Chapter 11

saṃjaya uvāca |
patitaṃ prekṣya yantāraṃ śalyaḥ sarvāyasīṃ gadām |
ādāya tarasā rājaṃstasthau giririvācalaḥ || 1 ||
[Analyze grammar]

taṃ dīptamiva kālāgniṃ pāśahastamivāntakam |
saśṛṅgamiva kailāsaṃ savajramiva vāsavam || 2 ||
[Analyze grammar]

saśūlamiva haryakṣaṃ vane mattamiva dvipam |
javenābhyapatadbhīmaḥ pragṛhya mahatīṃ gadām || 3 ||
[Analyze grammar]

tataḥ śaṅkhapraṇādaśca tūryāṇāṃ ca sahasraśaḥ |
siṃhanādaśca saṃjajñe śūrāṇāṃ harṣavardhanaḥ || 4 ||
[Analyze grammar]

prekṣantaḥ sarvatastau hi yodhā yodhamahādvipau |
tāvakāśca pare caiva sādhu sādhvityathābruvan || 5 ||
[Analyze grammar]

na hi madrādhipādanyo rāmādvā yadunandanāt |
soḍhumutsahate vegaṃ bhīmasenasya saṃyuge || 6 ||
[Analyze grammar]

tathā madrādhipasyāpi gadāvegaṃ mahātmanaḥ |
soḍhumutsahate nānyo yodho yudhi vṛkodarāt || 7 ||
[Analyze grammar]

tau vṛṣāviva nardantau maṇḍalāni viceratuḥ |
āvalgitau gadāhastau madrarājavṛkodarau || 8 ||
[Analyze grammar]

maṇḍalāvartamārgeṣu gadāviharaṇeṣu ca |
nirviśeṣamabhūdyuddhaṃ tayoḥ puruṣasiṃhayoḥ || 9 ||
[Analyze grammar]

taptahemamayaiḥ śubhrairbabhūva bhayavardhanī |
agnijvālairivāviddhā paṭṭaiḥ śalyasya sā gadā || 10 ||
[Analyze grammar]

tathaiva carato mārgānmaṇḍaleṣu mahātmanaḥ |
vidyudabhrapratīkāśā bhīmasya śuśubhe gadā || 11 ||
[Analyze grammar]

tāḍitā madrarājena bhīmasya gadayā gadā |
dīpyamāneva vai rājansasṛje pāvakārciṣaḥ || 12 ||
[Analyze grammar]

tathā bhīmena śalyasya tāḍitā gadayā gadā |
aṅgāravarṣaṃ mumuce tadadbhutamivābhavat || 13 ||
[Analyze grammar]

dantairiva mahānāgau śṛṅgairiva maharṣabhau |
tottrairiva tadānyonyaṃ gadāgrābhyāṃ nijaghnatuḥ || 14 ||
[Analyze grammar]

tau gadānihatairgātraiḥ kṣaṇena rudhirokṣitau |
prekṣaṇīyatarāvāstāṃ puṣpitāviva kiṃśukau || 15 ||
[Analyze grammar]

gadayā madrarājena savyadakṣiṇamāhataḥ |
bhīmaseno mahābāhurna cacālācalo yathā || 16 ||
[Analyze grammar]

tathā bhīmagadāvegaistāḍyamāno muhurmuhuḥ |
śalyo na vivyathe rājandantinevāhato giriḥ || 17 ||
[Analyze grammar]

śuśruve dikṣu sarvāsu tayoḥ puruṣasiṃhayoḥ |
gadānipātasaṃhrādo vajrayoriva nisvanaḥ || 18 ||
[Analyze grammar]

nivṛtya tu mahāvīryau samucchritagadāvubhau |
punarantaramārgasthau maṇḍalāni viceratuḥ || 19 ||
[Analyze grammar]

athābhyetya padānyaṣṭau saṃnipāto'bhavattayoḥ |
udyamya lohadaṇḍābhyāmatimānuṣakarmaṇoḥ || 20 ||
[Analyze grammar]

prārthayānau tadānyo'nyaṃ maṇḍalāni viceratuḥ |
kriyāviśeṣaṃ kṛtinau darśayāmāsatustadā || 21 ||
[Analyze grammar]

athodyamya gade ghore saśṛṅgāviva parvatau |
tāvājaghnaturanyonyaṃ yathā bhūmicale'calau || 22 ||
[Analyze grammar]

tau parasparavegācca gadābhyāṃ ca bhṛśāhatau |
yugapatpetaturvīrāvubhāvindradhvajāviva || 23 ||
[Analyze grammar]

ubhayoḥ senayorvīrāstadā hāhākṛto'bhavan |
bhṛśaṃ marmaṇyabhihatāvubhāvāstāṃ suvihvalau || 24 ||
[Analyze grammar]

tataḥ sagadamāropya madrāṇāmṛṣabhaṃ rathe |
apovāha kṛpaḥ śalyaṃ tūrṇamāyodhanādapi || 25 ||
[Analyze grammar]

kṣībavadvihvalatvāttu nimeṣātpunarutthitaḥ |
bhīmaseno gadāpāṇiḥ samāhvayata madrapam || 26 ||
[Analyze grammar]

tatastu tāvakāḥ śūrā nānāśastrasamāyutāḥ |
nānāvāditraśabdena pāṇḍusenāmayodhayan || 27 ||
[Analyze grammar]

bhujāvucchritya śastraṃ ca śabdena mahatā tataḥ |
abhyadravanmahārāja duryodhanapurogamāḥ || 28 ||
[Analyze grammar]

tadanīkamabhiprekṣya tataste pāṇḍunandanāḥ |
prayayuḥ siṃhanādena duryodhanavadhepsayā || 29 ||
[Analyze grammar]

teṣāmāpatatāṃ tūrṇaṃ putraste bharatarṣabha |
prāsena cekitānaṃ vai vivyādha hṛdaye bhṛśam || 30 ||
[Analyze grammar]

sa papāta rathopasthe tava putreṇa tāḍitaḥ |
rudhiraughapariklinnaḥ praviśya vipulaṃ tamaḥ || 31 ||
[Analyze grammar]

cekitānaṃ hataṃ dṛṣṭvā pāṇḍavānāṃ mahārathāḥ |
prasaktamabhyavarṣanta śaravarṣāṇi bhāgaśaḥ || 32 ||
[Analyze grammar]

tāvakānāmanīkeṣu pāṇḍavā jitakāśinaḥ |
vyacaranta mahārāja prekṣaṇīyāḥ samantataḥ || 33 ||
[Analyze grammar]

kṛpaśca kṛtavarmā ca saubalaśca mahābalaḥ |
ayodhayandharmarājaṃ madrarājapuraskṛtāḥ || 34 ||
[Analyze grammar]

bhāradvājasya hantāraṃ bhūrivīryaparākramam |
duryodhano mahārāja dhṛṣṭadyumnamayodhayat || 35 ||
[Analyze grammar]

trisāhasrā rathā rājaṃstava putreṇa coditāḥ |
ayodhayanta vijayaṃ droṇaputrapuraskṛtāḥ || 36 ||
[Analyze grammar]

vijaye dhṛtasaṃkalpāḥ samabhityaktajīvitāḥ |
prāviśaṃstāvakā rājanhaṃsā iva mahatsaraḥ || 37 ||
[Analyze grammar]

tato yuddhamabhūdghoraṃ parasparavadhaiṣiṇām |
anyonyavadhasaṃyuktamanyonyaprītivardhanam || 38 ||
[Analyze grammar]

tasminpravṛtte saṃgrāme rājanvīravarakṣaye |
anileneritaṃ ghoramuttasthau pārthivaṃ rajaḥ || 39 ||
[Analyze grammar]

śravaṇānnāmadheyānāṃ pāṇḍavānāṃ ca kīrtanāt |
parasparaṃ vijānīmo ye cāyudhyannabhītavat || 40 ||
[Analyze grammar]

tadrajaḥ puruṣavyāghra śoṇitena praśāmitam |
diśaśca vimalā jajñustasminrajasi śāmite || 41 ||
[Analyze grammar]

tathā pravṛtte saṃgrāme ghorarūpe bhayānake |
tāvakānāṃ pareṣāṃ ca nāsītkaścitparāṅmukhaḥ || 42 ||
[Analyze grammar]

brahmalokaparā bhūtvā prārthayanto jayaṃ yudhi |
suyuddhena parākrāntā narāḥ svargamabhīpsavaḥ || 43 ||
[Analyze grammar]

bhartṛpiṇḍavimokṣārthaṃ bhartṛkāryaviniścitāḥ |
svargasaṃsaktamanaso yodhā yuyudhire tadā || 44 ||
[Analyze grammar]

nānārūpāṇi śastrāṇi visṛjanto mahārathāḥ |
anyonyamabhigarjantaḥ praharantaḥ parasparam || 45 ||
[Analyze grammar]

hata vidhyata gṛhṇīta praharadhvaṃ nikṛntata |
iti sma vācaḥ śrūyante tava teṣāṃ ca vai bale || 46 ||
[Analyze grammar]

tataḥ śalyo mahārāja dharmarājaṃ yudhiṣṭhiram |
vivyādha niśitairbāṇairhantukāmo mahāratham || 47 ||
[Analyze grammar]

tasya pārtho mahārāja nārācānvai caturdaśa |
marmāṇyuddiśya marmajño nicakhāna hasanniva || 48 ||
[Analyze grammar]

taṃ vārya pāṇḍavaṃ bāṇairhantukāmo mahāyaśāḥ |
vivyādha samare kruddho bahubhiḥ kaṅkapatribhiḥ || 49 ||
[Analyze grammar]

atha bhūyo mahārāja śareṇa nataparvaṇā |
yudhiṣṭhiraṃ samājaghne sarvasainyasya paśyataḥ || 50 ||
[Analyze grammar]

dharmarājo'pi saṃkruddho madrarājaṃ mahāyaśāḥ |
vivyādha niśitairbāṇaiḥ kaṅkabarhiṇavājitaiḥ || 51 ||
[Analyze grammar]

candrasenaṃ ca saptatyā sūtaṃ ca navabhiḥ śaraiḥ |
drumasenaṃ catuḥṣaṣṭyā nijaghāna mahārathaḥ || 52 ||
[Analyze grammar]

cakrarakṣe hate śalyaḥ pāṇḍavena mahātmanā |
nijaghāna tato rājaṃścedīnvai pañcaviṃśatim || 53 ||
[Analyze grammar]

sātyakiṃ pañcaviṃśatyā bhīmasenaṃ ca pañcabhiḥ |
mādrīputrau śatenājau vivyādha niśitaiḥ śaraiḥ || 54 ||
[Analyze grammar]

evaṃ vicaratastasya saṃgrāme rājasattama |
saṃpreṣayacchitānpārthaḥ śarānāśīviṣopamān || 55 ||
[Analyze grammar]

dhvajāgraṃ cāsya samare kuntīputro yudhiṣṭhiraḥ |
pramukhe vartamānasya bhallenāpaharadrathāt || 56 ||
[Analyze grammar]

pāṇḍuputreṇa vai tasya ketuṃ chinnaṃ mahātmanā |
nipatantamapaśyāma giriśṛṅgamivāhatam || 57 ||
[Analyze grammar]

dhvajaṃ nipatitaṃ dṛṣṭvā pāṇḍavaṃ ca vyavasthitam |
saṃkruddho madrarājo'bhūccharavarṣaṃ mumoca ha || 58 ||
[Analyze grammar]

śalyaḥ sāyakavarṣeṇa parjanya iva vṛṣṭimān |
abhyavarṣadameyātmā kṣatriyaṃ kṣatriyarṣabhaḥ || 59 ||
[Analyze grammar]

sātyakiṃ bhīmasenaṃ ca mādrīputrau ca pāṇḍavau |
ekaikaṃ pañcabhirviddhvā yudhiṣṭhiramapīḍayat || 60 ||
[Analyze grammar]

tato bāṇamayaṃ jālaṃ vitataṃ pāṇḍavorasi |
apaśyāma mahārāja meghajālamivodgatam || 61 ||
[Analyze grammar]

tasya śalyo raṇe kruddho bāṇaiḥ saṃnataparvabhiḥ |
diśaḥ pracchādayāmāsa pradiśaśca mahārathaḥ || 62 ||
[Analyze grammar]

tato yudhiṣṭhiro rājā bāṇajālena pīḍitaḥ |
babhūva hṛtavikrānto jambho vṛtrahaṇā yathā || 63 ||
[Analyze grammar]