Chapter 22

śrīpuruṣottama uvāca |
śṛṇu nārāyaṇīśri tvaṃ prākaṭyaṃ mama cāparam |
avṛṣākhye vedhasaśca saptaviṃśe tu vatsare || 1 ||
[Analyze grammar]

kalpe catuḥśate manau tṛtīye bhūtale'bhavan |
bhūsurā yajñakartāraścakruste cādhvarān bahūn || 2 ||
[Analyze grammar]

agnihotraṃ darśahomaṃ pūrṇamāsaṃ prayājakam |
sviṣṭakṛdyajanaṃ pitṛyajñaṃ ca vaiśvadaivatam || 3 ||
[Analyze grammar]

cāturmāsyaṃ sākamedhaṃ somaṃ cāgrāyaṇeṣṭikam |
avabhṛtheṣṭiṃ tathā cātirātraṃ vājapeyakam || 4 ||
[Analyze grammar]

agniṣṭomaṃ tathā sautrāmaṇiṃ ca rājasūyakam |
aśvamedhaṃ sarvamedhaṃ puṃmedhaṃ ca savān bahūn || 5 ||
[Analyze grammar]

bṛhaspatisavaṃ vaiśyasavaṃ somasavaṃ tathā |
gosavaṃ brāhmaṇasavaṃ tathaudanasavaṃ śubham || 6 ||
[Analyze grammar]

pṛthisavaṃ marutstomaṃ putreṣṭiṃ ca tathā'parān |
yajñān vyadhuścaikadā te prārebhire nṛmedhakam || 7 ||
[Analyze grammar]

pañcāhaṃ tatra vai yajñe dvyūnadviśatapūruṣān |
devatābhyo hi vidhinopākṛtya ca tataḥ param || 8 ||
[Analyze grammar]

puruṣāṇāṃ viśasanaṃ kartumārebhire dvijāḥ |
vapārthaṃ havanārthaṃ ca bhrāntāstattvavido dvijāḥ || 9 ||
[Analyze grammar]

śṛṇu nārāyaṇīśri tvaṃ ye nṛpaśavaścā'bhavan |
nyūnadvādaśavarṣāste yajñopavītadhāriṇaḥ || 10 ||
[Analyze grammar]

bhaktā abhaktā viprādyā āsan yajñārthakalpitāḥ |
tatraikastvabhavad yogī mama bhaktiparāyaṇaḥ || 11 ||
[Analyze grammar]

kālamāyādyasaṃgī ca dehādau nispṛho naraḥ |
śubhravarṇaḥ sundarā''khyaḥ komalo mudabhṛnmukhaḥ || 12 ||
[Analyze grammar]

pāvitaḥ prathamo viprairupākṛtaḥ samāhṛtaḥ |
viśasanasya śālāyāṃ yathāvidhi samarcitaḥ || 13 ||
[Analyze grammar]

nārāyaṇahare kṛṣṇāntarātmannitimānasaḥ |
ātmanivedano nityaṃ madarthasarvaceṣṭakaḥ || 14 ||
[Analyze grammar]

etādṛśaṃ mama bhaktaṃ jñātvā viśasanārthakam |
tūrṇaṃ cāhaṃ samāyātaḥ padme viśasanagṛhe || 15 ||
[Analyze grammar]

adṛśyaḥ karmaṭhānāṃ vai dṛśyo bhaktasya me tadā |
adṛśyīkṛtya madbhaktaṃ sthito'haṃ tatsthale sphuṭaḥ || 16 ||
[Analyze grammar]

tadākāraśca maunaśca bhaktarakṣārthamityapi |
bhrāntināśārthamevāpi hiṃsāyāśca vichittaye || 17 ||
[Analyze grammar]

dharmarakṣārthamevāpi mṛṣākarmavichittaye |
viprebhyo bodhadānārthaṃ yathārthatāpravṛttaye || 18 ||
[Analyze grammar]

tāmasānāṃ pāpakarmanāśārthaṃ śasanālaye |
prāvirāsaṃ tadā lakṣmi pratyakṣaḥ svīyarakṣakaḥ || 19 ||
[Analyze grammar]

atha te yāgadīkṣāptā dvijā mantrān jagustadā |
prokṣya sarvaṃ suvidhinā pūruṣaṃ māṃ prajagṛhuḥ || 20 ||
[Analyze grammar]

mukhabandhaṃ nirdayāśca pracakruryavapūraṇaiḥ |
vṛṣaṇau mardayāmāsuśchedayāmāsurutsukāḥ || 21 ||
[Analyze grammar]

jīvato me bhramayuktā bhrāntyātmavidhinā khalāḥ |
viśasanaṃ pracakruśca tadā'haṃ pāpināśakṛt || 22 ||
[Analyze grammar]

kartitābhyāṃ vṛṣaṇābhyāṃ vajrā''bhābhyāṃ tu satvaram |
karmaṭhānāṃ kapālāni brahmarandhrāṇyatāḍayam || 23 ||
[Analyze grammar]

vajramaṇinibhābhyāṃ sāgnibhyāṃ pratāḍitā dvijāḥ |
jajvaluścāpi mamruśca bhinnamūrdhakapālakāḥ || 24 ||
[Analyze grammar]

sahasraśaḥ samutpannā mahānto vartulāśca te |
mahāśilāsvarūpāśca pralayānalasannibhāḥ || 25 ||
[Analyze grammar]

dāhayāmāsureveme pṛthvīṃ nabhaśca tārakān |
bhedayāmāsureveme śailaprāyāstadā'khilam || 26 ||
[Analyze grammar]

nāśayāmāsuḥ parito yajñaṃ yajñīyakānyapi |
hāhākāro mahāñjātaḥ svargapralayavāhakaḥ || 27 ||
[Analyze grammar]

pṛthivyāṃ pattanānāṃ ca dahyanti bahularddhayaḥ |
araṇyāni cārṣavāsā dahyanti vṛṣaṇānalāt || 28 ||
[Analyze grammar]

śālā grāmā āvasathā dagdhāstairvṛṣaṇānalaiḥ |
atha viprā jīvavantaḥ prārthayāñcakrire surān || 29 ||
[Analyze grammar]

rakṣayantu surāścāsmān mṛtyumukhasamāvṛtān |
prāyaścittaṃ kariṣyāmo vyutkramāderavantu naḥ || 30 ||
[Analyze grammar]

naivaṃ punaḥ kariṣyāmo bhrāntiṃ tyakṣyāma eva naḥ |
rakṣa rakṣa kṛpāpārāvārapārīṇamādhava || 31 ||
[Analyze grammar]

ityevaṃ mriyamāṇāste nipetuḥ pādayorhareḥ |
manniyuktāstadā yajñādhidevā jagadurdvijān || 32 ||
[Analyze grammar]

śālāyāṃ vṛṣaṇābhyāṃ vai tayorgrāmā hi nirgatāḥ |
divyā divyacamatkārāḥ śālagrāmā hi te hareḥ || 33 ||
[Analyze grammar]

bhaktarakṣākṛte'nādikṛṣṇanārāyaṇaḥ svayam |
upasthitaḥ śāsituṃ vaḥ puṃpaśurūpavān hariḥ || 34 ||
[Analyze grammar]

tasya tvime vṛṣaṇā vai śālagrāmā bhavanti hi |
agnirūpā vajrarūpāḥ śāstāro bhavatāṃ dvijāḥ || 35 ||
[Analyze grammar]

yūyamakāryakaraṇā hiṃsābhrāntā vimārgagāḥ |
devānāṃ no havyamiṣṭaṃ na māṃsaṃ vai kadācana || 36 ||
[Analyze grammar]

pāyasānnaṃ ceṣṭatamaṃ tena kurvantu cā'dhvarān |
phalāni śarkarāścāpi bījāni kamalāni ca || 37 ||
[Analyze grammar]

kaṇā vrīhiyavāścāpi śālayaśca dalāni ca |
tilā miṣṭānnamapi ca madhu rasāśca śobhanāḥ || 38 ||
[Analyze grammar]

samidhaśca priyā nityaṃ devānāṃ na tu māṃsakam |
dvijā bhrāntā bhavanto vai hiṃsāṃ kurvantu mā tviha || 39 ||
[Analyze grammar]

vayaṃ pavitrā devā mā hyaśuddhe yojayantu naḥ |
pāpaphalaṃ tu vai duḥkhaṃ bhavatāṃ tad bhaviṣyati || 40 ||
[Analyze grammar]

puṃstvapraṇāśanaṃ caccā'dhvare'nuṣṭhīyate dvijāḥ |
bhavadbhiḥ svasya puṃstvasya vināśaḥ kriyate divi || 41 ||
[Analyze grammar]

svargasyāpi vināśo vo hiṃsādoṣeṇa jāyate |
vayaṃ śuddhivihīnāśca māṃsadoṣeṇa cā'dhvare || 42 ||
[Analyze grammar]

prāyaścittīyakarmāṇo bhaviṣyāmo dvijāstviha |
svarge prāyaścittakarma tvakṛtvā svasvamandiram || 43 ||
[Analyze grammar]

saṃpraveṣṭamaśaktā hi hiṃsāṃ kurvantu no tataḥ |
śālagrāmamahāgneśca śāntiryathā bhavediha || 44 ||
[Analyze grammar]

tathā viṣṇuṃ hariṃ kṛṣṇaṃ nārāyaṇaṃ pareśvaram |
ārādhayāmastvatraiva surarṣipitṛmānavāḥ || 45 ||
[Analyze grammar]

svayameva hariścāgneḥ śāntiṃ tatra kariṣyati |
ayaṃ cā'vṛṣaṇo devo nārāyaṇaḥ svayaṃ naraḥ || 46 ||
[Analyze grammar]

bhavadbhirhomakāryārthaṃ yojitaḥ saṃskṛtastviha |
tamenaṃ paramātmānaṃ śaraṇaṃ sampatantu ca || 47 ||
[Analyze grammar]

sa hi rakṣāṃ rakṣako vai kṣamāṃ kṛtvā kariṣyati |
ityuktāste surā lakṣmi tadā tuṣṭuvurīśvarāḥ || 48 ||
[Analyze grammar]

pitaro mānavā viprā māmevā'vṛṣaṇaṃ harim |
tvaṃ parabrahma bhagavān mūlaśrīpuruṣottamaḥ || 49 ||
[Analyze grammar]

ekamevā'dvitīyastvaṃ sarveśvarapareśvaraḥ |
tvamevā'kṣaramuktānāmakṣarasyā'pi kāraṇam || 50 ||
[Analyze grammar]

avatārā'vatārāṇāṃ kāraṇaṃ śaktisañjuṣām |
śaktīnāṃ kāraṇaṃ sarveśvarāṇāṃ kāraṇaṃ bhavān || 51 ||
[Analyze grammar]

yajñānāṃ kāraṇaṃ tvaṃ ca mantrāṇāṃ kāraṇaṃ bhavān |
vidhīnāṃ ca nidhīnāṃ ca dravyāṇāṃ kāraṇaṃ bhavān || 52 ||
[Analyze grammar]

sarveṣāṃ karmakāṇḍānāṃ devānāṃ kāraṇaṃ bhavān |
kartā prerayitā tvaṃ ca vettā tṛptistvameva ca || 53 ||
[Analyze grammar]

dvijāśca karmaṭhāścāpi yajamānastvameva ca |
dravyāṇi sarvahavyāni tvameva bhagavannasi || 54 ||
[Analyze grammar]

arthajñānaṃ vidherjñānaṃ mantrajñānaṃ ca vaidikam |
tvāṃ vinā ca kriyājñānaṃ ko'nyo darśayituṃ kṣamaḥ || 55 ||
[Analyze grammar]

kṣamāṃ kṛtvā hare nātha dahyamānaṃ jagat tviha |
rakṣa rakṣa kṛpāsindho'parādhāṃśca kṣamasva naḥ || 56 ||
[Analyze grammar]

ajñātamantratattvāśca vayaṃ viśasanaṃ tu yat |
kṛtavanto narasyaitat kṣamasva kṛpayā prabho || 57 ||
[Analyze grammar]

ajñānināmaparādhān kṣamante jñānino janāḥ |
tvaṃ pitā jananī rakṣākaro vijño maheśvaraḥ || 58 ||
[Analyze grammar]

tvaṃ prabhuḥ sarvakartā ca sarvaśāstā sukhapradaḥ |
yathārthabodhakaścāsi śādhi naḥ puruṣottama || 59 ||
[Analyze grammar]

ete tvaccharaṇaṃ prāptāstrāhi naḥ śaraṇāgatān |
ityevaṃ prārthitaścā'haṃ tadā lakṣmi pumuttamaḥ || 60 ||
[Analyze grammar]

upādideśa tān sarvān vedārthaṃ mama bhāṣitam |
dvijatvaṃ dayayā śreyovidhānenāpyahiṃsayā || 61 ||
[Analyze grammar]

śuddhyā bhaktyā rāgadveṣarāhityena prajāyate |
alobhenā'pyakāmenā'tṛṣṇayā tapasā tathā || 62 ||
[Analyze grammar]

sadācāreṇa dharmeṇa santoṣeṇa prajāyate |
satyena daivavṛttyā ceśvarārpaṇena vipratā || 63 ||
[Analyze grammar]

adroheṇā'bhayadānamokṣadānena jāyate |
tad brāhmaṇyaṃ vidyayā ca vedenā'dhiprakāśate || 64 ||
[Analyze grammar]

prāpya tad drohakaraṇaṃ dvijānāṃ vṛṣa eva na |
hiṃsā droho mahānatra svargamokṣanirodhakṛt || 65 ||
[Analyze grammar]

paraduḥkhakaraścātmā duḥkhaṃ bhuṃkte'pi tādṛśam |
jīvataḥ śasane duḥkhamapāraṃ tatra jāyate || 66 ||
[Analyze grammar]

evaṃ duḥkhaṃ pradāyaiva dharmo'dharmatvamṛcchati |
anyaccāpi ca viprendrāḥ śṛṇvantu suvivekavat || 67 ||
[Analyze grammar]

śuddhaṃ svādu sugandhaṃ ca paramānnaṃ mukhe gatam |
ucchiṣṭaṃ jāyate tattūdare malatvamṛcchati || 68 ||
[Analyze grammar]

tadvikārāḥ peśikāmāṃsādyā malasvarūpiṇaḥ |
devādibhiḥ kathaṃ sattvamayaiḥ śuddhaiḥ sudhādanaiḥ || 69 ||
[Analyze grammar]

bhujyante tādṛśaṃ viprā vicārayantu tāttvikam |
tāmasyo makṣikā yatra vyākulitā bhavanti hi || 70 ||
[Analyze grammar]

aśuddhaṃ cāpi durgandhaṃ tāmasaṃ malinaṃ hi tat |
kathaṃ devā dvijāstadvai samiccheyurhi bhojanam || 71 ||
[Analyze grammar]

dugdhaṃ sugandhaṃ śreṣṭhaṃ vai rasātmakaṃ ghṛtānvitam |
sāttvikā yat samicchanti pavitraṃ bhojanaṃ payaḥ || 72 ||
[Analyze grammar]

makṣikā yat samicchanti sugandhaṃ miṣṭakaṃ madhu |
rasāṃśca vividhān miṣṭāṃstān samicchanti devatāḥ || 73 ||
[Analyze grammar]

tasmāddhiṃsātmakaṃ yajñaṃ mā kurvantu dvijottamāḥ |
paśūnāṃ bandhanaṃ saṃjñapanaṃ viśasanaṃ tathā || 74 ||
[Analyze grammar]

vapoddharaṇaṃ homādi sarvaṃ hiṃsātmakaṃ hi tat |
hiṃsā kvāpi na vai kāryā cetyevaṃ vaidikī śrutiḥ || 75 ||
[Analyze grammar]

sarvārpaṇaṃ harau kāryaṃ ceti me vaidikī śrutiḥ |
patraṃ puṣpaṃ phalaṃ toyaṃ vastraṃ gṛhaṃ dhanaṃ sutaḥ || 76 ||
[Analyze grammar]

sutā patnī patirgauśca kṣetraṃ sampat svayaṃ tathā |
nārāyaṇāya dātavyaṃ cetyevaṃ vaidikī śrutiḥ || 77 ||
[Analyze grammar]

nārāyaṇātmanā dhyātvā kṛtvā nārāyaṇe'rpaṇam |
yathārhamupayoktavyaṃ na tu ghāto vidhīyate || 78 ||
[Analyze grammar]

upākṛtyaiva tu tattaddevatābhyo yathā'rpitam |
sarvaṃ prāsādikaṃ kṛtvā yoktavyaṃ vaiṣṇavo vṛṣaḥ || 79 ||
[Analyze grammar]

sarvaṃ nārāyaṇasyeti dhyātvaivaṃ ca tataḥ param |
grahītavyaṃ nānyatheti sarvaṃ svaṃ prārpayeddharau || 80 ||
[Analyze grammar]

vaiśyasave caturvarṣastrīpaśuśca tathā'rpitaḥ |
utsraṣṭavyo hareḥ sā ca bhoktavyā naiva sarvathā || 81 ||
[Analyze grammar]

pūjanīyā devikā sā ceti vai vaidikī śrutiḥ |
gosave'pi tathā gāvo'rpaṇīyāḥ parameśvare || 82 ||
[Analyze grammar]

dakṣiṇāścā'yutasaṃkhyāgāvo matāḥ prapūjitāḥ |
utsraṣṭavyāḥ pūjanīyā dātavyā dugdhalabdhaye || 83 ||
[Analyze grammar]

marutstome'pi ca saptadaśāpi pañcavatsarāḥ |
puṃpaśavastathā'spṛṣṭagarbhā varṣatrayātmakāḥ || 84 ||
[Analyze grammar]

strīpaśavaścārpaṇīyāḥ parameśe parātmani |
sādhavaste tathā sādhvyo bhaveyurbrahmabodhadāḥ || 85 ||
[Analyze grammar]

prathame ca dvitīye ca tṛtīye vatsare'pi ca |
caturthe pañcame varṣe tathāsaṃkhyā narāḥ striyaḥ || 86 ||
[Analyze grammar]

tyāgāśrame pradātavyā acyutagotrakā iti |
vaiṣṇavāste prakartavyā ityevaṃ vaidikī śrutiḥ || 87 ||
[Analyze grammar]

aśvamedhe'pi daivaḥ sa nopayoktavya eva ha |
aśvo yo'rpita evā'pi devāya devatāyanaḥ || 88 ||
[Analyze grammar]

kuṣmāṇḍākhyaṃ phalaṃ deyaṃ vahnaye devatājuṣe |
puroḍāśāḥ pradātavyāścaravo'pi yathocitam || 89 ||
[Analyze grammar]

evametanna sandeho vidheyo brāhmaṇairiha |
vedavaktā'pyahaṃ cā'smi yajñātmā'pyahameva ca || 90 ||
[Analyze grammar]

mantre'hameva tiṣṭhāmi hārde vidantu me dvijāḥ |
pratijñāṃ samprakurvantu hantavyo jantureva na || 91 ||
[Analyze grammar]

pūjanaṃ me vṛṣaṇayoḥ śālagrāmasvarūpayoḥ |
kurvantu tena śāntirvai bhaviṣyatyanalasya ha || 92 ||
[Analyze grammar]

nānyathā syādagniśāntirjagad bhasmībhaviṣyati |
śālāsu kartitau me vai vṛṣaṇau puṃstvasaṃbhṛtau || 93 ||
[Analyze grammar]

tābhyāṃ grāmāḥ samūhāścotpannāḥ koṭyarbudādhikāḥ |
śālagrāmā hi te sarve matsvarūpā madātmakāḥ || 94 ||
[Analyze grammar]

jagadbhasmakarāḥ sarve tānarcayantu vai dvijāḥ |
ityuktāḥ kṣmāsurāḥ sarve bahubhiścopacārakaiḥ || 95 ||
[Analyze grammar]

vaiṣṇavaiḥ sāmamantraiśca puṃsūktaiśca punaḥ punaḥ |
pupūjuścā'pi nāpyetāḥ śāntāḥ śālaśilāstadā || 96 ||
[Analyze grammar]

ahaṃ viprānakathayaṃ saṃśṛṇudhvaṃ vai samāhitāḥ |
vinā yogyāsanaṃ naiva śāntiṃ yāsyanti tāḥ śilāḥ || 97 ||
[Analyze grammar]

prārthayantu śriyaṃ lakṣmīṃ yogyaṃ sā saṃvidhāsyati |
atha viprairarcitā tvaṃ lakṣmīsūktādibhistadā || 98 ||
[Analyze grammar]

pūjitā vanditā cāpi śāntyarthaṃ viniveditā |
tatastvaṃ pippalapatrākārapīṭhātmikā'bhavaḥ || 99 ||
[Analyze grammar]

divyāsanātmikā jātā divyasauvarṇarūpiṇī |
siṃhāsanābhidhānā vai dhṛtavatyapi tāḥ śilāḥ || 100 ||
[Analyze grammar]

atha śāntiṃ tathā sthairyaṃ śilāḥ prāptāśca niṣkriyāḥ |
upadravavihīnāśca śānto'gniḥ sarvato diśi || 101 ||
[Analyze grammar]

suraiśca pitṛbhiḥ sarvairmānavairmunibhistadā |
pūjitā bahubhāvādyaiḥ śālagrāmāśca candanaiḥ || 102 ||
[Analyze grammar]

sugandhibhiścopacārairdivyāste harayo'bhavan |
haryātmakā hareraṃśā haryarcārūpiṇaḥ sadā || 103 ||
[Analyze grammar]

harerme'ṅgamayā madātmakā mokṣapradāyinaḥ |
śrīyuktāste bhagavanto'bhavanpāṣāṇamūrtayaḥ || 104 ||
[Analyze grammar]

atha mūlau vṛṣaṇau me mayā dhṛtau yathāsthale |
lagnitau ca yadā tau me tadā'haṃ puṃstvasaṃyutaḥ || 105 ||
[Analyze grammar]

pūrṇamūrtirabhavaṃ vai bhaktā mayā hi rakṣitāḥ |
naramedhe purā yajñe bhūtvā pratyakṣarūpiṇā || 106 ||
[Analyze grammar]

anādiśrīkṛṣṇanārāyaṇaḥ śrīpuruṣottamaḥ |
anādiśrīśālapuṃstvanārāyaṇo'bhavaṃ tadā || 107 ||
[Analyze grammar]

saumyaḥ śālagrāmamūrtiḥ pīṭhikāśrīśubhāsane |
ākalpaṃ cā'bhavaṃ lakṣmi smara māṃ tvāṃ tathāvidhām || 108 ||
[Analyze grammar]

avasaṃśca tvayā sākaṃ mūrtimān śrīpatiḥ pumān |
anye me te'vatārāśca tatra kalpe'bhavan priye || 109 ||
[Analyze grammar]

sarvān vedmi yathākāryamavatārān hi me priye |
paṭhanācchravaṇāccāpi bhuktirmuktiḥ prajāyate || 110 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vedhaso'vṛṣākhye saptaviṃśe vatsare naramedhe bhaktarakṣārtham anādiśrīpuṃstvanārāyaṇasya prākaṭyaṃ naramedhādiya |
jñārthajñānādikaṃ cetyādinirūpaṇanāmā dvāviṃśatitamo'dhyāyaḥ || 22 ||
[Analyze grammar]