Chapter 109

śrīnārayiṇīśrīruvoca |
bhagavan prāptamutkṛṣṭaṃ stotraṃ te bhavapāradam |
bādhānāśakaraṃ śreṣṭhaṃ bhuktimuktipradaṃ param || 1 ||
[Analyze grammar]

karmaṭhāḥ stotrapāṭhena kṛtakarmaphalaṃ prabho |
bhuktvā yāntyathavā cā'pyabhuktvā mokṣaṃ prayānti te || 2 ||
[Analyze grammar]

yadi bhuktvā prayāntyeva kva kīdṛg bhuñjate phalam |
kasya vā karmaṇaḥ kīdṛg bhuktvā phalaṃ prayānti te || 3 ||
[Analyze grammar]

satkarmiṇāṃ tu ye lokāstāṃśced bhuktvā prayanti vai |
brūhi te kīdṛśā yatra mohaḥ punarna jāyate || 4 ||
[Analyze grammar]

śrīpuruṣottama uvāca |
śṛṇu tvaṃ śivarājñīśri vakṣyāmi satphalānyapi |
jñātāni ca punarmohaṃ ganturnādadhate param || 5 ||
[Analyze grammar]

tapaḥ karma hi mūrdhanyaṃ karmaṇāṃ bhavate sadā |
svargaḥ śreṣṭho hi tapasā labhyate kīrtisaṃbhṛtaḥ || 6 ||
[Analyze grammar]

dīrghāyuṣyaṃ śreṣṭhabhogā labhyante ca tapobalāt |
sampado rūpamārogyaṃ vidyā vijñānamuttamam || 7 ||
[Analyze grammar]

ādhipatyaṃ paraṃ dravyaṃ saubhāgyaṃ vaṃśavistaraḥ |
labhyante tapasā śreṣṭhadevatvaṃ tapasā''pyate || 8 ||
[Analyze grammar]

tāpasaḥ sarvametadvai bhuktvā ciraṃ tapaḥphalam |
paścāt stotraphalaṃ bhuṃkte brahmaloke hi śāśvate || 9 ||
[Analyze grammar]

maunavrataṃ tapaḥ proktaṃ pālitaṃ yena tasya tu |
vāksiddhirjāyate cājñāpradatvaṃ jāyate tathā || 10 ||
[Analyze grammar]

bahūnāmupadeṣṭā syād gururācārya ityapi |
rājagururbhaveccāpi senāpatistathā bhavet || 11 ||
[Analyze grammar]

dharmaśāstā bhaveccāpi niyāmakastathā bhavet |
atra loke svargaloke phalaṃ bhuktvā stavasya ca || 12 ||
[Analyze grammar]

phalaṃ bhoktuṃ prayātyeva dhāmākṣaraṃ paraṃ hareḥ |
dānakartā bhavet svarge deveśo bhūtale dhanī || 13 ||
[Analyze grammar]

rājā bhavedupabhogān bhuktvā stotraphalaṃ labhet |
parame'kṣarasaṃjñe vai rājate sarvasaukhyabhāg || 14 ||
[Analyze grammar]

brahmacaryavrataṃ śreṣṭhaṃ tapa ānandavarjanam |
cirāyuḥ sa bhavelloke balī puṣṭo dṛḍho yuvā || 15 ||
[Analyze grammar]

apradhṛṣyo'parābhāvyo bhaved brahmasameśvaraḥ |
phalaṃ bahusamā bhuktvā tataḥ stotraphalaṃ labhet || 16 ||
[Analyze grammar]

brahmalokaṃ prayātyeva modate brahmavedibhiḥ |
ahiṃsā'pi tapaḥ śreṣṭhaṃ niyamā''khyaṃ nigadyate || 17 ||
[Analyze grammar]

aduḥkhaṃ sukhamātraṃ ca labhate svarahiṃsakaḥ |
sukhaṃ tatra paraṃ bhuktvā tataḥ stotraphalaṃ labhet || 18 ||
[Analyze grammar]

yāti dhāmā'kṣaraṃ śreṣṭhaṃ modate brahmavādibhiḥ |
dīkṣā dharmayutā tapoyuktā tapaḥ paraṃ matam || 19 ||
[Analyze grammar]

dīkṣito bhaktiyuktaśca pārameṣṭhyapadaṃ labhet |
bārhaspatyapadaṃ cāpi mahācāryapadaṃ labhet || 20 ||
[Analyze grammar]

pūjanīyakule janma satāṃ kule'cyutagṛhe |
labhate dīkṣitastatra bhuktvā bhogān tataḥ param || 21 ||
[Analyze grammar]

stotraphalaṃ sukhaṃ bhuṃkte'kṣare me dhāmasattame |
phalamūlāśanaṃ cāpi tapaḥ śreṣṭhaṃ nigadyate || 22 ||
[Analyze grammar]

tatphalaṃ rājyamāsādya svargaṃ śreṣṭhaṃ pravindati |
parṇāśanaḥ payobhakṣā yānti svargaṃ samṛddhidam || 23 ||
[Analyze grammar]

phalaṃ bhuktvā tato yānti stotraphalaṃ madakṣaram |
svarṇadānena sāmrājyaṃ cakravartitvamityapi || 14 ||
[Analyze grammar]

yatra kvāpi labhelloke tato'kṣaraṃ prayāti saḥ |
stotraphalaṃ tatra bhuṃkte śāśvatānandaśevadhim || 25 ||
[Analyze grammar]

guroḥ śuśrūṣaṇaṃ sevā tapaḥ paraṃ nigadyate |
sevayā labhyate vidyā prasannatā''śiṣaḥ śubhāḥ || 26 ||
[Analyze grammar]

puṇyaṃ sarvottamaṃ svargaṃ yadiṣṭaṃ taddhi labhyate |
mātāpitrośca vṛddhānāṃ patyuḥ patnyāḥ kuṭumbinām || 27 ||
[Analyze grammar]

gavāṃ satāṃ surāṇāṃ cātithīnāṃ paravāsinām |
rugṇānāṃ cāpyanāthānāṃ dīnānāṃ sevanaṃ śubham || 28 ||
[Analyze grammar]

tapo vai paramaṃ proktaṃ phalaṃ sarvottamaṃ sukham |
yadyadiṣṭatamaṃ loke sarvaṃ vindati sevayā || 29 ||
[Analyze grammar]

sārvajñyaṃ sevayā prāpya svargaloke mahīyate |
svarge satye phalaṃ bhuktvā stotraphalaṃ pravidanti || 30 ||
[Analyze grammar]

śāśvatānandasampūrṇasukhānāṃ sevitā bhavet |
akṣare parame dhāmni mahāmukto bhavet sadā || 31 ||
[Analyze grammar]

śrāddhaṃ kuryāttu yaścātra dadyāt pitṛbhya uttamam |
kavyaṃ havyaṃ dvijātibhyo bhojanaṃ dakṣiṇādikam || 32 ||
[Analyze grammar]

phalaṃ svargaṃ ciraṃ bhuktvā pitṛlokaṃ pragacchati |
tatra ciraṃ phalaṃ bhuktvā stotraphalaṃ tato labhet || 33 ||
[Analyze grammar]

satyalokaṃ vihāyaivā'kṣaraṃ lokaṃ prayāti saḥ |
atra santatibāhulyaṃ śrāddhakarturbhavatyapi || 34 ||
[Analyze grammar]

vaiṣṇavaṃ tatkuṭumbaṃ syād bhajitvā parameśvaram |
naivedyaṃ ye samarpyā'pi nityaṃ prapūjya bhāvataḥ || 35 ||
[Analyze grammar]

stotrasyā'sya pratāpenākṣaraṃ dhāma prayāti ca |
evaṃ vaṃśapravaṃśā vai śrāddhadātuḥ prajā rame || 36 ||
[Analyze grammar]

prayānti cākṣaraṃ dhāma stotravaktā pramodate |
pramodante vaṃśajāśca sahavāsāḥ sadā'kṣare || 37 ||
[Analyze grammar]

gavāṃ prasevayā yāti svargaṃ satyaṃ tataḥ param |
golokaṃ paramaṃ yāti stotrapuṇyena cākṣaram || 38 ||
[Analyze grammar]

striyastriṣavaṇaṃ snātvā labhante cottamān varān |
viprāṇītvaṃ ca devītvaṃ yānti stotreṇa cā'kṣaram || 39 ||
[Analyze grammar]

vāyvāhārastapaḥkartā labhed yajñaphalaṃ divam |
stotreṇa ca tato yāti paramākṣaramuttamam || 40 ||
[Analyze grammar]

nityasnāyī buddhimān syānmedhāvī sphurtimān janaḥ |
prāṇāyāmaparo yāti svargaṃ stotreṇa cākṣaram || 41 ||
[Analyze grammar]

sthaṇḍile śayanāḍhyastu labhate mandirāṇi vai |
rājayogyāni vai svarge stotreṇa yāti cākṣaram || 42 ||
[Analyze grammar]

cīravalkalavastrāḍhyaḥ praiti bhūṣāmbarāṇi ca |
śayyāsanāni ramyāṇi labhate ca tataḥ param || 43 ||
[Analyze grammar]

stotreṇa yāti me dhāmā'kṣaraṃ modaṃ pravindati |
agnisnātaḥ prayātyeva sūryalokaṃ tataḥ param || 44 ||
[Analyze grammar]

vahnilokaṃ tataḥ stotrabalād yātyakṣaraṃ padam |
rasānāṃ niyame yāti saubhāgyaṃ svargamuttamam || 45 ||
[Analyze grammar]

anāmiṣādaḥ svaryāti cirāyurjāyate divi |
tataḥ stotreṇa vai dhāmā'kṣaraṃ yāti sukhāspadam || 46 ||
[Analyze grammar]

udavāsī nṛpaḥ syācca samudrādhipatirbhavet |
bhūtvā ca varuṇaḥ stotrabalād dhāmā'kṣaraṃ tataḥ || 47 ||
[Analyze grammar]

satyavratī prayātyeva svargaṃ stotreṇa cā'kṣaram |
pānīyadānamātreṇa svarge'mṛtādano bhavet || 48 ||
[Analyze grammar]

annado'pi prayātyeva svargaṃ bhogāḍhyamuttamam |
kāmabhogān prabhuktvā stotreṇa yātyakṣaraṃ padam || 49 ||
[Analyze grammar]

sāntvadaḥ sarvabhūtānāṃ yāti satyaṃ padaṃ śubham |
devaśuśrūṣayā yāti siddhalokaṃ tu vaidhasam || 50 ||
[Analyze grammar]

stotreṇa ca tato yātyakṣaraṃ matparamaṃ padam |
dīpadātā divyadṛṣṭirbhavatyeva susiddhimān || 51 ||
[Analyze grammar]

satyaloke ciraṃ sthitvā stavena yāti cākṣaram |
ādarśādipradātā ca vairājyameti satpadam || 52 ||
[Analyze grammar]

gandhamālyādidānena gāndharvaṃ caiti rājasam |
pañcakeśā'kṣaurakarmā vaṃśavistāravān bhavet || 53 ||
[Analyze grammar]

kanyādānavidhātā tu svargaṃ vairājasatpadam |
labhate caiśvaraṃ bhāvaṃ dāsīdāsasahasrakam || 54 ||
[Analyze grammar]

alaṃkārān mahābhogān divyān prāsādasattamān |
yajñaiścānaśanādyaiśca svargaṃ pitṛpadaṃ tathā || 55 ||
[Analyze grammar]

phalapuṣpādidānena tūdyānādipatirbhavet |
tiladhenupradātā tu vasulokaṃ prayāti vai || 56 ||
[Analyze grammar]

bhūmidātā'vyākṛtaṃ ca dhāma yāti sukhāspadam |
dhuryadānena ca vasulokaṃ yāti sukhāśrayam || 57 ||
[Analyze grammar]

chatradānena caiśatvaṃ kailāse labhate janaḥ |
upānaho pradānena yānavimānavān bhavet || 58 ||
[Analyze grammar]

gandhadānena surabhirbhavedīśvarakoṭikaḥ |
sapuṣpaphalavṛkṣasya dātā'mṛtapadaṃ vrajet || 59 ||
[Analyze grammar]

rasadātā'mṛtaṃ dhāma gacchedīśvarakoṭikaḥ |
sragdhūpalepadānena vaikuṇṭhaṃ labhate param || 60 ||
[Analyze grammar]

śayyādānavidhātā vai golokaṃ yāti bhaktarāṭ |
tatra tatra mahānandān bhuktvā stotreṇa cā'kṣaram || 61 ||
[Analyze grammar]

prayātyeva pratāpānme lakṣmi dhāmottamottamam |
taḍāgasya pradātā vai prayātyamṛtadhāma saḥ || 62 ||
[Analyze grammar]

tatra bhogānparān bhuktvā stotreṇa yāti cā'kṣaram |
dharmārthakāmamokṣāṇāṃ dātṛ sarovarārpaṇam || 63 ||
[Analyze grammar]

taḍāgena pradeśasya śriyo yānti vikāsatām |
caturdaśastaravāsāḥ saṃśrayanti jalāśayam || 64 ||
[Analyze grammar]

agnihotraphalaṃ svargagodānasya phalaṃ tathā |
agniṣṭomaphalaṃ cātirātrayajñaphalaṃ tathā || 65 ||
[Analyze grammar]

vājimedhaphalaṃ cāpi labhate sarasaḥ pradaḥ |
gāvaḥ santo janāḥ pakṣivarāḥ prāṇapradhāriṇaḥ || 66 ||
[Analyze grammar]

paśavaḥ pādapā vāri pibanti jantavo'pi ca |
vibhramanti taṭe tatra snānti ca kṣālayanti ca || 67 ||
[Analyze grammar]

evaṃ taḍāgadāturvai phalaṃ tvanantakaṃ bhavet |
sarvadāneṣu vai jyeṣṭhaṃ pānīyaṃ śāntidaṃ param || 68 ||
[Analyze grammar]

jaladātā'mṛtabhoktā jāyate caiśvare pade |
virajāyāstaṭe sthitvā ciraṃ golokameti ca || 69 ||
[Analyze grammar]

bhuktvā bhogān subahudhā tataḥ stotreṇa cā'kṣaram |
prayātyeva prabhakto me stotraphalaṃ parā'kṣaram || 70 ||
[Analyze grammar]

atha vṛkṣapradātā ca divyavṛndāvanaṃ śubham |
golokasthaṃ sametyeva gulmadātā latārpakaḥ || 71 ||
[Analyze grammar]

vallīprado vaṃśadātā tṛṇado yāti tatpadam |
devalokaṃ śubhaṃ bhuktvā pitṛlokaṃ prayāti ca || 72 ||
[Analyze grammar]

vṛkṣāḥ puṣpaiḥ suragaṇān pitṝn phalaiḥ rasādibhiḥ |
atithīn chāyayā patraiḥ prāṇinaḥ pūjayanti vai || 73 ||
[Analyze grammar]

dadatyāśrayamutkṛṣṭaṃ dehibhyo vṛkṣajātayaḥ |
bṛkṣadaṃ putravad vṛkṣāstārayanti paratra tu || 74 ||
[Analyze grammar]

vṛkṣaropī ceṣṭayajñaḥ satyavādī jitendriyaḥ |
svarge satye ca vairāje'mṛte'vyākṛtadhāmani || 75 ||
[Analyze grammar]

vaikuṇṭhe cāpi goloke mahīyante'timodinaḥ |
te'pi lakṣmi stavenaiva prayāntyakṣaramuttamam || 76 ||
[Analyze grammar]

abhayaṃ sarvabhūtebhyo datvā'bhayaṃ pare'kṣare |
prāpnotyeva stavenā'pi śāśvatānandabhāg bhavet || 77 ||
[Analyze grammar]

vyasaneṣvapi lokānāmanugrahaḥ paro vṛṣaḥ |
duḥkhahā vyasanakṣeptā svargaṃ yāti sukhāspadam || 78 ||
[Analyze grammar]

yaccā'bhilaṣitaṃ dadyāt tṛṣitāyā'bhiyācate |
dattaṃ tūrṇamupayuktaṃ grahītā toṣaṇaṃ vrajet || 79 ||
[Analyze grammar]

śreṣṭhaṃ taddānamevā'tra dātāramupagacchati |
svarṇadānaṃ dhenudānaṃ pṛthivīdānamuttamam || 80 ||
[Analyze grammar]

prāsādadānaṃ kanyāyā dānaṃ vidyāpradānakam |
annavāripradānaṃ ca bhūṣāmbarapradānakam || 81 ||
[Analyze grammar]

gṛhopakaraṇānāṃ ca dānaṃ śṛṃgāradānakam |
yānavāhanadānaṃ cā'bhayadānaṃ viśeṣataḥ || 82 ||
[Analyze grammar]

viśvāsadānaṃ dravyāṇāṃ dānaṃ kumāradānakam |
vṛṣabhāṇāṃ gajānāṃ ca vājināṃ dānamuttamam || 83 ||
[Analyze grammar]

chatrāsanādidānaṃ ca vetradānaṃ paraṃ matam |
siṃhāsanapradānaṃ ca gajāsanapradānakam || 84 ||
[Analyze grammar]

jñānadānaṃ bhaktidānaṃ puruṣārthapradānakam |
kāmadānāni caitāni pavitrāṇyuttamāni ca || 85 ||
[Analyze grammar]

sādhubhyo daivatavadbhyo dattānyetāni padmaje |
nityadā khalu dātāraṃ pāpāt pramokṣayanti hi || 86 ||
[Analyze grammar]

puṇyapuñjairyojayanti nayanti divamuttamam |
satyalokaṃ ca vairājān lokān nayanti tāni ha || 87 ||
[Analyze grammar]

viṣṇulokān sadāśivalokān nayanti tāni ha |
māyālokānīśalokān golokān prāpayanti ca || 88 ||
[Analyze grammar]

lakṣmīlokān muktalokān śrīlokān prāpayanti ca |
avyākṛtā'mṛtadhāmaviśeṣān prāpayanti ca || 89 ||
[Analyze grammar]

pārṣadānāṃ mahālokānnārīlokānnayanti ca |
sādhvīlokān satīlokān dātāraṃ prāpayanti ca || 90 ||
[Analyze grammar]

vahnilokān dharmalokān candralokānnayanti ca |
yadyadiṣṭatamaṃ loke yacca syād dayitaṃ priyam || 91 ||
[Analyze grammar]

tattad deyaṃ supātrāya phalamakṣayadaṃ hi tat |
priyakṛllabhate nityaṃ priyaṃ priyaprado bhavet || 92 ||
[Analyze grammar]

priyo bhavati bhūtānāmiha cāpi paratra ca |
amitramapi dīnaṃ ceccharaṇaiṣiṇamāgatam || 93 ||
[Analyze grammar]

vyasane yo'nugṛhṇāti sa vai nārāyaṇo mataḥ |
kṛśāyā'dhītavidyāya vṛttikṣīṇāya sīdate || 94 ||
[Analyze grammar]

dadyāt kaṣṭaṃ nāśayecca sa vai nārāyaṇo mataḥ |
satkarmaparamān sādhūn putradārakuṭumbinaḥ || 95 ||
[Analyze grammar]

ayācamānān dadyācca sarvopāyaiḥ pratuṣṭaye |
lālasā naiva bhogeṣu svargeṣvapi prakurvate || 96 ||
[Analyze grammar]

nityatuṣṭā nirāśāśca kṛtā'vasathavāsinaḥ |
brahmaparā pradātavyāḥ sarvasmṛddhibhirādarāt || 97 ||
[Analyze grammar]

yadi te pratigṛhṇīyuḥ śraddhāpūtaṃ pradāpitam |
dattaṃ tat koṭipuṇyānāṃ pradaṃ mokṣapradaṃ bhavet || 98 ||
[Analyze grammar]

dhārmikā bhaktimanto vai vidvāṃso vratino janāḥ |
tāpasāḥ śīlayogāśca dāntāḥ pātrāṇi sādhavaḥ || 99 ||
[Analyze grammar]

teṣu dattaṃ mahāyajño nityaṃ brahmamakho bhavet |
viśiṣṭaḥ sarvayajñebhyaścānṛṇyasampradaḥ sadā || 100 ||
[Analyze grammar]

kupyanti naiva cā'lābhe lubhyanti na tṛṇeṣvapi |
tuṣyanti sukhino dṛṣṭvā modante varddhayanti ca || 101 ||
[Analyze grammar]

nārāyaṇaṃ ca māṃ nityaṃ smaranti kīrtanaiḥ sadā |
sādhavo brāhmaṇā brahmadharāśca ṛtvijo'malāḥ || 102 ||
[Analyze grammar]

purohitāstathā''cāryāstādṛśyaḥ sādhvikāḥ striyaḥ |
mātaraḥ putrakalyāṇakartryaḥ pūjyatamāśca yāḥ || 103 ||
[Analyze grammar]

vittādinā sadā pūjyā namaskāryā yathāyatham |
dātavyāścarddhibhirnityaṃ devā devyo hi tā matāḥ || 104 ||
[Analyze grammar]

yathā svāmyāśrayo dharmaḥ strīṇāṃ loke sanātanaḥ |
tathā svāmyāśrayo dharmo dānātmā devatāśrayaḥ || 105 ||
[Analyze grammar]

sādhubhyaḥ prathamaṃ dadyād brahmavidbhyaḥ śubhaṃ muhuḥ |
anāthebhyastato dadyād bhikṣukebhyastataḥ param || 106 ||
[Analyze grammar]

viprebhyaśca tato dadyānnārībhyaśca tataḥ param |
brāhmaṇebhyastato dadyādanyebhyaśca tataḥ param || 107 ||
[Analyze grammar]

dāsādibhyastato dadyādevaṃ dātā pramodate |
dānaphalaṃ ca lokeṣu bhuktvā brahma prayātyanu || 108 ||
[Analyze grammar]

puruṣottamasāmākhyastotreṇaityakṣaraṃ padam |
sarvadānaphalaṃ saukhyaṃ modamānandamutsavam || 109 ||
[Analyze grammar]

labhate śāśvatamūrtirbrahmasāyujyamāsthitaḥ |
paṭhanācchravaṇādasya brahmasāyujyabhāg bhavet || 110 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne dānaphalabhogottaraṃ puruṣottamasāmajapaphalamakṣaradhāmasthaśāśvatā''nandātmakaṃ bhuṃkte dātetyādinirūpaṇanāmā |
navādhikaśatatamo'dhyāyaḥ || 109 ||
[Analyze grammar]