Chapter 39

śrīpuruṣottama uvāca |
śṛṇu lakṣmi pravakṣyāmi naranārāyaṇīkathām |
puruṣottamabodhāḍhyāṃ mamā'pārokṣyabodhinīm || 1 ||
[Analyze grammar]

ekadā tu viśālāyāṃ darśanārthaṃ maharṣayaḥ |
yayurmama svarūpasya naranārāyaṇasya te || 2 ||
[Analyze grammar]

tatra śrīśaṃkaraścāpi samāyātaḥ satīyutaḥ |
sanatkumāraḥ sanakaḥ sanandanaḥ samāyayau || 3 ||
[Analyze grammar]

aṃgirādyā maharṣisattamāḥ svataḥprakāśakāḥ |
patnīvrato dvijaścānye lomaśādyāḥ purātanāḥ || 4 ||
[Analyze grammar]

tapaḥsatraṃ cikīrṣanto'paśyan dharmasutaṃ śucim |
nārāyaṇaṃ naraṃ cāpi mattanuṃ tāpasīṃ śubhām || 5 ||
[Analyze grammar]

prapūjya vidhivat sarve stotraiḥ saṃstūya vaidikaiḥ |
praṇemurdaṇḍavat bhaktisaṃyutā yogavittamāḥ || 6 ||
[Analyze grammar]

jagaduste hṛṣṭahṛdo nārāyaṇaṃ paraṃ gurum |
bhavantamekaṃ śaraṇaṃ prapannāḥ puruṣottamam || 7 ||
[Analyze grammar]

nārāyaṇaṃ svayaṃ sākṣāt purāṇaṃ parameśvaram |
śreṣṭhaṃ tapo bhavadyogo bhavajjñānaṃ tapaḥ param || 8 ||
[Analyze grammar]

muktidaṃ tat tapaḥ śreṣṭhaṃ yatra cā''rādhyate bhavān |
tanno brūhi hare kasmādidaṃ pravartate jagat || 9 ||
[Analyze grammar]

ka ātmā kā ca muktirvai saṃsāraḥ ko'sti vai kṛtaḥ |
kiṃ tatparataraṃ brahma sarvaṃ no vaktumarhasi || 10 ||
[Analyze grammar]

iti pṛcchanto munayaḥ prāpaśyan taṃ narāyaṇam |
vihāya tāpasaṃ veṣaṃ parabrahma sanātanam || 11 ||
[Analyze grammar]

bhrājamānaṃ ca tejobhirmuktamaṇḍalasevitam |
akṣarabrahmadhāmasthaṃ saśrīvatsaṃ śriyā vṛtam || 12 ||
[Analyze grammar]

anādiśrīkṛṣṇanārāyaṇaṃ māṃ puruṣottamam |
tvayā sākaṃ hasantaṃ svasarvāyudhasamanvitam || 13 ||
[Analyze grammar]

dṛṣṭvā śaṃbhvādayaḥ sarve lakṣmi kṣaṇaṃ pramugdhatām |
atyānandena magnāste prāpuḥ śrīparameśvare || 14 ||
[Analyze grammar]

atha kṛtvā tirobhāvaṃ divyabhāvasya me tadā |
nārāyaṇastāpaso'bhūd yathā badrītale'bhavat || 15 ||
[Analyze grammar]

tataḥ svasthān munīn sarvānāha tatra narāyaṇaḥ |
adṛśyaṃ mama rūpaṃ tat parameśvarasaṃjñakam || 16 ||
[Analyze grammar]

yasmānmayi rājate'tra prakāśito narāyaṇaḥ |
yaṃ na devā vijānanti yatanto'pi vinā kṛpām || 17 ||
[Analyze grammar]

kṛpayā darśanaṃ prāpya brāhmībhūtā mahattamāḥ |
na saṃsāraṃ prapadyante brahmagā brahmavādinaḥ || 18 ||
[Analyze grammar]

vakṣye bhaktimatāmadya tajjñānaṃ brahmavādinām |
ātmā'yaṃ dehināṃ svacchaḥ śuddhaḥ sūkṣmaḥ sanātanaḥ || 19 ||
[Analyze grammar]

tatra sarvāntaraḥ śrīmadbrahmanārāyaṇaḥ prabhuḥ |
vartate sa prāṇarūpaḥ so'ntaryāmī pumuttamaḥ || 20 ||
[Analyze grammar]

asmādakṣaravāsādvai viśvāni ca bhavanti hi |
sa māyayā naijatanūḥ karoti vividhāḥ sṛjau || 21 ||
[Analyze grammar]

karmabaddhā hi jīvādyāḥ saṃsaranti punaḥ punaḥ |
akarmabaddhamuktāśca prayānti tatparaṃ padam || 22 ||
[Analyze grammar]

yathā prakāśatamasoḥ sambandho nopapadyate |
tathā saṃsāraharyośca sambandho nopapadyate || 23 ||
[Analyze grammar]

chāyātapau yathā bhinnau tathā saṃsāraśārṅgiṇau |
evamātmā dehināṃ ca bhinnaḥ saṃsārarūpataḥ || 24 ||
[Analyze grammar]

ahaṃ kartā sukhī duḥkhī kṛśaḥ sthūlastu yā matiḥ |
sā cā'haṃkārakartṛtvādātmanyāropitā janaiḥ || 25 ||
[Analyze grammar]

tasmādajñānamūlo hi saṃsāraḥ karmabandhanaḥ |
ahaṃkārā'vivekena karmabandhaṃ karotyayam || 26 ||
[Analyze grammar]

paśyanti ṛṣayo bhaktāḥ paramopāsakā janāḥ |
śuddhātmani nije devaṃ śrīpatiṃ parameśvaram || 27 ||
[Analyze grammar]

prakṛtiṃ puruṣaṃ kālaṃ buddhvā''tmānaṃ nijaṃ tathā |
hariṇā saṃgato yaśca śāśvatānandabhāg hi saḥ || 28 ||
[Analyze grammar]

svātmānamakṣaraṃ brahma nā'vabuddhyati ced yadi |
anātmanyātmavijñānaṃ duḥkhasaṃsāradāyakam || 29 ||
[Analyze grammar]

rāgadveṣādayo doṣāḥ sarve tvajñānamāśritāḥ |
kārayanti hi karmāṇi puṇyā'puṇyāni dehinām || 30 ||
[Analyze grammar]

tadvaśādeva sarveṣāṃ sarvadehasamudbhavaḥ |
tasmād bhāvyaṃ brahmaṇā vai svenā''tmanā tu sādhubhiḥ || 31 ||
[Analyze grammar]

pareśena samaṃ naijaṃ tvaikyaṃ vyāpyaṃ subuddhibhiḥ |
yathā tu bhūmasamparkānnākāśo malino bhavet || 32 ||
[Analyze grammar]

tathā tvantaḥkaraṇotthairbhāvairātmā na lipyate |
yathā svaprabhayā sūryaḥ prakāśate samantataḥ || 33 ||
[Analyze grammar]

tathā jñānamayaścātmā tadyuktaḥ samprakāśate |
jñānarūpastataścā'yaṃ cidrūpo bhavavarjitaḥ || 34 ||
[Analyze grammar]

yathā rañjanasānnidhye sphaṭiko rañjano janaiḥ |
lakṣyate ca tathā cāyaṃ bhāvasannidhisadguṇaḥ || 35 ||
[Analyze grammar]

so'hamātmā'kṣaraḥ śuddho nityo bhakto mayā'niśam |
upāsitavyo mantavyaḥ śrotavyaḥ parameśvaraḥ || 36 ||
[Analyze grammar]

evaṃ jñāne tu sarvatra yadā bhātyasya mādhavaḥ |
bhaktasya śraddadhānasya hariḥ sampadyate tadā || 37 ||
[Analyze grammar]

svasmin sarvātmakaṃ brahmaparaṃ bhātyasya vai yadā |
tadā pratyakṣarūpaṃ taṃ svātmanyevā'bhipaśyati || 38 ||
[Analyze grammar]

yadā sarveṣu bhūteṣu pareśaṃ taṃ prapaśyati |
tadā sarvatra bhaktasya parabrahma vikāsate || 39 ||
[Analyze grammar]

yadā''tmastho netaradvai svayaṃ kimapi paśyati |
tadā pareṇa sambaddhaḥ parameśaṃ prapaśyati || 40 ||
[Analyze grammar]

yadā hṛdayakāmā vai vilīyante na santi tu |
tadā'sāvamṛtībhūtaḥ parameśaṃ prapaśyati || 41 ||
[Analyze grammar]

yadā sarvasthitaṃ kṛṣṇanārāyaṇaṃ prapaśyati |
tadā tadyogamāpannastatsvarūpāya kalpate || 42 ||
[Analyze grammar]

yadā paśyati deveśaṃ paramaṃ puruṣaṃ prabhum |
māyāmātraṃ gataṃ tasya nā'sya brahmātirekitā || 43 ||
[Analyze grammar]

yadā janmajarāduḥkhavyādhīnāmekabheṣajam |
svajñānaṃ brahmavijñānaṃ vartate'sau tadā śivaḥ || 44 ||
[Analyze grammar]

yathā nadīnadāḥ sarve samudre yānti vistṛte |
tathā bhaktā akṣare brahmaṇi yānti hyupāstibhiḥ || 45 ||
[Analyze grammar]

ajñānamugdhā vijñānaṃ nārjayanti tu yāvatā |
ajñānatimirākṛṣṭā na yānti paramaṃ padam || 46 ||
[Analyze grammar]

ātmajñānaṃ vidhātavyaṃ yogo nārāyaṇasya ca |
ubhābhyāṃ śrīhariścā'sya paramātmā prakāśate || 47 ||
[Analyze grammar]

hareryogātsamagrāṇyaiśvaryāṇyasya bhavanti ca |
dehe'traivā'thavā dehānte'pi hareḥ svanugrahāt || 48 ||
[Analyze grammar]

yattat sarvamataṃ divyamaiśvaryaṃ tadavāpnuyāt |
tadaiśvaryapradātā saḥ sarveṣāṃ parameśvaraḥ || 49 ||
[Analyze grammar]

sarvabhūteṣu sarvātmā sarvasthaḥ sarvatomukhaḥ |
sarvarūpaḥ sarvarasaḥ sarvagandho'jaro'maraḥ || 50 ||
[Analyze grammar]

sarvataḥ pāṇipādaḥ so'ntaryāmī śrīsanātanaḥ |
apāṇipādo javano grahītā hṛdi saṃsthitaḥ || 51 ||
[Analyze grammar]

acakṣurapi draṣṭā saḥ cā'karṇaśca śṛṇotyapi |
vettyayaṃ sarvamevedaṃ na taṃ jānāti kaścana || 52 ||
[Analyze grammar]

parameśaṃ mahānāthaṃ vadanti vimalāśayāḥ |
paśyanti ṛṣayo hetuṃ yadaiśvaryamanuttamam || 53 ||
[Analyze grammar]

viditvā tasya sāyujyaṃ labhante tatra veśitāḥ |
ye tanmāyāmatikrāntā yā cāste bandharūpiṇī || 54 ||
[Analyze grammar]

te labhante paraṃdhāma nirvāṇaṃ hariṇā saha |
prasādāttasya te yānti punarāvṛttimeva na || 55 ||
[Analyze grammar]

etajjñānaṃ putraśiṣyayogibhyo deyameva ha |
mokṣadaṃ paramaṃ śāntipradaṃ vai brahmavittamāḥ || 56 ||
[Analyze grammar]

anyaccāpi praśṛṇuta parameśāttato'bhavat |
kālākhyaḥ puruṣaścāpi pauruṣī prakṛtistathā || 57 ||
[Analyze grammar]

tābhyāṃ pradhānā puruṣastābhyāṃ hiraṇmayo'pyajā |
hiraṇmayī ca tābhyāṃ tu virāḍ vairājiketi ca || 58 ||
[Analyze grammar]

tābhyāṃ tridevatāścāto naranārīmayaṃ jagat |
evaṃ hareḥ sarvamidaṃ tasmād brahmamayaṃ jagat || 59 ||
[Analyze grammar]

haristvātmā'sti bhūtānāṃ jñātā''tmā parameśvaraḥ |
dvijāḥ śṛṇuta cāthāpi harericchā hyabhūtpurā || 60 ||
[Analyze grammar]

māyā sā divyarūpā'pi jīvakarmānvitā satī |
sattvakarmātmikā sattvā rajaḥkarmā tu rājasī || 61 ||
[Analyze grammar]

tamaḥkarmayutā sā ca tāmasī karmarūpiṇī |
jīvānāṃ karmaṇāṃ yādṛg rūpaṃ sā tādṛśī janaiḥ || 62 ||
[Analyze grammar]

gīyate raktakācāḍhya tejo raktaṃ yathetivat |
vastutaḥ śuddharūpā sā kintu jīvānuveśitā || 63 ||
[Analyze grammar]

karmānusāraphaladā sā māyā triprakāriṇī |
mūlā śuddhā'tha viṣamā karmānusārayāyinī || 64 ||
[Analyze grammar]

mahattattvaṃ ca buddhyākhyaṃ prakāśayati vai tataḥ |
mahattattvādahaṃ buddhiścābhimānātmikā tataḥ || 65 ||
[Analyze grammar]

tataḥ ṣoḍaśako gaṇastanmātrendriyamānasaḥ |
tanmātrebhyaśca bhūtāni sthūlāni guṇavanti ca || 66 ||
[Analyze grammar]

sthūlebhyastu jāyante tajjagat khalu |
jaḍātmakaṃ hyapi vyāptaṃ cetanaiḥ kurute kriyāḥ || 67 ||
[Analyze grammar]

karmānuguṇaṃ saraṇaṃ saṃsāro vāsanāmayaḥ |
sā'pi kālasya vaśagā hyavivekasamudbhavā || 68 ||
[Analyze grammar]

manaḥsāhāyyamāsādya pravartayati dehinaḥ |
tasmānmano niyamyaiva vāsanāṃ kṣapayed budhaḥ || 69 ||
[Analyze grammar]

kālamāyā'tītarūpo bhūtvā bhajeta mādhavam |
nāsti tasmātparaṃ kiṃcit taṃ bhajitvā vimucyate || 70 ||
[Analyze grammar]

nā'yaṃ tapobhirvividhairna dānena na cejyayā |
śakyo hi mānavairjñātumṛte bhaktimanuttamām || 71 ||
[Analyze grammar]

sa vai samagrabhūtānāmantastiṣṭhati sarvataḥ |
taṃ sarvasākṣiṇaṃ jñātvā mucyate sarvabandhanāt || 72 ||
[Analyze grammar]

tasyā'ntare sarvamidaṃ sa tu sarvāntakaḥ paraḥ |
tameva gṛṇanti śāstrāṇi satyekaṃ parameśvaram || 73 ||
[Analyze grammar]

yajanti vividhairyajñairbrāhmaṇāḥ satrakoṭibhiḥ |
dhyāyanti taṃ yogijanā bhajante sādhavo'malāḥ || 74 ||
[Analyze grammar]

sarvadevatanuḥ so'yaṃ dhārmikāstamupāsate |
tebhyo dadāti tatsthānamānandaṃ paramaṃ padam || 75 ||
[Analyze grammar]

narā nāryo'pi karmasthā bhaktimanto hyakalmaṣāḥ |
pūjayanti ca taṃ bhaktyā te prayānti parāṃ gatim || 76 ||
[Analyze grammar]

ityevamṛṣayo buddhvā taṃ pareśaṃ prabhuṃ harim |
sarvāntaryāmiṇaṃ dhyātvā prayāntu paramaṃ padam || 77 ||
[Analyze grammar]

ityuktvā badarīnāthaḥ śivarāji ṛṣīśvarān |
punaśca darśayāmāsa tāpase varṣmaṇi prabhum || 78 ||
[Analyze grammar]

koṭikandarpaśobhāḍhyaṃ śrīsametaṃ parātparam |
anekaiśvaryasañjuṣṭaṃ rājādhirājaśobhinam || 79 ||
[Analyze grammar]

anādiśrīkṛṣṇanārāyaṇātmakaṃ susundaram |
sarvakāntaṃ sarvadivyalāvaṇyamadhutānvitam || 80 ||
[Analyze grammar]

anantamuktamuktānīsevitaṃ pārameśvaram |
avatārādibhiścāpi vyūhairnutaṃ stutaṃ tathā || 81 ||
[Analyze grammar]

parabrahmātmakaṃ divyaṃ sarveśvarādisevitam |
sarvaśrīsaṃbhṛtaṃ dhāmeśvaraṃ śrīpuruṣottamam || 82 ||
[Analyze grammar]

ṛṣayaste hareḥ rūpaṃ dṛṣṭvā tṛptāḥ sukhānvitāḥ |
yāvattapaḥphalaṃ prāptā muditāstuṣṭuvuḥ punaḥ || 83 ||
[Analyze grammar]

tvaṃ prabhustvaṃ parabrahma tvaṃ kṛṣṇastvaṃ narāyaṇaḥ |
nārāyaṇaḥ parajyotirbhavānakṣaradhāmavān || 84 ||
[Analyze grammar]

tvaṃ hiraṇmayarūpaśca viṣṇustvaṃ vyāpako bhavān |
sarvadevamayastvaṃ ca tāpasastvaṃ pareśvara || 85 ||
[Analyze grammar]

tvā dṛṣṭvā kṛtakṛtyāḥ smastvāṃ prāpya puruṣottamam |
māyāpāraṃ gatāḥ smo'dya kṛpā te'sīmamuktidā || 86 ||
[Analyze grammar]

yadicchayā samāyātāścātra pūrṇo manorathaḥ |
netaracchiṣyate kāryaṃ kartavyaṃ darśanātparam || 87 ||
[Analyze grammar]

alaukikaṃ paraṃ rūpaṃ sadaivaṃ bhātu naḥ prati |
ityevameva vāñcchāmo varaṃ dehi varaṃ hi naḥ || 88 ||
[Analyze grammar]

ityevaṃ śivarājñīśri stutvā maunaṃ ca tasthire |
tato divyaṃ parabrahmarūpaṃ tatra tiro'bhavat || 89 ||
[Analyze grammar]

ahaṃ vai tāpaso jātaḥ sadyo nārāyaṇātmakaḥ |
badaryadhaḥsthitaste ca pupūjurmāṃ tathāvidham || 90 ||
[Analyze grammar]

ājñāmādāya ca yayurbhajanto māṃ nijālayān |
tvaṃ vijānāhi tadrūpaṃ mama nārāyaṇātmakam || 91 ||
[Analyze grammar]

tāpasaṃ lokarakṣārthaṃ dharmarakṣākaraṃ sadā |
naranārāyaṇātmānaṃ cāntaryāmiṇameva mām || 92 ||
[Analyze grammar]

puruṣottamasaṃjñaṃ ca vijānāhi patiṃ tava |
etajjñānaṃ samagṛhya śaṃkarādyāstato bhuvi || 93 ||
[Analyze grammar]

upādidiśuḥ ṛṣayo muktiṃ daduśca sarvataḥ |
dehibhyo brahmadhānyeva mamopāsanakāriṇaḥ || 94 ||
[Analyze grammar]

paṭhanācchravaṇāccaitatsmaraṇādapi muktidam |
sarvānandapradaṃ lakṣmi jñātavyaṃ na yataḥ param || 95 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne badaryāṃ tapo'rthaṃ prāptānāṃ maharṣīṇāṃ naranārāyaṇe parabrahmarūpadarśanāt tṛptānāṃ mānavebhyaścopadeśanamityāिnirūpaṇanāmā navatriṃśo'dhyāyaḥ || 39 ||
[Analyze grammar]