Chapter 108

śrīnārāyaṇīśrīruvāca |
bhagavan lokatattveṣu magnānāṃ dehināṃ kvacit |
bādhāyāmupapannāyāṃ kiṃ japyaṃ vada me'tra tat || 1 ||
[Analyze grammar]

anāthānāṃ śaraṇyaṃ kiṃ daivataṃ rakṣakaṃ ca kim |
balāśrayaṃ ca śubhadaṃ paramaṃ kiṃ vṛṣātmakam || 2 ||
[Analyze grammar]

āpadvināśakaṃ cāghakṣālakaṃ muktidaṃ param |
vāsanādhvaṃsakaṃ māyāgranthipāśavikartanam || 3 ||
[Analyze grammar]

śrīpuruṣottama uvāca |
anādiśrīkṛṣṇanārāyaṇanāmasahasrakam |
puruṣottamasāmākhyaṃ japannaman hariṃ ca mām || 4 ||
[Analyze grammar]

pūjayan sarvadā bhaktyā paṭhan sañcintayaṃśca mām |
sarvātmasusthitaṃ dhyāyan sarvabādhāḥ samuttaret || 5 ||
[Analyze grammar]

śaraṇyaṃ sarvapuṇyānāṃ nidhiṃ dharmāśrayaṃ prabhum |
sūṣṭitrayodbhāvakaṃ ca trikālā'vādhyamacyutam || 6 ||
[Analyze grammar]

divyasampatkalpamūrtiṃ camatkārādisaṃbhṛtam |
sarvaiśvaryabhagavantaṃ bhaktyā saṃkīrtayeddhi mām || 7 ||
[Analyze grammar]

divyākṣarādisaṃsevyatejovārdhipradaṃ prabhum |
śāśvatānandapūrāṇāṃ gamakaṃ parameśvaram || 8 ||
[Analyze grammar]

pāvanānāṃ pāvanaṃ ca parabrahma parātparam |
muktānāṃ bhāgyarūpaṃ ceśvarāṇāmīśitātmakam || 9 ||
[Analyze grammar]

surāṇāṃ suratādhānamṛṣīṇāmārṣatājuṣam |
satīsādhvīsatyabhāvasnehasevāvratātmakam || 10 ||
[Analyze grammar]

kāmapūraṃ divyaśaktisāmarthyabaladāyinam |
antakāle sakhāyaṃ cotkramaṇe sahayāyinam || 11 ||
[Analyze grammar]

sarvādhāraṃ suhṛdaṃ taṃ śrīhariṃ māṃ japet sadā |
kāntaṃ śāntaṃ hṛtsu bhāntaṃ puraḥsthitaṃ ca māṃ namet || 12 ||
[Analyze grammar]

yogakṣemakuśalādipradāturme hareḥ rame |
divyanāmasahasraṃ yat sarvāghabhayanāśanam || 13 ||
[Analyze grammar]

līlaiśvaryaguṇakarmanisargarūparūpitam |
mukteśvararṣidevādyairgītaṃ vadāmi siddhidam || 14 ||
[Analyze grammar]

asya śrīmatkṛṣṇanārāyaṇanāmastavasya tu |
ṛṣiḥ sarveśvaro lakṣmi tvahaṃ śrīpuruṣottamaḥ || 15 ||
[Analyze grammar]

chando'nuṣṭup paro devo'nādikṛṣṇanarāyaṇaḥ |
ākṣarākhyomahāmuktomuktānīśo hi bījakam || 16 ||
[Analyze grammar]

śrībhūlīlāramārādhālakṣmīmāṇikya eva ca |
śaktayo hṛdayaṃ śrīmatpuruṣottamasāma ca || 17 ||
[Analyze grammar]

gopālakambharābālaḥ kīlakaṃ cā'stramācyutam |
padmāvatīramāpadmāsvāmine ca vaṣaṭ namaḥ || 18 ||
[Analyze grammar]

śūlamīnadhvajadhanurbāṇadhro'strāya phaṭ svāhā |
sarvabādhānivṛttyarthaṃ jape'sya viniyojanam || 19 ||
[Analyze grammar]

brahmaloke virājantaṃ juṣṭaṃ brahmiṣṭhamaṇḍalaiḥ |
brahmapriyāsvāminaṃ taṃ dhyāye sarvāntarasthitam || 20 ||
[Analyze grammar]

divye lomaśakṣetre vai viharantaṃ manoharam |
mandahāsaṃ pūrṇakāmaṃ kāntaṃ kṛṣṇaṃ vicintaye || 21 ||
[Analyze grammar]

puṣṭaṃ priyaṃ kāmadaṃ ca duḥkhahaṃ sukhadaṃ prabhum |
catvāriṃśadūrdhvaśatakāntaṃ smarāmi mokṣadam || 22 ||
[Analyze grammar]

bhuktidaṃ muktidaṃ ceṣṭapradaṃ sarvapradaṃ harim |
anādiśrīkṛṣṇanārāyaṇaṃ patiṃ bhajāmi ca || 23 ||
[Analyze grammar]

kirīṭakuṇḍalabhūṣābhūṣitaṃ rūpasundaram |
ākarṣakaṃ śvetavarṇaṃ bālakṛṣṇaṃ namāmyaham || 24 ||
[Analyze grammar]

koṭyarbudābjaśaktīnāṃ patiṃ cātmapatiṃ vibhum |
pītāmbaraṃ satāṃ śreṣṭhaṃ seve cātmanivedanaiḥ || 25 ||
[Analyze grammar]

namo'nantasvarūpāya sarvapādākṣivartine |
sahasranāmabodhyāya kāmamāyeśvarātmane || 26 ||
[Analyze grammar]

oṃ pramātmā paramātmā parabrahma pareśvara |
puruṣottama īśeśaścākṣarādhipatiḥ prabhuḥ || 27 ||
[Analyze grammar]

mukteśvaro'vatāreśo muktānīśo mahāprabhuḥ |
anādiśrīkṛṣṇanārāyaṇaḥ śrīkṛṣṇanandanaḥ || 28 ||
[Analyze grammar]

bāhyamūrtiścātmavṛttiḥ sarvajñaḥ śrīharirvibhuḥ |
akṣaro brahma bhagavān vāsudevo narāyaṇaḥ || 29 ||
[Analyze grammar]

nārāyaṇaḥ svayaṃjyotirbālakṛṣṇaścidambaraḥ |
dhāmeśaḥ śāśvatānando'vatārī parameśvaraḥ || 30 ||
[Analyze grammar]

gomān divyaguṇāgāraḥ śyāmasundara āntaraḥ |
san sanātana ānandaściccidātmā jaḍānvitaḥ || 31 ||
[Analyze grammar]

ṛddhimān bhūtimān rājā saṃkarṣaṇo niyāmakaḥ |
gopālo gāṃgato gobhṛd gopīnātho gaveśvaraḥ || 32 ||
[Analyze grammar]

pārṣadaḥ pariṣatpūjyaḥ parṣat pāriṣadeśvaraḥ |
divyaḥ śāntaḥ śāntidaśca sattvaḥ sattvaprakarṣavān || 33 ||
[Analyze grammar]

stavaḥ ślokaḥ smṛtiḥ śabdaḥ kavirvedo vidhiḥ pradhīḥ |
āsanaṃ cādhikaraṇaṃ dhṛtirdhairyaṃ kṣamā yamaḥ || 34 ||
[Analyze grammar]

pradyumno dyotamānaśca dyauḥ kāntaḥ kamalāpatiḥ |
aniruddho'cyuto bhūmā mahākālo maheśvaraḥ || 35 ||
[Analyze grammar]

mahāviṣṇurmadhyaviṣṇurviṣṇurvyāpaka ūrdhvadṛk |
vairājaḥ kāraṇaṃ kartā kṛtiḥ kāryaṃ nṛpo japaḥ || 36 ||
[Analyze grammar]

kapiḥ khapaścendriyārtha ṛṣīkeśaḥ samādhimān |
yogī yogaścakravartī cakrī śaṃkhī gadī dhvajī || 37 ||
[Analyze grammar]

rathī kṣatrī ca nakṣatrī vṛttiścāvṛttirujjayī |
avyākṛtaśca sūtrātmā turyapadaṃ sukhāspadam || 38 ||
[Analyze grammar]

sadāśivaśca devaśca śivaḥ saṃhāradharmavān |
dhātā poṣṭā vidhātā ca pitā mātā suhṛt sakhā || 39 ||
[Analyze grammar]

prāṇanāthaḥ sahāyaśca svāmī dhānī dhanī makhī |
kośo viśvaṃ mahābhūto bhāvaḥ saṃbhāvanādhipaḥ || 40 ||
[Analyze grammar]

gatiḥ kāntiḥ pāvanaśca cidābhāsaḥ phalaṃ phalī |
antaryāmī puruṣaśca kṣetrajñaḥ kṣetramārttihā || 41 ||
[Analyze grammar]

sākṣī pradhānapuruṣaḥ prakṛtīśo guṇādhipaḥ |
golokeśo'mṛtadhāmā vaikuṇṭheśo ramāpatiḥ || 42 ||
[Analyze grammar]

rādhāpatiḥ śrīnivāso dāmodaro vibhāvasuḥ |
prabhājāpo vāmanaśca trikramo bhūrivikramaḥ || 43 ||
[Analyze grammar]

keśavaḥ kapilaḥ kāśī nṛsiṃho māpatirnidhiḥ |
śrīśaḥ sthāṇuḥ satīśaśca śaśī vidyuddhruvo raviḥ || 44 ||
[Analyze grammar]

brahmā'ryamā viṣṇurāto haro vaiṣṇavasāttvataḥ |
sādhuryatirbrahmacārī bhartā dhartā'maro'mṛtam || 45 ||
[Analyze grammar]

vibhavaḥ saṃbhavo bhūśca puṣkalo bhūyasīpradaḥ |
svaro rāgo mūrchanā ca vādaścālāpa utsavaḥ || 46 ||
[Analyze grammar]

savaḥ satraṃ makho yajvā yajño vahniḥ prahavyabhuk |
dattātreyo mahāmatsyaḥ padmanābho'bjanetrakaḥ || 47 ||
[Analyze grammar]

kañjahastatalaḥ śārṅgī viśvakarmā surādhipaḥ |
śvetakroḍo vṛṣabhaśca vṛṣajanmā vṛṣākapiḥ || 48 ||
[Analyze grammar]

sūto vaktā guruḥ śāstraṃ mahācāryo manurmadhuḥ |
īśvaro'dhyāpakaḥ śāstā nyāyo netā ca nītimān || 49 ||
[Analyze grammar]

tarkaśca nirṇayo jyeṣṭha īśānaśca purātanaḥ |
sanātanaśca sannyāsī munirvratī ca tāpasaḥ || 50 ||
[Analyze grammar]

hiraṇyagarbho hariṇīkāntaḥ kamalapattalaḥ |
vidvān vidyādharo vāgmī vāṇīśo varṇiśīlabhṛt || 51 ||
[Analyze grammar]

gṛhī gṛhapatirgoptā vaptāśrīvatsalāñcchanaḥ |
vyāso'nādiprakarṣaśca draṣṭā śrīkṛṣṇacandrakaḥ || 52 ||
[Analyze grammar]

kāmbhareyaśca medhāvī prajāpatirdivaspatiḥ |
dikpatiḥ śrīpatirlakṣmīpatirbrahmapatirnatiḥ || 53 ||
[Analyze grammar]

kṛtajñaḥ śaraṇaṃ vipro vivāho vararūpavān |
varahāraśca saṃvarto maṇḍapo'naṅga uttamāḥ || 54 ||
[Analyze grammar]

sarvagarbho naro vīryī prajātmā vatsaraḥ saraḥ |
divā dyumaṇiriṣṭeṣṭaḥ sandhirdaṇḍaḥ sukhaṃ śamaḥ || 55 ||
[Analyze grammar]

dānaṃ dātā svatvarūpastyāgaḥ snehaḥ sumaṃgalam |
śakunaṃ śakunī pattrī haṃsaḥ śukaḥ kaṇaḥ kṛṣiḥ || 56 ||
[Analyze grammar]

sphuraṇaṃ ca pramā kūrmo rāmo raivata ātmavit |
pṛthuḥ parśudharaḥ khaḍgī dhanvī raṇī rathīṣudhiḥ || 57 ||
[Analyze grammar]

lakṣyaṃ kramaḥ pratyayaśca siddho'jaḥ śāśvataḥ śubhaḥ |
svaprakāśo vasuḥ satyaḥ samadarśī samāyanaḥ || 58 ||
[Analyze grammar]

bhogī śuklo'rjuno dakṣaḥ pratyayaḥ pratyagātmavān |
āmaughaḥ sarvayoniśca paramahaṃsa ārthikaḥ || 59 ||
[Analyze grammar]

nirvāṇapādaḥ suṣiraḥ śirāvyāptaḥ pṛthuśravāḥ |
saumyo rodro nigrahātmā svārohaḥ sarvagaḥ prabhaḥ || 60 ||
[Analyze grammar]

vittirvedyasvarūpaśca vettā vedanidhirvidhiḥ |
viśvaksenaḥ susaṃsthāno'dhyakṣo'parokṣagocaraḥ || 61 ||
[Analyze grammar]

kṛto'kṛtastriyugaśca loko'loko ramāyanaḥ |
vyūhoṃ'śo vibhavaścārcātmakaḥ svarūpa ūrjitaḥ || 62 ||
[Analyze grammar]

sahanaḥ sthāvaro bhoktā phaladaḥ sṛjiyatnavān |
amogho gadahā vyāghro girīśo giridhārakaḥ || 63 ||
[Analyze grammar]

anirvācyaḥ suvācyaśca mahīdhro māṇikīdharaḥ |
sanmūrtiḥ pārśvatikeśo govindo garuḍadhvajaḥ || 64 ||
[Analyze grammar]

ṛṣabho garuḍaḥ kalkiḥ kumāro buddhisarjanaḥ |
hayaśīrṣāḥ svarṇavarṇaḥ surarṣiḥ padmajāpatiḥ || 65 ||
[Analyze grammar]

muktāpatirbhūpatiśca muktapatī ramāvasuḥ |
viśvāvasuḥ siṃharūpo nimiṣaśca bṛhaspatiḥ || 66 ||
[Analyze grammar]

marudvanaṃ manastejo'mbaraṃ digambaraḥ śrutiḥ |
tripāt pādaḥ sarvapācca prapātā mṛduvartanaḥ || 67 ||
[Analyze grammar]

miṣṭaḥ saṃbhramaṇaḥ śeṣaḥ svāgataṃ sannavārtikaḥ |
asaṃkhyākṣaḥ śiṣṭadharmā dharmavarmā prasiddhimān || 68 ||
[Analyze grammar]

nārāyaṇīnivahaśca śivarājñīsatīpatiḥ |
mādhavīśo bhārgavīśastūlasīnāyako bṛhat || 69 ||
[Analyze grammar]

dehī dehīśvaro ratnaṃ puṇḍraṃ puṇḍradharaḥ pumān |
vidhṛtiḥ sarvasetuśca nāko jalān śikhī smṛtiḥ || 70 ||
[Analyze grammar]

saṃskāro gurutā mānaṃ sāmānyaṃ varado vahaḥ |
pratiṣṭhā skannabhāvaśca dhurvaho yānamagraṇīḥ || 71 ||
[Analyze grammar]

devo merurgarutmāṃśca prājña ārṣaścaturmukhaḥ |
kṛpastīrthaṃ sāvanaśca megho vārdhiḥ rasaḥ śayaḥ || 72 ||
[Analyze grammar]

bhadraḥ sutaḥ śūravīrastārakaḥ sthaviro yuvā |
arkaḥ plakṣaḥ śarabhaśca gajo gajānano mṛgaḥ || 73 ||
[Analyze grammar]

samayo heturudaraṃ bhāgyaṃ tārastamaḥ kalā |
āveśaḥ praṇavo bījaṃ prayojanaṃ dhanaṃ kṣamaḥ || 74 ||
[Analyze grammar]

ṛturyūpo vatsalaśca dhaneśaḥ somapaḥ puruḥ |
sthūlaḥ sūkṣmaśca liṅgaṃ ca suparṇo'naśano mṛdhaḥ || 75 ||
[Analyze grammar]

kīśo jayo bhāgavataḥ sāttvato yantracetanaḥ |
mantro mukundo viśvāsaḥ patnīvrataḥ pradakṣiṇam || 76 ||
[Analyze grammar]

jīvo'nanto'ntakaścārhau nando dātā guhā gṛham |
kalaśaḥ pippalo vṛndādrumaḥ kalpalatāśayaḥ || 77 ||
[Analyze grammar]

stambho vāsturmahākuṇḍaścāyudhaṃ kambalaḥ karaḥ |
kāruḥ śilpī vātsya āptastvaṣṭā staraḥ prarocanaḥ || 78 ||
[Analyze grammar]

aśokaḥ khadiro bilvo vaṭaḥ palāśa āmalaḥ |
udumbaraḥ kadalīśaḥ pūgo rājeśvaro ratiḥ || 79 ||
[Analyze grammar]

dampatī kumudo modo nandanaḥ śrīdharaḥ smaraḥ |
śṛṃgāro dāsyado nemirbindurbhasma bhramirmahaḥ || 80 ||
[Analyze grammar]

keśavaḥ kāmakṛjjiṣṇurbrahmaṇyo vāsukiḥ priyaḥ |
lekho bimbaḥ pratibimbo nirodho dīrghikā payaḥ || 81 ||
[Analyze grammar]

prapā pānaṃ piśaṃgaśca piṃgākṣo gāyako gayaḥ |
nartako naṭako māyī mantrī tantrī jitendriyaḥ || 82 ||
[Analyze grammar]

kalpamaṇirmahāvīryaṃ mahadrajo'gryapūruṣaḥ |
sādhujanaḥ strījanaścā'vyayo vadhūjanātmakaḥ || 83 ||
[Analyze grammar]

stanyapaḥ sādhyadevaśca dharmajanyo vṛṣāsutaḥ |
ṛtambharaścamatkāraḥ svāhākāraśca karmaṭhaḥ || 84 ||
[Analyze grammar]

ārārtrikaṃ cā'bhiṣeko mukuṭaḥ kaṇṭhikāpriya |
sindūrakaḥ kuṃkumaṃ ca dūrvā vrīhiryavastilaḥ || 85 ||
[Analyze grammar]

nāgavallaścekṣudaṇḍaḥ śrīphalo bhaktivardhanaḥ |
pūgīphalasvarūpaśca sugandhaḥ śreya āramaḥ || 86 ||
[Analyze grammar]

śrīmayaḥ śrīkṛtaveṣaḥ śryaṃgaḥ śryānandasampradaḥ |
śrītilakaḥ śrīkṛtoruḥ śrīśayaḥ śrīkathāśrayaḥ || 87 ||
[Analyze grammar]

śrīsevaḥ śrīsamavāyaḥ śryaśanaḥ śrīsamādhimān |
lakṣmīlakṣmā mahālakṣmībhavo lakṣmīvibhāvanaḥ || 88 ||
[Analyze grammar]

lakṣmīpārśvo mahālakṣmīgarbho lakṣmīdharā'dharaḥ |
brahmajño brahmaparamo brahmajapo'nṛṇī maṇiḥ || 89 ||
[Analyze grammar]

atithiḥ pūrṇacandraśca devayāno nabhogatiḥ |
jagadgururjayānātho lalitākānta ekalaḥ || 90 ||
[Analyze grammar]

stutirjapaḥ sthitiḥ sthairyaṃ sattā bhūtirvibhūtimān |
harṣaḥ pañcātmakaḥ sākṣī sāraḥ snehaḥ susampavān || 91 ||
[Analyze grammar]

kāṣāyaveṣo dīptātmā pañcāgnitāpaso nagaḥ |
nāgo nirāśo naptā ca kāmaphalaṃ kumārakaḥ || 92 ||
[Analyze grammar]

svastikaḥ pratibhārūpaḥ pratijñātmā pramāpakaḥ |
sahajaḥ svabhavaḥ śaṃkuḥ kuśaḥ śālaśilaḥ śivaḥ || 93 ||
[Analyze grammar]

caityo gartaśca huṃkāro jaghanaṃ vīthirajvaraḥ |
udgīthaścopaniṣacca purāṇapuruṣaḥ śanīḥ || 94 ||
[Analyze grammar]

satparaḥ sannivāsaśca śrīdrumo'suranāśakaḥ |
kuñcikātmā brahmarandhraṃ brahmahrado mahādhruvaḥ || 95 ||
[Analyze grammar]

paridhiḥ kiraṇaṃ keśaḥ pañcaśikhaḥ parāsanaḥ |
pravargyaśca mahopāyo viśiṣṭo vidrumo vaśaḥ || 96 ||
[Analyze grammar]

modakastaṇḍulaścāpāmārgo devādhidaivatam |
devānīkatilakaśca mahāśvapaṭṭasārasaḥ || 97 ||
[Analyze grammar]

jāmātā dharmavṛddhaśca saṃkalpo madhuparkakaḥ |
sarvatobhadrarūpaśca pīṭho vedirbalirjalam || 98 ||
[Analyze grammar]

sthaṇḍilo maṇikṣetreśaḥ pādmakṣetramaheśvaraḥ |
lomaśānandadaḥ patnīvratavaṃśaprabhākaraḥ || 99 ||
[Analyze grammar]

indradyumnasthalīrakṣo nārasiṃhavaneśvaraḥ |
vyāghrāraṇyanivāsaśca rukmāṃgadeṣṭasampradaḥ || 100 ||
[Analyze grammar]

prābhāsikaprabhānuśca somakṣetraprapoṣakaḥ |
sāmapadmaniśānātho'nādikṛṣṇaḥ prajāpatiḥ || 101 ||
[Analyze grammar]

vasantaśca kiśoraśca mahendraḥ śampradaḥ sahaḥ |
maṃgaleśo manaseśo reveśo virajāpatiḥ || 102 ||
[Analyze grammar]

ratīśo gomatīśaśca kāmadugheśvaro'tulaḥ |
ekādaśīpatiḥ svarṇarekhākānto hyamūrtakaḥ || 103 ||
[Analyze grammar]

nandinīśaśca doleśaḥ puṣpaṃ kalāvatīpatiḥ |
badarīśaśca pampeśo darpahā bāndhavo dhavaḥ || 104 ||
[Analyze grammar]

bhaktavatsala unnetā mānakṛllokadhṛgdharaḥ |
dhanyaścaturbhujo durgastantukṛt sukṛtaṃ kṛtī || 105 ||
[Analyze grammar]

sundaraścāśvamedhaśca parjanyaścāmṛtāpatiḥ |
sulabho'durlabhośvattho rakṣohā daityanāśanaḥ || 106 ||
[Analyze grammar]

saptāśvaḥ saptajihvaśca prāgvaṃśaśca prabhātakaḥ |
āśramaśca yamaḥ sūryacandranetrastrinetrakaḥ || 107 ||
[Analyze grammar]

viyannābhirbhūcaraṇo'nilā'surdikchravā dyukaḥ |
anyayānanaśca bastyabdhiḥ sarvavarṣmā ramo'ramaḥ || 108 ||
[Analyze grammar]

ghanaśyāmo hitastathyo brahmadhāmā svadhāmavān |
nityaśca cetanaścāntaryāmī viśeṣavittimān || 109 ||
[Analyze grammar]

kāryakāraṇarūpaścā''yojako dhṛtimān padī |
pratyayitaḥ śrutigamyo vākyakṛt saṃkhyito'vyayaḥ || 110 ||
[Analyze grammar]

svastidātā svastikartā svastirūpaḥ praśastimān |
sṛṣṭyadhiṣṭhānamuttuṃgo golakaḥ kaṃ ca khaṃ khagaḥ || 111 ||
[Analyze grammar]

madhyāvastho madhyavāsaḥ sandhyāṃśo'bhijidātmakaḥ |
amṛtaśca śubho lābhaḥ kṣemakṛt siddhināyakaḥ || 112 ||
[Analyze grammar]

dhanvantarirnalo nālaḥ pravāho dadhimaṇḍapaḥ |
puttraḥ svargaścāśīrātmā pralayo vaiṣṇavārcitaḥ || 113 ||
[Analyze grammar]

navanīto'pavargaśca hṛddīpaḥ paramārthadaḥ |
kālamāyāpāpakarmayamadūtabhayāpahā || 114 ||
[Analyze grammar]

dvāraṃ dvārī candraśālo ghṛtāśī cā'dvitīyakaḥ |
bahuprajo'prajo jāgrat prājanano'ntaraṅgakaḥ || 115 ||
[Analyze grammar]

grantho granthirnāgaraśca sīmāntaḥ sīmavarjitaḥ |
abādhyaścā'paricchinno'vivarto'pariṇāmakaḥ || 116 ||
[Analyze grammar]

avacchedaka aiśvaryaṃ lakṣaṇaṃ lakṣyamīśanīḥ |
itiḥ kavalamannaṃ ca sanātanatamaḥ sanaḥ || 117 ||
[Analyze grammar]

vaṃśī kadambakaḥ kīlaḥ samājaḥ sārtha ādaraḥ |
udāro dvyātmakaḥ śreṣṭhī triyugo yugalātmakaḥ || 118 ||
[Analyze grammar]

strīpatiḥ svapatiḥ prāptistādātmyaṃ nirmitiḥ kṛtiḥ |
tattvaṃ svatvamabhiprāyaśceṣṭodbhavaśca bhāvanaḥ || 119 ||
[Analyze grammar]

udayo'yaḥ pramedhaśca suṣumṇāmūrtidarśanaḥ |
dānaṃ damo dayā diṣṭaṃ ditirdarvī ca dohanam || 120 ||
[Analyze grammar]

vaktā vācayitā lekhayitā'dhyāpaka ūhavān |
vāṅmano'gocaraḥ puṇyaṃ puṇyaśrutijapārhaṇaḥ || 121 ||
[Analyze grammar]

jīvanaṃ mandahāsaḥ satpathācāraḥ paṇo raṇaḥ |
ātmajaścāgameyaśca naigameyo hyanāvaraḥ || 122 ||
[Analyze grammar]

asaṃkhyaścaikasaṃkhyaśca nirbhayo bhayanāśakaḥ |
ādhvaro havanādaśca bhāvādano bhavāpahaḥ || 123 ||
[Analyze grammar]

ūrdhvavīryo'praskhalano vighnahā ca narottamaḥ |
duḥsvapnanāśakaḥ śāntipradaḥ pramodakārakaḥ || 124 ||
[Analyze grammar]

ākarṣako'kṣayapātraṃ paryavasānamaurasaḥ |
vyāhṛtirvyavahāraśca sphurtiścekākṣaro dhvaniḥ || 125 ||
[Analyze grammar]

bhuktido muktidaḥ pāpakṣālanaḥ puṇyadaḥ prathaḥ |
khyātyātmā sarvasenaśca dik tāro nāda īpatiḥ || 126 ||
[Analyze grammar]

sphoṭo naukā phalaṃ puṣpaṃ piṣṭaṃ sadasadātmakaḥ |
brahmasūtraṃ kaṃkaṇaṃ ca saddhetuḥ sarvahetimān || 127 ||
[Analyze grammar]

mūlaṃ mūlottaraṃ mūlādimaḥ sarvāntasaṃsthitaḥ |
ālayaśca talaṃ sarvodaraḥ sarvaśarīrakaḥ || 128 ||
[Analyze grammar]

anvayo vyatirekaśca nityayukto namaḥpuraḥ |
sampanno vikasadbhāvo viśvasadbhāva oṃnamaḥ || 129 ||
[Analyze grammar]

itīdaṃ pāvanaṃ puṇyaṃ sarvabādhāvināśakam |
anādiśrīkṛṣṇanārāyaṇanāmnāṃ sahasrakam || 130 ||
[Analyze grammar]

puruṣottamasāmākhyaṃ stotraṃ lakṣmi mayoditam |
śroturvaktuḥ kīrtayiturmanturnaśyatyaghāni vai || 131 ||
[Analyze grammar]

ihā'mutra na bādhā syād vighnanāśo drutaṃ bhavet |
vipro vidvān brahmavit syācchūraḥ kṣatro jayī bhavet || 132 ||
[Analyze grammar]

dhanī śreṣṭhī vaiśyavarṇo bhavecchūdraḥ sukhī bhavet |
brahmacārī camatkārī gṛhī strīsampadanvitaḥ || 133 ||
[Analyze grammar]

vanī vanyarddhisampanno bhavet sādhuḥ praśāntimān |
vindeddharmaṃ dharmaruciścārthecchurarthavān bhavet || 134 ||
[Analyze grammar]

kāmecchuḥ kāmasampattiṃ mumukṣurmokṣamṛcchati |
rājyārthī rājyamāvindet prajārthī tu prajāṃ labhet || 135 ||
[Analyze grammar]

putrārthī putramṛcchedvai bhāryārthī strīṃ labhennavām |
kanyārthī kanyakāmṛcchet patyarthikā patiṃ labhet || 136 ||
[Analyze grammar]

vidyārthī prāpnuyād vidyāṃ dhanārthī dhanamāpnuyāt |
vṛttyarthī vṛttimān syācca bhogārthī bhogavān bhavet || 137 ||
[Analyze grammar]

iṣṭārthī ceṣṭamṛcchecca gṛhārthī gṛhamāpnuyāt |
nityaṃ prātaḥ paṭhed bhaktyā śuddhāntaḥkaraṇastu yaḥ || 138 ||
[Analyze grammar]

pradhānatāṃ yaśaḥ khyātiṃ śriyaṃ śreyaśca vindati |
bhayaṃ naiva bhavatyasya tejo vīryaṃ ca vardhate || 139 ||
[Analyze grammar]

nīrogo jāyate pāṭhāt puṣṭo balī guṇī bhavet |
rūpavān jāyate ramyaḥ kāmyo bhavati pāṭhanāt || 140 ||
[Analyze grammar]

bandhanaṃ śīryate vakturbhayaṃ naśyati sarvathā |
āpattayo vinaśyanti naśyanti śatravo'pi ca || 141 ||
[Analyze grammar]

durgāṇi sugamānyeva bhavanti stuvataḥ khalu |
puruṣottamaśaraṇaḥ puruṣottamabhaktimān || 142 ||
[Analyze grammar]

māyāñjanarahitātmā labhate puruṣottamam |
madbhaktasyā'śubhaṃ nāsti saṃsārasya bhayaṃ na ca || 143 ||
[Analyze grammar]

durītaṃ janma mṛtyuśca vyādhirjarā na rugṇatā |
moghatā'bhibhavo naiva madbhaktasya prajāyate || 144 ||
[Analyze grammar]

etatpāṭhād bhavedātmasukhaṃ śāntiḥ susampadaḥ |
smṛddhiḥ śrīḥ kīrtiraudāryaṃ prādhānyaṃ puṣṭirīśitā || 145 ||
[Analyze grammar]

muktā īśāḥ pitaraśca siddhā devā maharṣayaḥ |
etatstotrajapenaiva siddhiṃ paramikāṃ yayuḥ || 146 ||
[Analyze grammar]

āyuṣmān bhavate śrutvā niṣpāpaḥ paṭhanādbhavet |
śraddhābhaktiyuto vaktā pretya ceha pramodate || 147 ||
[Analyze grammar]

mayā'nādikṛṣṇanārāyaṇena te prabhāṣitam |
lakṣmi stotraṃ matparaṃ tatpāṭhānmatparamo bhavet || 148 ||
[Analyze grammar]

api ślokaikapāṭhena pāṭho'syāpi kṛto bhavet |
śṛṇu lakṣmi camatkāramayaṃ ślokaṃ vadāmi te || 149 ||
[Analyze grammar]

namāmi sṛṣṭitrayasaṃvidhāyine |
bhajāmi koṭyarbudaśaktiśāline |
dhyāyāmi cātmāntarasanniyāmine' |
rpayāmisarvatvamathā''tmavedine || 150 ||
[Analyze grammar]

namo'nantasvarūpāya namo'saṃkhyapramūrtaye |
namo yugalarūpāya namaḥ śrīparamātmane || 151 ||
[Analyze grammar]

namo'nādikṛṣṇanārāyaṇāya svāmine namaḥ |
namaḥ śrīkambharālakṣmīgopālajanuṣe namaḥ || 152 ||
[Analyze grammar]

namo'nāthādhināthāya namaḥ kāntākṛpālave |
namo dharmādhigoptre te bālakṛṣṇāya te namaḥ || 153 ||
[Analyze grammar]

śivarājñīsvāmine te nārāyaṇīśvarāya ca |
ramāpadmāvatīśāya nārāyaṇāya te namaḥ || 154 ||
[Analyze grammar]

namo brahmapriyeśāya śrīkṛṣṇāya ca te namaḥ |
sarvajñadeśikeśāyācāryeśvarāya te namaḥ || 155 ||
[Analyze grammar]

stavaścāyaṃ paṭhitaścārpitastvayi phalāptaye |
sarvadastvaṃ pāhi kṛṣṇanārāyaṇa namo namaḥ || 156 ||
[Analyze grammar]

sahasrapāṭhataścā'sya puraścaraṇamācaret |
mahāpado vinaśyanti mahāsaukhyaṃ bhaveddhruvam || 157 ||
[Analyze grammar]

vijñānaṃ sarvatattvānāṃ vardhate'sya prapāṭhanāt |
sārvajñyakalpatā syācca kṛṣṇasya karuṇākaṇāt || 158 ||
[Analyze grammar]

rājā pradhānaḥ pṛthivīpradhānaḥ |
svargapradhāno dhanadapradhānaḥ |
vidyāpradhāno'rhaṇatāpradhāno |
bhavet stavasyā'sya supāṭhakṛjjanaḥ || 159 ||
[Analyze grammar]

nityamekaprapāṭhena sarvakāmasamṛddhimān |
jāyate me kṛpāleśāllakṣmi tadgṛhamāvasa || 160 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne sarvabādhānāśakaṃ sarveṣṭadaṃ śrīpuruṣottamasāmākhyamanādiśrīkṛṣṇanārāyaṇanāmasahasrastotrakathananāmā'ṣṭādhikaśatatamo'dhyāyaḥ || 108 ||
[Analyze grammar]