Chapter 144

śrīnārāyaṇīśrīruvāca |
yugadharmā hare nityā āhosvit parivartinaḥ |
yuge'nye cānyayugajā pravartante na vā vṛṣāḥ || 1 ||
[Analyze grammar]

śrīpuruṣottama uvāca |
yugadharmā rame nityā yugo dharmātmako hi saḥ |
kintu baliṣṭhapuruṣairvivartyante'nyayaugikāḥ || 2 ||
[Analyze grammar]

kalmaṣāḥ kalidharmā vai vivartyante ṛtaṃbharaiḥ |
dehadharmā vivartyante baliṣṭhairyogibhistathā || 3 ||
[Analyze grammar]

kāladharmā vivartyante satībhiḥ sādhvikādibhiḥ |
doṣadharmā vivartyante siddhaiśca sādhubhistathā || 4 ||
[Analyze grammar]

deśadharmā vivartyante samarthācāryapuṃgavaiḥ |
prajādharmā vivartyante rājabhiśca praśāsakaiḥ || 5 ||
[Analyze grammar]

yatidharmā vivartyante camatkāryavatārakaiḥ |
kanyādharmā vivartyante samājairlokapūjitaiḥ || 6 ||
[Analyze grammar]

utsavādyā vivartyante siddhavāgbhirjanairiha |
varṇadharmā vivartyante varṇāgryanītivedibhiḥ || 7 ||
[Analyze grammar]

āśrayāḥ parivartyante tyāgividehibhirjanaiḥ |
mānasāni vivartyante tvākarṣaṇaparairjanaiḥ || 8 ||
[Analyze grammar]

satyadharmā yatra satyaṃ puruṣe tatra santi vai |
tretādharmā rajoyuktaṃ sattvaṃ yatra pravartate || 9 ||
[Analyze grammar]

dvāparasya rajoyuktaṃ tamo manāk pravartate |
kalerdharmāstāmasā vai tamo yatra pravartate || 10 ||
[Analyze grammar]

sāttvike sattvadharmā vai tāmase kaliyojitāḥ |
sattvarajoyute tretārajastamoyute dvikaḥ || 11 ||
[Analyze grammar]

kṛte yuge catuṣpādvai lakṣmi dharmaḥ pravartate |
prāpyate bhagavāṃstena dharmakāmārthamokṣadaḥ || 12 ||
[Analyze grammar]

dharmo hi bhagavān kṛṣṇaḥ pūjā kṛṣṇo hi tarpaṇam |
homaḥ sandhyā tathā dhyānaṃ dhāraṇā sakalaṃ hariḥ || 13 ||
[Analyze grammar]

pādā dharmasya catvāraḥ satyaṃ dānaṃ tapo dayā |
dharmapātā hariścā'haṃ pādāḥ satyādayo mama || 14 ||
[Analyze grammar]

tretāyuge tripāddharmaḥ satyadānadayātmakaḥ |
yajñayāgādayaḥ sarvaṃ tretāyāmapyahaṃ rame || 15 ||
[Analyze grammar]

dvāpare dvicaraṇaśca dānadayātmakastvaham |
kalau dānaṃ pādamekaṃ dānātmako'smyahaṃ rame || 16 ||
[Analyze grammar]

satye śveto bhavāmyeva tretāyāṃ raktavarṇavān |
dvāpare'haṃ piśaṃgaśca kalau kṛṣṇo bhavāmyaham || 17 ||
[Analyze grammar]

sattvaṃ rajastama iti vartante puruṣe guṇāḥ |
pūruṣanoditāste'pi parivartanta ātmasu || 18 ||
[Analyze grammar]

prabhūtaṃ tu yadā sattvaṃ manobuddhīndriyāṇi ca |
tadā kṛtayugaṃ vidyājjñāne tapasi yadratiḥ || 19 ||
[Analyze grammar]

yadā karmasu kāmyeṣu śaktiryaśasi dehinām |
tadā tretā hṛdaye vai rajobhūtirmato bahiḥ || 20 ||
[Analyze grammar]

yadā lobhastvasantoṣo māno daṃbhaśca matsaraḥ |
kāmyakarmaratiścāpi dvāparaṃ tadrajastamaḥ || 21 ||
[Analyze grammar]

yadā sadā'nṛtaṃ nidrā hiṃsā kleśaśca tandrikā |
śokamohau bhayaṃ dainyaṃ tiṣyastadā tamo mataḥ || 22 ||
[Analyze grammar]

dvāpare vigate lakṣmi janāḥ kaṭukabhāṣiṇaḥ |
kāmapradhānabhāvāśca deśā dasyuviśeṣakāḥ || 23 ||
[Analyze grammar]

dharmāḥ pākhaṇḍapūrṇāśca prajābhakṣā nṛpāstadā |
śiśnodarasparśatṛpāḥ prajā bhūbhṛta ārthikāḥ || 24 ||
[Analyze grammar]

avratā baṭavo'śaucā vibhavaśca kuṭumbinaḥ |
tapasvino grāmavāsā nyāsino hyarthalolupāḥ || 25 ||
[Analyze grammar]

mahāhārā mahātṛṣṇāḥ kalau tu sādhavastadā |
tyajanti svāminaṃ bhṛtyāstāpasastyajati vratam || 26 ||
[Analyze grammar]

śūdrāstu pratigṛhṇanti vaiśyāstapaḥparāyaṇāḥ |
udvignāśca janāstiṣye piśācasadṛśīprajāḥ || 27 ||
[Analyze grammar]

anyāyabhojakā devātithipūjāvivarjitāḥ |
strīparāstu narāḥ sarve pitryudakavivarjitāḥ || 28 ||
[Analyze grammar]

bahuprajā'lpabhāgyāśca bhavantyeva kalau striyaḥ |
śiraḥkaṇḍūyanaparā ājñāṃ bhindanti sarvathā || 29 ||
[Analyze grammar]

tathā māyāmasūyāṃ ca vadhaṃ cāpi tapasvinām |
sādhayanti svārthaparāḥ pāpena vyākulendriyāḥ || 30 ||
[Analyze grammar]

kalau pramādako rogaḥ satataṃ kṣudbhayāni ca |
anāvṛṣṭibhayaṃ ghoraṃ deśānāṃ ca viparyayaḥ || 31 ||
[Analyze grammar]

anṛtaṃ bruvate lubdhāṃ durācārairduriṣṭakāḥ |
sarveṣāṃ mānavānāṃ tu sambandhāḥ sarvajātiṣu || 32 ||
[Analyze grammar]

śayanāsanabhojyāni caikakīrṇāni sarvathā |
bhrūṇahatyā vīrahatyā sādhuhatyā sthale sthale || 33 ||
[Analyze grammar]

svalpāyuṣye'pi mriyante kramaṃ vinā kuṭumbinaḥ |
alpatejobalāścāpyanṛtaprāyā adhārmikāḥ || 34 ||
[Analyze grammar]

rājavṛttisthitāścaurāḥ kāmācārāśca pārthivāḥ |
ekapatnyo na śiṣyanti vardhante cābhicārikāḥ || 35 ||
[Analyze grammar]

kāṣāyiṇaśca niḥkacchā vṛttyarthaṃ daivaliṅginaḥ |
upahṛtya parānnādi sādhayanti nijārthakam || 36 ||
[Analyze grammar]

śvapacā rājyakartāro viprāsteṣāṃ hi sevakāḥ |
sevante śvapacān viprāḥ śrutabhāgyabalākṣayāḥ || 37 ||
[Analyze grammar]

vedaśāstrāgamadharmā vighnarūpāḥ kalau rame |
utsāditā bhavantyeva dharmasaṃkaratā'tra vai || 38 ||
[Analyze grammar]

yajñā naiva bhavantyeva vivāhā na tadā kalau |
manaḥprasannatāheturdāmpatye sveṣṭacāritā || 39 ||
[Analyze grammar]

mlecchācāraṃ prajāḥ sarvāḥ kalau śreṣṭhaṃ vadanti hi |
citravarṣī tadā devaḥ sasyānāṃ citrapākatā || 40 ||
[Analyze grammar]

sarve lobhavaṇigvṛttāḥ kapaṭaivikrayārthinaḥ |
nā'vyāhṛtakrūravākyo nā''rjavī nā'nasūyakaḥ || 41 ||
[Analyze grammar]

nopakārī na ca pratyupakārī pāpake yuge |
nṛpaśūnyā vasumatī na ca dhānyadhanāvṛtā || 42 ||
[Analyze grammar]

nindakāśca patitāśca kalau bhavanti sarvathā |
maṇḍalāni bhavantyeva deśeṣu nagareṣu ca || 43 ||
[Analyze grammar]

rājakāryakarāṇyeva dharmaghnāni kalau yuge |
alpodakā cālpaphalā vasuhīnā vasundharā || 44 ||
[Analyze grammar]

goptāraścāpyagoptāro luṇṭakāścāpyaśāsakāḥ |
hartāraḥ paravittānāṃ parastrīputrayoṣitām || 45 ||
[Analyze grammar]

sāhasrapriyaduṣṭāśāḥ pranaṣṭacetanā janāḥ |
mukhe miṣṭā hṛdi duṣṭā bhavanti suhṛdaḥ kalau || 46 ||
[Analyze grammar]

caurāścaurasvahartāro harturhartā kalau paraḥ |
kīṭamūṣakasarpāśca dharṣayanti kalau hi tān || 47 ||
[Analyze grammar]

bahavaścaiva panthānaḥ sampradāyāḥ kalau yuge |
pracchannādharmabhoktāro bahiśceṣṭapradarśinaḥ || 48 ||
[Analyze grammar]

devasādhuyatiyogisādhvīdhanānnabhoginaḥ |
kṣuttṛptā mānavā puṣṭiṃ kurvanti kupathasya vai || 49 ||
[Analyze grammar]

satye śatābdiko dharmastretāyāṃ vārṣikaḥ sa tu |
dvāpare māsikaḥ so'pi kalau cāhnika eva saḥ || 50 ||
[Analyze grammar]

āhnikaṃ cāpi dharmaṃ taṃ jahatyeva kalau janāḥ |
vyākulāśca paribhrāntāḥ parasparabhayārditāḥ || 51 ||
[Analyze grammar]

svān prāṇān parirakṣanto niṣkāruṇyāḥ sudukhitāḥ |
nirmaryādā nirākrāntā niḥsnehā nirapatrapāḥ || 52 ||
[Analyze grammar]

udyamavarjitāścāpi māṃsāhārā janāḥ kalau |
samudratīravāsāśca matsyāhārāstu sarvathā || 53 ||
[Analyze grammar]

aniketā valkalāḍhyā bhūśayyā mānavāstadā |
paśavo mānavā daivāḥ pakṣiṇo jalacāriṇaḥ || 54 ||
[Analyze grammar]

samavṛttāḥ prāyaśo vai kalau sāṃkaryabhoginaḥ |
ahaṃ nārāyaṇastatra prerayāmi nijāśritān || 55 ||
[Analyze grammar]

divyadehān pārṣadānme ṛṣirūpān hi tāpasān |
dharmasaṃsthāpanārthāya te vasanti hyagocarāḥ || 56 ||
[Analyze grammar]

parvateṣu śubhācārā vanyamūlaphalāśinaḥ |
yugalāni prajāyante tebhyo dharmamayāni ca || 57 ||
[Analyze grammar]

sarvaiśvaryasamarthāni vedabhaktiyutāni ca |
mamā'vatārairbahavo hanyante duṣṭajātayaḥ || 58 ||
[Analyze grammar]

ativātātivṛṣṭyādyairnaśyanti cābdhitīragāḥ |
tato vanānāmṛṣayo mama putrāśca pārṣadāḥ || 59 ||
[Analyze grammar]

pravartante kārtavīryā bhūmau santānakāriṇaḥ |
evaṃ kṛtasya santānaḥ kaleścaiva kṣayastathā || 60 ||
[Analyze grammar]

kṛtasya yogyatāyuktā jāyante pārṣadarṣayaḥ |
upabhogasamarthāśca divyadehāḥ ṛtavratāḥ || 61 ||
[Analyze grammar]

vairāgyayoginaḥ sarve cātmabodhaparāstathā |
santuṣṭāstapaāsthāśca dharmiṣṭhā bhaktiśīlinaḥ || 62 ||
[Analyze grammar]

saptarṣayastadā svargādāgatyaiṣu vasanti ca |
satyaṃ saptarṣayo dharmaṃ kathayantīha teṣu ca || 63 ||
[Analyze grammar]

tiṣṭhanti ye kalau siddhā adṛṣṭā viharanti ca |
prakāśaṃ te samāyānti hyācāryāste bhavanti hi || 64 ||
[Analyze grammar]

guravo lokarakṣārhāḥ prajāsu viharanti ca |
yogyabrahmamahāvaṃśotthebhyo rājyaṃ dadatyapi || 656 ||
[Analyze grammar]

evaṃ kṛtaṃ yugaṃ lakṣmi punastatra pravartate |
tvaṃ kalau kṣīṇatāṃ yātā satye punaḥ pravardhase || 66 ||
[Analyze grammar]

śuddhiṃ tvaṃ labhase lakṣmi sādhusādhvīsamāgamāt |
āsurī yātudhānī ca paiśācī yakṣarākṣasī || 67 ||
[Analyze grammar]

tiṣyā tvaṃ satyarūpā vai daivī lakṣmīḥ prajāyase |
yugalāni tadā satye prāyaśo gṛhadharmiṇaḥ || 68 ||
[Analyze grammar]

yatitulyāśca yatayo brahmacaryaparāyaṇāḥ |
akāmāścātiniṣkāmā ātmānandavihāriṇaḥ || 69 ||
[Analyze grammar]

saṃkalpamātrayogāśca strīdṛṣṭimātrayoginaḥ |
mānasyaśca prajāścāpi putrapautrādayaḥ punaḥ || 70 ||
[Analyze grammar]

sādhusādhvīsvarūpāste bhavanti cāgate kṛte |
devā'suramanuṣyāśca yakṣagandharvarākṣasāḥ || 71 ||
[Analyze grammar]

dharmavratāḥ prajāyante satyayugabalāddhi te |
pariṇāhocchraye tulyā jāyante pūrvavatpunaḥ || 72 ||
[Analyze grammar]

bale yoge tathaiśvarye sampatsu ca samādhiṣu |
vyomagatau jalagatau jāyante pūrvavatpunaḥ || 73 ||
[Analyze grammar]

medhāyāṃ ca vikāse ca bhautikeṣu yathā purā |
tathā kṛte prajāyante mama saṃkalpanoditāḥ || 74 ||
[Analyze grammar]

paśavaḥ pakṣiṇaścāpi dhenavaḥ kāmadhenavaḥ |
taravaḥ kalpataravo vallikāḥ kalpavallikāḥ || 75 ||
[Analyze grammar]

mānavā divyadehāśca yoṣito divyayoṣitaḥ |
tathā kṛte prajāyante yathā pūrve kṛte'bhavan || 76 ||
[Analyze grammar]

kintu lakṣmi brāhmasaṃjñānmuhūrtāt prātarūnakam |
prātaḥkālāt saṃgavaśca tato madhyāhnakaṃ tathā || 77 ||
[Analyze grammar]

tato'parārdhā'rdhakālaḥ sāyaṃ nyūnabalaṃ tataḥ |
evaṃ kṛtā yugāḥ sarve pūrvapūrvatarūnakāḥ || 78 ||
[Analyze grammar]

manāksvalpabalāścāpi manāk hrāsapramarditāḥ |
uttarottarahrāsayuktāstatastulyā na sarvathā || 79 ||
[Analyze grammar]

sṛṣṭyāraṃbhasthasatyādvai pare satyayugāstataḥ |
nyūnabalā bhavantyeva nādisatyasamā hi te || 80 ||
[Analyze grammar]

mama yogabalaṃ pūrṇaṃ yatra tatrādisadṛśāḥ |
mannyūnabalavadvyaktau nyūnabalaṃ kṛtaṃ yugam || 81 ||
[Analyze grammar]

evameva vijānīhi madvinā nirbalaṃ jagat |
yatrā'haṃ tatra sarvatra gārhasthye'pi hi sādhutā || 82 ||
[Analyze grammar]

yatra nā'haṃ tatra lakṣmi sādhutve'pi na sādhutā |
yasmin kasmin yuge lakṣmi yenā'haṃ samupārjitaḥ || 83 ||
[Analyze grammar]

tenā'rjitaḥ satyayugaḥ sarvaṃ tenārjitaṃ priyam |
lakṣmi santaḥ pravakṣyāmi sādhūnatha tataśca vai || 84 ||
[Analyze grammar]

saṃyujya brahmaṇā hyantastena santaḥ pracakṣate |
santaṃ śrīparamātmānaṃ tanvanti ye prajāsu ca || 85 ||
[Analyze grammar]

santaste sādhnuvanti svakāryaṃ mokṣātmakaṃ tathā |
pareṣāṃ mokṣakāryaṃ ca sādhayanti ha sādhavaḥ || 86 ||
[Analyze grammar]

divyānāṃ karmaṇāṃ lakṣmi sādhanāt sādhurucyate |
brahmaṇi caraṇāllakṣmi brahmacārī sa eva saḥ || 87 ||
[Analyze grammar]

gurorhitaḥ svahitakṛt satye hite sadā rataḥ |
sādhurvai brahmacārī ca hitakṛt sādhusattamaḥ || 88 ||
[Analyze grammar]

kāraṇāt sādhanāccaiva gṛhasthaḥ sādhurucyate |
satyayuge gṛhasthāste sādhutulyā hi sādhavaḥ || 89 ||
[Analyze grammar]

tāpasāste tathā'raṇye vaikhānasā hi sādhavaḥ |
yatamānā yatayaśca sādhavo yogasādhanāt || 90 ||
[Analyze grammar]

dharmaścoccagatiḥ proktaḥ kuśalānāṃ pradāyakaḥ |
nārāyaṇena ṛṣiṇā brahmaṇā nirmito vṛṣaḥ || 91 ||
[Analyze grammar]

dārāgnihotrapūjādirvarṇāśramavibhāgaśaḥ |
sadbhirācaritastasyācchiṣṭācāraḥ sa ucyate || 92 ||
[Analyze grammar]

śiṣṭā me pārṣadāḥ putrāḥ śiṣyā maharṣayastathā |
śiṣyante ye'tra dharmārthaṃ lokasantānakāriṇaḥ || 93 ||
[Analyze grammar]

pūrvaiḥ pūrvataraiḥ śiṣṭairācaryate punaḥ punaḥ |
pūrvaiḥ pūrvairmatatvācca śiṣṭācāraḥ sa śāśvataḥ || 94 ||
[Analyze grammar]

dānaṃ satyaṃ tapo bhaktirvidyejyā pūjanaṃ damaḥ |
aṣṭaitāni caritrāṇi śiṣṭācāro hi sammataḥ || 95 ||
[Analyze grammar]

brahmacaryaṃ tapo maunaṃ nirāhāratvamityapi |
sevanaṃ nijapitrośca gurorāśrayaṇaṃ tathā || 96 ||
[Analyze grammar]

ṣaṭkametatsādhudharmo gṛhasthāḥ sādhavastataḥ |
māyāpravāhamāsādya no vahate taratyapi || 97 ||
[Analyze grammar]

tārakaḥ sādhurevā'yaṃ gṛhastho'pi hi sajjanaḥ |
śiṣṭācārapravṛddhaśca vṛṣo vai sādhusammataḥ || 98 ||
[Analyze grammar]

karmaṇāṃ mayi nyāsastu sannyāsaḥ sādhudharmakaḥ |
brahmastotraṃ vidhistotraṃ guṇastotraṃ harermama || 99 ||
[Analyze grammar]

pravartyante pūrvarītyā śiṣṭaiḥ sadbhiḥ sudhārmikaiḥ |
jñānaṃ vairāgyamaiśvaryaṃ dharmaśceti catuṣṭayam || 100 ||
[Analyze grammar]

sāṃsiddhikāni yeṣāṃ vai sādhavaḥ ṛṣayaśca te |
ṛṣante paramaṃ brahma tataste ṛṣayo mataḥ || 101 ||
[Analyze grammar]

gatyarthādṛṣaterdhātoḥ sārthakatvaṃ hi sādhuṣu |
īśvarāṇāṃ sutā ye ca mānasāścaurasāstathā || 102 ||
[Analyze grammar]

ṛṣiputrāḥ ṛṣīkāśca ṛṣayaste tapodhanāḥ |
brahmaputrā brāhmaṇāśca kṣatriyāśca viśastathā || 103 ||
[Analyze grammar]

ṛṣiputrāḥ ṛṣayaste lokasantānahetavaḥ |
ityevaṃ lakṣmi bahudhā satyadharmā hi sādhavaḥ || 104 ||
[Analyze grammar]

satye punaḥ pravartante gṛhasthā api sādhavaḥ |
teṣāmāśrayaṇānmokṣo bhuktiśca jāyate dhruvam || 105 ||
[Analyze grammar]

paṭhanācchravaṇāccāpi smaraṇāt sādhusaṃgateḥ |
phalaṃ bhuktimokṣarūpaṃ jāyate nātra saṃśayaḥ || 106 ||
[Analyze grammar]

sarveṣvapi yugeṣveva guṇaścaiko mahān rame |
kṛṣṇasya me kīrtanādvai bhavedeva hi mokṣaṇam || 107 ||
[Analyze grammar]

kṛte yajñe harirlabhyastretāyāṃ japato'rjyate |
dvāpare sevayā prāpyo hariḥ kalau tu kīrtanāt || 108 ||
[Analyze grammar]

kalirdoṣanidhistatra guṇo hariprakīrtanam |
dvāparo'rdhadurito'pi guṇavān mama janmataḥ || 109 ||
[Analyze grammar]

satyādau nā'tijanmā'haṃ sarvāḥ sādhuprajāyataḥ |
bhavāmyahaṃ kalau bhūyaścā'nyayugavyapekṣayā || 110 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne yugadharmāṇāṃ parivartanavivecanādinirūpaṇanāmā catuścatvāriṃśadadhikaśatatamo'dhyāyaḥ || 144 ||
[Analyze grammar]