Chapter 107

śrīpuruṣottama uvāca |
śṛṇu lakṣmi camatkāraṃ sādhoḥ śrīcihnayoginaḥ |
saurāṣṭravāsinaste'tra vadāmi smṛddhimokṣadam || 1 ||
[Analyze grammar]

āsīt sādhurmama bhakto kīśādanapurasthitaḥ |
śrīcihnayogītisiddho divyakarmā samādhimān || 2 ||
[Analyze grammar]

anādiśrīkṛṣṇanārāyaṇaṃ māṃ bhajate sma saḥ |
kvacidadṛśyarūpeṇa kvacid dṛśyena vartate || 3 ||
[Analyze grammar]

kvacijjale vane vṛkṣe parvate vasati kvacit |
vṛṣṭau tāpe kvaciccā'bdhitaṭe cā'śvasarovare || 4 ||
[Analyze grammar]

kvacid vahnā ca vāyau ca kvacid viśati gahvare |
etādṛśaḥ samartho'pi bhajate māṃ nirantaram || 5 ||
[Analyze grammar]

anādiśrīkṛṣṇanārāyaṇa śrīparameśvara |
akṣarādhipate lakṣmīpate śrīpuruṣottama || 6 ||
[Analyze grammar]

evaṃ māṃ raṭati nityaṃ bhajate ca punaḥ punaḥ |
kṛṣṇanārāyaṇanāmnā mālāṃ karoti nityaśaḥ || 7 ||
[Analyze grammar]

snānaṃ dhyānaṃ ca pūjāṃ karoti mama nityadā |
mānase hṛdaye nityaṃ mūrtaṃ paśyati māṃ hi saḥ || 8 ||
[Analyze grammar]

sahasraśo lakṣaśaśca mānavā yamupāsate |
kalpavṛkṣasamaṃ santaṃ vīkṣya yat kalpayanti te || 9 ||
[Analyze grammar]

sarvaṃ tat phalati teṣāṃ kalpanādeva sannidhau |
nā''śīrvādāvaśyakatā sevāvaśyakatā na ca || 10 ||
[Analyze grammar]

evaṃvidhaḥ sa sādhustvekadā kaupīnamātradhṛk |
yadṛcchayā copapanno devānīkanṛpaṃ prati || 11 ||
[Analyze grammar]

saurāṣṭrarājo vijñāya santaṃ neme pupūja tam |
svāgataṃ cāsanaṃ datvā madhuparkaṃ dadau tataḥ || 12 ||
[Analyze grammar]

pādāmṛtaṃ jalaṃ labdhvā papau kuṭumbayuṅnṛpaḥ |
kalyāṇadevānīkastrī sahajāśrīriti nṛpī || 13 ||
[Analyze grammar]

neme taṃ ca dadau bhojyaṃ miṣṭaṃ phalaṃ jalaṃ ghṛtam |
munirjagrāha bhāvena papau vāri tutoṣa ca || 14 ||
[Analyze grammar]

rājā satkṛtya bahudhā muniṃ punarathā'bravīt |
bhagavan paravantau syo brūhi kiṃ karavāvahai || 15 ||
[Analyze grammar]

yadi rājyaṃ yadi dhanaṃ yadi gā yadi bhāminīm |
yānaṃ sutāṃ sutaṃ saudhaṃ brūhi sarvaṃ dadāmi te || 16 ||
[Analyze grammar]

idaṃ gṛhamidaṃ rājyamidaṃ dharmāsanaṃ ca te |
nṛpa tvamasi śādhyurvīmahantu paravāṃstvayi || 17 ||
[Analyze grammar]

śrutvā śrīcihnayogī taṃ prāha bhaktaṃ nṛpaṃ dvijam |
na rājyaṃ kāmaye rājanna dhanaṃ bhāminīṃ na ca || 18 ||
[Analyze grammar]

na gāḥ pānaṃ sutāṃ saudhaṃ sutaṃ vā kāmaye nṛpa |
kintu mayā gṛhīto'sti niyamastasya pūrtaye || 19 ||
[Analyze grammar]

paricaryo'smi yattābhyāṃ yuvābhyāmaviśaṃkayā |
rājā hṛṣṭo'bhavacchrutvā prāha tathā'stu taṃ munim || 20 ||
[Analyze grammar]

prāveśayad gṛhoddeśaṃ darśanīyamadarśayat |
iyaṃ śayyā bhagavato yathākāmamihoṣyatām || 21 ||
[Analyze grammar]

prāsādo'yaṃ ca bhogāśca bhujyantāṃ svīyasampadaḥ |
vrataṃ samyaganutiṣṭha sarvaṃ gṛhāṇa pūrtaye || 22 ||
[Analyze grammar]

kimannaṃ kiṃ jalaṃ cānyat kiṃ kiṃ bhavato'pekṣitam |
yatiṣye prītimāhartuṃ kimupasthāpayāmi ca || 23 ||
[Analyze grammar]

śrutvā munirbhojanaṃ ca yathopapannamuttamam |
pāyasādyaṃ prayacchasvetyāha rājā samānayat || 24 ||
[Analyze grammar]

bubhuje ca jalaṃ pītvā prāha śrīcihnayogirāṭ |
svaptumicchāmi śayyāyāṃ na prabodhyo'smi sarvathā || 25 ||
[Analyze grammar]

saṃvāhitavyau me pādau jāgṛtavyaṃ ca te niśi |
ityuktvā sa prasuṣvāpa divasānekasaptatim || 26 ||
[Analyze grammar]

śuśrūṣāparamau rājñīnṛpau cāhāravarjitau |
babhūvatustataḥ sādhuruttasthau vratamāsthitaḥ || 27 ||
[Analyze grammar]

provāca sa tadā tailābhyaṃgo me rocate'dhunā |
rājñīnṛpau sugandhāḍhyatailābhyaṃgaṃ pracakratuḥ || 28 ||
[Analyze grammar]

kārayāmāsatuḥ snānaṃ bhūṣayāmāsatustathā |
bhojayāmāsatuścāpi sādhuṃ miṣṭānnakāni ca || 29 ||
[Analyze grammar]

miṣṭapākān samagrāṃśca laḍḍukān sarvajātikān |
veśavāraviśeṣāṃśca polikāḥ pūrikādikāḥ || 30 ||
[Analyze grammar]

rasānnānāprakārāṃśca śākāni vividhāni ca |
dravāṇi sarvarūpāṇi bharjitāṃca kaṇāṃstathā || 31 ||
[Analyze grammar]

kṣārāmlamiṣṭacūrṇāni phalāni vividhāni ca |
āranālāni ramyāṇi rājabhojyāni sarvaśaḥ || 32 ||
[Analyze grammar]

bhojayāmāsatustatra maharṣirbubhuje sukhaḥ |
āha kalyāṇanṛpatiṃ rājñīṃ vahata māṃ vanam || 33 ||
[Analyze grammar]

skandhe kṛtvā śibikāyāṃ rājā rājñī mudaṃ gatau |
svarṇarūpyādisaṃśobhamārohayitvā taṃ munim || 34 ||
[Analyze grammar]

ūhaturnagare cāpi nagarānte tathā vane |
dṛṣṭvā prasannamanasau nirvikārau hi sevakau || 35 ||
[Analyze grammar]

prasannaḥ śrīcihnayogī śibikāto hyavātarat |
vimuktvā tau varaṃ śreṣṭhaṃ brūtāṃ dadānyuvāca tau || 36 ||
[Analyze grammar]

sukumārau ca tau viddhau pādayoḥ skandhayostathā |
paspārśā'mṛtakalpābhyāṃ karābhyāṃ cihna yogirāṭ || 37 ||
[Analyze grammar]

susampannau śramahīnau divyadevāviva hyubhau |
sañjātau navarūpau ca tathā ca navayauvanau || 38 ||
[Analyze grammar]

tau muniścāha gamyetāṃ kīśādanaṃ nijaṃ puram |
ahamatra nivatsyāmi vane vrataṃ carāmyapi || 39 ||
[Analyze grammar]

yatkāṃkṣitaṃ yuvayostu sarvaṃ tadvai bhaviṣyati |
ityukte nṛparājñyau cāhatustaṃ vai munīśvaram || 40 ||
[Analyze grammar]

aparādhāśca sevāyāṃ jātāścette munīśvara |
kṣantavyāḥ sarva evaite dayāvārdhimahātmanā || 41 ||
[Analyze grammar]

tava prītiṃ prasādaṃ cā'bhikāṃkṣāvaḥ sadā mune |
prāha śrīcihnayogī tu paśyatāṃ rūpamaiśvaram |
prasanno'smi hariścā'smi śrīcihnahṛdayo'smyaham |
śrīvatsavakṣā me nāma lakṣmīpatirbhavāmyaham || 43 ||
[Analyze grammar]

sādhurūpo gṛhe te'tra cāgato'smi kṛpāvaśaḥ |
mamā'vatāro bhaktānāṃ sadā kalyāṇahetave || 44 ||
[Analyze grammar]

ataścarāmi sādhurvai divyadeho janārdanaḥ |
devānīka prasanno'smi sahajāśri rato'smi ca || 45 ||
[Analyze grammar]

vṛṇutaṃ sadvarān sveṣṭān sevāphalaṃ dadāmi ca |
śrutvaivaṃ tu tadā lakṣmi devānīkaḥ praṇamya tam || 46 ||
[Analyze grammar]

prapūjya paramātmānaṃ matvā sukṛtamātmanaḥ |
provāca snehamadvākyairbhagavantaṃ hi māṃ tadā || 47 ||
[Analyze grammar]

prāptaṃ sarvaṃ mayā kṛṣṇanārāyaṇa tavāgamāt |
sevayā pūrṇayā tīrṇaḥ sapatnīkaśca tadbahu || 48 ||
[Analyze grammar]

yatprīto'si harekṛṣṇa kulaṃ trātaṃ ca tāritam |
eṣa me'nugrahastatra sevā phalaṃ ca jīvataḥ || 49 ||
[Analyze grammar]

etadrājyaphalaṃ caiva bhakteścāpi phalaṃ mama |
kiṃ ca tvaṃ prītimānāsse saṃśayaṃ me nivāraya || 50 ||
[Analyze grammar]

kiṃvrataṃ kīdṛśaṃ kasmādetatsarvamanuṣṭhitam |
śrutvā śrīcihnayogī ca devānīkamuvāca ha || 51 ||
[Analyze grammar]

śṛṇu bhakta samagraṃ tanmayā yanniścitaṃ svataḥ |
tava vaṃśe bhaviṣyāmi bhagavān bhaktavallabhaḥ || 52 ||
[Analyze grammar]

tvāṃ tathā tava rājñīṃ ca pāvanārthamupāgataḥ |
pāvane bhaktavaṃśe'haṃ tataścāvatarāmi hi || 53 ||
[Analyze grammar]

sādhurūpaṃ mama rūpaṃ pāvayatyeva mānavān |
sādhurūpeṇa bījaṃ tvāṃ pūtaṃ kṛtvā tataḥ param || 54 ||
[Analyze grammar]

anādiśrīkṛṣṇanārāyaṇaḥ śrīkṛṣṇa eva vai |
śrīmadgopālabālo'haṃ kaṃbharāśrīsuto hariḥ || 55 ||
[Analyze grammar]

bhaviṣyāmīti sevāyāḥ phaladānārthameva ha |
sevāṃ kārayituṃ cātra samāyāto'smi sarvathā || 56 ||
[Analyze grammar]

yathoktā mama sevā vai kṛtā tvayā ca yoṣitā |
pādasaṃvāhanaṃ snānaṃ bhojanaṃ śibikādhṛtiḥ || 57 ||
[Analyze grammar]

sarvaṃ sampāditaṃ me vai tena te vaṃśajāstviha |
paratrāpi tathā sarve bhaviṣyanti sukhānvitāḥ || 58 ||
[Analyze grammar]

bhavānapi ca golokaṃ kālāntare gamiṣyati |
sabhāryastvaṃ mahānandaṃ dhāmno me'pi labhiṣyasi || 59 ||
[Analyze grammar]

patnīvratasya viprasya brāhmaṇyaṃ vartate tava |
tvadvaśe rājalakṣmyāśca rājatā brahmatā punaḥ || 60 ||
[Analyze grammar]

brāhmaṇyaṃ mama vāsena dhruvaṃ sadā bhaviṣyati |
brahmiṣṭhatve maharṣitvaṃ tapasvitā ca sādhutā || 61 ||
[Analyze grammar]

muktatā divyatā cāpi kṛṣṇatā mokṣadātṛtā |
sarvapūjyatvamevā'pi sarvaratnasamudratā || 62 ||
[Analyze grammar]

sarvasaubhāgyakhanitā sarvaiśvaryāḍhyatā tathā |
śrīlakṣmīśāradābhūtisampadāśrayatā sadā || 63 ||
[Analyze grammar]

etatsarvaṃ mama vāsād bhaviṣyati purā kule |
ityuktvā bhagavān so'haṃ datvā hāraṃ tu kānakam || 64 ||
[Analyze grammar]

maṇimālāṃ tathā datvā datvā mantraṃ paraṃ manum |
oṃ namaḥ śrīkṛṣṇanārāyaṇāya svāmine namaḥ || 65 ||
[Analyze grammar]

pātraṃ tathā'kṣayaṃ datvā datvā cakraṃ sudarśanam |
adṛśyatāṃ gataścā'haṃ devānīko yayau gṛham || 66 ||
[Analyze grammar]

svarṇavarṇān suprāsādān prākāraṃ kānakaṃ tathā |
kalpodyānāvṛtaṃ dṛṣṭvā vīkṣyā'psaroyutaṃ nijam || 67 ||
[Analyze grammar]

mandiraṃ ca tathā divyavimānena suśobhitam |
dāsadāsīgaṇān divyān śaṃkhacakrādicihnitān || 68 ||
[Analyze grammar]

kāmadhenūśca parito gaurīrlakṣmīśca kanyakāḥ |
prajā vaikuṇṭhatulyāśca hastinaścāṣṭadantinaḥ || 69 ||
[Analyze grammar]

aśvān śvetān śyāmakarṇān haṃsān śvetān vihaṃgamān |
rathān sūryaśaśivrātasaṃśobhān vyomagāminaḥ || 70 ||
[Analyze grammar]

pārṣadān viṣṇurūpāṃśca devānīko mumoda ha |
yajñakuṇḍān maṇḍapāṃśca maharṣīn sādhumaṇḍalam || 71 ||
[Analyze grammar]

sādhujanān lakṣaśaśca devān sarvān dadarśa ha |
svarṇanadī pārśvataśca yāntīṃ dadarśa bhaktarāṭ || 72 ||
[Analyze grammar]

śrīhareḥ kṛpayā lakṣmi devānīko'bhavattathā |
mahendra iva nṛpatiḥ svarāḍ rājñī ramā yathā || 73 ||
[Analyze grammar]

kṛpayā mama yogena dhāmā'kṣaraṃ vyajāyata |
kīśādanaṃ nagaraṃ tacchrīśāyanaṃ vyajāyata || 74 ||
[Analyze grammar]

devānīko mahāścaryaṃ jagāma taṃ ca māṃ prabhum |
abhajat parayā prītyā saṃsmaran sādhurūpiṇam || 75 ||
[Analyze grammar]

athā'haṃ gatakālena jāto'smi bhaktavatsalaḥ |
koṭyarbudābjapatnīnāṃ nāthaḥ śrīpuruṣottamaḥ || 76 ||
[Analyze grammar]

evaṃ sādhoḥ prasaṃgena prasaṃgena harestathā |
sevakasya kulaṃ sarvaṃ bhavatyeva hareḥ kulam || 77 ||
[Analyze grammar]

śrīnārāyaṇīśrīruvāca |
kānto'si sarvanātho'si parameśaḥ svayaṃ hariḥ |
akulasya kulaṃ nāsti śrīharestava śārṅgiṇaḥ || 78 ||
[Analyze grammar]

tathāpi mānave loke vaṃśamūlā paramparā |
pravartate'taste kṛṣṇa tāmicchāmi praveditum || 79 ||
[Analyze grammar]

śrīpuruṣottama uvāca |
śṛṇu lakṣmi purā sṛṣṭerahaṃ nārāyaṇo'bhavam |
mamāṃgebhyo'bhavan brahmaviṣṇurudrasurādayaḥ || 80 ||
[Analyze grammar]

sṛṣṭyādau ca tadā nārāyaṇasya paramātmanaḥ |
mukhapiṇḍād brāhmaṇaḥ śrīpatnīvrato babhūva ha || 81 ||
[Analyze grammar]

pativratākhyā bhāryā'sya yugalaṃ tadbabhūva ha |
parameṣṭhisamāyuṣyaṃ vṛṣamūrtyātmakaṃ hi tat || 82 ||
[Analyze grammar]

pūrvapitāmahākhyaṃ me lakṣmi nibodha cādimam |
patnīvratasya vai putro brahmavratastu mānasaḥ || 83 ||
[Analyze grammar]

śīlavratā'sya bhāryā ca babhūva mānasī ca sā |
parameṣṭhisamāyuṣyau tāvubhau vyūhakoṭijau || 84 ||
[Analyze grammar]

vāsudevo vāsudevī yau tāvubhau babhūvatuḥ |
tayoḥ śiṣyā lakṣaśo'pi svataḥprakāśayoginā || 85 ||
[Analyze grammar]

nibhālitā abhavaṃśca saurāṣṭre sarvatodiśi |
brahmavratasya vai putro brāhmaṇaḥ pṛthivīpatiḥ || 86 ||
[Analyze grammar]

nāmnā kalyāṇadevānīkastu kīśādaneśvaraḥ |
sahajāśrīsaṃjñayā ca bhāryayā yug babhūva ha || 87 ||
[Analyze grammar]

vedhaḥpūrvārdhasamayāyuṣyau tau ca babhūvatuḥ |
bhūmānārāyaṇo yo'sau bhaumānikīśriyā yutaḥ || 88 ||
[Analyze grammar]

brahmāṇḍe'trā''jñayā me vai prādurbhūto hi tāvimau |
tābhyāṃ śrīcihnayogītisvarūpeṇa satā mayā || 89 ||
[Analyze grammar]

āśīrvādaḥ pradatto vai prākaṭyārthaṃ kule mama |
atha kalyāṇadevānīkasya putro'pi mānasaḥ || 90 ||
[Analyze grammar]

kṛṣṇamukuṭamaṇyātmā cānartanṛpapūjitaḥ |
picudevānīkanāmā nārāyaṇasvarūpavān || 91 ||
[Analyze grammar]

vabhūva mukuṭakalgyā miṣṭādevyā putro'tra ha |
vedhaḥpūrvārdhasamayāyuṣyau tvetau babhūvatuḥ || 92 ||
[Analyze grammar]

picudevānīkaputro mahāviṣṇuḥ svayaṃ prabhuḥ |
śrīmān gopālakṛṣṇā''khyo daśakalpāyureva ha || 93 ||
[Analyze grammar]

mahālakṣmyā kaṃbharāśrīdevyā yuto babhūva ha |
khaṭvāṃgadanṛpasyā'rthe varadānāya cāgatau || 94 ||
[Analyze grammar]

etau tu pitarau matvā'nādikṛṣṇanarāyaṇaḥ |
mānaso'hamabhavaṃ suputraḥ śrīpuruṣottamaḥ || 95 ||
[Analyze grammar]

koṭyarbudābjapatnīnāṃ bhaktānāṃ ca patiḥ prabhuḥ |
akṣarādhipatiḥ śrīśaścāvatārī parātparaḥ || 96 ||
[Analyze grammar]

bhavāmi śivarājñīśri kāntaste kṛṣṇamādhavaḥ |
ahaṃ mama pitā tasya pitā tasya pitā tathā || 97 ||
[Analyze grammar]

tatpitā tatpitā tasya pitā caite tu pūrvajāḥ |
sarve nārāyaṇā nārāyaṇāṃśā matsvarūpiṇaḥ || 98 ||
[Analyze grammar]

nārāyaṇyo mātaraśca sarvā madātmikāḥ khalu |
kimu tadbahunoktena lakṣmi jānāsi sarvathā || 99 ||
[Analyze grammar]

ahaṃ sarvātmako bhūtvā līlāṃ vistārayāmi tām |
vaṃśasya śravaṇātpāṭhād bhuktirmuktirdhruvā bhavet || 100 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne kalyāṇadevānīkabhaktasya sevāparīkṣā śrīkṛṣṇanārāyaṇaparamparānirdeśaścetyādinirūpaṇanāmā saptādhikaśatatamo'dhyāyaḥ || 107 ||
[Analyze grammar]