Chapter 180

śrīpuruṣottama uvāca |
śṛṇu lakṣmi kathāṃ cānyāṃ mama bhaktasya śobhanām |
māyākhye nagare tvāsīd bhakto me vyāghrasaṃjñakaḥ || 1 ||
[Analyze grammar]

ābālyād daivabhāvaśca sādhuṣu snehavān śuciḥ |
yatayo ye samāyānti vaiṣṇavā nyāsinī'pi ca || 2 ||
[Analyze grammar]

darśanārthaṃ prayātyeva sādhūnāṃ śīghrameva saḥ |
pādasaṃvāhanaṃ vārisamānayanamityapi || 3 ||
[Analyze grammar]

karoti pātraśuddhyādi mārjanaṃ ca sadāśrame |
prasādaṃ ca samaśnāti sevate ca sataḥ sadā || 4 ||
[Analyze grammar]

evaṃ bhaktiyuto bhakto mahāśīrvādamāpa ha |
ciraṃ jīva ciraṃ tiṣṭha sukhī bhava samṛddhimān || 5 ||
[Analyze grammar]

athā'yaṃ sādhusevāyāṃ vartamāno'pi caikadā |
bālabhāvena lobhena patitāṃ svarṇaśṛṃkhalām || 6 ||
[Analyze grammar]

jagrāha cauryarūpeṇa vāsudevavibhūṣaṇam |
sādhavastu gatāścānyagrāmaṃ vyāghrastu śṛṃkhalām || 7 ||
[Analyze grammar]

mārjanādau labdhavāṃścā'prakāśe'rakṣayaddhi tām |
ānīya svagṛhe svarṇaśṛṃkhalāṃ nidadhe puṭe || 8 ||
[Analyze grammar]

naiva jānāti kaścidvai tathā'yaṃ samarakṣayat |
mātā vai tvasya peṭāyāṃ naiva jānāti śṛṃkhalām || 9 ||
[Analyze grammar]

pitāpi cāraṇo nāmnā kūṭadevo na śṛṃkhalām |
jānāti tadvidhāṃ svarṇaśṛṃkhalāṃ kāṣṭhapeṭake || 10 ||
[Analyze grammar]

dhṛtāṃ svayaṃ vijānāti cā'prakāśe prapaśyati |
punaśca tatra peṭāyāṃ guptāṃ tāṃ nidadhāti ca || 11 ||
[Analyze grammar]

atha sādhuḥ śyāmanāmā viṣṇumūrteḥ prapūjakaḥ |
grāmāntare tu pūjāyāṃ yāvadicchati śṛṃkhalām || 12 ||
[Analyze grammar]

adṛṣṭvā pūjane kāle'tarkayat patitā bhavet |
pṛcchāṃ cā'kārayad bhaktairdvārā māyāpure muhuḥ || 13 ||
[Analyze grammar]

vyāghraṃ bhaktāḥ samapṛcchan vyāghro dṛṣṭā na ceti vai |
pratyuttaraṃ dadau tebhyo lobhena ca bhayena ca || 14 ||
[Analyze grammar]

evamasatyabhāvasya vyāghrasya cauryapāpataḥ |
svarṇacaurasya karayodvayaścāṃ'gulikāsu tu || 15 ||
[Analyze grammar]

galatkuṣṭhānyabhavaṃścāṃ'guṣṭhayorapi sarvathā |
śarīra śvetakuṣṭhāścā'bhavan cauryāghajaṃ phalam || 16 ||
[Analyze grammar]

bhajate bhagavantaṃ māṃ tathauṣadhaṃ karotyapi |
kuṣṭhā naiva vilīyante duḥkhī cātīva so'bhavat || 17 ||
[Analyze grammar]

sādhusevāphalabhāk ca svarṇacauryāghabhāgapi |
śuśrāva sa kathāṃ lakṣmīsaṃhitāyāśca tatra ha || 18 ||
[Analyze grammar]

śrutavān svarṇacauryasya phalaṃ kuṣṭho bhavediti |
prāyaścittaṃ tasya cāpi śrutavān svarṇadānakam || 19 ||
[Analyze grammar]

brahmakṛcchravrataṃ cāpi brahmakūrcavrataṃ tathā |
saptāhikaṃ prakuryāccet svarṇasteyī pramucyate || 20 ||
[Analyze grammar]

athā'yaṃ cā'prakāśe vai chadmanodarapīḍanam |
bahiḥ prakāśayitvaiva brahmakūrcavrataṃ vyadhāt || 21 ||
[Analyze grammar]

papau vāri dine tvādye khadirapatrapācitam |
dvitīye tu papau vāri kiṃśukapuṣpapācitam || 22 ||
[Analyze grammar]

tṛtīye tu papau vāri bilvapatraprapācitam |
caturthe tu papau vāri padmaphalaprapācitam || 23 ||
[Analyze grammar]

pañcame tu papau vāri hyudumbaraprapācitam |
ṣaṣṭhe papau darbhapatrapācitaṃ ca tataḥ param || 24 ||
[Analyze grammar]

upoṣaṇaṃ saptame tu cakāra māṃ bhajan muhuḥ |
ārādhanā cakārā'pi mūrtyagre mama cāghahām || 25 ||
[Analyze grammar]

hare svarṇaṃ mayā cā''ptaṃ mārjanaṃ tatra kurvatā |
tatpāpa kuṣṭharūpaṃ vai lagnaṃ me tatkṣamāpaya || 26 ||
[Analyze grammar]

svarṇamālāṃ pradāsyāmi tasmai tu sādhave punaḥ |
brahma kūrcavratenāpi prāyaścittaṃ kṛtaṃ mayā || 27 ||
[Analyze grammar]

rogo'yaṃ me nāśametu bhaktārthaṃ tvaṃ kṛpāṃ kuru |
trāhi pāhi jagannātha śrīhare puruṣottama || 28 ||
[Analyze grammar]

pāpyuddhāraprakartastvaṃ bhaktaṃ māṃ parirakṣaya |
evaṃ māṃ ca 'rthayāmāsā'tyarthamaśrūṇi vāhayan || 29 ||
[Analyze grammar]

cintayāmāsa maraṇaṃ yadā kuṣṭho na naśyati |
suṣvāpaivaṃ cintayānaḥ svapne'haṃ tasya sannidhau || 30 ||
[Analyze grammar]

darśayāmāsa rūpaṃ me śaṃkhacakragadādharam |
hasannahaṃ jagādainaṃ bhakta śocasi kiṃ vada || 31 ||
[Analyze grammar]

sa āha māṃ kṛpāsindho lobhāt svarṇasya śṛṃkhalā |
sādhorviṣṇormayā cāptā patitā bhūtale tu sā || 32 ||
[Analyze grammar]

rakṣitā me gṛhe cāste phalaṃ bhunajmi kuṣṭhakam |
śrutvā kathāṃ svarṇacauryaprāyaścittaṃ mayā kṛtam || 33 ||
[Analyze grammar]

brahmakūrcavrataṃ kṛṣṇa pāpaṃ nāśaya me prabho |
ityevaṃ prārthayāmāsa tato'haṃ tasya sannidhau || 34 ||
[Analyze grammar]

svapnaṃ vilupya sahasā jāgare taṃ samānayam |
so'pi tatrotthitastūrṇaṃ māṃ vilokya pareśvaram || 35 ||
[Analyze grammar]

premagadgadapūrṇo'bhūttuṣṭāva daṇḍavattathā |
nanarta premapūrṇaśca yayāce ca kṣamāṃ tathā || 36 ||
[Analyze grammar]

tato'haṃ tasya doṣasya nuttaye taṃ jagāda ha |
svarṇasya śṛṃkhalā mahyaṃ dehi te'ghaṃ gataṃ khalu || 37 ||
[Analyze grammar]

atha vyāghro dadau mahyaṃ samutthāya tu śṛṃkhalām |
mayā dhṛtā svakaṇṭhe sā tāvat sā śṛṃkhalā tadā || 38 ||
[Analyze grammar]

te sādhavo yatra gatā abhavaṃstatra tatsthale |
mūrtikaṇṭhe gatā cāsīt sādhustu dṛṣṭavāṃśca tām || 39 ||
[Analyze grammar]

jaharṣa tāṃ svarṇamālāṃ vilokya ca muhurmuhuḥ |
kathayāmāsa sarvebhyaścamatkāraṃ hareḥ param || 40 ||
[Analyze grammar]

bhaktārthaṃ bhagavāneva yogaṃ kṣemaṃ karoti hi |
sampadi vipadi cāpi cintayatyeva bhaktakam || 41 ||
[Analyze grammar]

yo yasya vai bhaved bhaktastadarthaṃ bhagavān svayam |
bhagavattvaṃ dadātyeva naijaiśvaryaṃ samastakam || 4 ||
[Analyze grammar]

evaṃ lakṣmi pareśasya kṛpayā vyāghrabhaktarāṭ |
drāgeva kuṣṭhatāhīno jātaḥ pāpavivarjitaḥ || 43 ||
[Analyze grammar]

subhago rūpavāṃścāpi yathāpūrvaṃ vyajāyata |
tasmādahaṃ svayaṃ nārāyaṇo rakṣāmi cāśritam || 44 ||
[Analyze grammar]

pāpinaṃ vā kalmaṣāḍhyaṃ māyādoṣābhisaṃplutam |
vāsanāśatakoṭyāḍhyaṃ dharmakarmādivarjitam || 45 ||
[Analyze grammar]

api māṃ śaraṇaṃ prāptaṃ madarthatyaktajīvitam |
madarthasarvavyāpāraṃ madarthadhyānapūjanam || 46 ||
[Analyze grammar]

mayi sarvasvārpaṇaṃ ca rakṣāmi sarvathā janam |
śṛṇu cānyāṃ kathāṃ divyāṃ pāpatāpapraṇāśinīm || 47 ||
[Analyze grammar]

dhanagrāme'bhavad vipro grāmayājaka uttamaḥ |
uttamākhyaḥ sakuṭumbaḥ karmakāṇḍapradhānakaḥ || 48 ||
[Analyze grammar]

sarvavarṇajanānāṃ vai karmakāṇḍaprasādhakaḥ |
nṛpasyāpi guruḥ so'pi nṛpakāryaṃ karoti ca || 49 ||
[Analyze grammar]

nṛpānnaṃ vai guru proktaṃ caurāṇāmannamityapi |
adātṝṇāṃ janānāṃ ca patitānāṃ tathā guru || 50 ||
[Analyze grammar]

bhuktaṃ na jīryati lakṣmi pītaṃ cāpi na jīryati |
vastrapātrādikaṃ dāne gṛhītaṃ nāpi jīryati || 51 ||
[Analyze grammar]

śayyāgosvarṇadānādiḥ parigraho na jīryati |
grāmayājakaevā'sāvuttamo nāma bhūsuraḥ || 52 ||
[Analyze grammar]

lobhena sarvavarṇānāmagrāhayaddhanādikam |
bhuṃkte pibati cāśnāti ramate modate gṛhe || 53 ||
[Analyze grammar]

sampattiścāsya vai śreṣṭhā'bhavannṛpādhikā gṛhe |
ratnahārāḥ svarṇamālāḥ svarṇaparyaṃkakāsanam || 54 ||
[Analyze grammar]

bhavanāni vicitrāṇi dāsā dāsyo hyanekaśaḥ |
gomahiṣyādikāścāpi gajavājirathādayaḥ || 55 ||
[Analyze grammar]

sarvamasyā'bhavad ṛddhaṃ putrāḥ putryo'pi saukhyadāḥ |
bhāryā'pi bhaktisampannā dharmayutā pativratā || 56 ||
[Analyze grammar]

athā'sya dānabhāreṇa pāpināṃ dravyasañcayaiḥ |
pāpināmannapānādyairjalodaraṃ daro'bhavat || 57 ||
[Analyze grammar]

udaraṃ pīḍyate tena mahodaraṃ hi lambate |
pacyate nahi bhuktaṃ vā pītaṃ jīryati naiva ca || 58 ||
[Analyze grammar]

sukhaṃ nā'sya kṣaṇaṃ cāpi jāyate ṛddhibhistadā |
vaidyāśramān yayau rogaśāntyarthaṃ ca tathāpyapi || 59 ||
[Analyze grammar]

auṣadhānāṃ prayogeṣu bahuṣvapi jalodaram |
naṣṭaṃ naiva hi pratyuta vyavardhata dine dine || 60 ||
[Analyze grammar]

athaikadā yayau devāyanarṣiṃ prati bhūsuraḥ |
nyavedayannijaṃ rogaṃ sādhave prapraṇamya saḥ || 61 ||
[Analyze grammar]

sādhurdadau harernāma mālāṃ ca tulasījanim |
ohare śrīkṛṣṇanārāyaṇa māṃ nirujaṃ kuru || 62 ||
[Analyze grammar]

iti jāpaṃ bhūsurāyopādideśa sahasrakam |
nityameveti so'pyevaṃ jajāpa pratyahaṃ mudā || 63 ||
[Analyze grammar]

bhajate māṃ sadā so'yaṃ roganāśārthameva ha |
ārto bhajate māṃ nitya vaibhavī bhajate na vai || 64 ||
[Analyze grammar]

vaibhavyārto bhajate māṃ svārthārthaṃ so'bhajad yathā |
evaṃ varṣottare kāle bhaktiṃ prakurvataḥ puraḥ || 65 ||
[Analyze grammar]

dayayā'haṃ darśanaṃ svaṃ dadau rogapraśāntaye |
sādhūnāṃ maṇḍalaṃ kṛtvā yayau tasya gṛhaṃ prati || 66 ||
[Analyze grammar]

so'pi rogapraśāntyarthaṃ bhojanādi dadau mudā |
svarṇarūpyāmbarādyaṃ ca sādhubhyo vividhaṃ dadau || 67 ||
[Analyze grammar]

prārthayāmāsa cātyarthaṃ rogaśāntyarthamityapi |
ahaṃ sādhugururbhūtvā hastaṃ tasyodare'dadham || 68 ||
[Analyze grammar]

camatkāro yathā syādvai tathā'syodaratastadā |
jalodaro mahān rogo mūrtimān samapāsarat || 69 ||
[Analyze grammar]

kadrūpaḥ sabhayaścāpi dudrāva ca dadhāva ca |
gato rogo bhūsuraśca svastho'bhavat kṣaṇāntare || 70 ||
[Analyze grammar]

jalaṃ śuṣkaṃ tadā jātaṃ jāṭharaścā'bhavacchubhaḥ |
vayaṃ sarve sādhavastu śīghramadṛśyatāṃ gatāḥ || 71 ||
[Analyze grammar]

so'pi vijñāya māṃ nārāyaṇaṃ tato'bhajan muhuḥ |
evaṃ lakṣmi mayā bhakto nirāmayastadā kṛtaḥ || 72 ||
[Analyze grammar]

so'pi cānte yayau dhāmā'kṣaraṃ me paramātmanaḥ |
paṭhanācchravaṇāccā'syā''rogyaṃ bhuktiśca mokṣaṇam || 73 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne kuṣṭhino vyāghrākhyasya svarṇacaurasya cāraṇabhaktasya kuṣṭhitānāśanam uttamākhyasya grāmayājakaviprasya bhaktasya jalodaranāśanaṃ bhagavaddarśanaṃ muktiścetyādinirūpaṇanāmā aśītyadhikaśatatamo'dhyāyaḥ || 180 ||
[Analyze grammar]