Chapter 165

śrīnārāyaṇīśrīruvāca |
jīvatā tu janenā'tra satkāryaṃ kīdṛśaṃ śubham |
kartavyaṃ yena sarvatra paratra sa sukhī bhavet || 1 ||
[Analyze grammar]

śrīpuruṣottama uvāca |
mama pūjā prakartavyā paratra parasaukhyadā |
pitṛpūjā prakartavyā devapūjā tayā śubhā || 2 ||
[Analyze grammar]

dānaṃ śreṣṭhaṃ prakartavyaṃ jīvacchrāddhaṃ tathā śubham |
yatkṛteneha hastena labhyate'mutra tatphalam || 3 ||
[Analyze grammar]

śrīnārāyaṇīśrīruvāca |
jīvacchrāddhaṃ kathaṃ kīdṛk kartavyaṃ tadvidhiṃ vada |
tatra yadyatpradātavyaṃ tatsarvaṃ me prabho vada || 4 ||
[Analyze grammar]

śrīpukṣottama uvāca |
devālaye satāṃ vāse maṭhe ceśvarasannidhau |
vidyālaye yajñabhūmau parvate ca nadītaṭe || 5 ||
[Analyze grammar]

vane tīrthe caityadeśe pāvane ca sthale'pi vā |
svagṛhe nūtane kuryājjīvacchrāddhaṃ sukhapradam || 6 ||
[Analyze grammar]

yadā tu cintayeddharmaṃ śrāddhaṃ kartavyamādarāt |
śraddhayā svakareṇaiva hṛdā bhāvanayā'rpyate || 7 ||
[Analyze grammar]

śrāddhaṃ tat sarvathā bodhyaṃ pañcadhā tatprakīrtyate |
pārabrāhmikaṃ ca paitryaṃ daivamaiśvaraṃ bhautikam || 8 ||
[Analyze grammar]

bālye vā yauvane vāpi vārdhakye mṛtisannidhau |
yadākadācitkartavyaṃ pañcadhā'pi śubhairjanaiḥ || 9 ||
[Analyze grammar]

jīvacchrāddhe kṛte jīvo jīvanneva vimucyate |
karma kurvannakurvan vā hyajñānī jñānavānapi || 10 ||
[Analyze grammar]

śrotriyaścāpyaśrotriyaścāturvarṇyo hi mānavaḥ |
āśramastho'pi vā tyāgī kuryācchrāddhaṃ hi pañcadhā || 11 ||
[Analyze grammar]

paraṃbrahma hariṃ smṛtvā mandireṣu mahatsu tu |
haraye nityanaivedyaṃ dadyājjīvan jano bhuvi || 12 ||
[Analyze grammar]

śrīkṛṣṇāya mahānaivedyakaṃ dadyānnavaṃ navam |
ṣaṭapañcāśadbhogarūpaṃ jīvanmokṣe phalāya tat || 13 ||
[Analyze grammar]

nityaṃ prātarbhagavate kṛṣṇanārāyaṇāya ha |
mudgalaḍukadugdhādi śarkarāṃ cārpayettathā || 14 ||
[Analyze grammar]

nāgavallīdalaṃ tāmbūlakaṃ dadyāttu tṛptaye |
tatphalaṃ paraloke syāt svasmai dātre'kṣayaṃ sukham || 15 ||
[Analyze grammar]

madhyāhne'pi pradadyācca miṣṭānnāni śubhāni ca |
ghṛtā''jyaśarkarāktāni pakvānnāni samarpayet || 16 ||
[Analyze grammar]

śākāni dvidalāḥ sūpaṃ bhaktaṃ vividhapācitam |
polikāḥ pūrikāḥ dugdhapākaṃ kṣīrādi cārpayet || 17 ||
[Analyze grammar]

āranālāni ramyāṇi veṣavārayutāni ca |
bhakṣyabhojyāni lehyāni coṣyāṇyapi phalāni ca || 18 ||
[Analyze grammar]

kandapuṣpadalapatragranthīn dadyāttu bhojane |
devadevāya kṛṣṇāya sarvaśrīsahitāya vai || 19 ||
[Analyze grammar]

nityamevaṃ rājabhogān dadyāt svarṇādinirmite |
sthāle pātre ca pātreṣu pratyakṣaṃ śrāddhameva tat || 20 ||
[Analyze grammar]

jīvatā jīvikā dattā vṛttirūpā tu śārṅgiṇe |
phalatyevā'kṣare dhāmni goloke śrīpure'pi sā || 21 ||
[Analyze grammar]

parameśāya dattaṃ tat sarvaṃ bhavati cākṣayam |
prāpyate muktabhāve'pi pratyarpitaṃ tu śārṅgiṇā || 22 ||
[Analyze grammar]

goloke vāpi vaikuṇṭhe'vyākṛte'pyamṛte'pi ca |
dattamatra tadīśāyā'nantaguṇamavāpyate || 23 ||
[Analyze grammar]

evaṃ jalāni miṣṭāni śītāni madhurāṇi ca |
dātavyāni śrīharaye sarvartuvāñcchitāni ca || 24 ||
[Analyze grammar]

vṛttyātmakāni dattāni prāpyante tāni tṛptaye |
evaṃ lakṣmi pradeyāni mukhavāsāni śuddhaye || 25 ||
[Analyze grammar]

tānyapi tvaṅalavaṃgailākapūrravīṭikāstathā |
pūgīcūrṇakhadirādicūrṇamiṣṭaphalāni ca || 26 ||
[Analyze grammar]

athotthānasamaye'pi jalaṃ phalaṃ dalaṃ tathā |
bhojanārthaṃ pradeyāni coṣṇaśītāni yāni ca ||re || 7 ||
[Analyze grammar]

ghṛtapakvāni sarvāṇi tailapakvāni yāni ca |
vahnipakvāni sarvāṇi sūryapakvāni yāni ca || 28 ||
[Analyze grammar]

ṛtupakvāni bhakṣyāṇi sugandhirasavanti ca |
pradeyāni śrīharaye tṛtīyaprahare sadā || 29 ||
[Analyze grammar]

sāyaṃ bhojanapānārthaṃ pūrikāḥ polikāstathā |
dugdhaṃ śākaṃ cāranālaṃ dadyācchrīharaye jalam || 30 ||
[Analyze grammar]

nityameva pradadyādvai vṛttyarthaṃ vāṭikāṃ diśet |
kṣetrāṇi cā'rpayet saudhaṃ bhavanāni tathā'rpayet || 31 ||
[Analyze grammar]

grāmān gṛhaṃ ca pṛthivīṃ dadyājjīvanavṛttidām |
anādiśrīkṛṣṇanārāyaṇāya paramātmane || 3 ||
[Analyze grammar]

jīvikāṃ bandhayet pūjāpravāhārthaṃ dhanairapi |
evaṃ yaḥ śraddhayā kuryājjīvacchrāddhaṃ taducyate || 33 ||
[Analyze grammar]

varṣe varṣe tvekavāraṃ bhojanaṃ jalasaṃyutam |
yadvā bhavettathā dadyāt sthālanaivedyanāṇakam || 34 ||
[Analyze grammar]

pratimāsaṃ ca vā dadyāt pratyutsavaṃ tathā'rpayet |
pratipakṣaṃ diśedvāpi pratiparva diśedapi || 35 ||
[Analyze grammar]

evaṃ śrīharaye dattā jīvikā vṛttiruttamā |
akṣayāya phalāyaiṣā nityatṛptipradā bhavet || 26 ||
[Analyze grammar]

pārabrāhmaṃ śrāddhametallakṣmi proktaṃ mayā tu tai |
aiśvaraṃ cāpi vai śrāddhaṃ kathayāmi tu tacchṛṇu || 37 ||
[Analyze grammar]

yatra yatra me'vatārapratimāḥ santi mandire |
vāsudevādayo vyūhāḥ kapilādyāśca sādhavaḥ || 38 ||
[Analyze grammar]

śriyo lakṣmyaḥ pārṣadāśca pārṣadānyaśca yāḥ śubhāḥ |
vairājādyā īśvarāśca tebhyo dadyānnivedyakam || 39 ||
[Analyze grammar]

miṣṭānnaṃ ca jalaṃ peyaṃ phalaṃ kandaṃ dalādikam |
tāmcūlakādikaṃ kṣīraṃ dadyājjīvanmadhu tviha || 40 ||
[Analyze grammar]

tatsarvamaiśvaraṃ proktaṃ dattaṃ pratiphalāya tat |
paitryaṃ vadāmi te lakṣmi pitṛbhyaḥ pratipāditam || 41 ||
[Analyze grammar]

jale vā darbhamūle vā vṛkṣamūle'tha bhūtale |
viprahaste vipramukhe jīvan dadyāttu tṛptaye || 42 ||
[Analyze grammar]

āmapiṇḍān pakvamiṣṭānnāni dadyāttu bhojane |
śākapatraphalakandān kṣīraṃ dadyāttu tṛptaye || 43 ||
[Analyze grammar]

daivaṃ cāpi pradadyācca śrāddhaṃ devebhya ādarāt |
ādityebhyaśca rudrebhyo'śvibhyāṃ vasubhya ityapi || 44 ||
[Analyze grammar]

tathā'nyadevatābhyaśca dadyād yatheṣṭakaṃ śubham |
daivaṃ śrāddhaṃ hi tatproktaṃ vidhiṃ vadāmi saṃśṛṇu || 45 ||
[Analyze grammar]

parīkṣya bhūmiṃ vidhivad gandhaparṇarasādibhiḥ |
aśalyāyāṃ prakuryādvai sthaṇḍilaṃ saikataṃ śubham || 46 ||
[Analyze grammar]

madhyato hastamātraṃ vā kuṇḍaṃ suśobhanaṃ param |
upalipya vidhānena cā''lipyā'gniṃ vidhāya ca || 47 ||
[Analyze grammar]

anvādhāya yathāśāstraṃ parigṛhya ca sarvataḥ |
paristīrya yathāśāstraṃ pāramparyakramāgatam || 48 ||
[Analyze grammar]

samāpyā'gnimukhaṃ sarvaṃ sampūjya sthaṇḍile'nalam |
juhuyāt samidādyaiśca caruṇā ca pṛthak pṛthak || 49 ||
[Analyze grammar]

ghṛtenā'pi juhuyāccoddhṛtyātmanā surādiṣu |
sarvatastattvabhūtāni juhuyāt tṛptaye tadā || 50 ||
[Analyze grammar]

oṃ bhūrnamo'nādikṛṣṇanārāyaṇāya śārṅgiṇe |
oṃ bhūranādiśrīkṛṣṇanārāyaṇāya ca svāhā || 51 ||
[Analyze grammar]

oṃ bhuvaścā'vatārebhyo nama īśvarebhyastathā |
oṃ bhuvaścāvatārebhyaḥ svāhā īśvarebhyastathā || 52 ||
[Analyze grammar]

oṃ svarnamo jīvasṛṣṭibhyaḥ pitṛdevatādibhyaḥ |
oṃ svaḥ svāhā jīvasṛṣṭibhyaḥ pitṛdevatādibhyaḥ || 53 ||
[Analyze grammar]

oṃ bhūrvedhase'stu namaḥ oṃ bhūrvedhase svāhā |
oṃ bhuvarviṣṇave namaḥ oṃ bhuvarviṣṇave svāhā || 54 ||
[Analyze grammar]

oṃ svaḥ śaṃkarāya namaḥ oṃ svaḥ śaṃkarāya svāhā |
oṃ mahaḥ sureśāya namaḥ oṃ mahaḥ sureśāya svāhā || 55 ||
[Analyze grammar]

oṃ janaḥ pitṛbhyo namaḥ oṃ janaḥ pitṛbhyaḥ svāhā |
oṃ tapaḥ prakṛtaye namaḥ oṃ tapaḥ prakṛtaye svāhā || 26 ||
[Analyze grammar]

oṃ satyaṃ haraye namaḥ oṃ satyaṃ haraye svāhā |
oṃ kṛṣṇadharāṃ me gopāya ghrāṇe gandhaṃ devāya kṛṣṇāya bhūrnamaḥ || 57 ||
[Analyze grammar]

oṃ kṛṣṇadharāṃ me gopāya |
ghrāṇe gandhaṃ kṛṣṇāya bhū svāhā |
oṃ kṛṣṇadharāṃ me gopāya |
ghrāṇe gandhaṃ kṛṣṇasya patnyai bhūrnamaḥ svāhā || 58 ||
[Analyze grammar]

oṃ kṛṣṇadharāṃ me gopāya ghrāṇe gandhaṃ kṛṣṇapatnyai bhūḥ svāhā |
oṃ hare jalaṃ me gopāya jihvāyāṃ rasaṃ haraye bhuvo namaḥ || 59 ||
[Analyze grammar]

oṃ hare jalaṃ me gopāya jihvāyāṃ rasaṃ haraye bhuvaḥ svāhā |
oṃ hare jalaṃ me gopāya jihvāyāṃ rasaṃ hareḥ patnyai bhuvo namaḥ || 60 ||
[Analyze grammar]

oṃ hare jalaṃ me gopāya jihvāyāṃ rasaṃ hareḥ patnyai bhuvaḥ svāhā |
oṃ pareśā'gniṃ me gopāya netre rūpaṃ pareśāya svaro namaḥ || 61 ||
[Analyze grammar]

oṃ pareśā'gni me gopāya netre rūpaṃ pareśāyasvaḥ svāhā |
oṃ pareśā'gni me gopāya netre rūpapareśapatnyai svaroṃ namaḥ || 62 ||
[Analyze grammar]

oṃ pareśā'gniṃ me gopāya netrerūpaṃ pareśapatnyai svaḥ svāhā |
oṃ brahma vāyu me gopāya tvaci sparśaṃ brahmaṇe devāya maharnamaḥ || 63 ||
[Analyze grammar]

oṃ brahma vāyuṃ me gopāya |
tvaci sparśaṃ brahmaṇe devāya mahaḥ svāhā |
oṃ brahma vāyuṃ me gopāya |
tvaci sparśaṃ brahmapatnyai maharoṃ namaḥ || 64 ||
[Analyze grammar]

oṃ brahma vāyuṃ me gopāya |
tvaci sparśaṃ brahmapatnyai mahaḥ svāhā |
oṃ paravyoma suṣiraṃ me gopāya |
śrotre śabdaṃ paravyomne jano namaḥ || 65 ||
[Analyze grammar]

oṃ paravyoma suṣiraṃ me gopāya |
śrotre śabdaṃ paravyomne janaḥ svāhā |
oṃ paravyoma suṣiraṃ me gopāya |
śrotre śabdaṃ paravyomapatnyai jano namaḥ || 66 ||
[Analyze grammar]

oṃ paravyoma suṣiraṃ me gopāya |
śrotre śabdaṃ paravyomapatnyai janaḥ svāhā |
oṃ mukteśarajo me gopāya |
dravye tṛṣṇāṃ mukteśāya tapo namaḥ || 67 ||
[Analyze grammar]

oṃ mukteśarajau me gopāya |
dravye tṛṣṇāṃ mucośāya tapaḥ svāhā |
oṃ mukteśarajo me gopāya |
dravye tṛṣṇāṃ mukteśapatnyai tapo namaḥ || 68 ||
[Analyze grammar]

oṃ mukteśarajo me gopāya |
dravye tṛṣṇāṃ mukteśapatnyai tapaḥ svāhā |
oṃ bālakṛṣṇa satyaṃ me gopāya |
śraddhāṃ dharme bālakṛṣṇāya satyaṃ namaḥ || 69 ||
[Analyze grammar]

oṃ bālakṛṣṇa satyaṃ me gopāya |
śraddhāṃ dharme bālakṛṣṇāya satyaṃ svāhā |
oṃ bālakṛṣṇa satyaṃ me gopāya |
śraddhāṃ dharme bālakṛṣṇapatnyai satyaṃ namaḥ || 70 ||
[Analyze grammar]

oṃ bālakṛṣṇa satyaṃ me gopāya |
śraddhāṃ dharme bālakṛṣṇapatnyai satyaṃ svāhā |
oṃ jīvapate jīvanaṃ me gopāya |
ceṣṭaṃ paratra jīvapataye jīvanaṃ namaḥ || 71 ||
[Analyze grammar]

oṃ jīvapate jīvanaṃ me gopāya |
ceṣṭaṃ paratra jīvapataye jīvanaṃ svāhā |
oṃ jīvapate jīvanaṃ me gopāya |
ceṣṭaṃ paratra jīvapatepatnyai namaḥ svāhā || 72 ||
[Analyze grammar]

oṃ jīvapate jīvanaṃ me gopāya |
ceṣṭaṃ paratra jīvapatipatnyai jīvanaṃ svāhā |
o parabrahmaṇe namaḥ śrīpuruṣottamāya svāhā || 73 ||
[Analyze grammar]

oṃ pitre namaḥ pitre svāhā prapitre namaḥ prapitre svāhā |
oṃ prapitāmahāya namaḥ prapitāmahāya svāhā || 74 ||
[Analyze grammar]

oṃ bhūtebhyo namo bhūtebhyaḥ svāhā |
oṃ sūkṣmebhyo namo mātrābhyaḥ svāhā || 75 ||
[Analyze grammar]

omindriyebhyo nama indriyebhyaḥ svāhā |
oṃ prāṇebhyo namaḥ prāṇebhyaḥ svāhā || 76 ||
[Analyze grammar]

omantaḥkaraṇebhyo namo'ntaḥkaraṇebhyaḥ svāhā |
omātmane nama ātmane svāhā || 77 ||
[Analyze grammar]

oṃ kṛṣṇa dharāṃ ye chindhi ghrāṇe gandhaṃ |
chindhi me'ghaṃ bhūḥ svāhā bhuvaḥ svāhā svaḥ svāhā || 78 ||
[Analyze grammar]

evaṃ pṛthak pṛthak hutvā kevalena ghṛtena vai |
sahasraṃ vā tadardhaṃ vā śatamaṣṭottaraṃ tu vā || 79 ||
[Analyze grammar]

mahālakṣmīṃ ghṛtenaiva śatamaṣṭottaraṃ pṛthak |
prāṇādibhiśca juhuyād ghṛtenaiva ca kevalam || 80 ||
[Analyze grammar]

oṃ prāṇe niviṣṭo'mṛtaṃ juhomi |
harirmā''viśa pradāhāya prāṇāya svāhā |
prāṇā'dhipataye śrīharaye parabrahmaṇe kṛṣṇāya svāhā || 81 ||
[Analyze grammar]

oṃ bhūḥ svāhā bhuvaḥ svāhā svaḥ svāhā bhūrbhuvaḥ svaḥ svāhā |
evaṃ krameṇa juhūyāt śrāddhoktaṃ ca yathāyatham || 82 ||
[Analyze grammar]

pūrṇāhutiṃ tato dadyāt tṛptaye paramātmanaḥ |
paramātmapatnyāścāpi tṛptaye cārpayettataḥ || 83 ||
[Analyze grammar]

samāpyaivaṃ surān pitṝn svaṃ nāmnā cāpi vai diśet |
bhūtādīn sampradadyācca ṛṇavadbhyastathā'rpayet || 84 ||
[Analyze grammar]

anṛṇī ca tato bhūtvā yogīndrān bhojayed bahūn |
sādhūn sataḥ satīḥ sādhvīrbhojayed bālabālikāḥ || 85 ||
[Analyze grammar]

bāndhavān bhojayeccāpi divyān gurūn prabhojayet |
vaiṣṇavānāṃ ca pātrāṇāṃ vastrābharaṇakambalān || 86 ||
[Analyze grammar]

vāhanaṃ śayanaṃ yānaṃ kāṃsyatāmrādibhājanam |
haimaṃ ca rājataṃ dhenuṃ tilān kṣetraṃ ca vaibhavān || 87 ||
[Analyze grammar]

dāsīdāsagaṇāṃścāpi dadyācca dakṣiṇāmapi |
piṇḍaṃ ca surasaṃ dadyāt pṛthagaṣṭaprakārataḥ || 88 ||
[Analyze grammar]

tryahaṃ śrīviṣṇave dadyāccaruṃ ca kṣīrabhojanam |
mṛte kuryānna kuryādvā jīvan kuryānmṛto labhet || 89 ||
[Analyze grammar]

evaṃ kṛtvā mṛtasyā'tra śaucāśaucaṃ na vidyate |
jīvanmukto yataḥ so'sti tasya vai sūtakaṃ nahi || 90 ||
[Analyze grammar]

dāhakānāṃ snānamātraṃ sūtakaṃ nā'dhikaṃ tataḥ |
tadvaṃśe kanyakā putro yaḥ ko'pi vaṃśavardhanaḥ || 91 ||
[Analyze grammar]

so'pi mukto bhavatyeva pitruddhārakaro bhavet |
mucyante jīvataḥ śrāddhāt pitaro narakādapi || 92 ||
[Analyze grammar]

mucyate karmaṇā'nena mātāpitṛṛṇādayam |
kālaṃ prāpte gartavāso dahanaṃ jalavāhanam || 93 ||
[Analyze grammar]

yadbhavet sarvamevā'sya mokṣārthaṃ doṣavarjitam |
svenaiva svakṛtaṃ kāryaṃ tasmādṛṇaṃ vilīyate || 94 ||
[Analyze grammar]

bhautikaṃ gopaśubhyaśca dadyācchukādipakṣiṇe |
kīṭapataṃgaprāṇibhyo matsyādibhyo diśedapi || 95 ||
[Analyze grammar]

vṛkṣādibhyo dadedvāri kaṇān dehibhya ityapi |
bhikṣukebhyo'rpayedannaṃ vastraṃ pātraṃ samarpayet || 96 ||
[Analyze grammar]

yathāśakti diśed yastu svena hastena sarvathā |
mṛtasyā'sya dvādaśāhapratīkṣā naiva vidyate || 97 ||
[Analyze grammar]

yāti śīghraṃ vimānena puṇyaloke vṛṣesthitaḥ |
ātivāhikadevāstaṃ yadvā nayanti cordhvagāḥ || 98 ||
[Analyze grammar]

evaṃ lakṣmi prakartavyaṃ śrāddhaṃ jīvatpradānakam |
bhuktimuktipradaṃ syāttat svakaropārjitā'rpaṇam || 99 ||
[Analyze grammar]

svenahastena pacanaṃ svena hastena bhakṣaṇam |
svena hastenā'rjanaṃ ca svena hastena dānakam || 100 ||
[Analyze grammar]

yaḥ karoti jayatyatra paratrā'pi jayatyapi |
etacchravaṇataścāpi tathāpuṇyayuto bhavet || 101 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne jīvacchrāddhavidhinirūpaṇanāmā pañcaṣaṣṭyadhikaśatatamo'dhyāyaḥ || 165 ||
[Analyze grammar]