Chapter 46

śrīpuruṣottama uvāca |
śṛṇu nārāyaṇīśri tvaṃ viśeṣaṃ bhaktiyojanam |
na māṃ rodhayati khyātirmakho dharmastapo na ca || 1 ||
[Analyze grammar]

na yogo na viveko'pi na vratāni yamāstathā |
na tīrthāni ca chandāṃsi pūrtāni niyamā na ca || 2 ||
[Analyze grammar]

na dānaṃ dakṣiṇā neṣṭaṃ vinā bhaktiṃ kadācana |
khyātyādibhiḥ prāpyate yat prāpyate sarvameva tat || 3 ||
[Analyze grammar]

bhaktyā tu svalpayā lakṣmi bhakteḥ padaṃ tataḥ param |
naibhirbhaktipadaṃ labhyaṃ cā'samarthaiḥ pradhiṣṇyadaiḥ || 4 ||
[Analyze grammar]

uddhāriṇī mama bhaktirviśvapāpāddhi pāvanī |
uttāriṇī bhavābdheśca saṃhāriṇī ca karmaṇām || 5 ||
[Analyze grammar]

satkāriṇī śreyasāṃ ca dātrī hareḥ padasya ca |
vasantapañcamī bhaktajanānāṃ raṃgadāyinī || 6 ||
[Analyze grammar]

kalpalatā snehilānāṃ cintāmaṇistu kāminām |
vidyullatā'ndhabhaktānāṃ dīpikā śāstragāminām || 7 ||
[Analyze grammar]

dīpāvaliḥ sukṛtīnāmutsavī varaśālinām |
vijayā daśamī ceyaṃ jayināṃ damināṃ śubhā || 8 ||
[Analyze grammar]

naukā pāragatīcchūnāṃ vimānikā'mbarārthinām |
tāpinī śītamagnānāṃ prāṇadā'jā'rditā'rthinām || 9 ||
[Analyze grammar]

jīvanī viṣadagdhānāṃ prāpikā śreyaicchatām |
niḥśreṇī cā'kṣaradhāmno mātā dīkṣāṃ pragṛhṇatām || 10 ||
[Analyze grammar]

bhaktirme nirguṇā vetradharā me yogadā sadā |
brahmadhāmapradā brahmānandadā cā'nivartinī || 11 ||
[Analyze grammar]

śrīḥ pārvatī kamalajā tulasī ca padmā |
padmāvatī bhṛgusutā'pi ca padminī ca |
rādhā ramā ca virajā ca sarasvatī ca |
durgā ramā badarī padmaratī ca lakṣmīḥ || 12 ||
[Analyze grammar]

revā ratiśca lalitā ca jayā ca haṃsī |
bhaktiśca mādhavasutā hyatha māṇikī ca |
nārāyaṇī ca suguṇeti ca mañjuleti |
jāpāttaranti bhavasāgaramatra nāryaḥ || 13 ||
[Analyze grammar]

nārāyaṇo'kṣarapatiḥ puruṣottamaśca |
kṛṣṇo hariśca parameśvara īśvareśaḥ |
svāmī prabhuḥ paramadhāmapatiḥ pareśaḥ |
sarvāntarastha iha mānavarūpakṛṣṇaḥ || 14 ||
[Analyze grammar]

śyāmaḥ sitaḥ sakalabhaktapatirhṛdistho |
brahmātigo'pi nijabhaktasamūhasaṃsthaḥ |
brahmapriyeśa iti me śubhanāmajāpā |
tpāraṃ prayānti tu narā mama bhaktibhājaḥ || 15 ||
[Analyze grammar]

satsaṃgena bhavedeva bhaktyaṃkuraḥ supallavaḥ |
vardhate cātivegena satīsaṃgena siñcitaḥ || 16 ||
[Analyze grammar]

tasmāt satīprasaṃgaṃ vai dehena manasā girā |
kriyayā sevayā sarvārpaṇenāpi kriyāt sadā || 17 ||
[Analyze grammar]

sevāvidhiṃ pravakṣyāmi lakṣmi gṛhī tarettathā |
sevayā māṃ parabrahma prāpnuyācchrīpatiṃ harim || 18 ||
[Analyze grammar]

anādiśrīkṛṣṇanārāyaṇadhyānaparāyaṇam |
guruṃ santaṃ samāśritya siddhā bhavati mānuṣī || 19 ||
[Analyze grammar]

gurvī satīṃ samāśritya sādhvī bhavati mānuṣī |
mānavā vai guruṃ prāpya taranti tu bhavāmbudhim || 20 ||
[Analyze grammar]

mama dīkṣānvitaḥ syādvai guruścācāryasattamaḥ |
mama sevā'dhikārī ca sevādhikāriṇī ca vā || 21 ||
[Analyze grammar]

sevāvidhiṃ śikṣayedvai śrīkṛṣṇasya mama prabhoḥ |
uttarābhimukhaṃ ramyaṃ kārayenmama mandiram || 22 ||
[Analyze grammar]

sahasrakalaśā''ḍhyaṃ ca kalaśaikyena cādhikam |
tatra gajāsanaṃ proccaṃ sapīṭhaṃ kumbhamaṇḍitam || 23 ||
[Analyze grammar]

akṣarākhyaṃ saccidānandātmakaṃ svarṇanirmitam |
bahusopānaśobhaṃ ca maṇiratnādibhūṣitam || 24 ||
[Analyze grammar]

mahārharatnairācchannaṃ pṛṣṭhāmbaravirājitam |
āvaraṇā'mbarā'graṃ ca tūlyāsanādiśobhitam || 25 ||
[Analyze grammar]

mṛdu pārśvakaśipvādisahitaṃ hemaśobhitam |
upabarhaṇasaṃyuktaṃ samullocādichāyitam || 26 ||
[Analyze grammar]

sacitrakuṇḍaśobhāḍhyaṃ sarvatobhadramaṇḍalam |
toraṇaiḥ rājitaṃ ramyairgavākṣavāriyantrakaiḥ || 27 ||
[Analyze grammar]

catuḥśālaviśālāgrajālaiḥ prakāśabhāsitam |
prāṃgaṇe ca sabhāśreṣṭhamaṇḍapena suśobhitam || 28 ||
[Analyze grammar]

tulasyā śobhitaṃ ramyaṃ dvipidvayavirājitam |
siṃhavyāghragaruḍādyaiḥ śobhitaṃ purataḥ śubhaiḥ || 29 ||
[Analyze grammar]

cakraṃ sudarśanaṃ śṛṃgopari dvāre'bhidhāyutam |
mama nāmāni lekhyāni toraṇeṣu samantataḥ || 30 ||
[Analyze grammar]

śaṃkhaṃ padmaṃ gadāṃ śārṅgamālekhyāni ca bhittiṣu |
bāṇā bāṇadharāḥ kośāḥ pārśvayoḥ sarvathā matāḥ || 31 ||
[Analyze grammar]

mandirasya pṛṣṭhabhāge śatacandraṃ ca nandakam |
halaṃ ca muśalaṃ cāpi citritavyaṃ śubhātmakam || 32 ||
[Analyze grammar]

gajāsanasya vai pṛṣṭhe pārśve me paṭṭayoṣitaḥ |
tato brahmapriyāścāpi gopyo gāvaśca dāsikāḥ || 33 ||
[Analyze grammar]

muktāḥ santastathā sādhvyaḥ satyaśca sādhavo'malāḥ |
avatārāśca gopālāḥ sopāneṣu kapāṭake || 34 ||
[Analyze grammar]

dehalyāṃ kalpavṛkṣāśca stambheṣu ca latāstathā |
kuḍyeṣu gomatī gaṃgā svarṇarekhā'śvapaṭṭakam || 35 ||
[Analyze grammar]

kuṃkumavāpikākṣetraṃ bhadrā yamī sarasvatī |
ālekhyaṃ rāsaramaṇaṃ janmotsavo makhādayaḥ || 36 ||
[Analyze grammar]

daśāvatāracitrāṇi naranārāyaṇāśramaḥ |
puṇyatīrthāni kāryāṇi raṃgairmandiramadhyataḥ || 37 ||
[Analyze grammar]

śaṃkhacakragadāpadmakaraṃ kiśoramūrtikam |
sapādapañcaṣaṣṭyaṃgulapramāṇaṃ ca māṃ nijam || 38 ||
[Analyze grammar]

śvetacampakavarṇābhaṃ kārayitvā'bhipūjayet |
pratiṣṭhāvidhinā''sthāpya guruhastena mandire || 39 ||
[Analyze grammar]

bhaktaḥ paramayā bhaktyā pūjayetparameśvaram |
anādiśrīkṛṣṇanārāyaṇaṃ brahmapriyāpatim || 40 ||
[Analyze grammar]

bhaktā bhakto'pi ca sadā'harniśaṃ matparo bhavet |
matprasāde svarasanāṃ ghrāṇaṃ mattalasīdale || 41 ||
[Analyze grammar]

tvacaṃ matsparśane kuryāt karṇau macchravaṇe tathā |
netre maddarśane dadyāt karapādādikaṃ tathā || 42 ||
[Analyze grammar]

dadyāt sevāvidhau me ca hyevaṃ sevāparā bhavet |
bhaktāṃ premabharāṃ tāṃ vai prāhurbhāgavatottamām || 43 ||
[Analyze grammar]

aśvamedhā'yutayajñā rājasūyā'yutānyapi |
mama sevākalāṃśasya tulyatāṃ yānti naiva ha || 44 ||
[Analyze grammar]

anādiśrīkṛṣṇanārāyaṇā'rcāpradarśanam |
sevanaṃ tasya caivāste phaladaṃ nātra saṃśayaḥ || 45 ||
[Analyze grammar]

koṭipāpāni naśyanti gurvācāryasya sevanāt |
dehānte divyamuktā me śvetacampakakāntayaḥ || 46 ||
[Analyze grammar]

gajaṃ nītvā samāyānti netuṃ dhāma mamā'kṣaram |
vimāne garuḍe cāpi gaje kṛtvā nayanti tām || 47 ||
[Analyze grammar]

brāhme muhūrte cotthāya mama nāma smaret satī |
guruṃ māṃ ca tato natvā mukhakṣālanamācaret || 48 ||
[Analyze grammar]

upaviśyā''sane śīghraṃ śvāsaṃ vijitya vai tataḥ |
hastāvutsaṃga ādhāya dhyāyenmāṃ bhaktavallabham || 49 ||
[Analyze grammar]

śaṃkhacakragadāpadmadharaṃ cāśīḥparāyaṇam |
svastikāsanamāsīnaṃ dhyāyet suśāntamacyutam || 50 ||
[Analyze grammar]

brahmapriyā'bhisahitaṃ paṭṭāṃganābhisevitam |
sarvāṃgasundaraṃ ramyaṃ sarvabhūṣāvibhūṣitam || 51 ||
[Analyze grammar]

kiśoraṃ śvetarūpaṃ ca tejaḥparidhibhāṣitam |
dhyātvaivaṃ māṃ tato yāyād dehaśuddhyarthamanyataḥ || 52 ||
[Analyze grammar]

aśaucāyāstu viphalāḥ kriyā bhavantyataḥ sadā |
dehaśuddhiṃ jalādyaiśca snānādyairācaret priye || 53 ||
[Analyze grammar]

sattvaśuddhivihīnāyā bhaktirme naiva puṣyati |
mukhaśuddhivihīnāyā japamantrā nirarthakāḥ || 54 ||
[Analyze grammar]

āyurbalaṃ yaśo varcaḥ prajāḥ paśūn vasūni ca |
brahma prajñāṃ ca medhāṃ ca dadāti śuddhiruttamā || 55 ||
[Analyze grammar]

sūryaṃ namennamed vṛddhān vṛddhāḥ satīrnamettathā |
sādhvīrnamet praseveta sādhvīḥ sādhujanānapi || 56 ||
[Analyze grammar]

praṇayeddharibhaktāṃśca devāyatanaprabhṛtīn |
nāmāni cāpi gṛhṇīyāt pāvanāni smarettathā || 57 ||
[Analyze grammar]

sāketā madhunagarī māyā kāśī hyavantinī |
kāñcī suvarṇanagarī purī ca puruṣottamī || 58 ||
[Analyze grammar]

kuṃkumavāpikā caitā mokṣadāḥ praṇamettathā |
śālagrāmo gaṇḍakīgaḥ śaṃbhalo harimandire || 59 ||
[Analyze grammar]

nandigrāmaḥ kosalastho'kṣaragrāmān smarettathā |
daṇḍakaṃ saindhavāraṇyaṃ jambūbhāgaṃ ca puṣkaram || 60 ||
[Analyze grammar]

utpalāvarttamāraṇyaṃ naimiṣaṃ kurujāṃgalam |
arbudaṃ hemavantaṃ ca vyāghrāraṇyaṃ smarettathā || 61 ||
[Analyze grammar]

tilakaṃ bhālake kuryād raktakuṃkumarājitam |
candrakaṃ kauṃkumaṃ kuryānmadhye bhāle satī tathā || 62 ||
[Analyze grammar]

mandiraṃ prati gatvā ca ghaṇṭānādaṃ samācaret |
kīrtanaṃ bhajanaṃ kuryāt smarantī parameśvaram || 63 ||
[Analyze grammar]

jayārāvaṃ tālikāṃ ca vādayantī nametprabhum |
pradīpaṃ ghṛtasaugandhyavāsitaṃ ca pradīpayet || 64 ||
[Analyze grammar]

uttiṣṭhottiṣṭha bhagavan yoganidrāṃ tyaja prabho |
sevāyāmāgatā cā'smītyevamutthāpayeddharim || 65 ||
[Analyze grammar]

pādasaṃvāhanaṃ kuryādaṃgasevāṃ samācaret |
dantadhāvanamarpayya snāpayed gandhavāribhiḥ || 66 ||
[Analyze grammar]

gandhasārādyarpayenme tato vastrāṇi cārpayet |
candanādyairarcayenmāṃ maṃgalā''rtikyamācaret || 67 ||
[Analyze grammar]

bhrāmayennavavāraṃ me mukhopari pradīpitam |
pañcavarttyaṃ jalaṃ vastraṃ bhrāmayitvā jayaṃ vadet || 68 ||
[Analyze grammar]

nivedya bahupakvānnaṃ dugdhaṃ ca śarkarānvitam |
śṛṃgāraṃ bhāvataḥ kṛtvā vastrabhūṣaṇamaṃgalaiḥ || 69 ||
[Analyze grammar]

ārtikyaṃ hāratorādyaiḥ śṛṃgāryaiva samācaret |
purīlaḍḍunavanītadadhidugdhāni cārpayet || 70 ||
[Analyze grammar]

pañcabhogān tato natvā tāmbūlaṃ jalamarpayet |
atha naijaṃ caret kāryaṃ vyāvahārikamutsukā || 71 ||
[Analyze grammar]

madhyāhne ca mahābhogān nānārasān samarpayet |
rājabhogārtikaṃ kṛtvā kārayecchayanaṃ mama || 72 ||
[Analyze grammar]

prasādaṃ tulasīyuktaṃ bhuñjīta satataṃ satī |
caturghaṭyavaśeṣe tu dine utthāpayettu mām || 73 ||
[Analyze grammar]

vādyanādena bhāvena phalabhogaṃ samarpayet |
tataḥ sevāṃ mama kuryāt kuryonnaijaṃ kriyādikam || 74 ||
[Analyze grammar]

tataḥ sandhārtikaṃ kuryād dugdhādīni nivedayet |
pradoṣe punarārtikyaṃ bhogaṃ dattveṣṭameva me || 75 ||
[Analyze grammar]

śayanaṃ kārayed ramye rājasevāṃ samācaret |
sarvārpaṇaṃ vidhāyaiva mahānandaṃ labhet satī || 76 ||
[Analyze grammar]

evaṃ kṛṣṇaparā sādhvī sevāsaṃlagnamānasā |
anādiśrīkṛṣṇanārāyaṇadāsyaparāyaṇā || 77 ||
[Analyze grammar]

tārayitvā kulaśataṃ yāti dhāmā'kṣaraṃ mama |
mama janmāṣṭamī kāryā rādhāṣṭamī śubhā tathā || 78 ||
[Analyze grammar]

lakṣmīnavamī kāryā ca vratotsavaprapūjanaiḥ |
rāmādityanavamī ca vāmanadvādaśī tathā || 79 ||
[Analyze grammar]

annakūṭotsavaścāpi tathā'nantacaturdaśī |
caturdaśī nṛsiṃhasya tathā janmadināni me || 80 ||
[Analyze grammar]

śuklā ramāsaptamī ca kārtike vratarūpiṇī |
kartavyā puṇyavatīpūrṇimā caitrasya sotsavā || 81 ||
[Analyze grammar]

pañcavarṇasamāyukte sthaṇḍile kārayecchubham |
saptadhānyaiḥ sarvatobhadrākhyaṃ śobhanamaṇḍalam |
dvātriṃśaddalasaṃyuktaṃ karṇikākaisarojjvalam || 82 ||
[Analyze grammar]

karṇikāyāṃ nyasenmāṃ ca svarṇasiṃhāsane satī |
ramāṃ rādhā śriyaṃ bhūṃ ca virajāṃ māṇikīṃ ratim || 83 ||
[Analyze grammar]

padmāvatīṃ ca lakṣmīṃ cāmṛtāṃ ca maṃgalāṃ tathā |
durgāṃ sarasvatīṃ haṃsīṃ maṃjulāṃ sadguṇāṃ jayām |
campāṃ kastūrikāṃ haimīṃ śāntāṃ muktāṃ ca devikām || 84 ||
[Analyze grammar]

sthāpayet tatsatīmadhye māṃ svayaṃ bhaktavallabham |
rādhāramāsakhīścānyāḥ pārṣadān sthāpayecca me || 85 ||
[Analyze grammar]

śaṃkhaṃ cakraṃ gadāṃ padmaṃ śārṅgaṃ bāṇāṃśca nandakam |
musalaṃ ca halaṃ daṇḍaṃ kaustubhaṃ svastikaṃ tathā || 86 ||
[Analyze grammar]

vanamālāṃ śrīvatsaṃ ca pītāmbaraṃ ca vetrikām |
sthāpayed garuḍaṃ cāpi tālaṃ ca rathaśobhitam || 87 ||
[Analyze grammar]

sumatiṃ dārukaṃ cāpi kumudaṃ kumudākṣakam |
nandaṃ sunandaṃ caṇḍaṃ ca pracaṇḍaṃ ca balaṃ tathā || 88 ||
[Analyze grammar]

prabalaṃ vallabhaṃ cāpi śukaṃ bhāgavataṃ tathā |
svaprakāśaṃ ca hemantaṃ bhagavantaṃ diśāṃpatīn || 89 ||
[Analyze grammar]

viśvaksenaṃ cākṣaraṃ ca śivaṃ viṣṇuṃ vināyakam |
grahān devān mātṛkāśca brahmapriyādimaṇḍalam || 90 ||
[Analyze grammar]

vītihotraṃ tathā sarvānavatārān samanyaset |
tataḥ sampūjayed bhaktyā satī tvāvāhanādibhiḥ || 91 ||
[Analyze grammar]

āvāhanaṃ cāsanaṃ ca pādyamarghyaṃ sugandhi ca |
pañcāmṛtaṃ jalasnānaṃ bhūṣāmbaraṃ ca candanam || 92 ||
[Analyze grammar]

madhuparkaṃ dhūpadīpau gandhaṃ yajñopavītakam |
puṣpā'kṣatān dravān ramyān kuṃkumaṃ jalamuttamam || 93 ||
[Analyze grammar]

ācamanaṃ ca naivedyaṃ tāmbūlaṃ dakṣiṇāṃ tathā |
pradakṣiṇaṃ prārthanāṃ ca daṇḍavacca kṣamāpanam || 94 ||
[Analyze grammar]

nīrājanaṃ namaskāraṃ puṣpāñjaliṃ tato'rpayet |
tataḥ sarvādhidevān vai devīśca pārṣadādikān || 95 ||
[Analyze grammar]

pūjayet parayā bhaktyā bhaktā nārī satīvratā |
ghaṇṭāvādyaraṇadghaṃṭākāṃsyavīṇādikīcakaiḥ || 96 ||
[Analyze grammar]

karatālamṛdaṃgādyaiḥ kīrtanaṃ nartanaṃ kriyāt |
nṛtyeyuḥ śrīhareragre ye bhaktāḥ premavihvalāḥ || 97 ||
[Analyze grammar]

jayaśabdayutāścāpi satkathākhyānatatparāḥ |
sarvā nṛtyaṃ prakuryuśca parīhāraṃ tataśca tāḥ || 98 ||
[Analyze grammar]

śayanaṃ kārayeyuśca māṃ satyo bhaktitatparāḥ |
evaṃ sevāpradhānāyā vadhvā nāryāśca yoṣitaḥ || 99 ||
[Analyze grammar]

sadāṃ'ke'haṃ nivasāmi vasāmi hṛdaye tathā |
sā'pi nāke padaṃ dhṛtvā mama dhāma prayāti vai || 100 ||
[Analyze grammar]

yā kāpi ko'pi me pūjāṃ kariṣyati jagattraye |
tāste yāsyanti me dhāmā'kṣaraṃ catuḥpadārthadam || 101 ||
[Analyze grammar]

api māṃ pūjayed bhaktyā saṃsmaret sevayecca vā |
bhojayed rāmayeccāpi śṛṃgārayet praraṃjayet || 102 ||
[Analyze grammar]

sahavāsakarī bhūtvā śayane svāpayecca mām |
mardayed vāhayenmāṃ ca hāstayed rāsayedapi || 103 ||
[Analyze grammar]

sarvāṃ premamayīṃ bhaktiṃ kuryācca kārayedapi |
sā vai priyā me sahagā brahmapriyā bhaviṣyati || 104 ||
[Analyze grammar]

naro vā brahmamuktaḥ syāttathā''tmavedano hi yaḥ |
divyo vai pārṣadaḥ śaśvatmatsamo nātra saṃśayaḥ || 105 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vadhūgītāyāṃ śrīpuruṣottamayoganirūpaṇanāmā ṣaṭcatvāriṃśo'dhyāyaḥ || 46 ||
[Analyze grammar]