Chapter 179

śrīpuruṣottama uvāca |
śṛṇu lakṣmi bhāvukākhye pure vaiśyo hyanāthakaḥ |
ābālyānmṛtajanako jananīpoṣito hyamum || 1 ||
[Analyze grammar]

mātā nityāśrayānāmnī putraṃ tu veśinaṃ sadā |
pālayatyekameveyaṃ vaṃśavṛddhipramūlakam || 2 ||
[Analyze grammar]

nityaṃ sā vidhavā kṛṣṇamandire viprasannidho |
kathāṃ śrotuṃ prayātyeva yayā duḥkhaṃ praṇaśyati || 3 ||
[Analyze grammar]

kathājñānena sahasā dhairyaṃ prajāyate śubham |
tāpā naśyanti duḥkhāni cintālayo bhavatyati || 4 ||
[Analyze grammar]

sā saṃhitāṃ praśuśrāva lakṣmīnārāyaṇābhidham |
varṣadvayaṃ praśuśrāva sarvākhyānāni bhāminī || 5 ||
[Analyze grammar]

kathāstā vividhāḥ śrutvā brahmarūpā vyajāyata |
satī sādhvīdharmayuttā vartate sā videhinī || 6 ||
[Analyze grammar]

nityāśrayeti svanāmno'rthaṃ viveda tato hi sā |
nitye harau svāmideve tvāśrayo mama vidyate || 7 ||
[Analyze grammar]

hariḥ patiḥ prabhuḥ svāmī patnī tasya bhavāmyaham |
sevanīyaḥ sadā'nādikṛṣṇanārāyaṇaḥ prabhuḥ || 8 ||
[Analyze grammar]

gopālabālakaḥ sākṣāt kambharānandano'vyayaḥ |
koṭyarbudābjalakṣmīnāṃ patiḥ śrīpatirīśvaraḥ || 9 ||
[Analyze grammar]

sa eva nijabhaktānāṃ sarvakāmaprapūrakaḥ |
bhuktimuktipradaḥ svāmī nārāyaṇaḥ priyaḥ patiḥ || 10 ||
[Analyze grammar]

evaṃ jñānaṃ samāpannā vrataṃ tapasi saṃsthitā |
cakre'nādikṛṣṇanārāyaṇamūrtiprasevanam || 11 ||
[Analyze grammar]

tayā vai tāmrapatre me kāritā pratimā śubhā |
tatpūjā vai vrataṃ nityaṃ pālitaṃ svārpaṇātmakam || 12 ||
[Analyze grammar]

śṛṇu lakṣmi yathāsevāṃ kṛtavatī tu sā'bhavat |
prātarutthāya pṛthvyāṃ sā oṃ śrīkṛṣṇanarāyaṇa || 13 ||
[Analyze grammar]

itināmnāmaṣṭottaraśataṃ japati mālayā |
tato dhyānaṃ mama mūrteḥ karoti śayane sthitā || 14 ||
[Analyze grammar]

pādau jaṃghe jānunī ca sakthinī jaghanādikam |
kaṭi nābhimudaraṃ ca vakṣaḥ pṛṣṭhaṃ dvipārśvakam || 15 ||
[Analyze grammar]

kaṇṭhaṃ mukhaṃ kapolau ca gaṇḍau bhālaṃ ca cakṣuṣī |
karṇau śikhāṃ dhyāyatīti tataḥ snānaṃ karoti sā || 16 ||
[Analyze grammar]

anāthamātā bhaktā me'nādikṛṣṇanarāyaṇa |
nāmajapaṃ karotyeva snāne vārighaṭaṃ tu sā || 17 ||
[Analyze grammar]

sūryāya pitṛbhyaścāpi dadāti dyunivāsine |
tulasīpatrapuṣpāṇi stambebhyaḥ svayameva hi || 18 ||
[Analyze grammar]

ācitvā candanaṃ ghṛṣṭvā nīravā cāyāti vai gṛham |
mūrtiṃ me tvāsane nyasyā''vāhanaṃ cāsanādikam || 19 ||
[Analyze grammar]

pādyamarghyamācamanīyakaṃ jalaṃ dadāti me |
jalena candanenāpi vāriṇā kusumaistathā || 20 ||
[Analyze grammar]

vinā pañcāmṛtaṃ pañcāmṛtanāmnā'rcayatyapi |
vastraṃ yajñopavītaṃ cā'malakaṃ bhūṣaṇārthakam || 21 ||
[Analyze grammar]

taṇḍulān sarvaśṛṃgārārthaṃ ca kuṃkumamuttamam |
arpayatyeva me sādhvī dhūpaṃ candanacūrṇajam || 22 ||
[Analyze grammar]

dīpaṃ tailenā'rpayati naivedyaṃ caṇakādikam |
phalaṃ vā tilapātraṃ vā gūḍaṃ vā prātareva sā || 23 ||
[Analyze grammar]

dadātyapi yathālabdhaṃ jalaṃ tathā'rpayatyapi |
nīrājanaṃ karotyeva ghaṇṭīnādaprapūrvakam || 24 ||
[Analyze grammar]

pradakṣiṇāṃ namaskāraṃ stutiṃ visarjanaṃ śubham |
puṣpāñjaliprapūrvaṃ ca karotyevaṃ sadā prage || 25 ||
[Analyze grammar]

tato vai gṛhakāryaṃ sā karoti bālalālanam |
bālasya rakṣaṇaṃ stanyadānaṃ bālasya bhojanam || 26 ||
[Analyze grammar]

bhṛtyatālabdhasantuṣṭā poṣaṇaṃ sā karoti vai |
annavastrādisantuṣṭā patiṃ kṛṣṇaṃ prasevate || 27 ||
[Analyze grammar]

tato dāsīsvarūpā sā bhṛtyā bhṛtyatvakarmaṇe |
yāti śreṣṭhigṛhe pātramañjanādividhitsayā || 28 ||
[Analyze grammar]

bhṛtyākāryaṃ vinirvartya madhyāhne'nnaphalādikam |
prāpyate śreṣṭhibhāryātastadādāya gṛhaṃ nijam || 29 ||
[Analyze grammar]

samāyāti madbhajanā'nādikṛṣṇanarāyaṇa |
nityaṃ śreṣṭhikuṭumbaṃ tacchṛṇoti nāmakīrtanam || 30 ||
[Analyze grammar]

madbhaktaṃ tadabhūt sarvaṃ śreṣṭhī vṛddho'pi rūpaśaḥ |
kālena nidhanaṃ yātastadā nityāśrayā gṛhe || 31 ||
[Analyze grammar]

anādiśrīkṛṣṇanārāyaṇeti dhunyamācarat |
ahaṃ tayā samākṛṣṭo yayau vai śreṣṭhino'ntikam || 32 ||
[Analyze grammar]

sākṣādabhavaṃ tasyā'gre tasyāścāgre striyāstathā |
divyaṃ me marśanaṃ datvā ninye dhāmā'kṣaraṃ hi tam || 33 ||
[Analyze grammar]

vimānena sudivyena kuṭumbaṃ tad vyalokayam |
sarvaṃ madbhaktimajjātaṃ tayā hyanāthayā rame || 34 ||
[Analyze grammar]

madhyāhne hyevameveyaṃ nityaṃ śreṣṭhigṛhakriyām |
kṛtvā''yāti gṛhaṃ naijaṃ bhojayitvā nijaṃ sutam || 35 ||
[Analyze grammar]

dugdhaṃ saṃpāyayitvā ca bhuṃkte kṛṣṇasmṛtisthitā |
sāyaṃ nirājanaṃ cāpi karoti bhajanaṃ mama || 36 ||
[Analyze grammar]

bhojanaṃ sā tato datvā mahyaṃ kṛtvā svayaṃ hyapi |
svapiti bālakaṃ kṛtvā pārśve'pare ca māmapi || 37 ||
[Analyze grammar]

evaṃ nityaṃ bhajate māṃ nityāśrayā tu vaiṣṇavī |
bālo'pi mātṛbhaktiṃ vai dṛṣṭvā bhaktatamo'bhavat || 38 ||
[Analyze grammar]

yathā mātā tathā putraḥ saṃskṛtaścātmavedanaḥ |
mahābhāgavato bālye rome'rhaṇādikhelanaiḥ || 39 ||
[Analyze grammar]

kṛtrimāṃ mṛttikāmūrtiṃ saṃsthāpyavālukāsane |
kardamādicandanādyaiḥ pupūja pratimāṃ mama || 40 ||
[Analyze grammar]

tṛṇapatrāṇi bhūsthāni dhṛtvā'rpayati bhāvataḥ |
puṣpāṇīti pramatvaiva mātṛvat salilaṃ tathā || 41 ||
[Analyze grammar]

mṛttikābhagnapātrādau samarpayati sādaram |
bhojanaṃ nimbapakvasatphalaṃ cānyad dadāti ca || 42 ||
[Analyze grammar]

pradakṣiṇāṃ daṇḍavacca karoti mālikāṃ tathā |
kṣamāṃ samprārthayatyeva dayāṃ prasannatāṃ hareḥ || 43 ||
[Analyze grammar]

visarjayati sarvaṃ tat tato mitraiḥ sahāpi ca |
ramate tu gṛhāgre vai bhajannārāyaṇaṃ tu mām || 44 ||
[Analyze grammar]

evaṃ kāle gate so'pi yuvā'bhavatprabhaktarāṭ |
mātā'pi bhajate māṃ ca prasanno'haṃ tayostadā || 45 ||
[Analyze grammar]

abhavaṃ cāgatastatra viprarūpadharo hariḥ |
bhikṣāṃ tatrā'rthayāmāsa nityāśrayā tu māṃ tadā || 46 ||
[Analyze grammar]

dadau vai roṭakaṃ tvekaṃ takraṃ dadau prabhuktaye |
ahaṃ gṛhāṃgaṇe tatra niṣadya bhuktavān manāk || 47 ||
[Analyze grammar]

ardhaṃ tu roṭakaṃ tasmai bālāya cārpayaṃ tathā |
takraṃ pradadau svalpaṃ ca dugdhaṃ tatkṛtavānaham || 48 ||
[Analyze grammar]

yuvā putro vismitaścovāca tvamātaraṃ muhuḥ |
mātastakramidaṃ dugdhaṃ jātaṃ vipraprasādataḥ || 49 ||
[Analyze grammar]

roṭako'yaṃ miṣṭamiśro ghṛtākto'pi vyajāyata |
so'yamataścamatkārī vidyate brāhmaṇottamaḥ || 50 ||
[Analyze grammar]

mātā''ścaryaṃ paraṃ śrutvā mugdhā vyalokayat prabhum |
dṛṣṭyā dṛṣṭiṃ samprayojya tāvaccaturbhujo'bhavam || 51 ||
[Analyze grammar]

divyo divyāvayavaśca divyasarvāṃgabhūṣaṇaḥ |
divyacihno'bhavaṃ lakṣmīsahitaḥ puruṣottamaḥ || 52 ||
[Analyze grammar]

tadā sā māṃ vilokyaiva śrīpatiṃ parameśvaram |
papāta pādayorme ca trāyasva vyājahāra ca || 53 ||
[Analyze grammar]

putraḥ keśīsaṃjñakaśca jñātvā māṃ parameśvaram |
anāthanāthaṃ śrīkṛṣṇaṃ papāta pādayormama || 54 ||
[Analyze grammar]

tuṣṭāva māṃ bālakaśca mātā tuṣṭāva vihvalā |
kṛṣṇa kṛṣṇakṛpāsindho hyanāthanātha mādhava || 55 ||
[Analyze grammar]

tava svo bhavasaṃsārāt tāraya śrīrhare pate |
anādiśrīkṛṣṇanārāyaṇaśrīkṛṣṇamatprabho || 56 ||
[Analyze grammar]

bhavatā viprarūpeṇa tāritau mātṛputrakau |
anāthānāṃ bhavān nāthaśceti satyaṃ vacastava || 57 ||
[Analyze grammar]

mayā kathā hi bahudhā śrutā te parameśvara |
virāgaṃ paramaṃ prāpya sevito'si janārdana || 58 ||
[Analyze grammar]

jñānaṃ prāpya patiṃ jñātvā tvāṃ bhajāmi ca nityadā |
bālo'yaṃ bhavato nātha tvaṃ nibhālaya putrakam || 59 ||
[Analyze grammar]

māṃ dhāmā'kṣarasaṃjñaṃ te naya śrīpuruṣottama |
svāmin kānta suhṛd bandho rakṣaka śrīhare'va mām || 60 ||
[Analyze grammar]

ityevamuktvā sā lakṣmi puṣpāñjaliṃ dadau mayi |
pādau jagrāha me cāpi ruroda premavihvalā || 61 ||
[Analyze grammar]

plāvitau mama pādau tu tadaśrubhistayā rame |
putro'pi cātmanivedī premāśrūṇi mumoca ha || 62 ||
[Analyze grammar]

muktiṃ dehi kṛpāsindho parameśa śriyaḥ pate |
ityuvāca karau dhṛtvā vakṣo vakṣo niyujya ca || 63 ||
[Analyze grammar]

āśliṣṭavān yathā putraḥ pitaraṃ tattathā sa mām |
mayā'śrūṇi pramuktāni putraṃ bhaktatamaṃ prati || 64 ||
[Analyze grammar]

sa tairāpluta evā'bhūd divyadṛṣṭistato'bhavat |
nibhālitā ca tanmātā kṛpādṛṣṭyā mayā rame || 6 || || 1 ||
[Analyze grammar]

sā'pi divyā divyadṛṣṭistadā tūrṇaṃ vyavartata |
trikālajñau kṛpayā me nirbandho siddhisaṃśritau || 66 ||
[Analyze grammar]

lakṣmīvanmuktavat tau tu jātau divyavihāriṇau |
divyopakaraṇaistatra saṃkalpitaiḥ samāhṛtaiḥ || 67 ||
[Analyze grammar]

pūjayāmāsaturmāṃ ca mumucaturna māṃ hi tau |
atra vāsaṃ kuru kṛṣṇetyāhatustau muhurmuhuḥ || 68 ||
[Analyze grammar]

yadvā naya nau sahaivetyeva jagadatustadā |
ahaṃ rūpaṃ susaṃkucya viprarūpaḥ punastadā || 69 ||
[Analyze grammar]

abhavaṃ tau siṣevāte vyajanena karaistathā |
ahaṃ vicārya muktiṃ vai tayordivyasvarūpiṇau || 70 ||
[Analyze grammar]

sahaiva nītvā sūryābhe vimāne cā'dhyarohayam |
putraṃ tu keśinaṃ prasūṃ nityāśrayāṃ hyanāthinīm || 71 ||
[Analyze grammar]

prāpayāmāsa tūrṇaṃ me dhāmā'kṣaraṃ paraṃ padam |
evaṃ lakṣmi hyanāthānāṃ nātho'haṃ bhavatārakaḥ || 72 ||
[Analyze grammar]

vallabho'smi prabhaktānāṃ mokṣadaḥ sudayāvaśaḥ |
paṭhanācchravaṇāccā'sya bhuktirmuktirbhavecchubhā || 73 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne anāthāyā nityāśrayāyāstatputrasya keśinaśca bhāgavatīṃ bhaktiṃ dṛṣṭvā bhagavatā dattaṃ darśanaṃ mokṣaṇaṃ |
cetyādinirūpaṇanāmā navasaptatyadhikaśatatamo'dhyāyaḥ || 179 ||
[Analyze grammar]