Chapter 164

śrīnārāyaṇīśrīruvāca |
kānta bhagavatā proktā manavo ye caturdaśa |
teṣu tavā'vatārā ye tān sakāryān vadasva me || 1 ||
[Analyze grammar]

śrīpuruṣottama uvāca |
śṛṇu śrīśivarājñīśri tatra daityavināśakān |
avatārān kathayāmi sahetūn dharmarakṣakān || 2 ||
[Analyze grammar]

svāyaṃbhuvo manuścādya indraśca viśvabhuk tadā |
tathā daityo bāṣkaliśca tapastepe sa dāruṇam || 3 ||
[Analyze grammar]

agnidhrādīnmanoḥ putrān daityo vaśe cakāra ha |
sa marīcyatryaṃgirasapulastyapulahakratūn || 4 ||
[Analyze grammar]

vasiṣṭhaṃ ceti saptarṣīnapi svavaśagān vyadhāt |
jayānamitān śukrāṃśca yāmān devān vaśe vyadhāt || 5 ||
[Analyze grammar]

api viṣṇurnāradena bodhito daityachittaye |
sudarśanaṃ mahācakraṃ prerayad raṇamūrdhani || 6 ||
[Analyze grammar]

cicched mastakaṃ daityasyā'tha devānamocayat |
aya viṣṇusvarūpo me'vatāraḥ prathamo rame || 7 ||
[Analyze grammar]

atha svārociṣe manvantare dvitīyake punaḥ |
purukṛsaro daityo vai tvindraṃ vipaścitaṃ surān || 8 ||
[Analyze grammar]

apīḍayattathā corjaṃ stambaṃ prāṇaṃ ca niścalam |
ṛṣabhaṃ cārvavīraṃ ca dambholimapyapīḍayat || 9 ||
[Analyze grammar]

saptarṣīn tuṣitān pārāvatān devānapīḍayat |
manuputrān caikalaṃ ca vinataṃ vidyutaṃ ravim || 10 ||
[Analyze grammar]

bṛhadguṇaṃ ca karṇāntaṃ nabhase tānapīḍayat |
jalamadhye vasantaṃ ca megharūpeṇa vā kvacit || 11 ||
[Analyze grammar]

vartamānaṃ vihantuṃ vai mahendraprārthdhito'pyaham |
śvetahastisvarūpaṃ vai sapakṣaṃ parvataprabham || 12 ||
[Analyze grammar]

caturdantaṃ dviśuṇḍhaṃ ca dadhāra sahasā vane |
yuddhyamānaṃ saśastraṃ ca daityaṃ raṇe prasahya ca || 13 ||
[Analyze grammar]

ahamamārayaṃ dantaiḥ śuṇḍhābhyāṃ pādamardanaiḥ |
gajanārāyaṇaḥ so'haṃ bhavitā'smi tadā kṣitau || 14 ||
[Analyze grammar]

prasiddhaḥ pūjito lokairmokṣado bhuktido'pi ca |
dvitīyaścā'vatāro me gajākhyaḥ kathito rame || 15 ||
[Analyze grammar]

auttame ca manau tṛtīyake pralambadānavaḥ |
mahābalo mahendraṃ ca svaśāntināmakaṃ tathā || 16 ||
[Analyze grammar]

rathaujasaṃ cordhvabāhuṃ śaraṇaṃ tvanaghaṃ maṇim |
śaṃkuṃ sutapasaṃ saptarṣīṃśca duḥkhākariṣyati || 17 ||
[Analyze grammar]

vaśavṛttān svadhāmnaśca śivān satyān pratardanān |
devāṃstān yodhayitvā sa svavaśān praṇayiṣyati || 18 ||
[Analyze grammar]

manoḥ putrān paraśuṃ ca vinītamājamityapi |
śuciṃ suketuṃ suvalaṃ devāvṛdhaṃ sumitrakam || 19 ||
[Analyze grammar]

mahotsāhārjitaṃ tāṃśca yudhe sarvān vijeṣyati |
mahājalāntare gatvā dānavo vāsameṣyati || 20 ||
[Analyze grammar]

tadā'rthito'haṃ manunā bhaviṣyāmi jalāntare |
matsyarūpo hi bhagavān mārayiṣyāmi lambakam || 21 ||
[Analyze grammar]

tṛtīyaścā'vatāro'yaṃ mama matsyasvarūpadhṛk |
caturthasya manostāmasākhyasya samaye bhuvi || 22 ||
[Analyze grammar]

bhīmaratho'suro bhaimarathāsuraiḥ samedhitaḥ |
vijitaye śibināmānamindraṃ tathā manoḥ sutān || 23 ||
[Analyze grammar]

jānujaṃghaṃ nirbhayaṃ ca navakhyātiṃ nayaṃ tathā |
vivikṣipaṃ priyabhṛtyaṃ haviṣkandhiṃ kṛtaṃ tathā || 24 ||
[Analyze grammar]

kṛtabanghuṃ prastalākṣaṃ daśa vaśe cakāra saḥ |
ṛṣīn jyotirdhāmakaṃ ca dhṛṣṭaṃ kāvyaṃ ca hemakam || 25 ||
[Analyze grammar]

agniṃ cetaṃ caitrakaṃ ca vaśe cakāra vai tadā |
devān surāgān svadhīṃśca harīn haritakān vaśe || 26 ||
[Analyze grammar]

cakārātha suraiḥ samprāthiṃtaścā'haṃ tadā rame |
bhīmarathaṃ samudrasya talasthaṃ taṃ mahāsuram || 27 ||
[Analyze grammar]

haniṣye kūrmarūpeṇa jalamadhye mahāvapuḥ |
caturthaścā'vatāro'yaṃ mama kūrmasvarūpadhṛk || 28 ||
[Analyze grammar]

pañcamasya raivatasya manostu samaye kṣitau |
indre tu vibhunāmānaṃ babandha śāntaśatrukaḥ || 29 ||
[Analyze grammar]

daityau daityagaṇairyuktastathā manoḥ sutānapi |
mahāprāṇaṃ sādhakaṃ ca pratyaṃgaṃ naramitrakam || 30 ||
[Analyze grammar]

śuciṃ paraghnaṃ ca vanabandhuṃ dṛḍhavrataṃ tathā |
ketuśṛṃgaṃ vijigye'sau saptarṣīṃścā'pyapīḍayat || 31 ||
[Analyze grammar]

devaśriyaṃ vedabāhumūrdhvabāhuṃ svadhāmakam |
hiraṇyaromakaṃ parjanyakaṃ ca satyanāmakam || 32 ||
[Analyze grammar]

evaṃ devānabhūtarajaso'śvamedhakāṃstathā |
vaikuṇṭhānamṛtāṃścā'pyapīḍayad bahudhā'bhitaḥ || 33 ||
[Analyze grammar]

ṛṣibhiścā'rthitaścā'haṃ tadā'raṇyanivāsavān |
haṃsarūpadharo bhūtvā jaghāna śāntaśatrukama || 34 ||
[Analyze grammar]

pañcamaścā'vatāro'yaṃ mama haṃsasvarūpadhṛk |
cākṣuṣasya tu ṣaṣṭhasya manostu samaye tataḥ || 35 ||
[Analyze grammar]

mahākālo mahādaityo devaduḥkhaprado'bhavat |
indraṃ manojavākhyaṃ sa jitvā manoḥ sutānapi || 36 ||
[Analyze grammar]

uruṃ puruṃ śatadyumnaṃ tāpasaṃ satyabāhukam |
kṛtimagniṣṇumatirātraṃ ca sudyumnakaṃ naram || 37 ||
[Analyze grammar]

etān jitvā tathā devānāryān bhāvyān pralekhakān |
pṛthukān prasutāṃścāpi tathā jitvā ṛṣīnapi || 38 ||
[Analyze grammar]

haviṣmantaṃ ca sutanuṃ svadhāmānaṃ ca vairājam |
abhimānaṃ sahiṣṇuṃ ca madhuśriyaṃ hi sapta tān || 39 ||
[Analyze grammar]

jitvā trailokyarājyaṃ vai mahākālaḥ kariṣyati |
tadā lokaiḥ prārthito'haṃ hayagrīvasvarūpadhṛk || 40 ||
[Analyze grammar]

bhūtvā daityaṃ mahākālaṃ nāśayiṣyāmi padmaje |
ṣaṣṭho'yamavatāro me hayagrīvasvarūpavān || 41 ||
[Analyze grammar]

saptame ca manau vaivasvate lakṣmi mahān khalaḥ |
hiraṇyākṣo mahādaityo jigāya sarvadevatāḥ || 42 ||
[Analyze grammar]

maruddevāṃstathā''dityān vasūn sādhyān gaṇāṃstathā |
viśvedevānaśvinau ca rudrānāṅgirasān surān || 43 ||
[Analyze grammar]

tathā tejasvināmānaṃ cendraṃ jigāya daityarāṭ |
ṛṣīṃśca pīḍayāmāsa bharadvājaṃ ca gautamam || 44 ||
[Analyze grammar]

viśvāmitraṃ kaśyapaṃ ca jamadagniṃ vaśiṣṭhakam |
atriṃ ceti tathā manoḥ putrān vaśe cakāra ha || 45 ||
[Analyze grammar]

ikṣvākuṃ ca laviṣyantaṃ nediṣṭaṃ nāmakaṃ nabham |
pāṃśuṃ viṣṭiṃ ca sarjātiṃ karūṣakaṃ pṛṣadhrakam || 46 ||
[Analyze grammar]

sudyumnaṃ ceti sarvān vaiṣṇavāṃścakre nijānugāna |
tadā tu bhaktayā pṛthvyā prārthito'haṃ hariḥ svayam || 47 ||
[Analyze grammar]

vārāharūpavān hiṃsiṣyāmi hiraṇyanetrakam |
saptamo'yaṃ cāvatāro vārāho bhvādirakṣakaḥ || 48 ||
[Analyze grammar]

aṣṭame ca manau sāvarṇyākhye cendro balirnṛpaḥ |
virocanasuto daityo mahābhakto babhūva ha || 49 ||
[Analyze grammar]

tadvaśe ca tadā devā amṛtābhāḥ sutāpasāḥ |
mukhyāśceti gaṇāḥ sarve vartante sma balādiva || 50 ||
[Analyze grammar]

aśvatthāmā kṛpo vyāso gālavo dīptimānapi |
ṛṣyaśṛṃgaḥ parśurāmaḥ ṛṣayaste'pi tadvaśe || 51 ||
[Analyze grammar]

sāvarṇestu sutā arvavīro vijayaḥ satyavāk |
kṛtirnirdehaḥ sagatirvariṣṭhaśca gariṣṭhakaḥ || 52 ||
[Analyze grammar]

vācaśceti baleḥ sarve vaśyāśca duḥkhino yadā |
tadā'haṃ devaṛṣibhiścā'rthito vāmanākṛtiḥ || 53 ||
[Analyze grammar]

bhūtvā ca yācako vipro grahīṣye śakradhiṣṇyakam |
baliṃ mokṣaṃ preṣayiṣye divaṃ dāsyāmi jiṣṇave || 54 ||
[Analyze grammar]

aṣṭamo'yaṃ me'vatārastrivikramo hi padmaje |
navame dakṣasāvarṇau manau tu kālakākṣakaḥ || 55 ||
[Analyze grammar]

devaśatrurvaśe ninye cendramadbhutanāmakam |
kārtikeyāṃ'śamindraṃ taṃ tathā manoḥ sutānimān || 56 ||
[Analyze grammar]

dhṛṣṭaketuṃ dīptiketuṃ padmahastaṃ nirākṛtim |
pṛthuśravasamṛcikaṃ bṛhaddyumnaṃ bṛhadguṇam || 57 ||
[Analyze grammar]

tathā ninye vaśe saptarṣīṃśca medhātithiṃ vasum |
jyotiṣmantaṃ sabalaṃ ca dyutiṃ kavyaṃ ca havyakam || 58 ||
[Analyze grammar]

tathā pārān sudharmākhyān marīcigarbhakān surān |
tadā'hamarthito devaiḥ padmanābho bhavāmi ca || 59 ||
[Analyze grammar]

kālakākṣaṃ haniṣyāmi kariṣyāmi sukhān surān |
navamo'yaṃ padmanābho'vatāro me hi padmaje || 60 ||
[Analyze grammar]

daśame brahmasāvarṇau baliśatrurmahāsuraḥ |
śāntināmakamindraṃ ca saptarṣīn vaśamānayat || 61 ||
[Analyze grammar]

āpomūrtiṃ haviṣmantaṃ satyaṃ sukṛtinaṃ tathā |
nābhāgaṃ cā'pratimaṃ ca vasiṣṭhaṃ ceti tānṛṣīn || 62 ||
[Analyze grammar]

manoḥ putrān sukṣetraṃ ca bhūmisenaṃ jayadratham |
anamitraṃ vṛṣabhaṃ ca śatānīkaṃ suparvakam || 63 ||
[Analyze grammar]

suvīryamauttamaujaskaṃ vaśe ninye mahāsuraḥ |
sukhāsīnānniruddhāṃśca prāṇān devān vaśe vyadhāt || 64 ||
[Analyze grammar]

devaistadā'rthitaścā'haṃ harirūpadharaḥ svayam |
gadayā baliśatruṃ taṃ ghātayiṣyāmi vai rame || 65 ||
[Analyze grammar]

daśamo'yaṃ harirūpo'vatāro mama padmaje |
ekādaśe dharmasāvaṇau mano vṛṣamindrakam || 66 ||
[Analyze grammar]

daśagrīvo mahādaityo vaśaṃ cakāra devatāḥ |
vihaṃgamān kāmagamānnirmāṇarucikāṃstathā || 67 ||
[Analyze grammar]

ekaikarucikāṃścāpi devānatha manoḥ sutān |
sarvatragaṃ suśarmāṇaṃ devānīkaṃ puruṃ gurum || 68 ||
[Analyze grammar]

kṣetravarṇaṃ dṛḍheṣuṃ cā''rdrakaṃ ca putrakaṃ tathā |
saptarṣīṃśca vaśe cakre'gnitejasaṃ haviṣyakam || 69 ||
[Analyze grammar]

viśvaṃ viṣṇuṃ vistaraṃ ca haviṣmantaṃ ca vāruṇam |
ṛṣibhiḥ prārthitaścā'haṃ śrīrūpo mohakārakaḥ || 70 ||
[Analyze grammar]

bhūtvā mugdhaṃ harantaṃ māṃ haniṣyāmi mahāsuram |
ekādaśo'vatāro me śrīnārīrūpavān rame || 71 ||
[Analyze grammar]

dvādaśe rudrasāvaṇau ṛtadhāmānamindrakam |
tārakākhyo'suraśreṣṭho vaśe cakāra vai svayam || 72 ||
[Analyze grammar]

manoḥ putrān devavantamupadevaṃ vidūratham |
devaśreṣṭhaṃ mitravantaṃ mitradevaṃ savīryakam || 73 ||
[Analyze grammar]

mitrabinduṃ mitravāhaṃ pravāhaṃ ceti vai tathā |
devān svadharmaṇaścāpi rohitakān haritakān || 74 ||
[Analyze grammar]

surārīn sutapasaśca saptarṣīnityapīti ca |
tapasvinaṃ sutapasaṃ tapomūrtiṃ taporatim || 75 ||
[Analyze grammar]

tapodhṛtiṃ dyutiṃ vidyutiṃ ceti vai tataḥ surāḥ |
cakrire prārthanāṃ me ca tārakasya samāptaye || 76 ||
[Analyze grammar]

tārako'pi śaṃkarasya varadānānmahābalaḥ |
naro vai cetanaṃ tattvaṃ nārī māyā jaḍaṃ tu tat || 77 ||
[Analyze grammar]

tābhyāṃ mṛtyurna me syādvai varaṃ labdhvā nirāmayaḥ |
jigāya sarvabhūtāni rājyaṃ cakre trilokajam || 78 ||
[Analyze grammar]

tato'haṃ tasya nāśāya napuṃsakatvamāptavān |
tena rūpeṇa kamale nāśayiṣye hi tārakam || 79 ||
[Analyze grammar]

napuṃsakahariścāyamavatāro navīnakaḥ |
napuṃsakātmikī sṛṣṭistato'bhavanmaduttarā || 80 ||
[Analyze grammar]

dvādaśaścā'vatāro'yaṃ mama lakṣmi prakīrtitaḥ |
napuṃsakahariṃ dhyātvā bhajitvā mānavāstadā || 81 ||
[Analyze grammar]

yāsyanti paramāṃ muktiṃ strīpuṃliṃgavivarjitām |
trayodaśe devasāvarṇau raucye tu divaspatim || 82 ||
[Analyze grammar]

indraṃ vaśe cakārā'pi daityaṣṭiṭṭibhasaṃjñakaḥ |
manoḥ putrān citrasenaṃ tapodharmarataṃ dhṛtim || 83 ||
[Analyze grammar]

vicitraṃ gharmapaṃ kṣetravṛttiṃ dṛḍhaṃ sunetrakam |
vaśe cakre tatharṣīṃśca sunayaṃ tattvadarśinam || 84 ||
[Analyze grammar]

dhṛtimantamavyayaṃ ca niśārūpaṃ nirutsukam |
nirmāṇaṃ cetyatha devān svaromakān svadharmakān || 85 ||
[Analyze grammar]

svakarmakānamarāṃśca vaśe cakre tu ṭiṭṭibhaḥ |
meruvāsaṃ ṭiṭṭibhaṃ taṃ nāśayituṃ surādayaḥ || 86 ||
[Analyze grammar]

prārthayan māṃ mayā dīrghaṃ rūpaṃ māyūrakaṃ dhṛtam |
māyūrakeṇa rūpeṇa ghātayiṣyāmi ṭiṭṭibham || 87 ||
[Analyze grammar]

trayodaśo'vatāro'yaṃ mama lakṣmi prakīrtitaḥ |
māyūro'haṃ mahārājaḥ pūjāṃ prāpsye tadā yuge || 88 ||
[Analyze grammar]

caturdaśendrasāvarṇau bhautye śucirmahāsuraḥ |
indro bhūtvā sārvarājyaṃ pracakāra trilokajam || 89 ||
[Analyze grammar]

manoḥ putrān gabhīraṃ ca dhṛṣṭamūruṃ tarasvinam |
abhimānaṃ gabhīraṃ ca grāhaṃ jiṣṇuṃ pravīrakam || 90 ||
[Analyze grammar]

durlabhaṃ saṃkrandanaṃ ca vaśe tān sa cakāra ha |
saptarṣīnagnibāhuṃ cā'gnidhraṃ śuciṃ ca māgadham || 91 ||
[Analyze grammar]

śukramajitaṃ muktaṃ ca vaśe cakāre sa svayam |
cākṣuṣān karmaṭhāṃścāpi pavitrān bhrājinaḥ surān || 92 ||
[Analyze grammar]

vācāvṛthān devagaṇān vaśe cakre tathā svayam |
sāyaṃkāle hariścā'haṃ prārthito brahmaṇā yadā || 93 ||
[Analyze grammar]

pralayāya vināśāyā'surasyendrasya vai tathā |
sudarśanena cakreṇa ghātayiṣyāmi śakrakam || 94 ||
[Analyze grammar]

sudarśanahariścāyamavatāro mamā'ntimaḥ |
kalpānte kathito lakṣmi madhye'nye bahavo'pi ca || 95 ||
[Analyze grammar]

kāryavaśād bhavantyeva me'vatārā asaṃkhyakāḥ |
yasya haste'thavā pādatale matsyo dhanurdhvajaḥ || 96 ||
[Analyze grammar]

śaraḥ śūlaṃ svastiko vā cakraṃ padmaṃ ghaṭo'pi vā |
so'haṃ nārāyaṇaḥ sākṣādasmi pracchannarūpavān || 97 ||
[Analyze grammar]

vartāmi sādhudharmā'haṃ sādhukarmā samastavid |
saiśvaryaścāpyanaiśvaryo divyo'pyadivyavartanaḥ || 98 ||
[Analyze grammar]

saṃgāt samāgamād yogād darśanāt sparśanādapi |
sahavāsāt smaraṇādvā sevanānmuktido dhruvam || 99 ||
[Analyze grammar]

bhāgyavanto dehino māṃ jñātvā prasādya sevayā |
mokṣamārge cārjayanti mamā''nandamalaukikam || 100 ||
[Analyze grammar]

abhāmyāstu manuṣyaṃ māṃ matvā yānti vidūrataḥ |
āsurāste pāpavanto maherṣyavo'parādhinaḥ || 101 ||
[Analyze grammar]

muktimārgasthitāścāpi yāsyanti nirayān bahūn |
cihnaiścāpi ca sārvajñyaistathā divyaguṇādibhiḥ || 102 ||
[Analyze grammar]

māṃ viditvā''śrayiṣyanti ye te yāsyanti me'kṣaram |
narā nāryaśca paśavaḥ pakṣiṇaḥ śūdrayonayaḥ || 103 ||
[Analyze grammar]

apyadharmaparāścāpi madyogāt pāvanā hi te |
kāmaḥ krodhastathā lobho mānaṃ madaśca matsaraḥ || 104 ||
[Analyze grammar]

durguṇāḥ puṇyapāpe ca nirguṇā mama yogataḥ |
yena kenāpi bhāvena yujyante ye mayā saha || 105 ||
[Analyze grammar]

nityayuktā hi te jātā viyujyante na karhicit |
mama yogo mokṣado vai suramānavarakṣasām || 106 ||
[Analyze grammar]

śūdrapakṣipaśūnāṃ ca daityadānavayoṣitām |
mayā saṃkalpamātreṇa tāryante tvaṇḍarāśayaḥ || 107 ||
[Analyze grammar]

mama manāk suyogena pūyante pāpakarmiṇaḥ |
yā kriyā pāpanāmno sā kṛtā mayi tu pāvanī || 108 ||
[Analyze grammar]

svatantro'haṃ mamā''mnāyā upadiśanti vai vṛṣān |
ayaṃ vṛṣo bhavatvevaṃ dhārayāmi vṛṣo hi saḥ || 109 ||
[Analyze grammar]

avṛṣo'pi vṛṣaḥ syānme saṃkalpādvā vṛṣo'vṛṣaḥ |
vicāryetthaṃ prasevante māṃ mūrtaṃ parameśvaram || 110 ||
[Analyze grammar]

teṣāṃ muktiḥ kare tvāste'mutrā'tra sarvakarmasu |
paṭhanācchravaṇādasyā'dhyāyasya mokṣaṇaṃ bhavet || 111 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne caturdaśamanvantareṣu hareścaturdaśā'vatāraprayojanādinirūpaṇanāmā catuḥṣaṣṭayadhika śatatamo'dhyāyaḥ || 164 ||
[Analyze grammar]