Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 172 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīpuruṣottama uvāca |
śṛṇu lakṣmi tathā māyālayo yathā prajāyate |
vidyayā tīryate janturavidyāṃ jayate yataḥ || 1 ||
[Analyze grammar]

brahmavidyā parāvidyā cātmavidyā hi yā matā |
paramātmopāsanayā hyavidyā sā viśīryate || 2 ||
[Analyze grammar]

nirṇayaḥ snehasahito mananaṃ ca tathāvidham |
māhātmyajñānasahitaṃ cintanaṃ śrīharestathā || 3 ||
[Analyze grammar]

svarūpavedanaṃ sampadabhimatyā yutaṃ muhuḥ |
vidyātmakaṃ parabrahmaprāpakaṃ tannigadyate || 4 ||
[Analyze grammar]

sā vidyā tu yayā parabrahmā'dhigamyate rame |
avidyāṃ sā nirasyaiva parabrahma dadāti hi || 5 ||
[Analyze grammar]

suvarṇasya viśuddhirvai caturbhirjāyate yathā |
śilayā chedanaiścāpi tāpanaiścābhighātanaiḥ || 6 ||
[Analyze grammar]

ātmano'pi tathā māyāvigamaścaturarjanaiḥ |
satsaṃgena ca jñānena vairāgyeṇa prabhaktibhiḥ || 7 ||
[Analyze grammar]

satsaṃgena guṇānāṃ vai pravāhasya nirodhanam |
vijñānena saṃskārāṇāṃ śanaiḥ śanairvivartanam || 8 ||
[Analyze grammar]

vairāgyeṇa vāsanānāṃ kṣayo harau pravartanam |
snehabhaktyā harau saktirasaṃgo māyayā tataḥ || 9 ||
[Analyze grammar]

evaṃ māyāvigamaḥ syāllakṣmi kṛpayā sadguroḥ |
anugraheṇa kṛṣṇasya māyālopo drutaṃ bhavet || 10 ||
[Analyze grammar]

harervāsena māyāyā nivṛttistu nijātmani |
siṃhavāsena sarveṣāṃ mṛgāṇāṃ vigamo yathā || 11 ||
[Analyze grammar]

nṛpavāsena kṣudrāṇāṃ dehināṃ vigamo yathā |
mṛtyuvāsena dehasthakaraṇānāṃ gamo yathā || 12 ||
[Analyze grammar]

bilādvai sarpavāsena mūṣakāṇāṃ gamo yathā |
bhayavāsenotsavānāṃ hṛdayādvigamo yathā || 13 ||
[Analyze grammar]

udvegānāṃ vigamaśca mahotsave yathā bhavet |
tathā harernivāsena māyāyā vigamo bhavet || 14 ||
[Analyze grammar]

ahaṃ yatra vasāmyeva tatra māyā na tiṣṭhati |
mama bhakte nivasāmi māyā tatra na vidyate || 15 ||
[Analyze grammar]

yaḥ syādekāyane kṛṣṇe līno brahma vicintayan |
tūṣṇīṃ sarvavikārebhyo madanyannaiva dhārayan || 16 ||
[Analyze grammar]

pūrvaṃ pūrvaṃ parityajet sa tared bhavabandhanāt |
adrohaśca kṣamāvāṃśca śāntacitto jitendriyaḥ || 17 ||
[Analyze grammar]

dainyadveṣavihīnaśca nirbhayo brahmaṇo'rjane |
jitacitto jitabhāvo bhakto me mucyate rame || 18 ||
[Analyze grammar]

sarvajīveṣu nijavacchuddhabhāvanayā yutaḥ |
anahaṃbhāvamānādiḥ sarvato mukta eva saḥ || 19 ||
[Analyze grammar]

jīvane maraṇe sthairye duḥkhe sukhe ca mūrchane |
lābhe'lābhe priye dveṣye samo yaḥ sa hi mucyate || 20 ||
[Analyze grammar]

na kasyacit spṛhayati nā'vajānāti kañcana |
nirdvandvo vītarāgādiḥ sarvathā mukta eva saḥ || 21 ||
[Analyze grammar]

ajātaśatrurnirbandhuranapatyo'pyabhāryakaḥ |
tyaktadharmārthakāmaśca nirākāṃkṣī pramucyate || 22 ||
[Analyze grammar]

puṇyā'puṇyā'varahitaḥ prārabdhamātrayāpakaḥ |
dehārambhakatattvānāṃ kṣayavān śāntacittakaḥ || 23 ||
[Analyze grammar]

advaitaśrīharau juṣṭaḥ premabhāvena sevayā |
ātmaveditvamāpanno madātmā sa vimucyate || 24 ||
[Analyze grammar]

āśālayo divyadṛṣṭirjagatpaśyedaśāśvatam |
aśvatthasadṛśaṃ janmamṛtyujarāsamanvitam || 25 ||
[Analyze grammar]

vairāgyaśāntabhāvādyairupeto doṣavarjitaḥ |
ātmabandhaṃ prajahāti mokṣaṃ yātyacirāt sa vai || 26 ||
[Analyze grammar]

divyagandharasasparśaśabdarūpapramodinam |
māyāmūrtivihīnaṃ māṃ dṛṣṭvā kṣipraṃ pramucyate || 27 ||
[Analyze grammar]

asthūlaṃ cāpyasūkṣmaṃ cā'kāraṇaṃ tatparaṃ prabhum |
aguṇaṃ guṇabhoktāraṃ māṃ dṛṣṭvā drāk pramucyate || 28 ||
[Analyze grammar]

vimucya sarvakāmāṃśca buddhyā cāntarbhavānapi |
mama bhāvānvito bhaktaḥ śanairnirvāṇamṛcchati || 29 ||
[Analyze grammar]

bāhmābhyantarasaṃskārairmukto dvandvavivarjitaḥ |
niṣparigraha evā'yaṃ niḥsaṃgo mukta eva saḥ || 30 ||
[Analyze grammar]

tāpaso mama bhāvāḍhyaścānyasaṃskāravarjitaḥ |
brahma sanātanaṃ labdhvā nityamakṣaramūrdhvagam || 31 ||
[Analyze grammar]

śāntaḥ san māṃ samabhyeti paravrahma parātparam |
ātmanyātmānaṃ sa māṃ vai paśyan yāti paraṃ padam || 32 ||
[Analyze grammar]

sarvendriyāṇi saṃhṛtya vṛttīrmanasi dhārayet |
mano'haṃbhāvane dhṛtvā'haṃ buddhau dhārayettataḥ || 33 ||
[Analyze grammar]

buddhiṃ niyamya satataṃ smaraṇaṃ ca tathāvidham |
saṃskāreṣu pradhārya saṃskārān juhuyādātmani || 34 ||
[Analyze grammar]

ātmānaṃ juhuyāt kṛṣṇe'nādau śrīpuruṣottame |
evaṃ madyogamāpanno nityamuktāya kalpate || 35 ||
[Analyze grammar]

etādṛśaḥ paraḥ sādhurekāntaśīla eva saḥ |
bhavan paśyannije rūpe māṃ madānandamaśnute || 36 ||
[Analyze grammar]

antaścakṣuḥsahitena prakāśenā'nivartinā |
paśyatyātmani cātmānaṃ māṃ patiṃ puruṣottamam || 37 ||
[Analyze grammar]

evaṃ lagno nijātmanā''tmānaṃ māṃ tatra paśyati |
yathā hi puruṣaḥ svapne svaṃ vai paśyatyasāviti || 38 ||
[Analyze grammar]

tathā'yaṃ sve svarūpe māṃ sādhvātmānaṃ prapaśyati |
dehe snātasya tu yathā lagnaṃ jalapaṭaṃ tu yat || 39 ||
[Analyze grammar]

niṣkṛṣya kuśalaḥ kaścit tatpṛthak cet pradarśayet |
dehaṃ cā'pi tathā''kṛṣya sūkṣmād bhinnaṃ pradarśayet || 40 ||
[Analyze grammar]

sūkṣmaṃ kāraṇādākṛṣya pṛthaktayā pradarśayet |
kāraṇaṃ cāpi māyātaḥ pṛthakkṛtvā pradarśayet || 41 ||
[Analyze grammar]

māyāṃ jīvāt pṛthakkṛtvā tathā kaścit pradarśayet |
jīvaṃ hareḥ pṛthakkṛtya tathā yogī pradarśayet || 42 ||
[Analyze grammar]

ātmānaṃ vai pṛthakkṛtya yathā yogī pradarśayet |
tathā māṃ paramātmānaṃ pṛthakkṛtya pradarśayet || 43 ||
[Analyze grammar]

tathāpi sa na yuktātmā pṛthag bhūmno bhaveddhi mat |
vyāpako'haṃ samastānāṃ tasyāpyaiśvaryarodhakaḥ || 44 ||
[Analyze grammar]

taṃ mayyantaḥprabhāvyaiva niyāmayāmi sarvathā |
māmāpanno mama mukto mamaiśvaryāṇi cāśnute || 45 ||
[Analyze grammar]

māyā'sya vinivṛttā vai māṃ yātaḥ so'kṣare pare |
tatra māyā vidyate na yathā tatra tathā'tra na || 46 ||
[Analyze grammar]

yatra kvāpi vartamāno madbhakto hyastyamāyikaḥ |
nirguṇo divyaguṇavān nirvāṇapadabhājanaḥ || 47 ||
[Analyze grammar]

yadā hi yuktamātmānaṃ mayā paśyati dehabhṛt |
na tasyeheśvaraḥ kaścit trailokyasyāpi sa prabhuḥ || 48 ||
[Analyze grammar]

ekadhā bhavati dvedhā tredhā daśadhā sahasradhā |
anyā'nyāśca tanū ramyā yatheṣṭaṃ pratipadyate || 49 ||
[Analyze grammar]

na tasya rogo na jarā na mṛtyuḥ śoka ityapi |
devānāmapi devatvaṃ so'yaṃ kārayate vaśī || 50 ||
[Analyze grammar]

parabrahma hyavāpnoti hitvā videhabhāvanām |
brahmabhāvaṃ gatasyā'sya nāśabhayaṃ na jāyate || 51 ||
[Analyze grammar]

kliśyamāneṣu naṣṭeṣu bhūteṣvasya na vai bhayam |
na kleśairduḥkhaśokaiśca ghoraiḥ saṃgādikodbhavaiḥ || 52 ||
[Analyze grammar]

vicālyate na yuktātmā niḥspṛhaḥ śāntisaṃbhṛtaḥ |
nainaṃ mṛtyurvidhyati vai nainaṃ kālo grasatyapi || 53 ||
[Analyze grammar]

nātaḥ sukhataraṃ kiñcilloke'syānyad vilokyate |
samyag yuktvā nijātmānaṃ mayi kṛṣṇe pratiṣṭhate || 54 ||
[Analyze grammar]

vinivṛttatṛṣāduḥkhaḥ sukhaṃ svapiti cātmani |
rūpaṃ yatheṣṭamabhyeti hitvemāṃ mānuṣīṃ tanum || 55 ||
[Analyze grammar]

tato muktena nirvedaḥ kartavyo na vidhīyate |
ātmadraṣṭā spṛhayate naiva bhogānmahaiśvarān || 56 ||
[Analyze grammar]

ātmaniṣṭho mahāmukto jīvanmukto videhavān |
niṣīdennagare cāpi mano bāhyaṃ na muñcati || 57 ||
[Analyze grammar]

nagarābhyantare tiṣṭhannijāvasathe saṃvaset |
mano naivā'vasathe'pi bāhyaṃ mukto vimuñcati || 58 ||
[Analyze grammar]

yatra kuṭyāṃ vaseccāpi pārśve mano na muñcati |
yatra dehe vasatyeva tatrāpi svamano bahiḥ || 59 ||
[Analyze grammar]

dehātmake'pi viṣaye kṣaṇaṃ naivāpi muñcati |
indriyeṣu golakeṣu tanmātreṣu na muñcati || 60 ||
[Analyze grammar]

mūlādhārādicakreṣu manaḥ kṣaṇaṃ na muñcati |
sūkṣme'pi cānyatattve'pi kṣaṇaṃ mano na muñcati || 61 ||
[Analyze grammar]

kāye trividhe sarvatra vāsanāvarjito yataḥ |
antare bahirekātmā māṃ hariṃ paripaśyati || 62 ||
[Analyze grammar]

paripūrṇaṃ yato'syā'tra sarvaṃ tena sa sadṛśam |
paripūrṇatamaṃ māṃ vai lokayatyeva netarat || 63 ||
[Analyze grammar]

sarvataḥ pāṇipādāntaḥ sarvato'kṣiśiromukhaḥ |
sarvataḥ śrutimān bhūtvaitādṛśaṃ māṃ prapaśyati || 64 ||
[Analyze grammar]

dhārayannapi dehaṃ svaṃ caṣṭe vai brahma kevalam |
ātmānaṃ cā''pya vimānaṃ pramodasaṃbhṛtastadā || 65 ||
[Analyze grammar]

vimānamāśrayaṃ kṛtvā mokṣaṃ yāti tato mayi |
naitadetatsuvijñeyaṃ vyāmiśreṇā'ntarātmanā || 66 ||
[Analyze grammar]

kriyāvatāṃ devaloko jñānināṃ vyoma śāśvatam |
siddhānāṃ satyabhavanaṃ bhaktānāṃ brahma śāśvatam || 67 ||
[Analyze grammar]

parā hi sā gatirlakṣmi yattad brahma sanātanam |
yatrā'mṛtatvaṃ kuśalaṃ sukhaṃ pramodanaṃ sadā || 68 ||
[Analyze grammar]

imaṃ sādhanamāśritya pāpāḥ striyo'ntimasthitāḥ |
sarve yānti parāṃ prāptiṃ kiṃ vai punarbahuśrutāḥ || 69 ||
[Analyze grammar]

ye svadharmaniratāḥ sādhubhaktāḥ parārthinaḥ |
brahmavido naiṣṭhikāśca nityaṃ brahmaparāyaṇāḥ || 70 ||
[Analyze grammar]

mama lokātparaṃ tvanyat sukhaṃ kiñcinna vidyate |
jñātvā tyaktvā ca sammohaṃ parāṃ gatimavāpnuyāt || 71 ||
[Analyze grammar]

etanmāyāvilayanaṃ mokṣaṇaṃ te pradarśitam |
mamaiva sādhyasya yogād yujyate parame pade || 72 ||
[Analyze grammar]

nā'sya lakṣmi tṛṣā cāste māṃ vihāyā'nyagocarā |
tata eva hi bhakto'sau rājate matpare pade || 73 ||
[Analyze grammar]

itiśrīlakṣmīnārāyaṇīyasaṃhitāyāṃ tṛtīye dvāparasantāne muktidharmaṃ māyāvilayanasādhanaṃ parabrahmadhāmaprāpaṇaṃ cetyādinirūpaṇanāmā dvāsaptatyadhikaśatatamo'dhyāyaḥ || 172 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 172

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: