Chapter 221

śrīpuruṣottama uvāca |
śṛṇu nārāyaṇīśri tvaṃ gṛhakārasya vai kathām |
takṣaśilāyāṃ puryāṃ vai nāmnā śivajayo'bhavat || 1 ||
[Analyze grammar]

bhaktaḥ prāsādakuśalo mandiragṛhakṛtkalaḥ |
nagarīracanāvijño devālayādikārakaḥ || 2 ||
[Analyze grammar]

śilpivaryaḥ sbabuddhyaiva kurute ca kalodbhavam |
rājaprāsādanirmātā''viṣkṛtanavaghaṭṭanaḥ || 3 ||
[Analyze grammar]

navākṛtikaraścāpi navakakṣādigocaraḥ |
asaṃkhyanāṇakaiḥ saudhān nirmāti daivasadṛśān || 4 ||
[Analyze grammar]

ekadā vṛṣaparvākhyaḥ ṛṣistaṃ samupāyayau |
mahābhāgavato bhaktaḥ sādhudharmā susaṃyataḥ || 5 ||
[Analyze grammar]

utthāya sahasā śivajayaḥ svāgatamācarat |
arghaṃ ca madhuparkaṃ ca dadāvṛṣaye bhāvavān || 6 ||
[Analyze grammar]

nyaṣādayad ramyapūtāsane jalaṃ samārpayat |
pādasaṃvāhanaṃ cāṃgamardanaṃ ca vyadhādṛṣeḥ || 7 ||
[Analyze grammar]

ṛṣistasya tu kuśalaṃ papraccha prītamānasaḥ |
so'pi tavā''gamādatra kuśalaṃ me uvāca tam || 8 ||
[Analyze grammar]

yatra sādhoścaraṇau vai pūjyete śraddhayā gṛhe |
tadgṛhaṃ divyaveti śmasānaṃ tu tadanyakam || 9 ||
[Analyze grammar]

adya me kuśalaṃ sarvaṃ naṣṭaṃ tvakuśalaṃ mama |
dhanyo'smi daivapuruṣo rājate yadgṛhe'dya vai || 10 ||
[Analyze grammar]

ityuktvā maunamāsthāya vṛṣaparvāṇamāha saḥ |
kuśalaṃ paramaṃ yattacchādhi māṃ śaraṇāgatam || 11 ||
[Analyze grammar]

atha lakṣmi vṛṣaparvā smṛtvā'nādinarāyaṇam |
upādideśa bahudhā śivajayāya muktaye || 12 ||
[Analyze grammar]

śivajayā''karṇaya tvaṃ snehaḥ kṛṣṇe tu mokṣadaḥ |
asnehaścāpi māyāyāṃ nikṛṣṭatādibuddhitaḥ || 13 ||
[Analyze grammar]

snehaḥ kṛṣṇe tu jāyeta tadutkṛṣṭatvabuddhitaḥ |
tadutkarṣo yathā parabrahma śrībhagavān svayam || 14 ||
[Analyze grammar]

savitāram sarvadhāmādhipaḥ satāṃ patiḥ |
sarvamuktapatiḥ sarvaiśvaryapatiḥ ramāpatiḥ || 15 ||
[Analyze grammar]

yāvadbhagavatāṃ kṛṣṇo bhagavān bhagavattamaḥ |
sarvopari cāntarātmā sarvakarmaphalapradaḥ || 16 ||
[Analyze grammar]

antaryāmī yamantarā kiñcit svatantrameva na |
yadicchāmantarā śuṣke parṇe'pi pavano balī || 17 ||
[Analyze grammar]

pravartate na vai cālanārthaṃ preraka eva saḥ |
sa eva bhagavānatra pṛthvyāṃ sādhusvarūpavān || 18 ||
[Analyze grammar]

yatheṣṭarūpavānāste bhaktamānasapūrakaḥ |
divyo divyacaritraśca sarvathā divyavigrahaḥ || 19 ||
[Analyze grammar]

mokṣadā hi kriyāstasya sakalā dehajā api |
evaṃ yasya hi māhātmyaṃ vidyate hṛdaye hareḥ || 20 ||
[Analyze grammar]

tasya bhaktasya vaṃśīyāḥ kuṭumbinaśca prākparāḥ |
daśa daśa svaścetyekaviṃśatiruddharanti vai || 21 ||
[Analyze grammar]

gṛhṇīyuste guṇaṃ tasya bhaktasya yadi sarvathā |
aho cā'smatkule kṛṣṇabhakto jāto hi pāvanaḥ || 22 ||
[Analyze grammar]

asmadbhāgyaṃ mahattena samuddhāro bhaviṣyati |
tatkṛtabhakteḥ puṇyaṃ no bhaviṣyati kuṭumbinaḥ || 23 ||
[Analyze grammar]

ityevaṃ guṇamantārastaranti nātra saṃśayaḥ |
anye'pi guṇamantāraḥ puṇyabhājo bhavanti ca || 24 ||
[Analyze grammar]

taṭantyeva ca saṃsāraṃ dhāmā'kṣaraṃ prayanti te |
ye yo guṇapravaktāro guṇagrāhiṇa eva te || 25 ||
[Analyze grammar]

dhanyavādagrahitāro yānti kṛṣṇasya dhāma te |
bhaktakathā bhaktaguṇagānaṃ bhaktasya vandanam || 26 ||
[Analyze grammar]

bhaktapraśaṃsanaṃ bhaktaprasādo mokṣadā ime |
bhaktasya dveṣakartāraḥ sambandhinastathetare || 27 ||
[Analyze grammar]

ye vā ke vā prayāntyeva nirayaṃ yāmyanoditāḥ |
krodhanānirṣyuko mānī kapaṭī kāmavānapi || 28 ||
[Analyze grammar]

dveṣī ca nindakaścaite prayānti nirayaṃ dhruvam |
tān doṣān samparityajya ye bhajanti janārdanam || 29 ||
[Analyze grammar]

te prayānti harerdhāma kṛṣṇasnehaparāyaṇāḥ |
bhagavatsnehasampūrṇā bhagavatsevane ratāḥ || 30 ||
[Analyze grammar]

bhagavadguṇatulyaiḥ sadguṇairyuktā bhavanti hi |
bhagavadguṇavān bhakto bhavedāśritamokṣakṛt || 31 ||
[Analyze grammar]

svadharmaṃ pālayan rāgābhāvaṃ sampādayaṃstathā |
ātmaniṣṭho hariniṣṭhaḥ snehī yāti paraṃ padam || 32 ||
[Analyze grammar]

śubhe deśe samaye vā jāgradādau śubhāśraye |
aśubhe vā viparīte bhaktastu dehamutsṛjan || 33 ||
[Analyze grammar]

prayātyeva paraṃ dhāma kṛṣṇakṛpānumoditaḥ |
abhakto vā harerdveṣī satāṃ dveṣī vinindakaḥ || 34 ||
[Analyze grammar]

dharmādiśūnyako yo vai śubhe deśādike'pi ca |
dehaṃ tyaktvāpi yātyeva ghoraṃ yamālayaṃ sadā || 35 ||
[Analyze grammar]

abhyastā yā matiścānte gatirjāyeta tādṛśī |
śobhano'śobhano mṛtyurna hetuḥ sadasadgatau || 36 ||
[Analyze grammar]

bhaktasyordhvagatiścāsti tadbhinnasya tu durgatiḥ |
sarvadarśī guruḥ kṛṣṇanarāyaṇaḥ kṛpāprabhuḥ || 37 ||
[Analyze grammar]

bhaktaṃ nijaṃ nayatyeva dhāmā'kṣaraṃ na saṃśayaḥ |
yadvā bhakto nijanārāyaṇasyopāsanābalāt || 38 ||
[Analyze grammar]

bhajan kṛṣṇaṃ svayaṃ dhāmā'kṣaraṃ yāti svatantrakaḥ |
īśavat sa samartho'sti brahmāṇḍānāṃ laye'laye || 39 ||
[Analyze grammar]

kiṃmātramasya dehasya dhāraṇaṃ tyajanaṃ ca vā |
etādṛśaśca bhakto'tra bhūtale khalu durlabhaḥ || 40 ||
[Analyze grammar]

bhāvyaṃ tādṛśabhaktena nyūnatā yatra no bhavet |
bhāvyaṃ tādṛśavijñena sneho'nyatra na vai bhavet || 41 ||
[Analyze grammar]

bhāvyaṃ tādṛśavratinā pātivratyaṃ harau bhavet |
bhāvyaṃ tādṛśaguṇinā'kṣarabrahmagatirbhavet || 42 ||
[Analyze grammar]

bhāvyaṃ tādṛśadivyena māyālokordhvadṛṣṭinā |
muktakoṭau bhavedvāsaḥ śāśvatānandavarṣaṇaḥ || 43 ||
[Analyze grammar]

tadeva kuśalaṃ śivajayā'nyat kuśaletarat |
śṛṇu sarvakuśalāni śrutvā tāni samācara || 44 ||
[Analyze grammar]

samayo yasya haryarthaḥ prātaḥ sāyaṃ tathā'paraḥ |
pūjanaṃ yatra kṛṣṇasya samayaḥ kuśalo hi saḥ || 45 ||
[Analyze grammar]

gṛhe yasya harermūrtiścāpaṇe mandire bhuvi |
kṣetre vāṭyāṃ samudyoge sa deśaḥ kuśalo mataḥ || 46 ||
[Analyze grammar]

yā kriyā tu śrīkṛṣṇārthā sādhyarthā ca surārthikā |
ātmārthā cāpi muktyarthā sā kriyā kuśalā matā || 47 ||
[Analyze grammar]

yaḥ saṃgaḥ khalu satsaṃgo dharmajñānasukhāvahaḥ |
vāsanānāśakṛt kṛṣṇe snehakṛt kuśalo hi saḥ || 48 ||
[Analyze grammar]

yo mantro mohahā jñaptipradaḥ prakāśakṛddhṛdi |
kṛṣṇanāmayuto divyaḥ pāpaghnaḥ kuśalo hi saḥ || 49 ||
[Analyze grammar]

dīkṣā yā brahmapadadā pāvanī pāpanāśinī |
jñānakarī kṛṣṇapātivratyadā kuśalā hi sā || 50 ||
[Analyze grammar]

dhyānaṃ yacchāntidaṃ māyāduḥkhodvegādināśakam |
śāśvatānandadaṃ divyabhāvadaṃ kuśalaṃ tu tat || 51 ||
[Analyze grammar]

yo gururdivyatādhāyakastathā doṣanāśakṛt |
tārakaḥ kṣālako mokṣe hitakṛt kuśalo hi saḥ || 52 ||
[Analyze grammar]

yā mātā śrīkṛṣṇadugdhāmṛtapānaprakāriṇī |
bhaktipuṣṭikarī mokṣadarśinī kuśalā tu sā || 53 ||
[Analyze grammar]

yaḥ pitā dharmakarmādipālanodyogaśikṣakaḥ |
brahmalokamahāmārgapālakaḥ kuśalo hi saḥ || 54 ||
[Analyze grammar]

yo bhrātā muktidaṃ karma bibharti kārayatyapi |
dadāti bhrājanaṃ divyaṃ mokṣadaṃ kuśalo'pi saḥ || 55 ||
[Analyze grammar]

yā svasā bhojanaṃ bhrātre dadāti brahmaṇe'rpitam |
brahmamuktipradā''śīrvādapradā kuśalā hi sā || 56 ||
[Analyze grammar]

yā patnī śrīhareryogapradāyinī tu sevikā |
kṛṣṇabandhanakartrī śrīpradā sā kuśalā matā || 57 ||
[Analyze grammar]

yaḥ putrastārayet kṛṣṇabhaktyā svapitaraṃ vrataiḥ |
prasannatāmarjayecca pituḥ sa kuśalo mataḥ || 588 ||
[Analyze grammar]

yaḥ patiḥ sampradadyādvai brahmānandaṃ subhaktimān |
brahmarasaṃ pāyayonnirvāṇadaṃ kuśalo hi saḥ || 59 ||
[Analyze grammar]

kuṭumbinastu ye māyāṃ kāṭavīṃ duḥkhadāyinīm |
tyājayeyurdāpayeyurmuktiṃ te kuśalāḥ sadā || 60 ||
[Analyze grammar]

prajārājādayastadvanmokṣe ye tu sahāyinaḥ |
amokṣaṇāttu vyāvṛttāḥ sarve te kuśalā matāḥ || 61 ||
[Analyze grammar]

guṇā ye sukhadāḥ sādhusevāpradā haripradāḥ |
anyānandapradā mokṣakarāste kuśalā matāḥ || 62 ||
[Analyze grammar]

yāḥ sampado haryarthāḥ sādhvarthāḥ puṇyayogadāḥ |
paropakāralābhārthā mokṣadāḥ kuśalā matāḥ || 63 ||
[Analyze grammar]

smṛddhayo yāstu yajñārthā devārthā dānadharmadā || 5 ||
[Analyze grammar]

bhaktārthāścāpi gurvarthā divyāstāḥ kuśalāḥ sadā || 64 ||
[Analyze grammar]

gomahiṣyo vṛṣabhāśvā gajā yānāni dāsikāḥ |
kṛṣṇārthā yasya sādhvarthā mokṣadāḥ kuśalāstu tāḥ || 65 ||
[Analyze grammar]

yo dehaśca mano vāṇīndriyāṇi vaibhavādayaḥ |
haryathā yasya sādhvarthā mokṣadāḥ kuśalā hi te || 66 ||
[Analyze grammar]

yāḥ śayyāḥ sumṛdvyaścāpi svarṇapātrāṇi hīrakāḥ |
ratnarūpyamaṇirdravyaṃ kṛṣṇārthaṃ kuśalaṃ tu tat || 67 ||
[Analyze grammar]

yadānandāśca saṃbhogā utsavāḥ suprasaṃgakāḥ |
haryarthā yasya sādhvarthā mokṣadāḥ kuśalā hi te || 68 ||
[Analyze grammar]

ye'bhyāsāśca kalā vidyā vijñānaṃ jñātṛtottamā |
āviṣkārāśca haryarthāḥ sādhvarthāḥ kuśalāstu te || 69 ||
[Analyze grammar]

āyavyayau tu haryarthau sādhyarthau mokṣamārgiṇau |
māyābandhakṣapaṇakau divyau tau kuśalau matau || 70 ||
[Analyze grammar]

dānaṃ vrataṃ ca niyamā ācāro lokasammatiḥ |
āśramaśca paddhatiśca haryarthāḥ kuśalāstu te || 71 ||
[Analyze grammar]

dharmārthakāmamokṣāśca haryarpitāstu ye sadā |
yasya pumartharūpāste mokṣadāḥ kuśalāḥ sadā || 72 ||
[Analyze grammar]

śāsanaṃ dīnatā dāridryaṃ ca vanecaratvakam |
mahāprāsādavasatirharyarthāḥ kuśalāstu te || 73 ||
[Analyze grammar]

vyāpārā yasya kṛṣṇārthā jāgratsvapnasuṣuptiṣu |
turyāyāṃ brahmamuktau ca mokṣārthāḥ kuśalāstu te || 74 ||
[Analyze grammar]

atisnigdhāḥ sādhavaśca hariśca yasya santi vai |
mokṣārthaṃ ca samāraṃbhāḥ kuśalaṃ tasya sarvathā || 75 ||
[Analyze grammar]

bhaktiryasya sadā gehe hṛdaye ca kuṭumbiṣu |
harau sādhau mokṣamārge kuśalaṃ tasya sarvathā || 76 ||
[Analyze grammar]

yasya gehe hareḥ pūjā sādhūnāṃ svāgataṃ tathā |
devānāṃ ca satīnāṃ ca kuśalaṃ tasya sarvathā || 77 ||
[Analyze grammar]

yasya gehe harernityaṃ prasādaścaiva bhojanam |
vighasāśitvamutkṛṣṭaṃ kuśalaṃ tasya sarvathā || 78 ||
[Analyze grammar]

haryarthaṃ kṛtasarvasvaṃ cātmaniveditātmakam |
niṣkāmabhaktiyogaśca kuśalaṃ tasya sarvathā || 95 ||
[Analyze grammar]

māyādṛṣṭirna vai yasya divyadṛṣṭiḥ śubhā sadā |
sarvathā guṇagrāhitvaṃ kuśalaṃ tasya sarvathā || 80 ||
[Analyze grammar]

sādhuvākye harervākye viśvāsastasya pālanam |
mokṣārthe sarvayatnaśca kuśalaṃ tasya sarvathā || 81 ||
[Analyze grammar]

viśvāso varaṇaṃ nyāsaḥ kārpaṇyaṃ sthiratā harau |
dāsyaṃ raucyaṃ bhaved yasya kuśalaṃ tasya sarvathā || 82 ||
[Analyze grammar]

vacmyathā'kuśalānyatra yāni hānikarāṇi vai |
nāstikatvamadharmitvaṃ bhaktiśūnyatvamudvratam || 83 ||
[Analyze grammar]

nindanaṃ drohakaraṇaṃ hiṃsā cā'kuśalāni vai |
abhakṣyabhakṣaṇapānaṃ dinavandhyatvayāpanam || 84 ||
[Analyze grammar]

kusaṃgapāpisaṃgaśca mohābhimānagarvatāḥ |
paraduḥkhapradāyitvaṃ sadaivā'kuśalāni vai || 85 ||
[Analyze grammar]

parastrīlampaṭatvaṃ ca paradravyābhikāṃkṣitā |
paiśunyaṃ cāpi kāpaṭyaṃ sadaivā'kuśalāni vai || 86 ||
[Analyze grammar]

dharmabhaktivihīnatvamātmasādhanavarjitā |
ajñānaṃ māyiko mohaḥ sadaivā'kuśalāni vai || 87 ||
[Analyze grammar]

tṛṣṇerṣyābhayalobhāśca satkriyāvarjanaṃ tathā |
karmānubandhigamanaṃ sadaivā'kuśalāni vai || 88 ||
[Analyze grammar]

evaṃ viditvā satataṃ vidhehi kuśalāni vai |
tyajā'kuśalāni śivajaya yāsyasi mokṣaṇam || 89 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
japa mantraṃ raṭa nāma harekṛṣṇa hare hare || 90 ||
[Analyze grammar]

māyāṃ tīrtvā brahmalokaṃ paraṃ padaṃ prayāsyasi |
ityuktyā vṛṣaparvā saṃgṛhya pūjāṃ yayau vanam || 91 ||
[Analyze grammar]

bheje lakṣmi śivajayo'cyutaṃ māṃ puruṣottamam |
sarvaṃ vyadhāt kuśalaṃ vai tatyājā'kuśalāni ca || 92 ||
[Analyze grammar]

mahābhāgavato jāto dhyāne'rpaṇe ca pūjane |
anye śilpivarāścāsya gṛhe bhajanti mādhavam || 93 ||
[Analyze grammar]

satsaṃgaṃ te prakurvanti vratotsavān mahattamān |
athaikadā tu dvādaśyāṃ prātarvratottaraṃ tu te || 94 ||
[Analyze grammar]

cakrurme pūjanaṃ rātrau jāgaraṇottaraṃ tathā |
udyāpanaṃ pracakruśca kīrtanaṃ nartanaṃ tathā || 95 ||
[Analyze grammar]

tatrā'haṃ prādurabhavaṃ divyatejāścaturbhujaḥ |
śrīkāntaṃ māṃ hariṃ vīkṣya jahṛṣuḥ parito'pi te || 96 ||
[Analyze grammar]

pupūjurmāṃ hṛdayotthaiḥ premāktavastubhistadā |
mokṣaṃ te cārthayāmāsustathaityuktvā tirobhavam || 97 ||
[Analyze grammar]

atha kālāntare śivajayo bhaktasamanvitaḥ |
dehaṃ tyaktvā yayau dhāmā'kṣaraṃ matpārṣadāhṛtaḥ || 98 ||
[Analyze grammar]

evaṃ lakṣmi mama bhaktā yānti dhāmā'kṣaraṃ mama |
bhajanāt pūjanādātmanivedanāt samāgamāt || 99 ||
[Analyze grammar]

satāṃ yogāt prayāntyeva divyā divyaṃ paraṃ padam |
suśravāḥ pāṭhakāścāpi prayānti śreyasaṃ param || 100 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vṛṣaparvanāmarṣiyogena prāsādakārasya śivajayasya mokṣaṇamityādinirūpaṇanāmaikaviṃśatyadhikadviśata |
tamo'dhyāyaḥ || 221 ||
[Analyze grammar]