Chapter 173

śrīpuruṣottama uvāca |
śṛṇu nārāyaṇīśri tvaṃ dampatyoryoginoḥ purā |
samvādaṃ kathayāmyatra śravaṇā'rhaṃ gatipradam || 1 ||
[Analyze grammar]

purā śrutiphalānāmnī yoginī yoginaṃ patim |
sadvidyāyananāmānaṃ jñānavijñānapāragam || 2 ||
[Analyze grammar]

papraccha saṃśayārūḍhā lokaśikṣārthameva sā |
dehatrayasamādhisthā varte'haṃ nātha sarvadā || 3 ||
[Analyze grammar]

patisevāparā cāpi varte'haṃ harisevinī |
dehadharmaparā trāpi varte'haṃ kāmadharmiṇī || 4 ||
[Analyze grammar]

devasevāparā cāpi varte'haṃ śuddhabhāvanā |
mokṣajñānaparā'saṅgā varte'haṃ patibodhitā || 5 ||
[Analyze grammar]

athāpi mānasaṃ kānta dehaviṣayamārgagam |
kvacit kvacid dhātupuṣṭyā pravartate hi nimnagam || 6 ||
[Analyze grammar]

adhaḥsrotasvabhāvaṃ tanmānasaṃ māṃ vikarṣati |
ūrdhvasrotovatī nātha bhaviṣyāmi kadā tataḥ || 7 ||
[Analyze grammar]

kadā muktiṃ gamiṣyāmi kadā vai śāśvataṃ sukham |
kaṃ vā lokaṃ gamiṣyāmi tvāṃ kāntaṃ tu samāśritā || 8 ||
[Analyze grammar]

bhavānāste tyaktakarmā yogyapi kāmavānapi |
bhāryā tvananyagatikā bhartāramantarā sadā || 9 ||
[Analyze grammar]

sā'haṃ yogaṃ ca kāmaṃ ca patiyogena vai vṛṣam |
pālayāmi tathā'pyeṣā karmabandhanatā mama || 10 ||
[Analyze grammar]

na bhogayogamāpannaḥ kaścinmokṣaṃ pravindate |
nātha tvaṃ vetsi sarvaṃ tat kathaṃ karmaṇā mokṣaṇam || 11 ||
[Analyze grammar]

bhāryāḥ patikṛtāṃllokānāpnuvantīti naḥ śrutam |
patiścellokahīno'tra bhāryāyāstatra kā gatiḥ || 12 ||
[Analyze grammar]

tvādṛśaṃ patimāsādya kā gamiṣyāmi vai gatim |
itipṛṣṭo muniśreṣṭhaḥ sadvidyāyananāmakaḥ || 13 ||
[Analyze grammar]

prāha śrutiphalāṃ patnīṃ śāntātmā tu hṛdā hasan |
na me kāmo na me bandho dehadharmo na me mataḥ || 14 ||
[Analyze grammar]

nā'yamātmā bhavet patnī nā'yamātmā patiḥ smṛtaḥ |
puṃso dehaḥ patiśceti nārīdehastu patnikā || 15 ||
[Analyze grammar]

eva loke vyavahāraḥ kṛtaḥ so'yaṃ bhavaḥ smṛtaḥ |
saṃsārabandhanaṃ cāpi dāmpatyaṃ tu viśeṣataḥ || 16 ||
[Analyze grammar]

sāpatyakatvaṃ tato'pi bandhanāya prakalpyate |
kāmā yogo vāsanādyā dehadharmā na cātmanaḥ || 17 ||
[Analyze grammar]

paśya tvaṃ māṃ divyadehaṃ nārāyaṇasvarūpiṇam |
patirbrahmā patirviṣṇuḥ patirdevo maheśvaraḥ || 18 ||
[Analyze grammar]

patiṃ matvā parabrahma sevate sā pramucyate |
gopyaḥ kāmāt pramucyante pratikalpaṃ muhurmuhuḥ || 19 ||
[Analyze grammar]

śrīkṛṣṇasya prayogeṇa lakṣmīrnārāyaṇasya ca |
evaṃ māṃ tvaṃ brahmarūpaṃ matvā sevaya bhāmini || 20 ||
[Analyze grammar]

tadā lokaṃ yoginīnāṃ satīnāṃ prāpsyase dhruvam |
nairguṇyaṃ vā samāśritya bhaja māṃ parameśvaram || 21 ||
[Analyze grammar]

tadā tvaṃ brahmanirvāṇaṃ hyavāpsyasi na saṃśayaḥ |
ityuktvā nijadehāt sa yogī kāmaṃ surūpiṇam || 22 ||
[Analyze grammar]

pṛthakkṛtvā dadāhaiva kāmo bhasmanibho'bhavat |
kāmapiṇḍaṃ susampannaṃ dadau patnyai tu nirguṇam || 23 ||
[Analyze grammar]

tatsparśenā'bhavad divyo muktaḥ sumūrta eva saḥ |
kāmo divyasvarūpo'bhūt sadvidyāyanavāñcchayā || 24 ||
[Analyze grammar]

camatkāraṃ paraṃ dṛṣṭvā śrutiphalā''ha taṃ patim |
aho nātha jitāmarṣa jitakāma jitendriya || 25 ||
[Analyze grammar]

jitasarvasva tvayātse divyaṃ jānāmi sāmpratam |
śaṃkā me kāmanājanyā nivṛttā divyadarśanāt || 26 ||
[Analyze grammar]

paśyāmi tvāṃ kṛṣṇarūpaṃ caturbhujātmakaṃ prabhum |
kriyāḥ sarvāśca te divyāḥ prapaśyāmi na saṃśayaḥ || 27 ||
[Analyze grammar]

cāñcalyaṃ mama vigataṃ strībuddhiścā'dya nirgatā |
divyāṃ ratiṃ samāsādya divyā bhavāmi te balāt || 28 ||
[Analyze grammar]

vada me tu yathāyogyā tathā jñānaṃ sukhāvaham |
ityuktvā sā praṇanāma kāmo'pi divyamūrtimān || 29 ||
[Analyze grammar]

viveśa sahasā dehe sadvidyāyanavāñcchayā |
vīkṣya śrutiphalā tatra niḥsaṃśayā'bhavattataḥ || 30 ||
[Analyze grammar]

yathā kṛṣṇe tathā bhakte divyāste dehavartinaḥ |
bhavantyeva guṇāḥ sarve durguṇā api sadguṇāḥ || 31 ||
[Analyze grammar]

kāmaḥ snehaḥ sukhaṃ sevā poṣaṇaṃ ramaṇaṃ śubham |
yojitāḥ śrīharau bhakte divyā bhavanti sādhuṣu || 32 ||
[Analyze grammar]

ye saṃgāḥ strīputrabandhuputrokuṭumbiṣu kṛtāḥ |
ta eva sādhuṣu kṛtā mokṣadvāramapāvṛtam || 33 ||
[Analyze grammar]

yogī patirmayā prāpto dhanyā'haṃ divyatāṃ gatā |
dehakriyā na me cāsti divyā'haṃ nāsmi bhāminī || 34 ||
[Analyze grammar]

ātmā'haṃ naiva yoṣidvai muktā'haṃ nityamodinī |
deho dehārthasampannaścātmā''tmārthavibhūṣitaḥ ||3 || || 5 ||
[Analyze grammar]

dvayoḥ panthā vibhinno'sti kā naisargikavedanā |
evaṃ brahmasvarūpā sā kṣaṇamātreṇa bhāminī || 36 ||
[Analyze grammar]

brāhmaṇī brahmavettrī ca sampannā saṃgavarjitā |
āhaivaṃ jñānamāpannāṃ patnīṃ vidyāyanastataḥ || 37 ||
[Analyze grammar]

subhage dehasaṃlagnā kriyā sarvā na cātmani |
grāhyaṃ dṛśyaṃ bhavet karma karmajñānendriyairiha || 38 ||
[Analyze grammar]

dehātmā karmakarmeti vyavasyatīti bandhanam |
mohaṃ tatrāpi cāpnoti karmapradhānabhāvataḥ || 39 ||
[Analyze grammar]

jñānahīno janaḥ sarvo dehabandhanamohavān |
naiṣkarmyaṃ nā'sya jāyeta yāvaddehābhimānitā || 40 ||
[Analyze grammar]

dehendriyairmānasādyaiḥ śubhāśubhāni vindati |
janmabhogajarāvyādhikarāṇi bandhadāni ca || 41 ||
[Analyze grammar]

tattvānāṃ vai svabhāvo'sti naiṣkarmye na vasanti vai |
tiṣṭhanti karmayuktāni bhūteṣu karma vartate || 42 ||
[Analyze grammar]

dehabhedān prāpayanti karmāṇi sargajāni vai |
agnihotrādikaṃ vipre vedā'dhyayanamityapi || 3 ||
[Analyze grammar]

śāsanaṃ kṣatriye vaiśye vāṇijyaṃ kṛṣirityapi |
sevā śūdre brahmaśīle svādhyāyo havanādikam || 44 ||
[Analyze grammar]

sadāre satkṛtirdānaṃ copārjanaṃ prapoṣaṇam |
vanye vane vanyavṛttiḥ sādhau bhikṣāṭanādikam || 49 ||
[Analyze grammar]

brahmaśīlanamevā'pi naiṣkarmyaṃ naiva vidyate |
naisargikī cañcaleyaṃ prakṛtirdeharūpiṇī || 46 ||
[Analyze grammar]

vikṛtayaścañcalāśca mānasaṃ cañcalaṃ tathā |
buddhirindriyastabakaścittaṃ viṣayacañcalam || 47 ||
[Analyze grammar]

saṃskārāḥ kośavallolā jñānadhārā'pi cañcalā |
jñānecchākṛtibhāvāśca dveṣādyā gocarāśritāḥ || 48 ||
[Analyze grammar]

viṣayānanujīvanti cāñcalyaṃ dharmaṇi sthitam |
kriyāsvabhāva sarvaṃ vai tattvajaṃ markaṭaṃ tvidam || 49 ||
[Analyze grammar]

kathaṃ kriyāvihīnaṃ sattiṣṭhecchāntipralabdhaye |
tasmāttatparivṛttyarthaṃ niścāñcalyaṃ samāśrayet || 50 ||
[Analyze grammar]

niścaṃcalapraveśena niścañcalatāṃ vrajet |
sarvatra paripūrṇaṃ tatparabrahma tathāvidham || 51 ||
[Analyze grammar]

niścañcalaṃ sadā saumye saumyaṃ tadarthamāśrayet |
karmaṇā manasā vācā hṛdā''tmanā samastakaiḥ || 52 ||
[Analyze grammar]

evaṃ yathā nivātasthaḥ kusūlastho nirodhitaḥ |
cañcalo'pi pradīpo vai svayaṃ mūrcchā hi tailajaḥ || 53 ||
[Analyze grammar]

gacchatyeva tathā syācca cāñcalyarahitaḥ kṣaṇam |
layaṃ gacchecca vā tatrā'mbare niṣkriyatāṃ vrajet || 54 ||
[Analyze grammar]

evaṃ cā'yaṃ cañcalaiścāvṛto'pi cetanaḥ svayam |
cidambare nirodhaṃ tu samprāpya niṣkriyo bhavet || 55 ||
[Analyze grammar]

sthiro bhavecca maṇivanmaṇipradīpabhāsamaḥ |
naisargikaprabhāyukto maṇidīpo yathā sthiraḥ || 56 ||
[Analyze grammar]

vāyustailaṃ bhavedvā na bhavet tadapi bhāyutaḥ |
vartate sarvadā kāntipradastathā'yamacyutaḥ || 67 ||
[Analyze grammar]

vāyutulyā hi viṣayāḥ saumye dehasthitāḥ sadā |
bhujyante vā na bhujyante maṇistu nirapekṣakaḥ || 58 ||
[Analyze grammar]

dehadharmāstathā patni bhujyante vā na vā'pi ca |
ātmā maṇistu te me'pi nirapekṣo na karmavān || 19 ||
[Analyze grammar]

parabrahma samāsādya kathaṃ lokān viśaṃkase |
kva gamiṣyāmītiśaṃkāṃ tyaja mukte pareśvari || 60 ||
[Analyze grammar]

ahaṃ brahma sadā cāsmi yāsyāmi ca paraṃ padam |
jñānopāsanabhaktyādyaistvaṃ mayā saha yāsyasi || 61 ||
[Analyze grammar]

gṛhadharmā hi dharmāste nā'dharmā na hi nārakāḥ |
ṛtudharmā manodharmā madyoge divyatāṃ gatāḥ || 62 ||
[Analyze grammar]

jñānayogena yogena brahmaṇaḥ paramātmanaḥ |
divyo'haṃ mama yogena tvaṃ patni divyatāṃ gatā || 63 ||
[Analyze grammar]

etāṃ guptāṃ tu paramāṃ sarahasyāṃ nijāṃ sthitim |
mokṣadāṃ bandhanahīnāṃ ko bhoktā cābhidhāsyati || 64 ||
[Analyze grammar]

abhoktuḥ paramāṃ śreṣṭhāṃ daśāṃ bhoktā na vindati |
kutaḥ prābhikathayed yā mayā te'bhihitā priye || 65 ||
[Analyze grammar]

rakṣāṃsi sarvavighnāni bhavanti sarvadehinām |
brahmamārge svargamārge tāni tyaktvā sukhī bhavet || 66 ||
[Analyze grammar]

ātmasthaṃ paramātmānaṃ samāśritya mayā priye |
rakṣāṃsi kāmarūpāṇi vaśe kṛtāni sarvathā || 67 ||
[Analyze grammar]

bhruvormadhye gurordhyānaṃ labdhaṃ śrīparamātmanaḥ |
yatra tatparamaṃ brahmā'nādikṛṣṇanarāyaṇaḥ || 68 ||
[Analyze grammar]

sarvadā dṛśyate bhārye taṃ bhajasvā'tinirguṇā |
iḍā ca piṅgalā cāpi suṣumṇā sṛtayastvimāḥ || 69 ||
[Analyze grammar]

yathā priyayā saṃgamya brahmādayo'pi devatāḥ |
yadakṣaraparaṃ kṛṣṇamupāsate maharṣayaḥ || 70 ||
[Analyze grammar]

vidvāṃsaḥ suvratāḥ śāntā jitārthā yamupāsate |
tamupāssva sadā subhru tyaja daihikacintanam || 71 ||
[Analyze grammar]

ghrāṇena na tadāghreya nā''svādyaṃ cāpi jihvayā |
sparśanena tadaspṛśyaṃ cakṣuṣā dṛśyameva na || 72 ||
[Analyze grammar]

śravaṇācca paraṃ tadvai parabrahma prasevaya |
ātmanā manasā sākaṃ buddhyā brahmagṛhītayā || 73 ||
[Analyze grammar]

prāpyate kṛpayā tasya tatparabrahma sevaya |
agandhamarasasparśamarūpaṃ śabdavarjitam || 74 ||
[Analyze grammar]

yataḥ pravartate tantraṃ yatra punaḥ pratiṣṭhati |
pravartante ca marutaḥ prāṇādyā yadvyapekṣayā || 75 ||
[Analyze grammar]

taṃ sarvasākṣiṇaṃ kṛṣṇanārāyaṇaṃ pareśvaram |
bhajasva bhāmini svāmyuttamaṃ śrīpatimacyutam || 76 ||
[Analyze grammar]

nā'haṃ patirna bhāryā tvaṃ patiḥ śrīpuruṣottamaḥ |
āvayorātmanordivye bhaja taṃ puruṣottamam || 77 ||
[Analyze grammar]

hṛdi prāṇaṃ gude'pānaṃ samānaṃ nābhisaṃsthitam |
udānaṃ kaṇṭhadeśasthaṃ vyānaṃ sarvaśarīragam || 78 ||
[Analyze grammar]

vijitvā teṣu cā''tmānaṃ parameśaṃ vibhāvaya |
saptadhā'gnirvaiśvānaraḥ prāṇeṣu dehacāriṣu || 79 ||
[Analyze grammar]

ghrātā ghrāṇena ghreyaṃ vai gandhaṃ pṛthvyāṃ samaśnute |
pātā rasanayā peyaṃ rasaṃ jale samaśnute || 80 ||
[Analyze grammar]

draṣṭā netreṇa dṛśyaṃ tu rūpaṃ tejasi cā'śnute |
spraṣṭā tvacā spṛśyaṃ sparśaṃ mārute vai samaśnute || 81 ||
[Analyze grammar]

śrotā karṇena śravyaṃ śabdamākāśe samaśnute |
mantā manasā mantavyaṃ viṣayaṃ manute nijam || 82 ||
[Analyze grammar]

boddhā buddhyā tu boddhavyaṃ viṣayaṃ bodhayatyapi |
ātmā parātmanā sarvaṃ bhuṃkte bhoktavyameva tat || 83 ||
[Analyze grammar]

parātmanā tu yad bhuktaṃ divyaṃ tanna tu laukikam |
laukikaṃ syād bandhanāya divyaṃ mokṣāya cārpitam || 84 ||
[Analyze grammar]

anenaiva prakāreṇa caraṇābhyāṃ gatiḥ kriyā |
hastābhyāṃ cāpyupādānaṃ vācā saṃvādaśabdanam || 85 ||
[Analyze grammar]

pāyunotsarga upasthenā''nandānubhavādikam |
gantā''dātā ca vaktā visraṣṭā''nandayitā hi saḥ || 86 ||
[Analyze grammar]

vaiśvānaro'ntarātmā hi paramātmā karoti tat |
nāhaṃ kartā na tvaṃ kartrī tato na karmabandhanam || 87 ||
[Analyze grammar]

vijñātṛtvābhimānaṃ vai parātmani samarpayet |
bhoktṛtvābhimatiṃ cāpi parātmani samarpayet || 88 ||
[Analyze grammar]

evaṃbhāve naro nāhaṃ nārī na tvaṃ kadāpi vai |
yaścā'haṃ sa eva tu tvaṃ dvāvāvāṃ parame sthitau || 89 ||
[Analyze grammar]

paramātmā'tiriktatvaṃ nāvayorasti kiñcana |
ātmā tvaṃ ca tathā''tmā'haṃ paramātmani tiṣṭhataḥ || 90 ||
[Analyze grammar]

yatra tiṣṭhāva etasmin dhāryaṃ sarvaṃ samarpitam |
evaṃ sati kuto me te karmā'pi cāvaśiṣyate || 91 ||
[Analyze grammar]

niṣkarmātmani deveśe sarvaṃ parisamarpyate |
satyevaṃ tasya yo lokaḥ sa loko'pyāvayoḥ sadā || 92 ||
[Analyze grammar]

paraṃ padaṃ cidākāśo'kṣaradhāma hi śāśvatam |
parabrahmaṇa evā'sti tadasti cāvayorapi || 93 ||
[Analyze grammar]

yatrā'nādikṛṣṇanārāyaṇaḥ śrīpuruṣottamaḥ |
tatrā'haṃ cāpi tatra tvaṃ gamiṣyāvo na saṃśayaḥ || 94 ||
[Analyze grammar]

bhaja tvaṃ taṃ parātmānaṃ patyātmakaṃ prabhuṃ patim |
tyaja dainyaṃ saṃśayaṃ ca bhayaṃ nimnagatipradam || 95 ||
[Analyze grammar]

gṛhṇa jñānaṃ ca vairāgyaṃ dharmaṃ bhaktiṃ nirāmayām |
nirbhayā paramasyaiva dhāmno dātrīṃ vidhehi vai || 96 ||
[Analyze grammar]

ityuktā sā nijapatnī śrutiphalā'tivedinī |
harṣaṃ tu paramaṃ lebhe brahmabodhābhimodinī || 97 ||
[Analyze grammar]

nanāma pādayoḥ patyurlakṣmi lakṣmīrivā'bhavat |
divyā madarpaṇenaiva kriyāṇāṃ sarvathā tataḥ || 98 ||
[Analyze grammar]

śrutivad vartate nityaṃ bhajate māṃ pareśvaram |
labhate paramānandaṃ brahmarasaṃ samaśnute || 99 ||
[Analyze grammar]

gṛhayuktāpi satataṃ gṛhā'lubdhā tato'bhavat |
patiyuktā'pi satataṃ kṛṣṇayuktā sadā'bhavat || 100 ||
[Analyze grammar]

itiśrīlakṣmīnārāyaṇīyasaṃhitāyāṃ tṛtīye dvāparasantāne śrutiphalāpatnyāḥ sadvidyāyanarṣiṃ patiṃ prati kṛtasya kvalokagamānādipraśnasya naiṣkarmyasarvasamarpaṇavidhayā parabrahmalokagatirityādipratyuttaramitinirūpaṇanāmā trisaptatyadhikaśatatamo'dhyāyaḥ || 173 ||
[Analyze grammar]