Chapter 222

śrīpuruṣottama uvāca |
śṛṇu nārāyaṇīśri tvaṃ jālakārakathāṃ tathā |
jālakāraḥ kamalākhyāsarittīre vihārakṛt || 1 ||
[Analyze grammar]

vihāre cā'bhavanmatsyapāśajālavidhāyakaḥ |
pakṣiṇāṃ bandhanaṃ pāde paśūnāṃ śṛṃgapādayoḥ || 2 ||
[Analyze grammar]

matsyādīnāṃ yathā dehe bhavet tādṛśajālikāḥ |
karoti sūtrarajjūnāṃ vikrīṇāti samantataḥ || 3 ||
[Analyze grammar]

tadutpādyadhanādyaiśca nirvahatyeva bhojanam |
nāmnā saṃgarayādasko nirmātṛnagare sthitaḥ || 4 ||
[Analyze grammar]

pāśavantaḥ samakrītvā jālānyasmāttu saṃgarāt |
badhnanti jalajān vṛkṣavāsān vanajān dehinaḥ || 5 ||
[Analyze grammar]

ekadā saṃgarayādaḥ kṛtvā skandhe tu jālakān |
kretuṃ yayau tu nagare krīṇantu jālakāniti || 6 ||
[Analyze grammar]

uccairvadati śrāvārthaṃ kukṣau poṭalikāṃ vahan |
athā'sya samayo jāto madhyāhnaśca kṣudhā'bhavat || 7 ||
[Analyze grammar]

krītvā bhakṣyaṃ cāpaṇādvai nagarād bahirāyayau |
kamalāyāstaṭe gatvā prabhuṃjan sa jalaṃ papau || 8 ||
[Analyze grammar]

tāvad dṛṣṭvā bhikṣuko vai bhikṣecchayā hyupāgataḥ |
nāmnā śuklāyanaḥ sādhurdadhan mālāṃ kare gale || 9 ||
[Analyze grammar]

raṭannāma harekṛṣṇa mukhe kṛṣṇaṃ hṛdi smaran |
dhārayannahiṃsādharmaṃ vivekaṃ tu vicintayan || 10 ||
[Analyze grammar]

yātrāmātraṃ vahamāno nirdvandvastaṃ hyupāyayau |
oṃ namaḥ śrīkṛṣṇanārāyaṇāya svāmine svāhā || 11 ||
[Analyze grammar]

aśrāvayat purā paścānniṣasāda tadantike |
vāsasā varṣmaṇā cāpi malino'pi hṛdojjvalaḥ || 12 ||
[Analyze grammar]

ākarṣayanmanastasya saumyadṛṣṭyā vyalokayat |
athecchanniva vāñchan vai maunaṃ dhṛtvā sthiro'bhavat || 13 ||
[Analyze grammar]

dhairyabhṛtaṃ suviśvāsyaṃ vīkṣya viraktayoginam |
aprerito'pi daivena preritaḥ prāha jālakṛt || 14 ||
[Analyze grammar]

namaste sādhave sādho kutaḥ kathaṃ kimicchasi |
sādhuḥ prāha namaścāntaryāmiṇe kuśalaṃ tava || 15 ||
[Analyze grammar]

icchāmi bhojanaṃ kiñcijjalapānasahāyadam |
jālakāraḥ prasannātmā dadau bharjitatandulān || 16 ||
[Analyze grammar]

caṇakān bharjitāṃścāpi manāk lavaṇayojitān |
śubhaṃ te syāttathā nityaṃ nirāmayaṃ sukhodakam || 17 ||
[Analyze grammar]

sukhanidrā bhavatātte me tandulacaṇārpaṇāt |
ityuktvā śrīhariṃ smṛtvā nivedya cāntarātmane || 18 ||
[Analyze grammar]

bubhuje tandulādīṃśca pītvā tṛptiṃ yayau tataḥ |
papraccha vyavasāyaṃ ca jālakārasya vai tadā || 19 ||
[Analyze grammar]

jālakāro'vadajjālavyavasāyaṃ yathātatham |
śrutvā sādhuḥ kṣaṇaṃ kṛṣṇaṃ dhyātvopadeśamācarat || 20 ||
[Analyze grammar]

śṛṇu saṃgarayādaska hitaṃ te vacmi sarvathā |
caturaśītikhanayo bhavanti dehināmiha || 11 ||
[Analyze grammar]

tatra mānuṣadeho vai mokṣāya kalpitaḥ paraḥ |
bahūnāṃ janmanāmante puṇyapuñjairhi mānuṣam || 22 ||
[Analyze grammar]

dehaṃ labhate dehīti tataḥ puṇyena vai divam |
bhaktyā mokṣaṃ svadharmeṇa smṛddhiṃ saukhyaṃ vivekataḥ || 23 ||
[Analyze grammar]

dharmārthakāmamokṣāṃśca sādhayenmānavaḥ sadā |
paśuprāyaṃ jīvanaṃ tu hiṃsakaṃ parivarjayet || 24 ||
[Analyze grammar]

hiṃsayā labhyate yāmyaṃ duḥkhaṃ ca narakālayaḥ |
pāpa droho'pyaniṣṭaṃ ca hiṃsayā jāyate tathā || 25 ||
[Analyze grammar]

sāṃkaryaṃ jāyate cāpi dāridryaṃ janasaṃkṣayaḥ |
hiṃsakānāṃ jāyate'dhogatirnirayagāmitā || 26 ||
[Analyze grammar]

hiṃsakānāṃ pāśadasya hiṃsāpāpaṃ prajāyate |
jālakṛto'pi prāṇināṃ hiṃsāpāpaṃ prajāyate || 27 ||
[Analyze grammar]

mārakaḥ khādakaścā'pyanumodakaḥ sahāyakaḥ |
śastradaḥ pāśadaścāpi jāladaḥ samabhāg bhavet || 28 ||
[Analyze grammar]

jālakṛtastvavaśyaṃ te hiṃsāpāpaṃ prajāyate |
jālabaddhā dehinastvāṃ niḥśvasantīva jālakam || 29 ||
[Analyze grammar]

jāladharaṃ jālakṛtaṃ śapanti santu duḥkhinaḥ |
tasmāt sādhurahaṃ te'tropadiśāmi sukhāya te || 30 ||
[Analyze grammar]

prāṇatrāṇaphalaṃ puṇyaṃ tatphalaṃ sukhamuttamam |
prāṇihiṃsāphalaṃ pāpaṃ tatphalaṃ duḥkhamulbaṇam || 31 ||
[Analyze grammar]

jālakāryaṃ jālakarma tyaktvā vastrāṇi saṃkuru |
vastraiścāvaraṇayogyaiḥ pāpaṃ nodbhavati kvacit || 32 ||
[Analyze grammar]

ātmasādhanamāsādya kuru kalyāṇamātmanaḥ |
snānaṃ dhyānaṃ hareḥ pūjāṃ paropakṛtimarpaṇam || 33 ||
[Analyze grammar]

sādhūnāṃ sevanaṃ kṛtvā labdhvā puṇyaṃ divaṃ vraja |
anādiśrīkṛṣṇanārāyaṇaṃ saṃpūjya bhāvataḥ || 34 ||
[Analyze grammar]

vratotsavāṃśca dānāni kṛtvā svargaṃ paraṃ vraja |
mā hiṃsākārakaṃ jālaṃ saṃviracaya pāpadam || 35 ||
[Analyze grammar]

mānuṣajīvanaṃ sārthaṃ kuru mokṣādyupārjanāt |
śāstrakathāṃ sadā śrutvā nārāyaṇaṃ samarjaya || 36 ||
[Analyze grammar]

nārāyaṇaṃ viditvaiva paraṃ padaṃ prayāhi ca |
smara nārāyaṇaṃ kṛṣṇaṃ śrīpatiṃ kamalāpatim || 37 ||
[Analyze grammar]

akṣareśaṃ māṇikīśaṃ rādheśaṃ puruṣottamam |
sa eva bhagavānatra mānave bhūtale'pi ca || 38 ||
[Analyze grammar]

divyadhāmeśvaraḥ sākṣājjāyate mānavākṛtiḥ |
tasya sarvacaritrāṇi śubhā'śubhāni yāni ca || 39 ||
[Analyze grammar]

divyānyeva bhavantyeva cintanīyāni tāni vai |
mokṣadāni mahāśāntipradāni śubhadāni ca || 40 ||
[Analyze grammar]

kāmaḥ krodho bhayaṃ śokaḥ prītirjayaḥ parājayaḥ |
kṣudhā tṛṣā kṛtirnidrā tatsarvaṃ tasya maṃgalam || 41 ||
[Analyze grammar]

nindyaṃ vācyaṃ nikṛṣṭaṃ ca nṛśaṃsyaṃ tasya karma yat |
sarvaṃ kalyāṇadaṃ bodhyaṃ na doṣo vidyate harau || 49 ||
[Analyze grammar]

harernirguṇabhāvatvād divyatvāttasya sādhuṣu |
hareḥ sambandhamāpteṣu nirguṇatvaṃ ca divyatā || 43 ||
[Analyze grammar]

vartate ceti vijñāya sevanīyā hi sādhavaḥ |
sādhuṣu snehamāsādya harau snehaṃ vidhāya ca || 44 ||
[Analyze grammar]

anyarāgaṃ vihāyaiva sthairyaṃ labhet pareśvare |
evaṃ nityaṃ samabhyāsāt saṃskāro balavān bhavet || 45 ||
[Analyze grammar]

tena snehātiśayitā kṛṣṇe prajāyate muhuḥ |
tathā satyeva bhaktasya jāgratsvapnasuṣuptiṣu || 46 ||
[Analyze grammar]

śrīharerdivyamūrtestu darśanaṃ samprajāyate |
atisnehena sādhvīnāṃ tathā vīkṣā harerbhavet || 47 ||
[Analyze grammar]

atikāmena patnīnāṃ gopīnāṃ harivīkṣaṇam |
atidveṣeṇa śatrūṇāṃ daityānāṃ harivīkṣaṇam || 48 ||
[Analyze grammar]

atisvārthena devānāṃ muhurvai viṣṇudarśanam |
atitādātmyayogena yogināṃ brahmadarśanam || 49 ||
[Analyze grammar]

atijñānena viduṣāṃ sarvathā brahmadarśanam |
evaṃ dāsyena bhavati sevayā kṛṣṇadarśanam || 50 ||
[Analyze grammar]

atyanuvṛttidharmeṇa hareḥ prasannatā bhavet |
kṛpayā jāyate vīkṣā sarvadā śrīharestathā || 51 ||
[Analyze grammar]

satāmāśīrvacobhiśca nairmalye sati sarvathā |
bhaktānāṃ hṛdaye bāhye sarvatra haridarśanam || 52 ||
[Analyze grammar]

harau ca kṛṣṇabhakteṣu pakṣapāto'sti yasya vai |
kuṭumbiṣu yathā tadvat tatsatsaṃgo hi śāśvataḥ || 53 ||
[Analyze grammar]

evaṃvidhasya bhaktasya naśyanti doṣakoṭayaḥ |
vāsanāśca vinaśyanti prodbhavanti satāṃ guṇāḥ || 54 ||
[Analyze grammar]

vinā snehaṃ harau satsu satsaṃgo naṣṭamūlakaḥ |
yastu syānmānahīnaśca mumukṣurdivyadṛṣṭimān || 415 ||
[Analyze grammar]

mahimānaṃ vidan hareḥ sādhūnāṃ bhaktayoṣitām |
tasya bodhyastu satsaṃgaḥ sadaiva dṛḍhamūlakaḥ || 16 ||
[Analyze grammar]

etādṛśānāṃ bhaktānāṃ virahaṃ cā'sahan prabhuḥ |
akṣarastho'gocaro'pi śreyase kṛpayā tviha || 77 ||
[Analyze grammar]

svecchayaiva narākāraṃ gṛhṇan carati bhūstare |
tasyā'nuvṛttimāśritya vartitavyaṃ nirantaram || 58 ||
[Analyze grammar]

anuvṛttirasandehā hariprasādarādhanam |
hareḥ prasādo yasyā'sti tasya satāṃ prasannatā || 59 ||
[Analyze grammar]

prasannatāyā labdhyarthaṃ naiṣṭavyaṃ varṣmaṇaḥ sukham |
satsaṃgo vapuṣā tanvā poṣṭavyo manasā'pi ca || 60 ||
[Analyze grammar]

ayaṃ sākṣātprabhuḥ kṛṣṇanārāyaṇo jagadguruḥ |
avatārī parabrahma śrīmadgopālanandanaḥ || 61 ||
[Analyze grammar]

ime santo harerbhaktā akṣaravyomavāsinaḥ |
muktāḥ sarve'tra santyeva yoṣito'pi ramāsamāḥ || 62 ||
[Analyze grammar]

iyaṃ bhūścā'kṣaraṃ dhāma bālakṛṣṇasya yogataḥ |
vayaṃ sarve divyamuktā nārāyaṇaprasaṃgataḥ || 63 ||
[Analyze grammar]

yatra kṛṣṇastatra dhāma muktā muktānikāstathā |
mahadbhāgyamidaṃ naśca yad divyānāṃ samāgamaḥ || 64 ||
[Analyze grammar]

ebhiḥ samaṃ nivāso naḥ sarvaṃ divyaṃ yato mama |
sevanīyo hariścāpi sevanīyā hi sādhavaḥ || 65 ||
[Analyze grammar]

ājñāsteṣāṃ pālanīyāstato divyatvamāpyate |
sādhuguṇāḥ samāyānti sādhvājñā pālanāt khalu || 66 ||
[Analyze grammar]

sādhūn seveta satataṃ devavat kṛṣṇavattathā |
kṛṣṇadhyānaṃ paraṃ kāryaṃ kāryā bhaktiranekadhā || 67 ||
[Analyze grammar]

duḥsvabhāvāstathā pāpaṃ tyājyaṃ satāṃ prasevayā |
śreyaḥśaktirvardhanīyā jetavyāścāntarā'rayaḥ || 68 ||
[Analyze grammar]

pratyakṣe vā parokṣe vā kṛṣṇo bodhyo nijāntike |
pratyakṣadraṣṭā sarvatra vyāpako naikarūpadhṛk || 39 ||
[Analyze grammar]

antarātmā paramātmā lakṣmīśrīmāṇikīpatiḥ |
pratyakṣaṃ cekṣate sarvaṃ sarvatrā'sti paraḥ prabhuḥ || 70 ||
[Analyze grammar]

sthāvare jaṃgame cāsti sthūle sūkṣme tathetare |
na tadvāñcchā vinā patracālane sabalo'nilaḥ || 71 ||
[Analyze grammar]

sarvakarmaphaladātā sarvaṃ dhṛtvā sa tiṣṭhati |
pṛthvyāṃ dhāraṇaśaktirvai tasyaivā'sti tathā jale || 72 ||
[Analyze grammar]

tṛptiśaktistasya cāsti gagane vidhṛtistathā |
candrā'rkā'gniprakāśānāṃ dātā sa parameśvaraḥ || 73 ||
[Analyze grammar]

etādṛśaḥ samartho'yaṃ vartate mānavo'tra vai |
datte svadarśanaṃ kṛṣṇaḥ kaṃbharāśrīsuto hariḥ || 74 ||
[Analyze grammar]

evaṃ nirantaraṃ citte cintanīyo hariḥ prabhuḥ |
sa eva svāśritānāṃ tu duḥkhānyapākaroti hi || 75 ||
[Analyze grammar]

paritrāṇe samartho'sti vartate divyabhāvavān |
kvacinmānavabhāvaistu sahate kaṣṭamityapi || 76 ||
[Analyze grammar]

bhayameti kāmayate kṣamate rauti vai kvacit |
sarvāḥ kriyā hareratra kalyāṇadā hi pāvikāḥ || 77 ||
[Analyze grammar]

tasya prabhoḥ sādhavo'pi santi svātmeva tatpriyāḥ |
aho'yaṃ bhagavān bhaktavaśo'tra vartate'pi ca || 78 ||
[Analyze grammar]

tatpratāpāttasya bhaktāḥ santi kalyāṇakāriṇaḥ |
sādhavo mokṣadā naścetyevaṃ māhātmyamarjayet || 79 ||
[Analyze grammar]

alaukikī yasya buddhirharau satsu sadā yathā |
sā vardhanīyā satataṃ na kubuddhiṃ prasaṃgajām || 80 ||
[Analyze grammar]

svabhāvadoṣaṃ paśyenna divyaṃ paricayaṃ caret |
tenā'sadvāsanādoṣo hṛdayādapasarpati || 81 ||
[Analyze grammar]

bhaktiṃ vivardhayet sacca dehendriyamanaḥkṛtām |
sarvasvārpaṇarūpāṃ tāṃ mahāmokṣapadāyinīm || 82 ||
[Analyze grammar]

mokṣasya sādhanaṃ mukhyaṃ satāṃ dāsyaṃ mataṃ padam |
āpatkāle'pi satataṃ sevanīyā hi sādhavaḥ || 83 ||
[Analyze grammar]

sādhukathāṃ harervārtāṃ śṛṇuyāt pāpanuttaye |
mokṣāya cārpayet sarvaṃ dehaṃ gehaṃ dhanādikam || 84 ||
[Analyze grammar]

anādiśrīkṛṣṇanārāyaṇaṃ śrīmāṇikīpatim |
jānīyāt paramātmānaṃ śrīpatiṃ rādhikāpatim || 85 ||
[Analyze grammar]

vāsudevādayo vyūhāḥ keśavādyāśca mūrtayaḥ |
matsyādyā avatārāśca bālakṛṣṇasya santi vai || 86 ||
[Analyze grammar]

evaṃ māhātmyamāsādya satīva saṃśrayet patim |
bhuktiṃ muktiṃ labhet kṛṣṇāt patnīva śaraṇī janaḥ || 87 ||
[Analyze grammar]

evaṃ saṃgarayādaska tyaktvā jālakriyāṃ bhavān |
samācaratu vastrāṇāṃ vayanaṃ ca kaṭādikam || 88 ||
[Analyze grammar]

bhaja kṛṣṇaṃ parabrahma labha muktiṃ paraṃ padam |
yāhi dhāmā'kṣaraṃ divyaṃ śāśvataṃ tvaṃ subhaktimān || 89 ||
[Analyze grammar]

iti śuklāyanaḥ sādhurupaviśya nadītaṭe |
āśīrdatvā ca taṃ kṛtvā vaiṣṇavaṃ bhaktisevinam || 90 ||
[Analyze grammar]

tirobhavaddhi sahasā saṃgaro nijajālakam |
gṛhe gatvā vibhidyeva rajjanāṃ dīrghanāḍakam || 91 ||
[Analyze grammar]

kṛtvā rarakṣa ca gṛhe tatyāja jālakāritām |
bheje māṃ sakuṭumbaḥ sa bahubhaktān vyadhāpayat || 92 ||
[Analyze grammar]

bhajanaṃ me pūjanaṃ ca lakṣmi mokṣapradaṃ yathā |
tadā''rabhyā'drohadharmaṃ pālayāmāsa sarvathā || 93 ||
[Analyze grammar]

mūrtau māṃ gocaraṃ cakre dāsyasnehādibhiḥ sa ca |
atha kāle samāyāte rathena saha mādhavaḥ || 94 ||
[Analyze grammar]

prayayau tadgṛhaṃ cā'haṃ netuṃ dhāmā'kṣaraṃ mama |
rūpāvatīṃ tu tatpatnīṃ saṃgaraṃ ca rathe tvaham || 95 ||
[Analyze grammar]

niṣādya divyadehaṃ ca kṛtvā dhāmā'kṣaraṃ yayau |
anye'pi bhaktasaṃghā me mayā nītā yayuḥ param || 96 ||
[Analyze grammar]

sarvapāpasamūhāstu mayā prajvālitā rame |
bhaktānāṃ sādhubhaktānāṃ nairmalyaṃ kṛpayā''dadhe || 97 ||
[Analyze grammar]

api pāpāḥ pāpasaṃgā ajñā viṣayiṇo'pi ca |
satāṃ yogena jāyante pāvanā brahmabhoginaḥ || 98 ||
[Analyze grammar]

striyo vā paśavaścāpi jaḍā vā malinā api |
āsādya sādhusevāṃ saṃjāyante paṃktipāvanāḥ || 99 ||
[Analyze grammar]

na viprā na surā gāvo vratāni niyamā yamāḥ |
na tīrthāni tathā śreṣṭhāḥ santaḥ śreṣṭhatamā yathā || 100 ||
[Analyze grammar]

sanmūrtirānakhaśikhaṃ sarvā divyā hi pāvanī |
yathā nārāyaṇaḥ sākṣāllakṣmīrnārāyaṇī yathā || 101 ||
[Analyze grammar]

satāṃ prasādo divyo'sti satāṃ sparśastathottamaḥ |
satāṃ sevā hi sukhadā duḥkhahantrī haripradā || 102 ||
[Analyze grammar]

paṭhanācchravaṇādasya smaraṇāccintanādapi |
pāpanāśaḥ puṇyalābho bhuktirmuktirbhavettathā || 103 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne saṃgarayādaskabhaktasya jālakāryaṃ tyājayitvā śuklāyanasādhunā bhagavatprāptiḥ kāritetyādinirūpaṇanāmā dvāviṃśatyadhikadviśatatamo'dhyāyaḥ || 222 ||
[Analyze grammar]