Chapter 161

śrīpuruṣottama uvāca |
śṛṇuta brahmakāntā yad pṛṣṭaṃ ratnasamudbhavam |
pūrvākhyānaṃ vadāmyatra balaprabalabhaktajam || 1 ||
[Analyze grammar]

vaikuṇṭhe pārṣadāḥ sarve ye vasanti mama priyāḥ |
balaśca prabalaścāpi dvau teṣu samatiṣṭhataḥ || 2 ||
[Analyze grammar]

śrīmallalitālakṣmyāstau dhāmni śrīpurasaṃjñake |
mayā tau preṣitau divyau pārṣadau dvārapālakau || 3 ||
[Analyze grammar]

śrīlalitāmahālakṣmyā cārthitau māṃ prati dhruvau |
mayā''jñaptau yayatustau śrīpurākhyaṃ śriyaḥ puram || 4 ||
[Analyze grammar]

satkṛtau tau lalitayā dvāḥpālatve niyojitau |
saśastrau cā'nalasau ca svāmibhaktiparāyaṇau || 5 ||
[Analyze grammar]

samukuṭau śubhaveṣau maṇiratnādibhūṣitau |
tejaḥparidhivṛttā''syau saumyau paṃkajalocanau || 6 ||
[Analyze grammar]

atha nityaṃ lalitāyāḥ sakhyo dāsyo'pyasaṃkhyakāḥ |
prātaścārghyādi cādāya samāyānti śriyā gṛham || 7 ||
[Analyze grammar]

divye śrīnirjhare snātvā kṛṣṇodyānasumāni ca |
nūtanāni sugandhīni samādāya prayānti ca || 8 ||
[Analyze grammar]

kāścit kadambapuṣpāṇi kāścid bākulakāni ca |
kāścidaśokapuṣpāṇi kāścit kundakalīḥ śubhāḥ || 9 ||
[Analyze grammar]

kāścit śrīkusumānyeva pārijātasumāni ca |
kāścicchṛṅgārapuṣpāṇi kāścittu kamalāni vai || 10 ||
[Analyze grammar]

kāścittu cāmpakānyeva kāścit sthalābjakāni ca |
nītvā kāścidyūthikānāṃ gucchānāṃ kusumāni ca || 11 ||
[Analyze grammar]

kāścit sahasrapatrāṇi tathā kādambakāni ca |
evaṃ sahasrarūpāṇi prasaṃgṛhya prayānti ca || 12 ||
[Analyze grammar]

kāściccandanakuṃkumakardamān gṛhya yāntyapi |
saṃgṛhya sarvaśṛṃgārocitavastūni cāparāḥ || 13 ||
[Analyze grammar]

itarāḥ kajjalādīni sugandhitailakāni ca |
gandhasārāṃśca kāścit saṃgṛhya yāntyarhaṇāya tāḥ || 14 ||
[Analyze grammar]

aparāstulasīpatrāṇi saṃgṛhya prayānti ca |
phalānyanyā bhojanāni cāparāḥ svarṇamudrikāḥ || 15 ||
[Analyze grammar]

parāśca ratnahārāṃśca chatracāmarakāṇi ca |
dhūpadīpānupadāśca nītvā yānti śriyaṃ prati || 16 ||
[Analyze grammar]

asaṃkhyātāḥ prayāntyeva sammardo gopure'bhavat |
sakhīnāṃ pūjikānāṃ vai kolāhalo'pi cotkaṭaḥ || 17 ||
[Analyze grammar]

aśabdaśravaṇo jāto gopure lalitāśriyāḥ |
yuvatīnāṃ tadā''veśenirgamādipravāhajaḥ || 18 ||
[Analyze grammar]

sammardo'bhūnmahāṃstatra gopure stabdhatākaraḥ |
prabalasyā''sanaṃ cāpi balasyā'pyāsanaṃ tathā || 19 ||
[Analyze grammar]

sammarditaṃ yuvatībhiḥ patantībhirhi pārśvayoḥ |
vedikopari kāściccārohayāmāsureva ca || 20 ||
[Analyze grammar]

sammardā'labdhamārgāstāḥ sammardabhayavepitāḥ |
prabalaścānujo hastau cāṃjalidhrau vidhāya ca || 21 ||
[Analyze grammar]

prārthayatyeva śanakairgamanārthaṃ sakhījanān |
asammardārthamevāpi sāmnā natvā vadatyapi || 22 ||
[Analyze grammar]

balastu balasampannaḥ prārthanayā vadatyapi |
śanairyāntu śanairyāntu sammarde mā''carantviha || 23 ||
[Analyze grammar]

āvayorāsane cāpi cūrṇite mardite yataḥ |
evaṃ śāntyā kathyamānāsvapi strīṣu tadā rame || 24 ||
[Analyze grammar]

sammarditāsu cānyonyaṃ patantīṣu ca gopure |
balasya pārṣadasyāpi patanaṃ samajāyata || 25 ||
[Analyze grammar]

tasyopari sakhīnāṃ ca pādanyāsāstadā'bhavan |
mukuṭo nāśamāpanno veṣo dhūliprakardamī || 26 ||
[Analyze grammar]

samajāyata śastrādi nyapataddhastatastathā |
evaṃ vai patane jāte balaḥ krodhamavāpa ha || 27 ||
[Analyze grammar]

jayāprajñāpāśavatīmāṇikyādisakhījanāt |
kaphoṇikābhyāṃ hastābhyāṃ pārśvābhyāṃ vakṣasā tathā || 28 ||
[Analyze grammar]

utthāyotsārayāmāsa dhakkāṃ datvā'tivegataḥ |
dhikkārāṃścāpi datvā sa patitāṃśca sakhījanān || 29 ||
[Analyze grammar]

dhṛtvā haste samuttolyotthāpya dūre'karottadā |
sakhyo'pyakāle patane pāravaśye'timardake || 30 ||
[Analyze grammar]

sammardādhīnapatanā vīkṣya kruddhaṃ balaṃ tathā |
dhikkurvantaṃ dadānaṃ ca dhakkāmutsāraṇasthitam || 31 ||
[Analyze grammar]

mārayantaṃ kaphoṇibhyāṃ pramattamiva vai ruṣā |
patasveti patatveti prāhurjayādayaśca tam || 32 ||
[Analyze grammar]

nātra yogyo bhavānāste strīgopure ruṣānvitaḥ |
prabalo'tra sadā yogyaḥ saumyaḥ sarvasaho muhuḥ || 33 ||
[Analyze grammar]

miṣṭākṛtirmadhurā ca vāṇī yasya śubhaśravā |
vinayaśca sahiṣṇutvaṃ taikṣṇyaṃ yatra na vidyate || 34 ||
[Analyze grammar]

nārītulyā'balaścāyaṃ prabalo'pi sudāsyabhṛt |
na dhikkāraṃ na vai dhakkāṃ karoti mardito'pi san || 35 ||
[Analyze grammar]

pratyuta stavanaṃ cāyaṃ karoti cābhivandati |
prabalo'yaṃ sadā yogyaḥ sthātumatra balo na tu || 36 ||
[Analyze grammar]

patatvevā'cirāt sṛṣṭau brahmāṇḍe vedhasaḥ khalu |
bhuṃkṣva phalaṃ kaphoṇīnāṃ phalaṃ durvinayasya ca || 37 ||
[Analyze grammar]

ityuktaḥ sahasā jāto vivarṇaḥ patanonmukhaḥ |
ruṣā yukto mānavāṃśca nārāyaṇabaledhitaḥ || 38 ||
[Analyze grammar]

svaṃ śreṣṭhaṃ manyamānaśca pratyāha vacanaṃ saruṭ |
jayāprajñāpāśavatīmāṇikyāścāparāḥ striyaḥ || 39 ||
[Analyze grammar]

yā māṃ patasva prāhurvai tāḥ patantvapi vedhasaḥ |
brahmāṇḍe yatra kutrāpi bhuvaṃ phalaṃ viyogajam || 40 ||
[Analyze grammar]

harerviyogajaṃ duḥkhaṃ dhāmaviyogajaṃ tathā |
ityevaṃ ca mitho vākye śāpātmake tu niḥsṛte || 41 ||
[Analyze grammar]

tacchrutvā śrīlalitākhyā lakṣmīstatra drutaṃ yayau |
vṛttāntaṃ sakalaṃ jñātvā kṣaṇaṃ śuśoca bhāminī || 42 ||
[Analyze grammar]

balaścāpi jayādyāstāṃ patane'pi vimuktaye |
prārthayāmāsuratyantaṃ śāpanivṛttimityatha || 43 ||
[Analyze grammar]

lalitāśrīḥ samuvāca madicchayā hyajāyata |
sammardaḥ patanādyaṃ ca śokastatra na vidyate || 44 ||
[Analyze grammar]

mayā'pi tatra gantavyaṃ yatra yūyaṃ sakhīstriyaḥ |
anādiśrīkṛṣṇanārāyaṇaḥ puruṣottamaḥ || 45 ||
[Analyze grammar]

tatra deśe svayaṃ cāpyāgamiṣyati na saṃśayaḥ |
lokoddhāraṇakāryārthe sakhīmānasapūrtaye || 46 ||
[Analyze grammar]

prajñeyaṃ ca jayeyaṃ ca pāśavatīyamityapi |
māṇikyeyaṃ kṛṣṇapatnyo bhaviṣyatha mayā saha || 47 ||
[Analyze grammar]

patanasya viyogasya duḥkha na syāddhi bhūtale |
kṛṣṇayogena satataṃ sukhavatyo bhaviṣyatha || 48 ||
[Analyze grammar]

aparaṃ ca balaścāyaṃ pārṣado hariṇoditaḥ |
madgopure niyuktaśca ruṣā śāpamavāptavān || 49 ||
[Analyze grammar]

so'pi kṛṣṇecchayā hyālpo madicchayā'pi vai tathā |
balo'yaṃ roṣayukto vai brahmāṇḍe vedhasaḥ khalu || 50 ||
[Analyze grammar]

āsureṇa tu bhāvena roṣeṇa sahito janu |
grahīṣyatīti devādyairmṛto mokṣamavāpsyati || 51 ||
[Analyze grammar]

taccharīrotthadhātūnāṃ pariṇāmātmakā bhuvi |
svarge cāpi sumaṇayo ratnāni bhautikāni ca || 52 ||
[Analyze grammar]

bhaviṣyantīti sarvatra pūjārhāṇi samantataḥ |
ityeva sumahatkāryakaraṇārthaṃ mayā'pi ca || 53 ||
[Analyze grammar]

nārāyaṇenā'pi devyāḥ patanaṃ cā'bhivāñcchitam |
balasya patanaṃ cābhivāñcchitaṃ maṇihetave || 54 ||
[Analyze grammar]

yathā'bhilaṣitaṃ me'pi tattathaiva bhaviṣyati |
balo'yaṃ pārṣado divyo nārāyaṇasya bhaktarāṭ || 55 ||
[Analyze grammar]

mahābhāgavataśreṣṭhaḥ pāvano lokapāvanaḥ |
tasya pāvanadehotthā maṇayo'pi ca pāvanāḥ || 56 ||
[Analyze grammar]

dhṛtāśca pāvanā lokān pāvayiṣyanti pāpataḥ |
rakṣayiṣyanti duḥkhebhyaścopadravebhya ityapi || 57 ||
[Analyze grammar]

vibhūṣāśca bhaviṣyanti ratnāni dehajāni vai |
maṇimūrtihariścāpi nivatsyati tu bhūtale || 58 ||
[Analyze grammar]

evaṃ mokṣo balasyāpi devairnārāyaṇena vai |
punaḥ śīghraṃ tataḥ sakhyo bhaviṣyati drutaṃ bhuvi || 59 ||
[Analyze grammar]

ahaṃ lalitārūpeṇa bhaviṣyāmyapi bhūtale |
anādiśrīkṛṣṇanārāyaṇadāsī nṛpātmajā || 60 ||
[Analyze grammar]

dakṣiṇe lalitālakṣmīrbhaviṣyāmi tu kāñcike |
anekoddhārakāryārthaṃ sarvaṃ yogyaṃ bhaviṣyati || 61 ||
[Analyze grammar]

ityuktvā lalitālakṣmīḥ śrīpure dhāmni gopure |
uktvā yayau svāsanaṃ ca jayādyā nyapatan drutam || 62 ||
[Analyze grammar]

brahmāṇḍe bhūtale cātra yatheṣṭaṃ janma cāpnuvan |
balo'pi cātra loke cā'surabhāvo vyajāyata || 63 ||
[Analyze grammar]

diteḥ putraḥ kaśyapādvai balako nāmato'bhavat |
mahāsuro hi daiteyaḥ sukeśyādyagrajo mahān || 64 ||
[Analyze grammar]

tapastepe samutpanno jātismaro'tiharṣitaḥ |
śatavarṣe merupṛṣṭhe viṣṇuṃ samabhidhyāya ca || 65 ||
[Analyze grammar]

pṛthvyāṃ tu mastakaṃ kṛtvā pādau kṛtvā tathā'mbare |
samādhimiva cāpanno vallikājālasaṃvṛtaḥ || 66 ||
[Analyze grammar]

pādayorvallikāpṛṣṭhe pakṣinīḍo vyajāyata |
vallībaddhaḥ śatavarṣaṃ niścalo'tiṣṭhipattathā || 67 ||
[Analyze grammar]

śuṣkamāṃso'bhavaccāpi nārāyaṇaṃ hadi smaran |
tadā'haṃ purato yātastasya śāpavimuktaye || 68 ||
[Analyze grammar]

mayā tā vallikāḥ sarvāḥ svahastena vidūritāḥ |
hastābhyāṃ ca mayā sṛṣṭaḥ kiñcijjñānamavāpa saḥ || 69 ||
[Analyze grammar]

viveda mama hastau sa komalau sparśamātrataḥ |
mayā cāplāvitastūrṇamūrdhvānano babhūva ha || 70 ||
[Analyze grammar]

cakāra daṇḍavaccāpi rurodāśrūṇi saṃtyajan |
premavihvalagātraścā'rthayanmokṣaṃ viyonitaḥ || 71 ||
[Analyze grammar]

viṣṇuḥ prāha sadā me tvaṃ bhakto'si pāvanastathā |
datvā svadarśanaṃ bhakta pāvito'si tato'dhikaḥ || 92 ||
[Analyze grammar]

śṛṇu śīghraṃ hi dānavyā yonervimokṣyase tvitaḥ |
tapastyaktvā cendralokaṃ yāhi balaṃ ca darśaya || 73 ||
[Analyze grammar]

daityaṃ bhaktaṃ vijetuṃ vai na śaktā devakoṭayaḥ |
bhaviṣyanti yadā sevāṃ kariṣyanti ca te tadā || 74 ||
[Analyze grammar]

prasannastvaṃ varadānaṃ tebhyo dāsyasi cottamam |
yajñe samit svarūpastvaṃ yācito vai bhaviṣyasi || 75 ||
[Analyze grammar]

tadvā te hananaṃ sarve kariṣyanti ca saṃhatāḥ |
tava dehasamutthāśca bhaviṣyanti tu hīrakāḥ || 76 ||
[Analyze grammar]

maṇayo vividhāścāpi ratnāni vividhāni ca |
mokṣaste ca tadā tūrṇaṃ bhaviṣyati na saṃśayaḥ || 77 ||
[Analyze grammar]

ityuktvā mama cakraṃ tu datvā'dṛśyo'bhavaṃ sa tu |
tapastyaktvā yayau svarge yuddhaṃ cendrādayācata || 78 ||
[Analyze grammar]

samare dattavān yuddhaṃ mahendro nirjito'munā |
sūryaścandro'pi vijitau dikpālā vijitā api || 781 ||
[Analyze grammar]

lokapālā jitāścāpi viṣṇusudarśanena vai |
indrādyā nirjitāstena tairnirjetuṃ na śakyate || 80 ||
[Analyze grammar]

devāḥ paravaśā bhūtvā balasevāṃ pracakrire |
sevayā sa balo'tyantaṃ prasādito varāya tān || 81 ||
[Analyze grammar]

surān sa prairayatte'pi surā vicārya vai tadā |
viṣṇuvākyaṃ prasaṃsmṛtyā'yācanta lābhakṛnnijam || 82 ||
[Analyze grammar]

yadi deyo varo no'sti yadi satyavaco bhavān |
yadi sevāpratuṣṭo'si bhaktimāṃśca narāyaṇe || 83 ||
[Analyze grammar]

tadā dehi vare sarvasureṣṭamekamuttamam |
yajño nārāyaṇaḥ sākṣāttatra samit svayaṃ bhava || 84 ||
[Analyze grammar]

asmābhirdevadaityaiśca nāgaiḥ sarpaiśca dānavaiḥ |
militvā homamāpanno mokṣastvaṃ vai gamiṣyasi || 85 ||
[Analyze grammar]

ityukto balako daityaḥ prasannaścātyajāyata |
viṣṇorarthe samit prāha bhāgyaṃ yat paramaṃ mama || 86 ||
[Analyze grammar]

devārthe maraṇaṃ sarvārpaṇaṃ śreṣṭhaṃ bhavediha |
mṛtyuśīlo hi saṃsāro maraṇaṃ devatārthakam || 87 ||
[Analyze grammar]

yadi labhyet go'rthaṃ ca gurvarthaṃ mādhavārthakam |
dharmārthaṃ dharmakāryārthaṃ tato lābhaḥ parastu kaḥ || 88 ||
[Analyze grammar]

aho bhāgyamaho bhāgyaṃ mama cā'dya paraṃ sthitam |
yadahaṃ viṣṇudevasya mukhagaḥ kalpitaḥ suraiḥ || 89 ||
[Analyze grammar]

ātmaniveditā me'dya sampatsyate suśobhanā |
vicāryetthaṃ tathāstvevaṃ varadānaṃ dadau tadā || 90 ||
[Analyze grammar]

surāśca varadānaṃ tat prāpya merostu paścime |
nitambe makhabhūmiṃ ca kārayāmāsurutsukāḥ || 91 ||
[Analyze grammar]

ākāritāstatra devā daityāśca dānavāḥ khagāḥ |
maharṣayaśca pitaro mānavā vṛkṣavallayaḥ || 92 ||
[Analyze grammar]

yakṣāśca rākṣasāścāpi piśācā bhūtayonayaḥ |
kuṣmāṇḍāḥ kinnarā nāgā gandharvā bhoginastathā || 93 ||
[Analyze grammar]

sarpā āsuramūrdhanyā apsarasastathā''pagāḥ |
samudrāśca tathā'raṇyānyapi bhūbhṛta ucchrayāḥ || 94 ||
[Analyze grammar]

meghāśca vidyutaścāpi khanayaścauṣadhivrajāḥ |
tattvānyāmantritānyevā''yayustatra mahā'dhvare || 95 ||
[Analyze grammar]

yajñakāryaṃ brahmaviṣṇumaheśādyaiḥ pravartitam |
balo dadau samidhrūpaṃ nijaṃ tatra tadā kṣaṇe || 96 ||
[Analyze grammar]

niṣasādā'dhvareyāvat prokṣito vardhinījalaiḥ |
tāvat samitsvarūpaḥ sa mahānadrisamo'bhavat || 97 ||
[Analyze grammar]

mahāpuṃjo yathāvṛkṣavallīsasyodbhavo'bhavat |
vrīhipuṣpaphalāḍhyaśca ghṛtamiṣṭaraso'bhavat || 98 ||
[Analyze grammar]

na jñāyate prāṇirūpo havyarūpo'bhavattadā |
sarvahavyāni cādrau vai dṛśyante tatra vai tadā || 99 ||
[Analyze grammar]

havyasya parvatākāraṃ balaṃ matvā vivartitam |
kṛtvā tu pāvanaṃ prokṣya devā homaṃ vyadhustadā || 100 ||
[Analyze grammar]

vahnāvāhutayastasya lakṣaśo vai tadā'bhavan |
bījakaṇājyaphalasadrasātmikā sugandhayaḥ || 101 ||
[Analyze grammar]

tasya viśuddhasattvasya balasyā'vayavāḥ śubhāḥ |
vahnau samidhaḥ kṣiptāstā ratnabījāni cā'bhavan || 102 ||
[Analyze grammar]

sūryacandrasamābhāni bījāni kuṇḍake tadā |
dṛṣṭvā surādayastāṃśca jagṛhurmūlyavedinaḥ || 103 ||
[Analyze grammar]

devānāmatha yakṣāṇāṃ siddhānāṃ pavanāśinām |
mānavānāṃ maharṣīṇāmadhvariṇāṃ samantataḥ || 104 ||
[Analyze grammar]

ratnabījamayo grāhaḥ sumahānabhavattadā |
kuṇḍād gṛhṇanti devādyā utplutyā'mbaramārgataḥ || 105 ||
[Analyze grammar]

saṃpragṛhya dūraṃ yānti vimānairvai nijān gṛhān |
parasparāvakarṣaiśca sammardo'bhūttadā mahān || 106 ||
[Analyze grammar]

ambare ratnabījārthamāskandanaṃ mahatvabhūt |
āskandite vyomamārgāt peturbījāni yāni ca || 107 ||
[Analyze grammar]

vegātpatatāṃ vimānairhastābhyāṃ patitāni ca |
parvateṣu samudreṣu saritsu kānaneṣvapi || 108 ||
[Analyze grammar]

vṛkṣeṣu meghamārgeṣu bhūmau sarovareṣvapi |
tattadguṇaiśca bījāni ratnāni cābhavaṃstadā || 109 ||
[Analyze grammar]

ādheyaguṇayuktāni vividhāni tadābhavan |
ityevaṃ ratnajātānāmudbhavo vaḥ prakīrtitaḥ || 110 ||
[Analyze grammar]