Chapter 2

vaiśaṃpāyana uvāca |
visṛṣṭāsvatha nārīṣu dhṛtarāṣṭro'mbikāsutaḥ |
vilalāpa mahārāja duḥkhādduḥkhataraṃ gataḥ || 1 ||
[Analyze grammar]

sadhūmamiva niḥśvasya karau dhunvanpunaḥ punaḥ |
vicintya ca mahārāja tato vacanamabravīt || 2 ||
[Analyze grammar]

aho bata mahadduḥkhaṃ yadahaṃ pāṇḍavānraṇe |
kṣemiṇaścāvyayāṃścaiva tvattaḥ sūta śṛṇomi vai || 3 ||
[Analyze grammar]

vajrasāramayaṃ nūnaṃ hṛdayaṃ sudṛḍhaṃ mama |
yacchrutvā nihatānputrāndīryate na sahasradhā || 4 ||
[Analyze grammar]

cintayitvā vacasteṣāṃ bālakrīḍāṃ ca saṃjaya |
adya śrutvā hatānputrānbhṛśaṃ me dīryate manaḥ || 5 ||
[Analyze grammar]

andhatvādyadi teṣāṃ tu na me rūpanidarśanam |
putrasnehakṛtā prītirnityameteṣu dhāritā || 6 ||
[Analyze grammar]

bālabhāvamatikrāntānyauvanasthāṃśca tānaham |
madhyaprāptāṃstathā śrutvā hṛṣṭa āsaṃ tathānagha || 7 ||
[Analyze grammar]

tānadya nihatāñśrutvā hṛtaiśvaryānhṛtaujasaḥ |
na labhe vai kvacicchāntiṃ putrādhibhirabhiplutaḥ || 8 ||
[Analyze grammar]

ehyehi putra rājendra mamānāthasya sāṃpratam |
tvayā hīno mahābāho kāṃ nu yāsyāmyahaṃ gatim || 9 ||
[Analyze grammar]

gatirbhūtvā mahārāja jñātīnāṃ suhṛdāṃ tathā |
andhaṃ vṛddhaṃ ca māṃ vīra vihāya kva nu gacchasi || 10 ||
[Analyze grammar]

sā kṛpā sā ca te prītiḥ sā ca rājansumānitā |
kathaṃ vinihataḥ pārthaiḥ saṃyugeṣvaparājitaḥ || 11 ||
[Analyze grammar]

kathaṃ tvaṃ pṛthivīpālānbhuktvā tāta samāgatān |
śeṣe vinihato bhūmau prākṛtaḥ kunṛpo yathā || 12 ||
[Analyze grammar]

ko nu māmutthitaṃ kālye tāta tāteti vakṣyati |
mahārājeti satataṃ lokanātheti cāsakṛt || 13 ||
[Analyze grammar]

pariṣvajya ca māṃ kaṇṭhe snehenāklinnalocanaḥ |
anuśādhīti kauravya tatsādhu vada me vacaḥ || 14 ||
[Analyze grammar]

nanu nāmāhamaśrauṣaṃ vacanaṃ tava putraka |
bhūyasī mama pṛthvīyaṃ yathā pārthasya no tathā || 15 ||
[Analyze grammar]

bhagadattaḥ kṛpaḥ śalya āvantyo'tha jayadrathaḥ |
bhūriśravāḥ somadatto mahārājo'tha bāhlikaḥ || 16 ||
[Analyze grammar]

aśvatthāmā ca bhojaśca māgadhaśca mahābalaḥ |
bṛhadbalaśca kāśīśaḥ śakuniścāpi saubalaḥ || 17 ||
[Analyze grammar]

mlecchāśca bahusāhasrāḥ śakāśca yavanaiḥ saha |
sudakṣiṇaśca kāmbojastrigartādhipatistathā || 18 ||
[Analyze grammar]

bhīṣmaḥ pitāmahaścaiva bhāradvājo'tha gautamaḥ |
śrutāyuścācyutāyuśca śatāyuścāpi vīryavān || 19 ||
[Analyze grammar]

jalasaṃdho'thārśyaśṛṅgī rākṣasaścāpyalāyudhaḥ |
alaṃbuso mahābāhuḥ subāhuśca mahārathaḥ || 20 ||
[Analyze grammar]

ete cānye ca bahavo rājāno rājasattama |
madarthamudyatāḥ sarve prāṇāṃstyaktvā raṇe prabho || 21 ||
[Analyze grammar]

yeṣāṃ madhye sthito yuddhe bhrātṛbhiḥ parivāritaḥ |
yodhayiṣyāmyahaṃ pārthānpāñcālāṃścaiva sarvaśaḥ || 22 ||
[Analyze grammar]

cedīṃśca nṛpaśārdūla draupadeyāṃśca saṃyuge |
sātyakiṃ kuntibhojaṃ ca rākṣasaṃ ca ghaṭotkacam || 23 ||
[Analyze grammar]

eko'pyeṣāṃ mahārāja samarthaḥ saṃnivāraṇe |
samare pāṇḍaveyānāṃ saṃkruddho hyabhidhāvatām |
kiṃ punaḥ sahitā vīrāḥ kṛtavairāśca pāṇḍavaiḥ || 24 ||
[Analyze grammar]

atha vā sarva evaite pāṇḍavasyānuyāyibhiḥ |
yotsyanti saha rājendra haniṣyanti ca tānmṛdhe || 25 ||
[Analyze grammar]

karṇastveko mayā sārdhaṃ nihaniṣyati pāṇḍavān |
tato nṛpatayo vīrāḥ sthāsyanti mama śāsane || 26 ||
[Analyze grammar]

yaśca teṣāṃ praṇetā vai vāsudevo mahābalaḥ |
na sa saṃnahyate rājanniti māmabravīdvacaḥ || 27 ||
[Analyze grammar]

tasyāhaṃ vadataḥ sūta bahuśo mama saṃnidhau |
yuktito hyanupaśyāmi nihatānpāṇḍavānmṛdhe || 28 ||
[Analyze grammar]

teṣāṃ madhye sthitā yatra hanyante mama putrakāḥ |
vyāyacchamānāḥ samare kimanyadbhāgadheyataḥ || 29 ||
[Analyze grammar]

bhīṣmaśca nihato yatra lokanāthaḥ pratāpavān |
śikhaṇḍinaṃ samāsādya mṛgendra iva jambukam || 30 ||
[Analyze grammar]

droṇaśca brāhmaṇo yatra sarvaśastrāstrapāragaḥ |
nihataḥ pāṇḍavaiḥ saṃkhye kimanyadbhāgadheyataḥ || 31 ||
[Analyze grammar]

bhūriśravā hato yatra somadattaśca saṃyuge |
bāhlīkaśca mahārāja kimanyadbhāgadheyataḥ || 32 ||
[Analyze grammar]

sudakṣiṇo hato yatra jalasaṃdhaśca kauravaḥ |
śrutāyuścācyutāyuśca kimanyadbhāgadheyataḥ || 33 ||
[Analyze grammar]

bṛhadbalo hato yatra māgadhaśca mahābalaḥ |
āvantyo nihato yatra trigartaśca janādhipaḥ |
saṃśaptakāśca bahavaḥ kimanyadbhāgadheyataḥ || 34 ||
[Analyze grammar]

alaṃbusastathā rājanrākṣasaścāpyalāyudhaḥ |
ārśyaśṛṅgaśca nihataḥ kimanyadbhāgadheyataḥ || 35 ||
[Analyze grammar]

nārāyaṇā hatā yatra gopālā yuddhadurmadāḥ |
mlecchāśca bahusāhasrāḥ kimanyadbhāgadheyataḥ || 36 ||
[Analyze grammar]

śakuniḥ saubalo yatra kaitavyaśca mahābalaḥ |
nihataḥ sabalo vīraḥ kimanyadbhāgadheyataḥ || 37 ||
[Analyze grammar]

rājāno rājaputrāśca śūrāḥ parighabāhavaḥ |
nihatā bahavo yatra kimanyadbhāgadheyataḥ || 38 ||
[Analyze grammar]

nānādeśasamāvṛttāḥ kṣatriyā yatra saṃjaya |
nihatāḥ samare sarve kimanyadbhāgadheyataḥ || 39 ||
[Analyze grammar]

putrāśca me vinihatāḥ pautrāścaiva mahābalāḥ |
vayasyā bhrātaraścaiva kimanyadbhāgadheyataḥ || 40 ||
[Analyze grammar]

bhāgadheyasamāyukto dhruvamutpadyate naraḥ |
yaśca bhāgyasamāyuktaḥ sa śubhaṃ prāpnuyānnaraḥ || 41 ||
[Analyze grammar]

ahaṃ viyuktaḥ svairbhāgyaiḥ putraiścaiveha saṃjaya |
kathamadya bhaviṣyāmi vṛddhaḥ śatruvaśaṃ gataḥ || 42 ||
[Analyze grammar]

nānyadatra paraṃ manye vanavāsādṛte prabho |
so'haṃ vanaṃ gamiṣyāmi nirbandhurjñātisaṃkṣaye || 43 ||
[Analyze grammar]

na hi me'nyadbhavecchreyo vanābhyupagamādṛte |
imāmavasthāṃ prāptasya lūnapakṣasya saṃjaya || 44 ||
[Analyze grammar]

duryodhano hato yatra śalyaśca nihato yudhi |
duḥśāsano viśastaśca vikarṇaśca mahābalaḥ || 45 ||
[Analyze grammar]

kathaṃ hi bhīmasenasya śroṣye'haṃ śabdamuttamam |
ekena samare yena hataṃ putraśataṃ mama || 46 ||
[Analyze grammar]

asakṛdvadatastasya duryodhanavadhena ca |
duḥkhaśokābhisaṃtapto na śroṣye paruṣā giraḥ || 47 ||
[Analyze grammar]

evaṃ sa śokasaṃtaptaḥ pārthivo hatabāndhavaḥ |
muhurmuhurmuhyamānaḥ putrādhibhirabhiplutaḥ || 48 ||
[Analyze grammar]

vilapya suciraṃ kālaṃ dhṛtarāṣṭro'mbikāsutaḥ |
dīrghamuṣṇaṃ ca niḥśvasya cintayitvā parābhavam || 49 ||
[Analyze grammar]

duḥkhena mahatā rājā saṃtapto bharatarṣabha |
punargāvalgaṇiṃ sūtaṃ paryapṛcchadyathātatham || 50 ||
[Analyze grammar]

bhīṣmadroṇau hatau śrutvā sūtaputraṃ ca pātitam |
senāpatiṃ praṇetāraṃ kimakurvata māmakāḥ || 51 ||
[Analyze grammar]

yaṃ yaṃ senāpraṇetāraṃ yudhi kurvanti māmakāḥ |
acireṇaiva kālena taṃ taṃ nighnanti pāṇḍavāḥ || 52 ||
[Analyze grammar]

raṇamūrdhni hato bhīṣmaḥ paśyatāṃ vaḥ kirīṭinā |
evameva hato droṇaḥ sarveṣāmeva paśyatām || 53 ||
[Analyze grammar]

evameva hataḥ karṇaḥ sūtaputraḥ pratāpavān |
sa rājakānāṃ sarveṣāṃ paśyatāṃ vaḥ kirīṭinā || 54 ||
[Analyze grammar]

pūrvamevāhamukto vai vidureṇa mahātmanā |
duryodhanāparādhena prajeyaṃ vinaśiṣyati || 55 ||
[Analyze grammar]

kecinna samyakpaśyanti mūḍhāḥ samyaktathāpare |
tadidaṃ mama mūḍhasya tathābhūtaṃ vacaḥ sma ha || 56 ||
[Analyze grammar]

yadabravīnme dharmātmā viduro dīrghadarśivān |
tattathā samanuprāptaṃ vacanaṃ satyavādinaḥ || 57 ||
[Analyze grammar]

daivopahatacittena yanmayāpakṛtaṃ purā |
anayasya phalaṃ tasya brūhi gāvalgaṇe punaḥ || 58 ||
[Analyze grammar]

ko vā mukhamanīkānāmāsītkarṇe nipātite |
arjunaṃ vāsudevaṃ ca ko vā pratyudyayau rathī || 59 ||
[Analyze grammar]

ke'rakṣandakṣiṇaṃ cakraṃ madrarājasya saṃyuge |
vāmaṃ ca yoddhukāmasya ke vā vīrasya pṛṣṭhataḥ || 60 ||
[Analyze grammar]

kathaṃ ca vaḥ sametānāṃ madrarājo mahābalaḥ |
nihataḥ pāṇḍavaiḥ saṃkhye putro vā mama saṃjaya || 61 ||
[Analyze grammar]

brūhi sarvaṃ yathātattvaṃ bharatānāṃ mahākṣayam |
yathā ca nihataḥ saṃkhye putro duryodhano mama || 62 ||
[Analyze grammar]

pāñcālāśca yathā sarve nihatāḥ sapadānugāḥ |
dhṛṣṭadyumnaḥ śikhaṇḍī ca draupadyāḥ pañca cātmajāḥ || 63 ||
[Analyze grammar]

pāṇḍavāśca yathā muktāstathobhau sātvatau yudhi |
kṛpaśca kṛtavarmā ca bhāradvājasya cātmajaḥ || 64 ||
[Analyze grammar]

yadyathā yādṛśaṃ caiva yuddhaṃ vṛttaṃ ca sāṃpratam |
akhilaṃ śrotumicchāmi kuśalo hyasi saṃjaya || 65 ||
[Analyze grammar]