Chapter 186

śrīpuruṣottama uvāca |
śṛṇu nārāyaṇīśri tvaṃ kathāṃ bhaktasya pāvanīm |
vairāḍhyagrāmavāsasya nāmnā bāṇāṃgaṇasya tu || 1 ||
[Analyze grammar]

bāṇāṃgaṇo'bhavacchūdro hyasacchūdro dhvajīśvaraḥ |
madyaṃ karoti vṛkṣāṇāṃ rasānāṃ bahudhā sa hi || 2 ||
[Analyze grammar]

vaṃśaparamparāprāptaṃ kurute karma nityadā |
vikrayaṃ ca krayaṃ kṛtvā kuṭumbaṃ nirvahatyapi || 3 ||
[Analyze grammar]

athaikadā yayau sārthasaṃghātaṃ prāpya raivatam |
tīrthaṃ kartuṃ tathā kartuṃ vikrayaṃ ca pradakṣiṇam || 4 ||
[Analyze grammar]

sahasraśo janā yānti kārtike revatācalam |
saurāṣṭre vāmane tīrthe nārāyaṇahrade tathā || 5 ||
[Analyze grammar]

revatīkuṇḍake cāpi bhaveśvare mṛgīsthale |
dāmodare nārasiṃhe svayaṃbhūparameṣṭhini || 6 ||
[Analyze grammar]

rādhālaye svarṇarekhānadyāṃ śrīhanumatsthale |
gaṃgāyāṃ cāpi cā'mbāyāṃ dattapāde vane vane || 7 ||
[Analyze grammar]

sītāvane rāmavane pūrvajāmbūvane tathā |
boriyādroṇikāsthalyāṃ kāṣṭhahārivane tathā || 8 ||
[Analyze grammar]

devasarovare cāmravaṇe bhaveśvare punaḥ |
kumudācalamāvṛtya pradakṣiṇaṃ dadhatyapi || 9 ||
[Analyze grammar]

bāṇāṃgaṇo'pi madyāni vikretuṃ śakaṭānvitaḥ |
ayutā'yutasaṃkhyākairmānavaiḥ saha yāti ha || 10 ||
[Analyze grammar]

tāmasā ye rudrabhaktāḥ śāktā vā bhairavāśritāḥ |
madyaṃ pibanti bahudhā tīrthaṃ kurvanti kārtike || 11 ||
[Analyze grammar]

sādhvyaśca sādhavaścāpi gṛhasthā yatino'pi ca |
vaiṣṇavā api tīrthārthaṃ yānti pradakṣiṇaṃ tadā || 12 ||
[Analyze grammar]

ṛṣayaḥ sādhavaḥ satyaḥ kathāśca vividhāḥ śubhāḥ |
lakṣmyā nārāyaṇasyāpi satyāśca śaṃkarasya ca || 13 ||
[Analyze grammar]

sarasvatyā vedhasaśca gāyatryā raivatasya ca |
revatyā vāmanasyāpi satīnāṃ ca satāmapi || 14 ||
[Analyze grammar]

dvijāśca paṇḍitāścāpi kurvanti ca sthale sthale |
paṇḍitāścāpi vidvāṃso vṛddhāśca yoginastathā || 15 ||
[Analyze grammar]

yoginyo mātaraścāpi gāyanti kīrtanāni ca |
bāṇāṃgaṇo divyadṛṣṭyā bhaktyā pānaṃ dadāti ca || 16 ||
[Analyze grammar]

ye tvāyānti nijā'nasaḥ samīpe bhikṣukā janāḥ |
tebhyo dadāti pānāni puṇyadṛṣṭyā ca sevayā || 17 ||
[Analyze grammar]

atha rātrau tathā prātaḥ śṛṇoti kīrtanāni ca |
bhajanāni vividhāni divyāni mokṣadāni ca || 18 ||
[Analyze grammar]

kathāyāṃ tatra vaiṣṇavyāṃ śuśrāva viṣṇukīrtitām |
vāṇīṃ dharmātmikāṃ lakṣmi bhaktyanvitāṃ hitāvahām || 19 ||
[Analyze grammar]

tīrthaṃ sadā prakartavyaṃ saṃsāraṃ tartumicchukaiḥ |
tīrthaṃ dvedhā bhavatyeva pṛthvyāṃ dvayaṃ hi labhyate || 20 ||
[Analyze grammar]

sthāvaraṃ jaṅgamaṃ ceti tīrthadvayaṃ bhuvi sthitam |
sthāvaraṃ jalatīrthādi parvatādi ca mandiram || 21 ||
[Analyze grammar]

arcā vanānyaraṇyāni vṛkṣāścaityāśca bhūmikāḥ |
janmasthānāni devānāṃ satāṃ janmādibhūmayaḥ || 22 ||
[Analyze grammar]

tapaḥsthānāni viprāṇāṃ rajāṃsi gosthalāni ca |
tīrthānyetāni sarvāṇi sthāvarāṇi bhavanti hi || 23 ||
[Analyze grammar]

teṣu gatvā snānapānāvagāhanavilokanaiḥ |
taranti mānavāḥ śuddhabhāvāḥ sthāvarasevinaḥ || 24 ||
[Analyze grammar]

sthāvarebhyaḥ prathamaṃ vai pāpāni prajvalanti hi |
tataḥ puṇyodayaścāpi tato bhaktirudeti ca || 25 ||
[Analyze grammar]

bhaktyā ca devatātuṣṭistuṣṭyā devādidarśanam |
sākṣād divyaṃ jāyate vai divyatā ca tato bhavet || 26 ||
[Analyze grammar]

divyabhāvanayā bhakto vairāgyaṃ labhate'bhitaḥ |
snehaṃ labhate cotkṛṣṭaṃ parāṃ bhaktiṃ pravindati || 27 ||
[Analyze grammar]

parābhaktyā bhavenmokṣaḥ śanaiḥ kālāntare'pi ca |
tīvrasaṃvegino mokṣaḥ śīghraṃ sthāvarato'pi vai || 28 ||
[Analyze grammar]

bhavet kvacit kasyacittu sarveṣāṃ natu mokṣaṇam |
tasmāt sthāvaratīrthāni na śīghramokṣadāni hi || 29 ||
[Analyze grammar]

mandamadhyādivegānāṃ śraddhāmāndye tu mandatā |
mokṣe'pi jāyate lakṣmi cirapāvanalabdhitaḥ || 30 ||
[Analyze grammar]

tataḥ sthāvaratīrthebhyo jaṃgamānyuttamāni vai |
mātā'tra jaṃgamaṃ tīrthaṃ pitā tīrthaṃ ca jaṃgamam || 31 ||
[Analyze grammar]

patistīrthaṃ jaṃgamaṃ ca satītīrthaṃ ca jaṃgamam |
ṛṣitīrthaṃ jaṃgamaṃ ca sādhvītīrthaṃ ca jaṃgamam || 32 ||
[Analyze grammar]

sādhutīrthaṃ jaṃgamaṃ ca yogitīrthaṃ ca jaṃgamam |
saṃghatīrthaṃ jaṃgamaṃ ca yātrātīrthaṃ ca jaṃgamam || 33 ||
[Analyze grammar]

bhaktatīrthaṃ jaṃgamaṃ ca tapasvitīrthamuttamam |
ātmanivedibhaktastu tīrthaṃ śreṣṭhaṃ hi jaṃgamam || 34 ||
[Analyze grammar]

hareraṃśā devatāśca brahmaviṣṇumaheśvarāḥ |
satīlakṣmīsarasvatyastīrthāni jaṃgamāni hi || 35 ||
[Analyze grammar]

yoginyaḥ sāṃkhyayoginyastīrthāni jaṃgamāni ca |
kāmadughā dhenavaśca mānavā vrataśīlinaḥ || 36 ||
[Analyze grammar]

brahmacaryaparā māṃsamadyadoṣavivarjitāḥ |
dharmāḍhyāśca janā bhaktāstīrthāni jaṃgamāni vai || 37 ||
[Analyze grammar]

punanti darśanādete sparśātprasevanāttathā |
yeṣu madyaṃ tathā māṃsaṃ pāparūpaṃ na vidyate || 38 ||
[Analyze grammar]

ahiṃsāvratamāsthāya bhajante parameśvaram |
satyaṃ vrataṃ samāsthāya kurvanti kīrtanaṃ kathāḥ || 39 ||
[Analyze grammar]

asteyavratamāsthāya dānaṃ kurvanti vastunaḥ |
brahmacaryaṃ prapālyaiva sevante gurusattamān || 40 ||
[Analyze grammar]

dayāṃ vrataṃ samāsthāyā'nāthasevāṃ dadhatyapi |
ācāryasevanaṃ guroḥ sevanaṃ dharmasaṃyutam || 41 ||
[Analyze grammar]

sarvārpaṇātmakaṃ puṇyaṃ kurvanti dhārmikā janāḥ |
dehabhāvaṃ vihāyaiva sevante brahmabhāvanāḥ || 42 ||
[Analyze grammar]

ātmabhāvena sevante prabhubhāvena vai tathā |
mokṣabhāvena sevante muktabhāvena vai tathā || 43 ||
[Analyze grammar]

evaṃ prasevitaṃ lakṣmi jaṃgamaṃ tīrthamuttamam |
āśu dhunoti pāpāni mokṣamāśu dadātyapi || 44 ||
[Analyze grammar]

dṛṣṭāḥ spṛṣṭā natāścāpi pūjitā bhojitāstathā |
pāyitā vāhitāścāpi sammarditāśca carcitāḥ || 45 ||
[Analyze grammar]

prasāditāścāmbaritāḥ śṛṃgāritāśca sādhavaḥ |
ramitāścānanditāśca hāsitāḥ kīrtitāstathā || 46 ||
[Analyze grammar]

ārpitā āditāścāpi saṃvāhitāśca śāyitāḥ |
bhūṣitā vanditāścāpi sevitā dhāritā hṛdi || 47 ||
[Analyze grammar]

sambandhitāḥ saṃsargitā āśliṣṭā nijavakṣasi |
nīrājitā hāritāśca sugandhitā dravādibhiḥ || 48 ||
[Analyze grammar]

snāpitāḥ snehitāścāpi punantyāśu hi sādhavaḥ |
vāsitā kṣamitāścāpi smṛtā ācāmitā hyapi || 49 ||
[Analyze grammar]

dhūpitā dīpitāścāpi kuṃkumitāśca candritāḥ |
pradakṣiṇīkṛtāścāpi daṇḍavatpraṇatāstathā || 50 ||
[Analyze grammar]

hṛdaye sve dhṛtāścāpi punantyāśu hi sādhavaḥ |
sādhutīrthaṃ paraṃ tīrthaṃ sākṣānnārāyaṇātmakam || 51 ||
[Analyze grammar]

agnitīrthaṃ pāvanaṃ vai sūryatīrthaṃ tathāvidham |
sādhutīrtha pāvanānāṃ pāvanaṃ paṃktipāvanam || 52 ||
[Analyze grammar]

sādhuprasādaḥ puṇyāḍhyaḥ sarvapāpavināśakṛt |
sāghusparśo mahādīkṣā sarvapāpapraṇāśinī || 53 ||
[Analyze grammar]

sādhudarśanamevāpīndriyapāpapraṇāśakam |
sādhūpadeśastīrthaṃ tu cātmakalmaṣanāśakam || 54 ||
[Analyze grammar]

sādhusaṃkalpa evā''ste hareḥ saṃkalpa uttamaḥ |
sādhūnāṃ hṛdaye cā'haṃ lakṣmi vasāmi sarvathā || 55 ||
[Analyze grammar]

sādhūnāṃ caraṇe sarvatīrthāni nivasanti vai |
sādhūnāṃ jaṃghayoḥ sarvapuṇyāni nivasanti ca || 56 ||
[Analyze grammar]

jānvostu vai satāṃ sarvayajñā vasanti puṇyadā |
sādhusakthnoḥ sarvadevā vasanti devikāstathā || 57 ||
[Analyze grammar]

sādhugupte cāsti śīlaṃ vratāni ca tapāṃsi ca |
sādhukaṭyāṃ siddhayaśca vasanti sarvasampadaḥ || 58 ||
[Analyze grammar]

sādhūdare sarvarṣayo vasanti jaṭhare'nalāḥ |
sādhornābhau nivasanti yogaiśvaryāṇi sarvathā || 59 ||
[Analyze grammar]

sādhorvakṣasi pitaro nivasanti sudhārmikāḥ |
pārśvayośca satāṃ sarvadānāni nivasanti vai || 60 ||
[Analyze grammar]

kukṣyoḥ satāṃ nivasanti sāgarāḥ sarva eva ca |
sādhornitambayoḥ sarvadhiṣṇyāni nivasanti ha || 61 ||
[Analyze grammar]

sādhoḥ pṛṣṭhe meruśailaḥ sarvāśrayo vasatyapi |
sādhostu skandhayoḥ sarvabalāni nivasantyapi || 62 ||
[Analyze grammar]

sādhoḥ kaṇṭhe brahmadhāma vasatyapi parātparam |
bāhvoḥ satāṃ mahendrādyā dikpālā nivasanti vai || 63 ||
[Analyze grammar]

sādhoḥ kaphoṇikayostu vyūhā vasanti nityaśaḥ |
sādhostu karayorlakṣmi śriyaḥ sarvā vasanti ca || 64 ||
[Analyze grammar]

sādhorhastatalayostu bhuktirmuktiśca vartataḥ |
sādhoraṅgulikāsaṅghe candrasūryādayo grahāḥ || 65 ||
[Analyze grammar]

sāghornāḍīsu sarvāsu nadyaḥ sarvā vasanti ca |
sādhoḥ romasu sarveṣu vasanti kalpapādapāḥ || 66 ||
[Analyze grammar]

sādhorgrīvāpṛṣṭhabhāge mahārudro virājate |
sādhārmale mahāmāyā sādhorvīrye hiraṇmayaḥ || 67 ||
[Analyze grammar]

puruṣo rājate lakṣmi māyāpāśavivarjitaḥ |
sādhostu karmaṇorlakṣmi cidākāśo virājate || 68 ||
[Analyze grammar]

sādhościbuke kamalā rājate smṛddhidāyinī |
sādhoroṣṭhe divyavibhūtayo vasanti sarvadā || 69 ||
[Analyze grammar]

sādhormukhe'hamasmyeva sarvakāryapravartakaḥ |
jihvāyāṃ tu satāṃ sarve vedā vasanti madgiraḥ || 70 ||
[Analyze grammar]

nāsikāyāṃ satāṃ bhūmā vairājaśca virājataḥ |
kapolayoḥ satāṃ vaikuṇṭhaśca goloka ityubhau || 71 ||
[Analyze grammar]

gaṇḍayośca satāṃ mahāpuruṣaśca sadāśivaḥ |
bhrukuṭau tu mahākālaḥ saṃkarṣaṇo virājate || 72 ||
[Analyze grammar]

netrayorbrahmavidyā ca sākṣātkāro'pi vartataḥ |
lalāṭe brahmatejaśca sarvadhāmāni santi ca || 73 ||
[Analyze grammar]

mastake tvakṣaraṃ brahma brahmarandhre paraḥ pumān |
keśeṣu sarvamuktāśca sādhūnāṃ nivasanti hi || 74 ||
[Analyze grammar]

icchāyāṃ śaktayaḥ sarvā mānase īśvarāḥ satām |
buddhāvupāsanā cāste citte brahmapriyāḥ satām || 75 ||
[Analyze grammar]

sādhau śrībhagavānnāste nirvāṇaḥ sādhusaṃgatau |
sādhoḥ prasannatāyāṃ vai sarvasvargāṇi santi hi || 76 ||
[Analyze grammar]

sādhoḥ śayane pralayāḥ prabodhane tu sṛṣṭayaḥ |
samādhayaḥ suṣuptau tu dhyāne brahmapadaṃ satām || 77 ||
[Analyze grammar]

viveke copaniṣado mālikāyāṃ sudarśanam |
brahmaśastraṃ tu vijñāne nārāyaṇāstramātmani || 78 ||
[Analyze grammar]

sarvā'sthiṣvamṛtahradā virājante satāṃ sadā |
sādhormūrtau divyabhāvāḥ kalpalatāstu pattale || 79 ||
[Analyze grammar]

vakṣormadhye dharmavaṃśaḥ panthānau stanayorubhau |
āsane tu satāṃ sarvadevatānāṃ tu pīṭhikāḥ || 80 ||
[Analyze grammar]

kriyāyāṃ sarvadevyaśca vasanti hi satāṃ sadā |
bhajane ca satāṃ tatra harestoṣo hi vartate || 81 ||
[Analyze grammar]

ityevaṃ vai kathāṃ ramyāṃ śuśrāva sa dhvajīśvaraḥ |
madyavikrayapāpaṃ ca jñātavān śāstravākyataḥ || 82 ||
[Analyze grammar]

so'yaṃ śuśoca hṛdaye madyavikrayaṇaṃ mayā |
tyaktavyaṃ sarvadā cānyodyamo grāhyo vikalmaṣaḥ || 83 ||
[Analyze grammar]

kulālasya yathā madyaṃ tathā mṛtpātraghaṭṭanā |
kāryaṃ saṃvidyate tasmāt tyājyaṃ pāpaṃ tu madyakam || 84 ||
[Analyze grammar]

vicāryetthaṃ santadāsaṃ sādhuṃ bhaktiparāyaṇam |
nārāyaṇahrade snātvā prārthayāmāsa madyapaḥ || 85 ||
[Analyze grammar]

sādho kulālakarmā'smi madyapo madyakārakaḥ |
adya śrutvā kathāṃ snātvā nārāyaṇahrade tvaham || 86 ||
[Analyze grammar]

bhavaccharaṇamāpannaḥ śuddhaṃ kuru dhunotvagham |
śrutvaivaṃ santadāsastu dadau vai vaiṣṇavaṃ jalam || 87 ||
[Analyze grammar]

prasādaṃ pradadau cāpi brahmakūrcavrataṃ dadau |
dadau mantraṃ vaiṣṇavaṃ ca mālāṃ ca taulasīṃ dadau || 88 ||
[Analyze grammar]

sakuṭumbasya tu bāṇāṃgaṇāya śaraṇārthine |
oṃ namaḥ śrīkṛṣṇanārāyaṇāya svāmine svāhā || 89 ||
[Analyze grammar]

hare kṛṣṇa hare viṣṇo bālakṛṣṇa namo'stu te |
itikīrtanamantraṃ ca dadau cakre suvaiṣṇavam || 90 ||
[Analyze grammar]

āśīrvādaṃ dadāvasmai gururharirmiliṣyati |
āśīrvādaṃ paraṃ prāpya bāṇāṃgaṇo nijālayam || 91 ||
[Analyze grammar]

prayayau cāpi tatyāja madyasya vyavasāyakam |
mṛttikāpātranirmāṇavyavasāyaṃ cakāra ha || 92 ||
[Analyze grammar]

bheje māṃ paramātmānaṃ nityaṃ karoti kīrtanam |
kuṭumbasahitastasya snehibhaktasya vai mayā || 93 ||
[Analyze grammar]

bhaktirdṛṣṭā parā śuddhisahitā nityameva hi |
bhajate māṃ me nivedya bhuṃkte pāti yunakti ca || 94 ||
[Analyze grammar]

cāturmāsyavrataṃ cakre sakuṭumbaḥ phalādibhuk |
kārtike pūjanaṃ codyāpanaṃ cakre yathāvratam || 95 ||
[Analyze grammar]

ekādaśyāṃ ca vai rātrau cakre jāgaraṇaṃ tataḥ |
dvādaśyāṃ prātarevā'haṃ prasanno'smai svadarśanam || 96 ||
[Analyze grammar]

dadau lakṣmi śriyā yuktaḥ śaṃkhacakragadādharaḥ |
vīkṣya māṃ daṇḍavaccakre pupūja paramādarāt || 97 ||
[Analyze grammar]

kuṭumbasahito me ca śaraṇaṃ patito muhuḥ |
prārthayāmāsa ca tadā samuddhara bhavārṇavāt || 98 ||
[Analyze grammar]

hare kṛṣṇa bālakṛṣṇa samuddhara bhavārṇavāt |
athā'haṃ me caraṇasya vāri pāne dadau tadā || 99 ||
[Analyze grammar]

papau kuṭumbasahitaḥ puṇyātmā hyabhavattadā |
nivṛttabandhanastūrṇaṃ muktyarthaṃ naddhamānasaḥ || 100 ||
[Analyze grammar]

tvarito'bhūttadā lakṣmi dehamatyājayaṃ tvaham |
vimānavaramevainamadhyārohayamāśritam || 101 ||
[Analyze grammar]

apreṣayaṃ mama dhāmā'kṣaraṃ taṃ pārṣadaiḥ saha |
athā'syā'pi kuṭumbaṃ vai yathā''yuṣyakṣayāgate || 102 ||
[Analyze grammar]

anayaṃ kramaśo dhāmā'kṣaraṃ me sadvacaḥsthitaḥ |
evaṃ bhaktasya tasyaiva satāṃ yogena kalmaṣam || 103 ||
[Analyze grammar]

prajvālya sarvamevā'smai dadau dhāmā'kṣaraṃ mama |
bāṇāṃgaṇo yayau mokṣaṃ kuṭumbaṃ cottarottaram || 104 ||
[Analyze grammar]

mokṣaṃ yayau vaiṣṇavaṃ tad bhūtvā pāvanamakṣaram |
paṭhanācchravaṇāccāsya smaraṇānmokṣaṇaṃ bhavet || 105 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne bāṇāṃgaṇākhyasya madyavikretuḥ sādhusamāgamena bhagavatā mokṣaḥ kṛtaḥ sādhoḥ mūrtervibhūtayaścetyādinirūpaṇanāmā ṣaḍaśītyadhikaśatatamo'dhyāyaḥ || 186 ||
[Analyze grammar]