Chapter 58

śrīpuruṣottama uvāca |
ahaṃ brahma paraṃ jyotirviṣṇureveti cintayan |
nārāyaṇi bhavedatra jīvanmukto hi mānavaḥ || 1 ||
[Analyze grammar]

ārādhanā balaṃ jīve sañcitaṃ vai pramodadam |
ārādhanāyutaścāyaṃ yāti muktiṃ na saṃśayaḥ || 2 ||
[Analyze grammar]

viṣṇau saktaṃ mano yasya viṣṇumevā'nupaśyati |
viṣṇuṃ dhyāyestyajet prāṇān yāti tatparamaṃ padam || 3 ||
[Analyze grammar]

ārādhanena nāryaśca kṛtvā pāpāni bhasmasāt |
harau magnā brahmakāntā labhante paramāṃ gatim || 4 ||
[Analyze grammar]

manthanād dṛśyate hyagnistadvad vai mananāddhariḥ |
dṛśyate gocarasyā'gre muktiścātraiva sā matā || 5 ||
[Analyze grammar]

vedātra taṃ puruṣaṃ yaṃ cidrūpaṃ tamasaḥ param |
asyā'hamitimokṣāya nānyaḥ panthā vimuktaye || 6 ||
[Analyze grammar]

yadā sarve nijā bhāvāścārpyante parameśvare |
tadā'mṛtatvamāpnoti jīvannevā'kṣarasthitaḥ || 7 ||
[Analyze grammar]

ahaṃ brahma paraṃ jyotirmāyāpāre'smi sarvathā |
matvaivaṃ paramātmānaṃ tvāśrayenmuktibhāg bhavet || 8 ||
[Analyze grammar]

smaraṇaṃ pūjanaṃ caiva praṇāmo bhaktipūrvakam |
pratyekamaśvamedhasya phalādhikaphalapradam || 9 ||
[Analyze grammar]

purā vipraḥ kauśiko vai mama bhaktiparāyaṇaḥ |
sāmagānarato nityaṃ karatālasamanvitaḥ || 10 ||
[Analyze grammar]

bhojanāsanaśayyāsu vyavahāre vinodane |
mamaiva caritaṃ śaśvadgāyamāno'bhavanmuhuḥ || 11 ||
[Analyze grammar]

devālayaṃ samāsādya parameśvarasannidhau |
agāyata hariṃ tatra tālavarṇalayānvitam || 12 ||
[Analyze grammar]

mūrchanāsvarayogena śrutibhedena bheditam |
tatrainaṃ gāyamānaṃ ca dṛṣṭvā padmākhyabhūsuraḥ || 13 ||
[Analyze grammar]

dadāvannaṃ hi bhikṣārthaṃ gāyannāste ca kauśikaḥ |
śṛṇvannāste sa padmākhyo nityaṃ bhikṣāṃ dadāti ca || 14 ||
[Analyze grammar]

kauśikasya tataḥ śiṣyā abhavan bahavaḥ khalu |
sarve gāyanti vai viṣṇoścālaye kauśikānvitāḥ || 15 ||
[Analyze grammar]

mandire mālavo nāma vaiśyastatraiva bhaktimān |
dīpamālāṃ harernityaṃ karoti bhāryayā yutaḥ || 16 ||
[Analyze grammar]

gomayena samālipya hareḥ kṣetraṃ samantataḥ |
bhartrā sahāste suprītā śṛṇvatī gānamuttamam || 17 ||
[Analyze grammar]

evaṃ pativratā pūjākarī bhajati mādhavam |
anye gāyanakuśalā brāhmaṇāśca kuśasthalāt || 18 ||
[Analyze grammar]

pañcāśadvai samāpannā gānārthaṃ harimandiram |
kauśikasyeva gānasya puṣṭiṃ kurvanti te'pi ca || 19 ||
[Analyze grammar]

gānavidyārthatattvajñāḥ śṛṇvanto hyavasaṃstu te |
evaṃ gāyanatattvajñāḥ samavetā hi mandire || 20 ||
[Analyze grammar]

khyātamāsīt tatra tasya gānaṃ vai kauśikasya tat |
śrutvā rājā kaliṃgo'pi kīrtiṃ gītividāṃ tadā || 21 ||
[Analyze grammar]

samāyayau namaskāraṃ cakre prāha tataḥ param |
mama saudhe samāyāntu sarve vai gītikovidāḥ || 22 ||
[Analyze grammar]

kauśiko'pi samāyātu mamaiva mahadālayai |
mama gītiṃ prakurvantu kauśikādyā mamālaye || 23 ||
[Analyze grammar]

śṛṇvantu kā prajāścāpi mama sarvāḥ sugītikāḥ |
pāritoṣikavaryāṇi dāsyāmi vetanānyapi || 24 ||
[Analyze grammar]

svarṇahīrakaraupyāṇi pañcaguṇāni vo'dhikam |
tacchrutvā kauśikaḥ prāha kaliṅgaṃ bhūbhṛtaṃ śanaiḥ || 25 ||
[Analyze grammar]

na jihvā me mahārāja vāṇī me'pi na me manaḥ |
hareranyadapīndraṃ vā stauti naiva ca vakṣyati || 26 ||
[Analyze grammar]

anye ca kauśikasyāpi śiṣyāḥ sarve tathā'vadan |
vaśiṣṭho gautamaścāpi hariḥ sārasvatastathā || 27 ||
[Analyze grammar]

citraśca citramālyaśca śiśuścocustathaiva te |
na vayaṃ bhagavadbhinnaṃ naraṃ vā devatādikam || 28 ||
[Analyze grammar]

gāyāmo nāpi gāsyāmo vayamekāntino hareḥ |
atha ye śrāvakāścāsan vaiṣṇavāste'pi vai tathā || 29 ||
[Analyze grammar]

pārthivaṃ jagadustatra rājan vayaṃ hi vaiṣṇavāḥ |
dehendriyamanobuddhyahaṃkārātmaguṇā hi naḥ || 30 ||
[Analyze grammar]

viṣṇuparā nānyaparā vaiṣṇavasyāpi sevinaḥ |
avaiṣṇavasya saṃgaṃ na kurvanti vibhramādapi || 31 ||
[Analyze grammar]

viṣṇorvaiṣṇavabhaktasya śṛṇvanti caritāni vai |
śrotrāṇīmāni rājendra tadanyasya na karhicit || 32 ||
[Analyze grammar]

gānakīrtiṃ vayaṃ hareḥ śṛṇumo'nyāṃ na ca stutim |
anyaiḥ saha vyavahāramātraṃ vacma iva tvayā || 33 ||
[Analyze grammar]

na spṛśāmo vaiṣṇavā'nyaṃ jalaṃ sthalaṃ jaḍaṃ citam |
na vadāmo vaiṣṇavā'nyaṃ paśyāmo nāpyavaiṣṇavam || 34 ||
[Analyze grammar]

jalānnādi na gṛhṇīmo vaiṣṇavā'nyasya vai kvacit |
yadi prāptaṃ bhavet syāttad bhuñjāmo vaiṣṇavā'rpitam || 35 ||
[Analyze grammar]

tacchrutvā pārthivo ruṣṭastvete mamā'vamānakāḥ |
prasahya gāpanīyā vai gāyantāmiti cā'bravīt || 36 ||
[Analyze grammar]

mama bhṛtyān mama kīrti śrāvayantu hi kovidāḥ |
ityājñāṃ vai samākarṇya vaiṣṇavāste dṛḍhavratāḥ || 37 ||
[Analyze grammar]

naiva jagustadā rājā bhṛtyānājñāpayannijān |
gātuṃ nijayaśo bhṛtyā ārebhire nṛpājñayā || 38 ||
[Analyze grammar]

nṛpaścaiva yaśo gātuṃ tadā te vaiṣṇavādayaḥ |
aṅgulyādibhireva drāk śrotrāṇi pidadhustadā || 39 ||
[Analyze grammar]

tato rājā susaṃkruddhaḥ svadeśāt tān vivāsayat |
gāyakāstaṃ parityajya yayurvai diśamuttarām || 40 ||
[Analyze grammar]

gāyantaḥ śrīharernāma śṛṇvantaḥ parameśvaram |
śrāvayantaśca te nārāyaṇaṃ kṛṣṇaṃ hi mānuṣān || 41 ||
[Analyze grammar]

himālayaṃ yayuḥ śaitye kāladharmaṃ tato gatāḥ |
viṣṇuḥ prāha samāgatya samāgacchantu māmanu || 42 ||
[Analyze grammar]

bhavanto mama bhaktā hi madarthaṃ tyaktajīvanāḥ |
ityuktvā bhagavān viṣṇuranayattān divaṃ param || 43 ||
[Analyze grammar]

devādyaiḥ pūjitāste ca pitṛbhiścābhivanditāḥ |
brahmalokaṃ gatāḥ śīghraṃ muhūrtenaiva te dvijāḥ || 44 ||
[Analyze grammar]

kauśikādīṃstato dṛṣṭvā brahmā lokapitāmahaḥ |
pratyudgamya yathāyogyaṃ svāgatenā'bhyapūjayat || 45 ||
[Analyze grammar]

tato viṣṇurhi bhagavān samādāya nijāśritān |
viṣṇulokaṃ yayau śīghraṃ vāsudevaḥ paraḥ prabhuḥ || 46 ||
[Analyze grammar]

vaikuṇṭhe tatra vai viṣṇurnārāyaṇaḥ pareśvaraḥ |
muktaiḥ siddhairviṣṇubhaktaiḥ pārṣadaiḥ parisevitaḥ || 47 ||
[Analyze grammar]

nārāyaṇasamairdivyaiścaturbāhudharaiḥ śubhaiḥ |
viṣṇucihnasamāpannairdīpyamānairakalmaṣaiḥ || 48 ||
[Analyze grammar]

sanakādyairnāradādyairdivyastrībhiḥ samantataḥ |
virājate sevyamānaḥ sahasradvārasaṃvṛte || 49 ||
[Analyze grammar]

sahasrayojanāyāme divye maṇimaye śubhe |
vimāne vimale citre gajapīṭhāsane hariḥ || 50 ||
[Analyze grammar]

anādiśrīkṛṣṇanārāyaṇaḥ śrīpuruṣottamaḥ |
kauśikādīn vilokyā'tha harirnārāyaṇaḥ prabhuḥ || 51 ||
[Analyze grammar]

ekarūpo hyabhavacca divyagajāsanasthitaḥ |
kauśiketyāha samprītyā svāgataṃ kṛtavāṃstathā || 52 ||
[Analyze grammar]

jayaghoṣo hi bhaktānāṃ tadāsīd dhāmagarjanaḥ |
bhagavānāha bhaktā me vaikuṇṭhe saṃvasantviti || 53 ||
[Analyze grammar]

matkīrtiśravaṇe yuktā gītitattvārthakovidāḥ |
lakṣmīnārāyaṇasaṃhitārthakīrtanagāyinaḥ || 54 ||
[Analyze grammar]

ananyadevatā bhaktā matsamīpe vasantviti |
mama dhāmni bhavantvatra pārṣadā mama śāśvatāḥ || 55 ||
[Analyze grammar]

kauśiko mālavaścāpi mālavī padmanetrakaḥ |
tathā'nye gāyakāḥ sarve mama gāyanasevinaḥ || 56 ||
[Analyze grammar]

mayaiva saha nityaṃ vai gāyantu ca vasantu ca |
kauśiko gāyanaṃ me vai karotu vādyasaṃyutam || 57 ||
[Analyze grammar]

mālavo'yaṃ dīpamālāṃ karotu saha bhāryayā |
padmākṣo'yaṃ dhaneśo me bhavatvevā'nnasampradaḥ || 58 ||
[Analyze grammar]

mama sānnidhyamāptā vai sarve vai lokapūjitāḥ |
athaivaṃ vadati viṣṇau kṣaṇe tatra samāgatāḥ || 59 ||
[Analyze grammar]

vipañcīguṇatattvajñā vādyavidyāviśāradā |
mandaṃ mandasmitā devī madhurākṣarapeśalā || 60 ||
[Analyze grammar]

śṛṃgāritā gāyamānā lakṣmīrviṣṇuparigrahā |
vṛtā sahasrakoṭisvāṃganābhirvai samantataḥ || 61 ||
[Analyze grammar]

tatra smṛtā mahāsādhvī sarasvatī tu śārṅgiṇā |
samāyātā savādyā ca sarvaśṛṃgāraśobhanā || 62 ||
[Analyze grammar]

rādhā ramā ca kamalā māṇikī śrīḥ satī tathā |
padmāvatī ca haṃsī ca maṃjulī sadguṇā tathā || 63 ||
[Analyze grammar]

āyayustatra vai devyo gaṃgā durgā savādyakāḥ |
sāvitrī virajā cāpsaraso nārāyaṇasmṛtāḥ || 64 ||
[Analyze grammar]

urvaśyādyāstadā gītinṛtyalīlāviśāradāḥ |
menakā sahajanyā ca parṇinī puñjikasthalī || 65 ||
[Analyze grammar]

kṛtasthalī ghṛtācī ca viśvācī pūrvacittikā |
anumlocā ca pramlocā manuvaṃtī sukeśikā || 66 ||
[Analyze grammar]

arūpā subhagā bhāsī haṃsā sūtā sarovatī |
kāmalī hyabhayā haṃsapādī ca sumukhī dayā || 67 ||
[Analyze grammar]

anapāyā'ruṇā varāṃbarā ca vimanuṣyikā |
asiparṇā miśrakeśī śucikā'lambuṣā ramā || 68 ||
[Analyze grammar]

mārīciścādrikā vidyutparṇā tilottamā jayā |
kṣemā raṃbhā lakṣmaṇā cā'sitā manobhavā'mbikā || 69 ||
[Analyze grammar]

subāhvī supriyā puṇḍarīkā ca surasā prabhā |
ajagandhā sudatī ca subhujā śāntikā himā || 70 ||
[Analyze grammar]

muktā devī ca haimī ca puṣpā campā savitrikā |
āyayuścāpi gandharvāḥ smṛtā nārāyaṇena vai |
nāradaḥ parvataścāpi viśvāvasurvareṇyakaḥ || 71 ||
[Analyze grammar]

vasuruciḥ suruciśca varuthaścāpi dāruṇaḥ |
haṃso jyotiṣṭamo madhya ācārastumburustathā || 72 ||
[Analyze grammar]

subāhuśca hahā hūhūḥ parjanyaśca kalistathā |
śāliśirāścitraratho bhīmaśca prayutastathā || 73 ||
[Analyze grammar]

arkaparṇaḥ parṇavān sūryavarcā dhṛtarāṣṭrakaḥ |
gomān suparṇo varuṇaścograsenaśca bhīmakaḥ || 74 ||
[Analyze grammar]

ete cānye'pi vādyādyairanvitāstatra cāyayuḥ |
tumburustatra gandharvaścājñapto mama sannidhau || 75 ||
[Analyze grammar]

lakṣmi tvāṃ gāyikāṃ paśyan neme tvāṃ māṃ tataḥ param |
tatrāsīno yathāyogaṃ nānāmūrchāsamanvitam || 76 ||
[Analyze grammar]

jagau kalapadaṃ hṛṣṭo vipañcīṃ cābhyavādayat |
śreṣṭhaṃ gānaṃ pragāyaiva prasāditaḥ pareśvaraḥ || 77 ||
[Analyze grammar]

dadau ratnāni divyānyābharaṇānyambarāṇi ca |
tumburave hyamūlyāni hṛṣṭaśca tumburustataḥ || 78 ||
[Analyze grammar]

praśaṃsitaḥ sa hariṇā tumburustatra cāgragaḥ |
anye jaguśca gandharvā bahavastadyathābalam || 79 ||
[Analyze grammar]

yathājñānaṃ yathā'bhyāsaṃ jagurvādyasvarādibhiḥ |
lebhire te'pi vai tatra pāritoṣikamuttamam || 80 ||
[Analyze grammar]

tathāpi tumburutulyaṃ na tadvai pāritoṣikam |
apsarasastataḥ sarvāḥ prajagurvādyasādhanāḥ || 81 ||
[Analyze grammar]

lakṣmīrjagau tathādevī sarasvatī jagau tataḥ |
uttamaṃ te labdhavatyau pāritoṣikamityapi || 82 ||
[Analyze grammar]

urvaśī prajagau ramyaṃ sarvarañjanakārakam |
anyāścāpi yathāśakti jagurnṛtyasamanvitāḥ || 83 ||
[Analyze grammar]

bhagavān śrīhariścāhaṃ prasannaścā'bhavaṃ tadā |
dattavān hīrakaratnāmbarabhūṣāsumālikāḥ || 84 ||
[Analyze grammar]

sarve sarvāśca santuṣṭāstato vai nārado jagau |
dattavāṃścottamaṃ tasmai pāritoṣikamityapi || 85 ||
[Analyze grammar]

manāṅnyūnaṃ tumburostu tena tuṣṭo na nāradaḥ |
gāyane'pi na sampūrṇo yatastāpamavāptavān || 86 ||
[Analyze grammar]

cintāmāpedivāṃstatra śokākulāntaro'bhavat |
kadā'haṃ gāyanaṃ kṛtvā sarvottamottamottamam || 87 ||
[Analyze grammar]

lapsye hareḥ sakāśādvai pāritoṣikamuttamam |
śreṣṭhaṃ tumburuṇā prāptaṃ dhiṅmāṃ mūḍhaṃ vicetasam || 88 ||
[Analyze grammar]

iti sañcintayan viprastapa āsthitavān muniḥ |
divyaṃ varṣasahasraṃ tu nāradaḥ śrīhariṃ smaran || 89 ||
[Analyze grammar]

tato gītiṃ kalāṃ sarvāṃ tumburorapyavāgamat |
jñātvā sarvaṃ tumburośca jagau nārāyaṇaṃ prati || 90 ||
[Analyze grammar]

bahumanvantare kāle prasannaḥ puruṣottamaḥ |
harirnārāyaṇo devastasmai sarvaṃ dadau śubham || 91 ||
[Analyze grammar]

pāritoṣikamutkṛṣṭaṃ samaṃ cakre ca tumburoḥ |
evaṃ śrībhagavaddāsī vadhūrnārāyaṇasya vai || 92 ||
[Analyze grammar]

lakṣmīryathā harerarthe sarvārpaṇaṃ cakāra ha |
yathā ca tumburuścāpi nāradaśca yathāpi ca || 93 ||
[Analyze grammar]

yathā ca kauśiko vipro yathā padmākṣako dvijaḥ |
yathā ca mālavī patnī mālavaśca patistathā || 94 ||
[Analyze grammar]

yathā'nye gāyakā viprāḥ kṛtavanto'rpaṇaṃ harau |
tathā sarvārpaṇaṃ kāryaṃ parameśe janārdane || 95 ||
[Analyze grammar]

iṃdriyāṇāṃ vṛttayaśca vyāpārāśca kriyāstathā |
madarthameva kartavyāstena tuṣyāmi sarvadā || 96 ||
[Analyze grammar]

darśanaṃ śravaṇaṃ cāpi sparśanaṃ gāyanādikam |
nṛtyaṃ hāsyaṃ madarthaṃ vai bhaktyā kartavyameva ha || 97 ||
[Analyze grammar]

madbhaktebhyaḥ pradātavyaṃ bhojanaṃ vāri cāmbaram |
gṛhaṃ śayyāsanaṃ yānaṃ vāhanaṃ vāṭikā sthalam || 98 ||
[Analyze grammar]

yathāśakti pradātavyaṃ jāyate toṣaṇāya me |
bhuktimuktiphalaṃ tacca bhavatyeva na saṃśayaḥ || 99 ||
[Analyze grammar]

lakṣmi saṃśravaṇāccāpi mananācchrāvaṇādapi |
phalaṃ nāradatulyaṃ vai prāpyeta nātra saṃśayaḥ || 100 ||
[Analyze grammar]

lakṣmītulyaṃ phalaṃ nārī vadhūḥ sarasvatīsamam |
janā gāyakatulyaṃ ca vindeyurnātra saṃśayaḥ || 101 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vadhūgītāyāṃ kauśikādigāyakadṛṣṭāntena vaiṣṇavottamatvanirūpaṇanāmā'ṣṭapañcāśattamo'dhyāyaḥ || 58 ||
[Analyze grammar]