Chapter 1

janamejaya uvāca |
evaṃ nipātite karṇe samare savyasācinā |
alpāvaśiṣṭāḥ kuravaḥ kimakurvata vai dvija || 1 ||
[Analyze grammar]

udīryamāṇaṃ ca balaṃ dṛṣṭvā rājā suyodhanaḥ |
pāṇḍavaiḥ prāptakālaṃ ca kiṃ prāpadyata kauravaḥ || 2 ||
[Analyze grammar]

etadicchāmyahaṃ śrotuṃ tadācakṣva dvijottama |
na hi tṛpyāmi pūrveṣāṃ śṛṇvānaścaritaṃ mahat || 3 ||
[Analyze grammar]

vaiśaṃpāyana uvāca |
tataḥ karṇe hate rājandhārtarāṣṭraḥ suyodhanaḥ |
bhṛśaṃ śokārṇave magno nirāśaḥ sarvato'bhavat || 4 ||
[Analyze grammar]

hā karṇa hā karṇa iti śocamānaḥ punaḥ punaḥ |
kṛcchrātsvaśibiraṃ prāyāddhataśeṣairnṛpaiḥ saha || 5 ||
[Analyze grammar]

sa samāśvāsyamāno'pi hetubhiḥ śāstraniścitaiḥ |
rājabhirnālabhaccharma sūtaputravadhaṃ smaran || 6 ||
[Analyze grammar]

sa daivaṃ balavanmatvā bhavitavyaṃ ca pārthivaḥ |
saṃgrāme niścayaṃ kṛtvā punaryuddhāya niryayau || 7 ||
[Analyze grammar]

śalyaṃ senāpatiṃ kṛtvā vidhivadrājapuṃgavaḥ |
raṇāya niryayau rājā hataśeṣairnṛpaiḥ saha || 8 ||
[Analyze grammar]

tataḥ sutumulaṃ yuddhaṃ kurupāṇḍavasenayoḥ |
babhūva bharataśreṣṭha devāsuraraṇopamam || 9 ||
[Analyze grammar]

tataḥ śalyo mahārāja kṛtvā kadanamāhave |
pāṇḍusainyasya madhyāhne dharmarājena pātitaḥ || 10 ||
[Analyze grammar]

tato duryodhano rājā hatabandhū raṇājirāt |
apasṛtya hradaṃ ghoraṃ viveśa ripujādbhayāt || 11 ||
[Analyze grammar]

athāparāhṇe tasyāhnaḥ parivārya mahārathaiḥ |
hradādāhūya yogena bhīmasenena pātitaḥ || 12 ||
[Analyze grammar]

tasminhate maheṣvāse hataśiṣṭāstrayo rathāḥ |
saṃrabhānniśi rājendra jaghnuḥ pāñcālasainikān || 13 ||
[Analyze grammar]

tataḥ pūrvāhṇasamaye śibirādetya saṃjayaḥ |
praviveśa purīṃ dīno duḥkhaśokasamanvitaḥ || 14 ||
[Analyze grammar]

praviśya ca puraṃ tūrṇaṃ bhujāvucchritya duḥkhitaḥ |
vepamānastato rājñaḥ praviveśa niveśanam || 15 ||
[Analyze grammar]

ruroda ca naravyāghra hā rājanniti duḥkhitaḥ |
aho bata vivignāḥ sma nidhanena mahātmanaḥ || 16 ||
[Analyze grammar]

aho subalavānkālo gatiśca paramā tathā |
śakratulyabalāḥ sarve yatrāvadhyanta pārthivāḥ || 17 ||
[Analyze grammar]

dṛṣṭvaiva ca puro rājañjanaḥ sarvaḥ sa saṃjayam |
praruroda bhṛśodvigno hā rājanniti sasvaram || 18 ||
[Analyze grammar]

ākumāraṃ naravyāghra tatpuraṃ vai samantataḥ |
ārtanādaṃ mahaccakre śrutvā vinihataṃ nṛpam || 19 ||
[Analyze grammar]

dhāvataścāpyapaśyacca tatra trīnpuruṣarṣabhān |
naṣṭacittānivonmattāñśokena bhṛśapīḍitān || 20 ||
[Analyze grammar]

tathā sa vihvalaḥ sūtaḥ praviśya nṛpatikṣayam |
dadarśa nṛpatiśreṣṭhaṃ prajñācakṣuṣamīśvaram || 21 ||
[Analyze grammar]

dṛṣṭvā cāsīnamanaghaṃ samantātparivāritam |
snuṣābhirbharataśreṣṭha gāndhāryā vidureṇa ca || 22 ||
[Analyze grammar]

tathānyaiśca suhṛdbhiśca jñātibhiśca hitaiṣibhiḥ |
tameva cārthaṃ dhyāyantaṃ karṇasya nidhanaṃ prati || 23 ||
[Analyze grammar]

rudannevābravīdvākyaṃ rājānaṃ janamejaya |
nātihṛṣṭamanāḥ sūto bāṣpasaṃdigdhayā girā || 24 ||
[Analyze grammar]

saṃjayo'haṃ naravyāghra namaste bharatarṣabha |
madrādhipo hataḥ śalyaḥ śakuniḥ saubalastathā |
ulūkaḥ puruṣavyāghra kaitavyo dṛḍhavikramaḥ || 25 ||
[Analyze grammar]

saṃśaptakā hatāḥ sarve kāmbojāśca śakaiḥ saha |
mlecchāśca pārvatīyāśca yavanāśca nipātitāḥ || 26 ||
[Analyze grammar]

prācyā hatā mahārāja dākṣiṇātyāśca sarvaśaḥ |
udīcyā nihatāḥ sarve pratīcyāśca narādhipa |
rājāno rājaputrāśca sarvato nihatā nṛpa || 27 ||
[Analyze grammar]

duryodhano hato rājanyathoktaṃ pāṇḍavena ca |
bhagnasaktho mahārāja śete pāṃsuṣu rūṣitaḥ || 28 ||
[Analyze grammar]

dhṛṣṭadyumno hato rājañśikhaṇḍī cāparājitaḥ |
uttamaujā yudhāmanyustathā rājanprabhadrakāḥ || 29 ||
[Analyze grammar]

pāñcālāśca naravyāghrāścedayaśca niṣūditāḥ |
tava putrā hatāḥ sarve draupadeyāśca bhārata |
karṇaputro hataḥ śūro vṛṣaseno mahābalaḥ || 30 ||
[Analyze grammar]

narā vinihatāḥ sarve gajāśca vinipātitāḥ |
rathinaśca naravyāghra hayāśca nihatā yudhi || 31 ||
[Analyze grammar]

kiṃciccheṣaṃ ca śibiraṃ tāvakānāṃ kṛtaṃ vibho |
pāṇḍavānāṃ ca śūrāṇāṃ samāsādya parasparam || 32 ||
[Analyze grammar]

prāyaḥ strīśeṣamabhavajjagatkālena mohitam |
sapta pāṇḍavataḥ śeṣā dhārtarāṣṭrāstathā trayaḥ || 33 ||
[Analyze grammar]

te caiva bhrātaraḥ pañca vāsudevo'tha sātyakiḥ |
kṛpaśca kṛtavarmā ca drauṇiśca jayatāṃ varaḥ || 34 ||
[Analyze grammar]

tavāpyete mahārāja rathino nṛpasattama |
akṣauhiṇīnāṃ sarvāsāṃ sametānāṃ janeśvara |
ete śeṣā mahārāja sarve'nye nidhanaṃ gatāḥ || 35 ||
[Analyze grammar]

kālena nihataṃ sarvaṃ jagadvai bharatarṣabha |
duryodhanaṃ vai purataḥ kṛtvā vairasya bhārata || 36 ||
[Analyze grammar]

etacchrutvā vacaḥ krūraṃ dhṛtarāṣṭro janeśvaraḥ |
nipapāta mahārāja gatasattvo mahītale || 37 ||
[Analyze grammar]

tasminnipatite bhūmau viduro'pi mahāyaśāḥ |
nipapāta mahārāja rājavyasanakarśitaḥ || 38 ||
[Analyze grammar]

gāndhārī ca nṛpaśreṣṭha sarvāśca kuruyoṣitaḥ |
patitāḥ sahasā bhūmau śrutvā krūraṃ vacaśca tāḥ || 39 ||
[Analyze grammar]

niḥsaṃjñaṃ patitaṃ bhūmau tadāsīdrājamaṇḍalam |
pralāpayuktā mahatī kathā nyastā paṭe yathā || 40 ||
[Analyze grammar]

kṛcchreṇa tu tato rājā dhṛtarāṣṭro mahīpatiḥ |
śanairalabhata prāṇānputravyasanakarśitaḥ || 41 ||
[Analyze grammar]

labdhvā tu sa nṛpaḥ saṃjñāṃ vepamānaḥ suduḥkhitaḥ |
udīkṣya ca diśaḥ sarvāḥ kṣattāraṃ vākyamabravīt || 42 ||
[Analyze grammar]

vidvankṣattarmahāprājña tvaṃ gatirbharatarṣabha |
mamānāthasya subhṛśaṃ putrairhīnasya sarvaśaḥ |
evamuktvā tato bhūyo visaṃjño nipapāta ha || 43 ||
[Analyze grammar]

taṃ tathā patitaṃ dṛṣṭvā bāndhavā ye'sya kecana |
śītaistu siṣicustoyairvivyajurvyajanairapi || 44 ||
[Analyze grammar]

sa tu dīrgheṇa kālena pratyāśvasto mahīpatiḥ |
tūṣṇīṃ dadhyau mahīpālaḥ putravyasanakarśitaḥ |
niḥśvasañjihmaga iva kumbhakṣipto viśāṃ pate || 45 ||
[Analyze grammar]

saṃjayo'pyarudattatra dṛṣṭvā rājānamāturam |
tathā sarvāḥ striyaścaiva gāndhārī ca yaśasvinī || 46 ||
[Analyze grammar]

tato dīrgheṇa kālena viduraṃ vākyamabravīt |
dhṛtarāṣṭro naravyāghro muhyamāno muhurmuhuḥ || 47 ||
[Analyze grammar]

gacchantu yoṣitaḥ sarvā gāndhārī ca yaśasvinī |
tatheme suhṛdaḥ sarve bhraśyate me mano bhṛśam || 48 ||
[Analyze grammar]

evamuktastataḥ kṣattā tāḥ striyo bharatarṣabha |
visarjayāmāsa śanairvepamānaḥ punaḥ punaḥ || 49 ||
[Analyze grammar]

niścakramustataḥ sarvāstāḥ striyo bharatarṣabha |
suhṛdaśca tataḥ sarve dṛṣṭvā rājānamāturam || 50 ||
[Analyze grammar]

tato narapatiṃ tatra labdhasaṃjñaṃ paraṃtapa |
avekṣya saṃjayo dīno rodamānaṃ bhṛśāturam || 51 ||
[Analyze grammar]

prāñjalirniḥśvasantaṃ ca taṃ narendraṃ muhurmuhuḥ |
samāśvāsayata kṣattā vacasā madhureṇa ca || 52 ||
[Analyze grammar]