Gita. Alternative titles: Mahābhārata (महाभारत).

Chapter 140

< Previous

Next >

vaiśaṃpāyana uvāca |
tāṃ viditvā ciragatāṃ hiḍimbo rākṣaseśvaraḥ |
avatīrya drumāttasmādājagāmātha pāṇḍavān || 1 ||
[Analyze grammar]

lohitākṣo mahābāhurūrdhvakeśo mahābalaḥ |
meghasaṃghātavarṣmā ca tīkṣṇadaṃṣṭrojjvalānanaḥ || 2 ||
[Analyze grammar]

tamāpatantaṃ dṛṣṭvaiva tathā vikṛtadarśanam |
hiḍimbovāca vitrastā bhīmasenamidaṃ vacaḥ || 3 ||
[Analyze grammar]

āpatatyeṣa duṣṭātmā saṃkruddhaḥ puruṣādakaḥ |
tvāmahaṃ bhrātṛbhiḥ sārdhaṃ yadbravīmi tathā kuru || 4 ||
[Analyze grammar]

ahaṃ kāmagamā vīra rakṣobalasamanvitā |
āruhemāṃ mama śroṇīṃ neṣyāmi tvāṃ vihāyasā || 5 ||
[Analyze grammar]

prabodhayainānsaṃsuptānmātaraṃ ca paraṃtapa |
sarvāneva gamiṣyāmi gṛhītvā vo vihāyasā || 6 ||
[Analyze grammar]

bhīma uvāca |
mā bhaistvaṃ vipulaśroṇi naiṣa kaścinmayi sthite |
ahamenaṃ haniṣyāmi prekṣantyāste sumadhyame || 7 ||
[Analyze grammar]

nāyaṃ pratibalo bhīru rākṣasāpasado mama |
soḍhuṃ yudhi parispandamatha vā sarvarākṣasāḥ || 8 ||
[Analyze grammar]

paśya bāhū suvṛttau me hastihastanibhāvimau |
ūrū parighasaṃkāśau saṃhataṃ cāpyuro mama || 9 ||
[Analyze grammar]

vikramaṃ me yathendrasya sādya drakṣyasi śobhane |
māvamaṃsthāḥ pṛthuśroṇi matvā māmiha mānuṣam || 10 ||
[Analyze grammar]

hiḍimbovāca |
nāvamanye naravyāghra tvāmahaṃ devarūpiṇam |
dṛṣṭāpadānastu mayā mānuṣeṣveva rākṣasaḥ || 11 ||
[Analyze grammar]

vaiśaṃpāyana uvāca |
tathā saṃjalpatastasya bhīmasenasya bhārata |
vācaḥ śuśrāva tāḥ kruddho rākṣasaḥ puruṣādakaḥ || 12 ||
[Analyze grammar]

avekṣamāṇastasyāśca hiḍimbo mānuṣaṃ vapuḥ |
sragdāmapūritaśikhaṃ samagrendunibhānanam || 13 ||
[Analyze grammar]

subhrūnāsākṣikeśāntaṃ sukumāranakhatvacam |
sarvābharaṇasaṃyuktaṃ susūkṣmāmbaravāsasam || 14 ||
[Analyze grammar]

tāṃ tathā mānuṣaṃ rūpaṃ bibhratīṃ sumanoharam |
puṃskāmāṃ śaṅkamānaśca cukrodha puruṣādakaḥ || 15 ||
[Analyze grammar]

saṃkruddho rākṣasastasyā bhaginyāḥ kurusattama |
utphālya vipule netre tatastāmidamabravīt || 16 ||
[Analyze grammar]

ko hi me bhoktukāmasya vighnaṃ carati durmatiḥ |
na bibheṣi hiḍimbe kiṃ matkopādvipramohitā || 17 ||
[Analyze grammar]

dhiktvāmasati puṃskāme mama vipriyakāriṇi |
pūrveṣāṃ rākṣasendrāṇāṃ sarveṣāmayaśaskari || 18 ||
[Analyze grammar]

yānimānāśritākārṣīrapriyaṃ sumahanmama |
eṣa tānadya vai sarvānhaniṣyāmi tvayā saha || 19 ||
[Analyze grammar]

evamuktvā hiḍimbāṃ sa hiḍimbo lohitekṣaṇaḥ |
vadhāyābhipapātaināṃ dantairdantānupaspṛśan || 20 ||
[Analyze grammar]

tamāpatantaṃ saṃprekṣya bhīmaḥ praharatāṃ varaḥ |
bhartsayāmāsa tejasvī tiṣṭha tiṣṭheti cābravīt || 21 ||
[Analyze grammar]

Other editions:

Also see the following editions of the Sanskrit text or (alternative) English translations of the Mahabharata Chapter 140

The complete Mahabharata (12 Volumes)
by Kisari Mohan Ganguly (2013)

4900 pages; [Publisher: Munshiram Manoharlal Publishers Pvt. Ltd.] ISBN: ‎ 812150094X or 9788121500944;

Buy now!

The Mahabharata in Kannada (Set of 32 Volumes)
by Bharatha Darshana Bangalore (2003)

ಶ್ರೇಮಹಭಾರತ [ಮಹಾಭಾರತ]; 13907 pages;

Buy now!

The Complete Mahabharata (9 volumes)
by M. N. Dutt (2008)

6415 pages; Sanskrit Text with English Translation; [Edited By: Dr. Ishwar Chandra Sharma & Dr. O.N. Bimali] [Publisher: Parimal Publication Pvt. Ltd.]

Buy now!