Chapter 134

śrīpuruṣottama uvāca |
śṛṇunārāyaṇīśri tvaṃ lakṣahomagrahādhvaram |
sarvakāmapradaṃ sarvavighnaśāntikaraṃ sukham || 1 ||
[Analyze grammar]

pitṝṇāṃ vallabhaṃ śreṣṭhaṃ bhuktimuktiphalapradam |
grahatārābalaṃ dṛṣṭvā kṛtvā brāhmaṇavācanam || 2 ||
[Analyze grammar]

gṛhasyottarapūrveṇa maṇḍapaṃ kārayennavam |
dvādaśahastavistāraṃ caturasramudaṅmukham || 3 ||
[Analyze grammar]

daśahastamaṣṭahastaṃ ca vā prakārayettu tam |
prāgudakplavanāṃ bhūmiṃ kārayet sarvarakṣiṇīm || 4 ||
[Analyze grammar]

kuṇḍaṃ samekhalaṃ kuryāccaturasraṃ sayonikam |
prāguttare maṇḍapā'dhobhāge raṃgādirañjitam || 5 ||
[Analyze grammar]

caturaṃgulavistārāṃ mekhalāṃ tadvaducchrayām |
dvihastavistṛtaṃ tadvaccaturhastāyataṃ śubham || 6 ||
[Analyze grammar]

lakṣahome racayedvai kuṇḍaṃ śobhāvahaṃ tathā |
tasya cottarapūrveṇa vitastitrayamānakam || 7 ||
[Analyze grammar]

prāgudakpravaṇaṃ tacca caturasraṃ samantataḥ |
viṣkambhādhocchritaṃ kāryaṃ sthaṇḍilaṃ śilpakarmaṇā || 8 ||
[Analyze grammar]

saṃsthāpanāya devānāṃ vapratrayasamāvratam |
dvyaṅgulordhvaḥ prathamastu vapraḥ kāryaḥ śubhāvahaḥ || 9 ||
[Analyze grammar]

vapradvayaṃ cāṃgulordhvaṃ pratyekaṃ vai tathopari |
daśāṃgulocchritā bhittiḥ sthaṇḍile vai tathopari || 10 ||
[Analyze grammar]

tatra tvāvāhayet devān puṣpataṇḍulakāsane |
sūryādīnadhidevādīṃstathā pratyadhidevatāḥ || 11 ||
[Analyze grammar]

garutmānadhikastatra sampūjyaḥ śriyamicchatā |
viṣṇubhakto mahābhakto viṣapāpaharo'si vai || 12 ||
[Analyze grammar]

sukhado viṣṇubhaktānāṃ śāntimṛddhiṃ prayaccha me |
kuṃbhamāmantrya vidhinā lakṣahomān samācaret || 13 ||
[Analyze grammar]

samitsaṃkhyādhikān homān samācaretpraśāntaye |
ghṛtakuṃbhavasordhārāṃ pātayedanalopari || 14 ||
[Analyze grammar]

audumbaryā bāhumārgadīrghayā juhuyāt sruvā |
śrāvayet sūktamāgneyaṃ vaiṣṇavaṃ raudramaindavam || 15 ||
[Analyze grammar]

mahāvaiśvānaraṃ sāma jyeṣṭhasāma ca vācayet |
snānayed yajamānaṃ ca svastivācanamuccaret || 16 ||
[Analyze grammar]

sudadyād dakṣiṇāścāpi bhūyasīḥ śāntacetasā |
ṛtvigbhyaśca caturbhyo vā dvābhyāṃ vā dakṣiṇāṃ dadet || 17 ||
[Analyze grammar]

bhakṣyabhojyāni dānāni goratnāni tathā'rpayet |
śayanāni savastrāṇi haimāni kaṭakāni ca || 18 ||
[Analyze grammar]

kaṇāṃgulipavitrāṇi kaṇṭhahārān suvarṇajān |
bhūṣaṇāni dhanaṃ dadyād vittaśāṭhyaṃ na cā''caret || 19 ||
[Analyze grammar]

annadānaṃ prakuryācca subhikṣavarṣadāyakam |
sādhūn viprān bālabālā bhojayed vividhānnakam || 20 ||
[Analyze grammar]

annahīno dahed rāṣṭraṃ mantrahīnastu ṛtvijaḥ |
yaṣṭāraṃ dakṣiṇāhīnaṃ nāsti yajñasamo ripuḥ || 21 ||
[Analyze grammar]

sakāmo lakṣahomāṃśca kṛtveṣṭakāmamāpnuyāt |
putrārthī labhate putrān dhanārthī labhate dhanam || 22 ||
[Analyze grammar]

bhāryārthī śobhanāṃ bhāryāṃ patyarthinī patiṃ priyam |
bhraṣṭarājyastathā rājyaṃ śrīkāmaḥ śriyamāpnuyāt || 23 ||
[Analyze grammar]

mānaṃ labhate mānārthī prādhānyaṃ lokavanditam |
vijayārthī jayaṃ cāpi labhate sārvakālikam || 24 ||
[Analyze grammar]

yaṃ yaṃ prārthayate kāmaṃ caiśvaryaṃ siddhimityapi |
taṃ taṃ labhate yajñena grahāṇāṃ samanugrahāt || 25 ||
[Analyze grammar]

niṣkāmaḥ kurute yajñaṃ sa parabrahma gacchati |
tatra bhuṃkte parān bhogān sukhamānantyamaśnute || 26 ||
[Analyze grammar]

atha nārāyaṇīśri tvaṃ śṛṇu yajñaṃ tatodhikam |
asmācchataguṇo yajñaḥ koṭihomaḥ prajāyate || 27 ||
[Analyze grammar]

āhutibhiḥ śraddhayā ca dakṣiṇābhiḥ phalena ca |
maṇḍape grahadevānāvāhayedupadevatāḥ || 28 ||
[Analyze grammar]

pratyupadevānāvāhya śuddhisnānādi cācaret |
koṭihome caturhastaṃ caturasraṃ samantataḥ || 29 ||
[Analyze grammar]

yonivakradvayopetaṃ kuryāt kuṇḍaṃ trimekhalam |
prathamā dvyaṅgulordhvā tryaṅgulordhvā tu dvitīyakā || 30 ||
[Analyze grammar]

ucchrāyavistarābhyāṃ tu tṛtīyā caturaṃgulā |
vitastimātrā yoniśca ṣaṭsaptāṃgulavistṛtā || 31 ||
[Analyze grammar]

kūrmapṛṣṭhonnatā madhye pārśvayoścāṅgulocchritā |
gajoṣṭhasadṛśī tadvadāyatā chidraśobhitā || 32 ||
[Analyze grammar]

aśvatthapatratulyā''bhā''kṛtirekhādirājitā |
vedī caturvitastiḥ syāccaturasrā trivapriṇī || 33 ||
[Analyze grammar]

vaprapramāṇaṃ pūrvoktaṃ vedyucchrayo'pi tadvidhaḥ |
maṇḍapaḥ ṣoḍaśahastaścaturmukhaḥ suśobhitaḥ || 34 ||
[Analyze grammar]

maṇḍape pūrvagadvāre bahvṛcaṃ sthāpayed dvijam |
yajurvidaṃ dakṣiṇe ca paścime sāmavedinam || 35 ||
[Analyze grammar]

uttare'tharvavijñaṃ ca tathā'ṣṭau homakā'rthinaḥ |
evaṃ dvādaśa viduṣaḥ pūjayed bhaktisaṃbhṛtaḥ || 36 ||
[Analyze grammar]

kuṃkumā'kṣatabhūṣādyairvastramālyānulepanaiḥ |
rātrisūktaṃ rudrasūktaṃ pavamānaṃ sumaṃgalam || 37 ||
[Analyze grammar]

śāntipāṭhaṃ vācayet prāṅbahvṛcānanataḥ purā |
śāntaṃ śākraṃ ca saumyaṃ ca kauṣmāṇḍaṃ śāntimeva ca || 38 ||
[Analyze grammar]

pāṭhayed dakṣiṇaviprānanād yajurvido hyatha |
suparṇaṃ cāpi vairājamāgneyaṃ rudrasaṃhitām || 39 ||
[Analyze grammar]

jyeṣṭhaṃ sāma tathā śāntiṃ paṭhedvai paścimo dvijaḥ |
śāntiṃ sūktaṃ ca sauraṃ ca tathā śākunakaṃ param || 40 ||
[Analyze grammar]

pauṣṭikaṃ ca mahārājyamuttarasthaḥ paṭhed dvijaḥ |
pañcabhiḥ saptabhiścātra homaḥ kāryo dvijottamaiḥ || 41 ||
[Analyze grammar]

vasordhārāvidhānaṃ ca daśottaraṃ hi pūrvataḥ |
evaṃ kṛtvā koṭihomān sarvān kāmānavāpnuyāt || 42 ||
[Analyze grammar]

viṣṇupadaṃ vrajeccāpi padamindrasya gacchati |
vairājaṃ ca padaṃ labdhvā yāti dhāmā'kṣaraṃ mama || 43 ||
[Analyze grammar]

aśvamedhā'dhvarāṇāṃ yaścāṣṭādaśasahasrakam |
kṛtvā yatphalamāpnoti koṭihomāt tadaśnute || 44 ||
[Analyze grammar]

brahmahatyāsahasrāṇi bhrūṇahatyā'rbudāni ca |
koṭihomādhvareṇaiva naśyanti mama yogataḥ || 45 ||
[Analyze grammar]

grahayajñatrayaṃ kuryād yastu prasannatāṃ mama |
icchan so'pi vrajecchāntiṃ pīḍānāṃ me prabhāvataḥ || 46 ||
[Analyze grammar]

ya idaṃ śṛṇuyādvāpi śrāvayecca smaredapi |
na tasya grahapīḍā syād vartamānā tu naśyati || 47 ||
[Analyze grammar]

grahayajñatrayaṃ gehe likhitaṃ yasya vidyate |
na pīḍā tatra bālānāṃ na rogo na ca bandhanam || 48 ||
[Analyze grammar]

śṛṇu lakṣmi grahamūrtīryathā kāryāḥ suvarṇajāḥ |
padmāsanaḥ padmakaraḥ padmagarbhasamadyutiḥ || 49 ||
[Analyze grammar]

saptāśvaḥ saptarajjuśca dvibhujaśca kirīṭavān |
kuṇḍalāḍhyaḥ saparidhiḥ sūryaḥ kāryaḥ prabhānvitaḥ || 50 ||
[Analyze grammar]

śvetaḥ śvetāmbaradharaḥ śvetāśvaḥ śvetavāhanaḥ |
gadāpāṇirdvibāhuśca kartavyo varadaḥ śaśī || 51 ||
[Analyze grammar]

raktamālyāmbaradharaḥ śaktiśūlagadādimān |
caturbhujaḥ śvetaromā varado maṃgalo mataḥ || 52 ||
[Analyze grammar]

pītamālyāmbaradharaḥ karṇikārasamaprabhaḥ |
khaḍgacarmagadāpāṇiḥ siṃhastho varado budhaḥ || 53 ||
[Analyze grammar]

bṛhaspatiśca śukraśca pītaḥ śvetaḥ kramāttathā |
caturbhujau daṇḍinau ca sākṣasūtrakamaṇḍalū || 54 ||
[Analyze grammar]

indranīlaprabhaḥ śūlī varado gṛdhravāhanaḥ |
śaradhanuṣyadhārī ca kartavyo vai śanaiścaraḥ || 55 ||
[Analyze grammar]

nīlasiṃhāsanasthaśca rāhuḥ kṛṣṇaprabho mataḥ |
dhūmrā dvibāhavaḥ sarve gadāyutā ruṣānvitāḥ || 56 ||
[Analyze grammar]

gṛdhrāsanāḥ ketavaḥ kartavyāśca varadāstathā |
sarve kirīṭinaḥ kāryā ūrdhve'ṣṭayukśatāṃgulāḥ || 57 ||
[Analyze grammar]

śṛṇulakṣmi purā vaiśyo dhanadhānyasamṛddhimān |
lohāṃgāraitināmnā'bhavad deśe tu mālave || 58 ||
[Analyze grammar]

vyāpāreṇa mahāśreṣṭhī rājyakośābhirakṣakaḥ |
deśaprajādravyapātā dravyadātā'bhavattathā || 59 ||
[Analyze grammar]

yasyā'bhavan gṛhe vājigajāśca vāṭikāstathā |
udyānāni vicitrāṇi bhavanāni śubhāni ca || 60 ||
[Analyze grammar]

svarṇasiṃhāsanānyeva kalaśāḥ svarṇarājatāḥ |
nāryaḥ sauvarṇabhūṣāḍhyā ratnahārāvalīyutāḥ || 61 ||
[Analyze grammar]

vimānenā'rkatulyena viharanti pare'mbare |
dāsā dāsyaḥ śataṃ yasya bhṛtyā lakṣaṃ tu nityaśaḥ || 62 ||
[Analyze grammar]

karmacārā bhavantyasya dravyopārjanatatparāḥ |
prajārājā'mātyavargeṣvasya mānaṃ mataṃ bahu || 63 ||
[Analyze grammar]

sarvamāsācchubhaṃ kintu grahā duṣṭā yadā'sya tu |
duṣṭasthāne śaniścānye'bhavaṃstaiḥ pīḍito hyayam || 64 ||
[Analyze grammar]

rogī jāto mṛtaprāyo lakṣmīrdravyāṇi bhūbhṛtā |
luṇṭhitāni samagrāṇi putrāḥ kārāgṛhe kṛtāḥ || 65 ||
[Analyze grammar]

bhavanāni cāgnidagdhānyeva jānāti vai tadā |
vyāpārāḥ sarva evaite naṣṭaprāyāstadā'bhavan || 66 ||
[Analyze grammar]

kalaṃkena yaśohānirjātā'syāpi prajāsvapi |
samantato mahākaṣṭaṃ samāyātaṃ bhunakti saḥ || 67 ||
[Analyze grammar]

athā'syā''sīd gururvipro maharṣiścā'mṛṣāyanaḥ |
yogī trikāladarśī ca vedavid grahapūjakaḥ || 68 ||
[Analyze grammar]

nārāyaṇasya bhakto'pi vrataśīlopaśobhitaḥ |
sādhuḥ sāttvikabhāvāḍhyaḥ satyavrato'tividyakaḥ || 69 ||
[Analyze grammar]

lauhāṃ'gāraṃ nijyaśiṣyaṃ śrutvā kaṣṭapramagnakam |
draṣṭuṃ gṛhe samāyātaḥ kṛpayā preritastadā || 70 ||
[Analyze grammar]

vīkṣya śiṣyaṃ kaṣṭamagnaṃ naṣṭadravyaṃ vinā yaśaḥ |
putradaṇḍaṃ tathā rogaṃ dayāṃ parāmavāptavān || 71 ||
[Analyze grammar]

prāha lohāṃgārakaṃ taṃ kuru śāntiṃ grahasya vai |
gṛhaśāntyā grahamakhaiḥ kaṣṭaṃ dūraṃ gamiṣyati || 72 ||
[Analyze grammar]

anādiśrīkṛṣṇanārāyaṇaṃ śrīpuruṣottamam |
bhajā'nanyamanaskastvaṃ paraṃ saukhyamavāpsyasi || 73 ||
[Analyze grammar]

ityuktaḥ so'pi sahasā bhaktibhāvasamanvitaḥ |
tathaiveti samagṛhya kārayāmāsa maṇḍapam || 74 ||
[Analyze grammar]

kṛṣṇāṣṭamyāmūrjamāse kuṇḍaṃ cakāra śobhanam |
grahamūrtīḥ kānakīśca mama mūrtiṃ ca kānakīm || 75 ||
[Analyze grammar]

tvayā lakṣmyā ca sahitāṃ cakārā'tipraśobhanām |
vastrābhūṣaṇaśṛṃgārādyabhiśobhitavigrahām || 76 ||
[Analyze grammar]

adhidevān pratyadhidevatāśca maṇḍape tataḥ |
āsaneṣvāvāhayāmāsā'rcayāmāsa vaidhataḥ || 77 ||
[Analyze grammar]

aṣṭottaraśataviprān vavre japārthameva saḥ |
koṭijapān vedavidbhiḥ kārayāmāsa sarvathā || 78 ||
[Analyze grammar]

pūjānte pradadau dānaṃ guptaṃ pṛthvyāḥ pragartataḥ |
niṣkāsya lakṣasauvarṇamudrāṇāṃ lakṣyavarjitam || 79 ||
[Analyze grammar]

aprakāśaṃ yadāsīttad ratnamāṇikyahīrakān |
dadau dāne tu viprebhyo gogajā'śvādikaṃ tathā || 80 ||
[Analyze grammar]

naivedyāni yathoktāni dadau peyāni yāni ca |
devebhyo balidānāni sāttvikāni dadau tathā || 81 ||
[Analyze grammar]

bhojayāmāsa viprāṃśca sādhūn sādhvīśca yoṣitaḥ |
bālāṃśca bālikāścapi dīnakṛpaṇaduḥkhinaḥ || 82 ||
[Analyze grammar]

nirāśritān nirdhanāṃśca kaṃgālāṃśca daridrakān |
puṇyān puṇyajanāṃścāpi bhojayāmāsa bhāvataḥ || 83 ||
[Analyze grammar]

sarvaṃ cakāra vidhinā pūjanaṃ mama te'pi ca |
grahaśāntyā yajñapuṇyairmama te ca prasādataḥ || 84 ||
[Analyze grammar]

lohāṃgārasya dehādvai rogo'naśyad drutaṃ tadā |
svasthobhavattato rājā dayāmagno'bhavacca tam || 85 ||
[Analyze grammar]

samāhūya dadau mānaṃ pūrvato'bhyadhikaṃ bahu |
mahāmātyapadaṃ tasmai prāyacchad devalādhipaḥ || 86 ||
[Analyze grammar]

prajāścāpi namaścakrurmānayāmāsurādarāt |
putrān rājā svayaṃ kārāgārādamocayattadā || 87 ||
[Analyze grammar]

atha caurāśca bhagnāśāstrastā rājyabhayaṃ gatāḥ |
coritaṃ sarmamevā'pi cikṣipurniśi catvare || 88 ||
[Analyze grammar]

prakāśaṃ prajayā prātardṛṣṭaṃ cāsmai niveditam |
prāptaṃ sarva dhanaṃ cāpi grahaśāntyā tadā rame || 89 ||
[Analyze grammar]

evaṃ sā prāpya sarvaṃ tat kalpayāmāsa dānakam |
svarṇaṃ ratnāni māṇikyaṃ hīrakān rūpyakāṇi ca || 90 ||
[Analyze grammar]

vaiṣṇavaṃ ca mahāyajñaṃ samārebhe dvijātibhiḥ |
sarvaṃ pratyāgataṃ dravyaṃ dadau sa dakṣiṇāḥ śubhāḥ || 91 ||
[Analyze grammar]

ahaṃ prasanno hyabhavaṃ tasya tasya gurostathā |
dadau svadarśanaṃ lakṣmi tvayā sākaṃ hyavabhṛthe || 92 ||
[Analyze grammar]

varā'rthaṃ deśitaḥ so'pi varaṃ vavre hi bhṛtyatām |
mayoktaṃ kuru ramyaṃ me mandiraṃ māṃ ca mandire || 93 ||
[Analyze grammar]

pratiṣṭhāpya sadā sevāṃ bhṛtyatāṃ kuru sarvathā |
kṛtvā tūrṇaṃ sa evaṃ vai dāsyaṃ cakre kuṭumbavān || 94 ||
[Analyze grammar]

ātmaniveditāṃ cakre bheje māṃ puruṣottamam |
vaiṣṇavaḥ paramo bhūtvā rājānaṃ devalābhidham || 95 ||
[Analyze grammar]

vaiṣṇavaṃ pracakārā'pi prajāśca vaiṣṇavīstathā |
cakāra nijayogena bhaktimatīḥ śubhakriyāḥ || 96 ||
[Analyze grammar]

lakṣavarṣaṃ kṣitau sthitvā svargaṃ bhuktvā yugāṣṭakam |
satyalokaṃ koṭivarṣaṃ vairājaṃ tu parārdhakam || 97 ||
[Analyze grammar]

bhuktvā vaikuṇṭhamevāpi yayau me tvakṣaraṃ padam |
pūrvakalpe mahālakṣmi katheyaṃ sampravartitā || 98 ||
[Analyze grammar]

adya me vartate dhāmni pārṣadaḥ sakuṭumbakaḥ |
evaṃ grahādhvaraṃ kṛtvā svargaṃ mokṣamavāpnuyāt || 99 ||
[Analyze grammar]

duḥkhanāśe sukhaṃ modaṃ pramodaṃ labhate'nvaham |
aniṣṭānāṃ vināśaṃ ca sveṣṭānāṃ labhate sthitim || 100 ||
[Analyze grammar]

nityaṃ rājan pūjayed yastasya śāntirhi śāśvatī |
grahapīḍā na jāyeta yakṣarakṣobhavā'pi na || 101 ||
[Analyze grammar]

caurakālakṛtā nāpi nāpi devakṛtāpi ca |
grahe śaktipradātā'haṃ rakṣāmi vaiṣṇavaṃ mama || 102 ||
[Analyze grammar]

śravaṇātpaṭhanādasya smaraṇāccānumodanāt |
grahaśāntisamāṃ śāntiṃ labhate nā'tra saṃśayaḥ || 103 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne grahamakhe lakṣajapahomakoṭijapahomādividhiḥ lohāṃgārakavaiśyasya sarvasvanāśottaraṃ grahaśāntyā punarlabdhirityādinirūpaṇanāmā catustriṃśadadhikaśatatamo'dhyāyaḥ || 134 ||
[Analyze grammar]