Chapter 45

śrīnārāyaṇīśrīruvāca |
devadeva kṛpāsindho puruṣottama mādhava |
nirguṇo bhaktiyogaste satyā kāryaḥ kathaṃ tvayi || 1 ||
[Analyze grammar]

śrotumicchāmi lokānāṃ hitārthaṃ sarvayoṣitām |
brahmapriyābhiḥ sarvābhirasmābhiḥ kārya eva yaḥ || 2 ||
[Analyze grammar]

tathā'nyābhiśca yoṣidbhirnaraiścāpi kṛto bhavet |
yathā tathā''karṇayituṃ samyagicchāmi tadvada || 3 ||
[Analyze grammar]

etāḥ sarvāḥ svasāro me koṭyarbudābjasaṃkhyakāḥ |
śrotumicchanti kāntāstāḥ preritāstābhiratra ha |
pṛcchāmi nirguṇaṃ bhaktiyogaṃ tava vadā'tra naḥ || 4 ||
[Analyze grammar]

śrīpuruṣottama uvāca |
guṇavanti hi karmāṇi saphalāni bhavanti vai |
tānyeva mayi saṃtyaktaphalāni nirguṇāni vai || 5 ||
[Analyze grammar]

phalākāṃkṣāyutaṃ karma bandhakṛjjāyate priye |
aphalecchāyutaṃ karma mokṣadaṃ samprajāyate || 6 ||
[Analyze grammar]

sāttvikāḥ sattvakarmāṇi kṛtvā yānti divaṃ janāḥ |
rājasā naraloke ca kṛtvā rājasasatkriyāḥ || 7 ||
[Analyze grammar]

tāmasāḥ kalmaṣalokān yānti tamolayā janāḥ |
nirguṇaṃ māṃ tu samprāpya mamā'kṣaraṃ prayānti vai || 8 ||
[Analyze grammar]

pañcāgnayo vanevāsā niṣkalmaṣā janāḥ priye |
lokaṃ saptaṛṣīṇāṃ te prayānti phalabhāginaḥ || 9 ||
[Analyze grammar]

sanyāsāśramavāsāśca daṇḍādidhāriṇastathā |
jitendriyamanodharmāḥ satyalokaṃ prayānti te || 10 ||
[Analyze grammar]

aṣṭāṃgayogasampannāḥ svavaśā ūrdhvaretasaḥ |
maharlokaṃ janalokaṃ prayānti gatakalmaṣāḥ || 11 ||
[Analyze grammar]

yājñikā yajamānāśca prayāntīndrapadaṃ ciram |
dātāro yānti somasya lokaṃ cāmṛtavarṣiṇam || 12 ||
[Analyze grammar]

vratinastu prayāntyeva sūryalokaṃ sutejasaḥ |
tairthikā vahnilokaṃ cojjvalaṃ prayānti puṇyataḥ || 13 ||
[Analyze grammar]

satyavratāstathā yānti vāruṇaṃ lokamuttamam |
viṣṇubhaktiyutā yānti vaikuṇṭhaṃ cā'punarbhavam || 14 ||
[Analyze grammar]

śaṃbhubhaktiyutā yānti nityakailāsamūrdhvagam |
pitṝṇāṃ yājinaḥ putrasukhaiśvaryādivāñcchayā || 15 ||
[Analyze grammar]

dakṣiṇena pathā'ryamṇā pitṛlokaṃ prayānti te |
smṛtidharmaparāḥ svargaṃ prayānti puṇyakāriṇaḥ || 16 ||
[Analyze grammar]

pañcadevaprapūjāḍhyā divaṃ prayānti daivikam |
prajāpatiyajo yānti dakṣādīṃśca prajāpatīn || 17 ||
[Analyze grammar]

bhūtayajñakarā yānti bhūtāni vividhāni ca |
bhvāditattvopāsakāścā''varaṇeṣu vrajanti vai || 18 ||
[Analyze grammar]

yakṣalokāṃstathā yānti kauberayakṣayājinaḥ |
īśvarāṇāṃ ca yajvāno yāntīśvarapadāni te || 19 ||
[Analyze grammar]

tāpasā badarīṃ yānti śvetadvīpaṃ tu sādhavaḥ |
brahmavratāstu vairājān lokān yānti praśīlinām || 20 ||
[Analyze grammar]

sādhvyaḥ satīnāṃ lokāṃśca prayānti sūryavarcasaḥ |
lakṣmīlokāṃstathā yānti śrīlokān dharmayoṣitaḥ || 21 ||
[Analyze grammar]

pativratā harerlokān patilokān prayānti ca |
brahmacāriṇya evāpi lokāṃstu brahmacāriṇām || 22 ||
[Analyze grammar]

gaṇikā gaṇalokāṃśca prayānti karmavedinām |
īśabhaktā īśalokān prāṇabhaktā marutsthalīm || 23 ||
[Analyze grammar]

āsurā nirṛtalokān yamalokāṃstu pāpinaḥ |
ārṣāṃllokān saṃyamino yanti tapojanādikān || 24 ||
[Analyze grammar]

vedavidyāratā yānti satyalokaṃ virāgiṇaḥ |
tyāgino yānti vaikuṇṭhaṃ jalāvṛttyūrdhvasaṃsthitam || 25 ||
[Analyze grammar]

aiśvaryayājakā yānti siddhilokān suyoṣitām |
dravyadā vasulokāṃśca bhasmino rudramandiram || 26 ||
[Analyze grammar]

pañcāgnitāpasā yānti cādityamaṇḍalaṃ janāḥ |
kāminaścāndralokaṃ ca śītadānaparāyaṇāḥ || 27 ||
[Analyze grammar]

krūkarmakarā yānti rākṣasānāṃ gṛhāṇi tu |
vāsanāvanta evāpi yānti piśācayoniṣu || 28 ||
[Analyze grammar]

dīpadānādikartāraḥ prayānti vahnimaṇḍalam |
smṛddhidā yānti vai svargaṃ nākṣatraṃ suvilāsavat || 29 ||
[Analyze grammar]

vāṭikākṣetradātāro yānti samrāṭpadaṃ kṣitau |
vidyāvantastathā sārasvataṃ padaṃ prayānti ca || 30 ||
[Analyze grammar]

dharmasya nāśakā yānti dāruṇaṃ dānavaṃ padam |
adharmiṇo bhavantyeva daityā udvegaśālinaḥ || 31 ||
[Analyze grammar]

kruddhāśca krūrakarmāṇo nāgāḥ sarpā bhavanti ca |
jalahānikarā yānti yādasāṃ yonisaṃbhavān || 32 ||
[Analyze grammar]

punarāvartinaḥ sarve lokāḥ satyāntino matāḥ |
karmaṇāṃ sanimittānāṃ mārgo gatāgatātmakaḥ || 33 ||
[Analyze grammar]

tāvanmodaḥ pramodaśca yāvatpuṇyaṃ pravidyate |
kṣīṇe puṇye samāyāti nimnalokaṃ hi kālataḥ || 34 ||
[Analyze grammar]

tasmāllakṣmi kṛtaṃ karmā'rpaṇīya parameśvare |
karmaphalasya saṃtyāgānnirguṇaṃ jāyate mayi || 35 ||
[Analyze grammar]

bhaktā niṣkāraṇā bhūtvā jñānavairāgyasaṃyutā |
premabhaktyā yutā kṛṣṇaharibhaktajanapriyā || 36 ||
[Analyze grammar]

bhaja me caraṇau haṃsasevitaṃ nirbhayaṃ priye |
mṛtyuryatra na sabalastaṃ māṃ bhaja priye sadā || 37 ||
[Analyze grammar]

bhaktiyogo dvidhā lakṣmi saguṇaścāpi nirguṇaḥ |
saguṇo'sti bahudhā vai nirguṇastvekadhā mataḥ || 38 ||
[Analyze grammar]

bhāvo vibhidyate strīṇāṃ guṇayukto hi sarvadā |
guṇatrikād bhavantyeva bhaktāstribhedaśobhanāḥ || 39 ||
[Analyze grammar]

hiṃsāṃ dambhaṃ ca mātsaryaṃ kapaṭaṃ svārthaśālitām |
ālambya kurute bhāvaṃ kruddhā sā tāmasī matā || 40 ||
[Analyze grammar]

yaśa aiśvaryaviṣayānabhisandhāya yatnataḥ |
arcayenmāṃ śivarājñi rājasī sā prakīrtitā || 41 ||
[Analyze grammar]

kartavyamiti matvā yā karoti rāgavarjitā |
mokṣārthaṃ bhajate māṃ sā sāttvikī sevikā smṛtā || 42 ||
[Analyze grammar]

duḥkhī svārthī vivekī ca maniṣī bhajate tu mām |
puṇyapātrāṇi vai nāryo nimittena bhajanti mām || 43 ||
[Analyze grammar]

snehena mama bhaktāśca māṃ bhajanti sadā sukhāḥ |
guṇairdoṣaiścā'pare'pi māṃ bhajanti smaranti ca || 44 ||
[Analyze grammar]

nirguṇaṃ bhaktiyogaṃ tu kurvanti mayi sādhavaḥ |
sādhvyaśca rāgaśūnyā yāstā bhajanti hariṃ varam || 45 ||
[Analyze grammar]

paripūrṇatame sarvakāraṇānāṃ ca kāraṇe |
anādiśrīkṛṣṇanārāyaṇe śrīkāntavallabhe || 46 ||
[Analyze grammar]

premagatiravicchinnā'khaṇḍitā'hetukī śubhā |
sā bhaktirnirguṇā divyā mayi prasannatāphalā || 47 ||
[Analyze grammar]

yaḥ sneho duḥkhanāśārtho na svārtho na nirarthakaḥ |
hareḥ prasannatā''labhyastadvatī nirguṇā matā || 48 ||
[Analyze grammar]

bhaktiryathā nirguṇā'sti dāsī tathā ca nirguṇā |
nisargapremadhārā yaṃ prati śrīpuruṣottamam || 49 ||
[Analyze grammar]

vahati premarūpā sā nirguṇā mayi yojitā |
ānandātma phalaṃ tṛptiḥ śāśvatī phalamityapi || 50 ||
[Analyze grammar]

praphullatā phalaṃ samutsāhaḥ phalaṃ pramodanam |
aho aho sthitiryā ca sudhāmiṣṭā viśāradī || 51 ||
[Analyze grammar]

pīyūṣarasadātrī ca nirguṇāyāḥ phalaṃ matam |
navavadhvā yuvatyāśca vivāhottarameva yat || 52 ||
[Analyze grammar]

svakāntasaṃgamecchāyā yathā dhārā pravartate |
navānandaḥ pramodaśca praphullatā prasannatā || 53 ||
[Analyze grammar]

snehabharaḥ sutṛptiśca santoṣo nirvṛttistathā |
miṣṭaṃ suṣṭhu samastaṃ vai yathā vadhvāḥ prabhāsate || 54 ||
[Analyze grammar]

tathā bhaktimatīnāryā mayi sarvaṃ prabhāsate |
saiṣā vedaprasūrvidyā nirguṇā matsvarūpiṇī || 55 ||
[Analyze grammar]

naiṣā madvyatirekeṇa kvacit kutrāpi jāyate |
saiṣā bhāgavatī vidyā śāśvatī puruṣottamī || 56 ||
[Analyze grammar]

saiṣā prasannatālabhyā mamā''ntare nivāsataḥ |
nānyasādhanalabhyā vai nirguṇā nirguṇaṃ vinā || 57 ||
[Analyze grammar]

nṛpasneho nṛpakṛpāṃ vinā bhṛtyasya nāsti vai |
tathā mama kṛpāṃ hitvā yogo'yaṃ naiva jāyate || 58 ||
[Analyze grammar]

lakṣaṇaṃ nirguṇānāṃ me bhaktānāṃ śṛṇu padmaje |
ākṣaraṃ cāpi golokaṃ vaikuṇṭhaṃ śvetabhūtalam || 59 ||
[Analyze grammar]

kṣīrasthānaṃ badrikāṃ vā pārameṣṭhyapadaṃ ca vā |
avyākṛtaṃ cāmṛtaṃ ca lakṣmīlokaṃ prakuṇṭhakam |
vairājaṃ veśvarāṇāṃ ca sthānāni vividhānyapi || 60 ||
[Analyze grammar]

śakradhiṣṇyaṃ sārvabhaumaṃ rasādhipatyamityapi |
dikpālatvaṃ yāmyabhāvaṃ yogarddhiṃ vaiśvarottamam || 61 ||
[Analyze grammar]

camatkārāṃstathā siddhīraiśvaryāṇi mahāntyapi |
nā'bhilaṣanti ye bhaktā mama pādaprasevakāḥ || 62 ||
[Analyze grammar]

dīyamānaṃ mayā lakṣmi sālokyaṃ cāpi vottamam |
na gṛhṇanti kadācitte matsevānandasaṃbhṛtāḥ || 63 ||
[Analyze grammar]

sāmīpyaṃ cāpi necchanti premṇa aunyāt kṣateḥ khalu |
viraho'pi saṃgavighnaḥ sparśavighno mahān hi saḥ || 64 ||
[Analyze grammar]

sannikṛṣṭe tu yatprema dūratvaṃ labhate kvacit |
tasmānmatsaṃgataulye na sānnidhyaṃ vartate kvacit || 65 ||
[Analyze grammar]

athāpi dīyamānaṃ ca sārūpyaṃ mānasaṃbhṛtam |
gṛhṇanti naiva bhaktā me samānatvābhimānataḥ || 66 ||
[Analyze grammar]

dāsye samānatā vighno nairapekṣyaṃ ca vighnatā |
mama sevotsukāstasmānna gṛhṇanti sarūpatām || 67 ||
[Analyze grammar]

athaikatvaṃ dīyamānaṃ naiva vāñcchanti māmakāḥ |
dravībhāve vilīnībhāve caikatvaṃ bhavet khalu || 68 ||
[Analyze grammar]

tathāsati kathaṃ saukhyaṃ svāmisevakasaṃbhavam |
dāsīlabhyaṃ sukhaṃ naiva kāntāddharerbhavennanu || 69 ||
[Analyze grammar]

amūrtabhāve tvekatvaṃ bhaktasya saṃbhavennanu |
satyevaṃ yogajaṃ saukhyaṃ mūrtermūrtau kathaṃ bhavet || 70 ||
[Analyze grammar]

sevāsukhaṃ na labhyeta necchatyekatvamityataḥ |
nirapekṣāśca śāntāśca samadarśanasaṃgatāḥ || 71 ||
[Analyze grammar]

kāntasukhānusukhinyo bhavanti nirguṇāḥ striyaḥ |
nairapekṣyaṃ mahāsaukhyaṃ nairapekṣā hariśritāḥ || 72 ||
[Analyze grammar]

sakāmāstu mahāsaukhyaṃ niṣkāmāyā vidanti na |
niṣkāmo bhaktiyogo vai bhavedātyantikaṃ padam || 73 ||
[Analyze grammar]

nirapekṣāḥ priyā nityaṃ māṃ bhajanti prakārakaiḥ |
smṛtyā saṃkīrtanenāpi śravaṇena ca sevayā || 74 ||
[Analyze grammar]

pūjayā vandanenāpi dāsyena sakhyakena ca |
ātmanivedanenāpi premṇā bhaktiṃ caranti ha || 75 ||
[Analyze grammar]

durlabhā bhaktimatyo me madbhāvabhāvanānvitāḥ |
mahatīnāṃ mānabhāvaṃ kurvantyaśca dayāṃ tathā || 76 ||
[Analyze grammar]

dīnāsvatha samānāsu maitrīṃ carantya eva yāḥ |
mama pādā'bjamadhupā mama saṃyogalālasāḥ || 77 ||
[Analyze grammar]

māṃ prasmaranti prāṇeśaṃ yathā proṣitabhartṛkāḥ |
mama smṛteḥ romaharṣo yāsāṃ svedaḥ prajāyate || 78 ||
[Analyze grammar]

ānandāśrukalāścāpi vaivarṇyaṃ premasaṃbhṛtam |
anādiśrīkṛṣṇanārāyaṇaṃ gṛṇantya eva ca || 79 ||
[Analyze grammar]

divāniśaṃ mayi saktāstā vai bhāgavatītamāḥ |
manmānasyo maddhṛdayā mayyevā'ṅgasamarpaṇāḥ || 80 ||
[Analyze grammar]

mayyevā''nandabhoktryaśca mahābhāgavatītamāḥ |
bhuvi jale'nale vāyau gagane tārakāsu ca || 81 ||
[Analyze grammar]

vane'raṇye jaṃgameṣu paśyantyaḥ parameśvaram |
anādiśrīkṛṣṇanārāyaṇaṃ māṃ ca praharṣitāḥ || 82 ||
[Analyze grammar]

vilokayantyaḥ kāminyo rudanti ca vadanti ca |
kvacinnandanti dhāvanti hasanti mārgayanti ca || 83 ||
[Analyze grammar]

gāyanti cā''hvayantyugraṃ nṛtyanti ramayanti ca |
viharanti ca jalpanti paśyanti māṃ drumāntare || 84 ||
[Analyze grammar]

kvacittūṣṇīṃ bhavantyetā matsvarūpā madātmikāḥ |
kṛtakṛtyāḥ kṛtārthāśca sarvānandapariplutāḥ || 85 ||
[Analyze grammar]

yāsāṃ darśanamātreṇa cānyā yānti kṛtārthatām |
divyā divyakriyā vadhvo divyarūpā hi tā yataḥ || 86 ||
[Analyze grammar]

śāśvatīnāṃ ca tāsāṃ vai na kālo na yamastathā |
na bhūmā na mahārudro daṇḍaṃ dātuṃ kṣamaḥ kvacit || 87 ||
[Analyze grammar]

yāsāṃ vāme gadā kaumudakī dakṣe sudarśanam |
agre śārṅgaṃ dhanuḥ paśce pāñcajanyastu kambukaḥ || 88 ||
[Analyze grammar]

nandakaśca mahākhaḍgaḥ śatacandraḥ purastathā |
iṣavaḥ paritaścāpi chatraṃ cordhve vyavasthitam || 89 ||
[Analyze grammar]

yaṣṭiśca pādayoścāpi pārśve tvaiśvaryakoṭayaḥ |
mūrtau ca siddhayaḥ sarvā mama rakṣanti tāḥ priyāḥ || 90 ||
[Analyze grammar]

ūrdhvaṃ chatraṃ mahāpadmaṃ chāyāṃ karoti śobhanām |
garuḍaḥ pakṣavātaiśca śramahartā bhavatyapi || 91 ||
[Analyze grammar]

yatra yatra gatāḥ satyastatra tatra hariḥ prabhuḥ |
anādiśrīkṛṣṇanārāyaṇo'haṃ vicarāmi ca || 92 ||
[Analyze grammar]

tīrthīkaromi bhūbhāgān śrīmatpādābjareṇubhiḥ |
kṣaṇaṃ yatra sthitāḥ satyastatra tīrthāni santi hi || 93 ||
[Analyze grammar]

pāpā mṛtā bhavettatra sā'pi yāti parāṃ gatim |
kṛṣṇapriyā vīkṣya dūrānnā''dhayo vyādhayo'pi ca || 94 ||
[Analyze grammar]

bhūtapretapiśācādyā grahā vighnāśca rākṣasāḥ |
āsurā doṣabhāgāśca palāyante bhayānmama || 95 ||
[Analyze grammar]

nadyo nadāḥ parvatāśca prākārāḥ khātabhūmayaḥ |
gartāśca gahvarāścāpi samudrā vahnayastathā || 96 ||
[Analyze grammar]

mārgaṃ dadati sādhvībhyo nirapekṣābhya eva me |
sādhvīnāṃ jñānaniṣṭhānāṃ viraktānāṃ hi yoṣitām || 97 ||
[Analyze grammar]

madātmikānāṃ tāsāṃ vai pratibandho na kutracit |
śatajanmatapaḥpūtā puṇyapuñjasamanvitā || 98 ||
[Analyze grammar]

saṃgamāsāṃ sā labhate durlabhaṃ puṇyahānibhiḥ |
yatkule mama bhaktā vai jāyate brahmalakṣaṇā || 99 ||
[Analyze grammar]

tatkulaṃ vimalaṃ bodhyaṃ nikṛṣṭamapi cordhvagam |
lakṣmi me bhaktiyuktā tu sarvaiśvaryasamanvitā || 100 ||
[Analyze grammar]

pitṝn daśakulodbhūtānnijāṃśca patipakṣagān |
mātṛpakṣagatāṃścāpi tāvataścoddharatyapi || 101 ||
[Analyze grammar]

api brahmāṇḍamakhilaṃ samuddhartuṃ balānvitā |
nirayān pāpabandhāṃśca kṣeptuṃ śaktā tu sā matā || 102 ||
[Analyze grammar]

ye yāśca dehavatyo vai sambandhinaśca ye ca yāḥ |
bhṛtyādyāḥ suhṛdaścāpi karmacārāśca ye ca yāḥ || 103 ||
[Analyze grammar]

pakṣiṇaḥ paśavaścāpi jantavo maśakādayaḥ |
pipīlikāḥ pataṃgāśca kīṭāśca makṣikādikāḥ || 104 ||
[Analyze grammar]

mama bhaktā gṛhe ye yāsteṣāṃ tāsāṃ pramokṣaṇam |
bhavatyeva na sandeho makhatīrthavṛṣairvinā || 105 ||
[Analyze grammar]

sādhvīsaṃsargataste'pi tā yānti harimandiram |
maline'pi pradeśe vai bhaktā lokān punāti me || 106 ||
[Analyze grammar]

mayi kenāpi bhāvena mano lagnaṃ karoti yā |
yāti madrūpatāṃ sā'pi mamā'bhyāsād yathā tathā || 107 ||
[Analyze grammar]

snehakāmabhayakrodhairaikyasauhārdamohanaiḥ |
bhūtvā manmayabhāvā tu yāti madbhavanaṃ satī || 108 ||
[Analyze grammar]

snehāt pitarau grāmyāśca kāmād brahmapriyāstathā |
bhayād daityā dānavāśca krodhād raṇāṃgaṇe bhaṭāḥ || 109 ||
[Analyze grammar]

aikyāt kuṭumbino'saṃkhyāḥ sauhārdād ṛṣayo'malāḥ |
mohānnāryaḥ koṭiśaśca bhūtvā manmayabhāvanāḥ || 110 ||
[Analyze grammar]

madrūpaguṇasāmarthyabhāvasaṃlagnamānasāḥ |
anādiśrīkṛṣṇanārāyaṇaṃ prāptā hi māṃ prabhum || 111 ||
[Analyze grammar]

tasmāt kenāpi bhāvena mano mayi niveśayet |
satataṃ smaraṇaṃ me syāt tena madbhāvamṛcchati || 112 ||
[Analyze grammar]

itiśrīlakṣmīnārāyaṇīyasaṃhitāyāṃ tṛtīye dvāparasantāne vadhūgītāyāṃ nirguṇabhaktiyoganirūpaṇanāmā pañcacatvāriṃśo'dhyāyaḥ || 45 ||
[Analyze grammar]