Chapter 23

śrīpuruṣottama uvāca |
śṛṇu nārāyaṇīśri tvaṃ kathāṃ me cātipāvanīm |
prākaṭyarūpāṃ divyāṃ ca vedhaso'nalavatsare || 1 ||
[Analyze grammar]

aṣṭāviṃśe tvaṣṭaśate kalpe ca prathame manau |
rājā''sīt sūryavarcākhyo brahmaṇā tvanubodhitaḥ || 2 ||
[Analyze grammar]

vedamārgarataḥ sarvastarāṇāṃ maṇḍaleśvaraḥ |
vyomacārivimānena devānāṃ sadasi sthitaḥ || 3 ||
[Analyze grammar]

pātāleṣu tathā merau graheṣu gatimān vratī |
mama pūjāparo nityaṃ siddhānāṃ sevako yuvā || 4 ||
[Analyze grammar]

prajānāṃ mama bhaktyarthaṃ yatnavān sādhusadguṇaḥ |
sa tvekadā'cintayaddhi rājñyā samaṃ nijālaye || 5 ||
[Analyze grammar]

mānavo'yaṃ mama dehaḥ priye nṛpā'bhibodhitaḥ |
nṝnpātītiyathārthaṃ vai kadā pravartate priye || 6 ||
[Analyze grammar]

rājñī prāha manuṣyāṇāṃ deho'yaṃ mokṣasiddhaye |
nṝṇāṃ mokṣapradātṛtve nṛpaḥ svārthe pravartate || 7 ||
[Analyze grammar]

nṛpaśabdo'nyathā naiva sārthakaḥ śāsane mataḥ |
bhūtvā bhūtvā vilīyante mānavāḥ karmasaṃhṛtāḥ || 8 ||
[Analyze grammar]

teṣāṃ pālanakārye ca kṛte'pi yānti saṃkṣayam |
deharakṣā na vai rakṣā dehapatvaṃ na pālanam || 9 ||
[Analyze grammar]

annāni ca jalaṃ vahnirvāyuḥ pānti svabhāvataḥ |
rājñāṃ tatrā''vaśyakatā nāsti svabhāvapālite || 10 ||
[Analyze grammar]

śreṣṭhayuge na vai cauryaṃ na chadma nā'pahartṛtā |
tena yugaḥ prayātyeva rājñāṃ tatra na pālitā || 11 ||
[Analyze grammar]

kṛte yuge satyadharme rājā nirarthako yataḥ |
sārthakatvaṃ nṛpatvaṃ tu mārgaṇīyaṃ bhaved yadi || 12 ||
[Analyze grammar]

mama buddhau mokṣadānapradānena nṛpālitā |
sārthaketi prajānātha pratibhātyeva tatkuru || 13 ||
[Analyze grammar]

rājā bhaktyā svayaṃ mokṣaṃ prayātyeva yathā tathā |
prajāścāpi parābhaktyā mokṣamāpnuyureva cet || 14 ||
[Analyze grammar]

nṛpatitvaṃ kṛtaṃ tena sārthakaṃ janmavedinā |
etādṛśaṃ nṛpatvaṃ tvaṃ rājan kuru pramuktidam || 15 ||
[Analyze grammar]

śrutvaivaṃ mahiṣīvākyaṃ nṛpo mumoda cāntare |
śrutitulyāṃ satīṃ matvā patnīṃ mokṣasahāyinīm || 16 ||
[Analyze grammar]

punaḥ papraccha tāṃ mudgāyanīnāmnīṃ nijāṃ priyām |
kayā rītyā nṛṇāṃ mokṣakaraṇaṃ syāt praśādhi me || 17 ||
[Analyze grammar]

mudgāyanī tadā prāha ṛṣīn siddhān tapasvinaḥ |
sādhūn sādhvīḥ samāhūya lokāntarebhya ityapi || 18 ||
[Analyze grammar]

mandiraṃ kārayitvā ca mokṣadāṃ pārameśvarīm |
pratimāṃ sthāpayitvā tvaṃ sadā kuru mahotsavān || 19 ||
[Analyze grammar]

prajāḥ sevāṃ pūjanaṃ ca darśanaṃ smaraṇaṃ tathā |
kīrtanaṃ śravaṇaṃ bhṛtyaṃ dāsyaṃ ca vandanaṃ stavam || 20 ||
[Analyze grammar]

kariṣyanti bhajanaṃ ca nartanaṃ bhāvanā'rpaṇam |
annavastrārpaṇaṃ pātrā'rpaṇaṃ ca candanārpaṇam || 21 ||
[Analyze grammar]

śṛṃgārāṇāmarpaṇaṃ ca sugandhānāṃ tathā'rpaṇam |
pañcāmṛtā'rpaṇaṃ cāpi gītārpaṇaṃ japā'rpaṇam || 22 ||
[Analyze grammar]

ātmārpaṇaṃ kariṣyanti gamiṣyanti paraṃ padam |
mārjanaṃ lepanaṃ cāpi dīpārpaṇaṃ dhvajārpaṇam || 23 ||
[Analyze grammar]

vādyārpaṇaṃ vādanaṃ ca phalapuṣpārpaṇaṃ tathā |
kuṃkumā'kṣatahārāṇāmarpaṇaṃ dhūpakā'rpaṇam || 24 ||
[Analyze grammar]

naivedyārpaṇamevāpi tathā nīrājanārpaṇam |
pradakṣiṇaṃ stutiṃ namo daṇḍavacca tathā'ñjalim || 25 ||
[Analyze grammar]

hāvaṃ bhāvaṃ ca vai harerālocanaṃ ca cintanam |
mananaṃ nirṇayaṃ cāpi kariṣyanti janāḥ kathām || 26 ||
[Analyze grammar]

dhanaṃ svarṇaṃ tathā raupyaṃ tāmraṃ vā yaṣṭikāṃ ca vā |
ābharaṇāni divyāni maṇīn ratnāni hīrakān || 27 ||
[Analyze grammar]

mañjarīḥ puṣpamālāśca gucchān veṣān suśobhanān |
mukuṭaṃ kaṭakaṃ mālāṃ śṛṃkhalāṃ mekhalāṃ tathā || 28 ||
[Analyze grammar]

ūrmikāṃ cāpi hetīṃśca śaṃkhacakrādikāni ca |
naktakaṃ sukhaśayyāṃ ca pāduke yānamuttamam || 29 ||
[Analyze grammar]

vāhanaṃ ca vimānaṃ ca godhanaṃ ca rasādikam |
sumiṣṭaṃ śarkarādyaṃ ca madhu ghṛtaṃ kaṇādikam || 30 ||
[Analyze grammar]

ghaṭaṃ sukalaśaṃ sthālīṃ pūjāpātrāṇi varttikāḥ |
utsavopakaraṇāni dāsyanti mānavāḥ khalu || 31 ||
[Analyze grammar]

haraye tvarpaṇaṃ kṛtvā yāsyanti paramaṃ padam |
karmaṭhā api satrāṇi kṛtvā vai mandire hareḥ || 32 ||
[Analyze grammar]

bhikṣukāśca prasādānnaṃ bhuktvā yāsyanti tatpadam |
aparādhakṛtaḥ kṣamāṃ yācitvā'pi hareḥ puraḥ || 33 ||
[Analyze grammar]

pāpāḥ pāpaṃ nivedyā'pi yāsyanti paramāṃ gatim |
vratī vratāni prārpyaiva gamiṣyati paraṃ padam || 24 ||
[Analyze grammar]

nāryo nārāyaṇaṃ devaṃ bhajitvā parameśvaram |
kāntaṃ sarveśvaraṃ taṃ ca yāsyanti paramaṃ padam || 25 ||
[Analyze grammar]

bālā vṛddhāḥ sadhanā vā nirdhanā api sarvathā |
bhajitvā bhagavantaṃ taṃ yāsyanti paramaṃ padam || 365 ||
[Analyze grammar]

tasmād rājannṛṇāṃ mokṣamārgasyodghāṭanāya vai |
nṛpatitvaṃ sārthakaṃ vai kartuṃ śrīharimandiram || 37 ||
[Analyze grammar]

prakāraya śubhaṃ śreṣṭhaṃ sahasraikaghaṭānvitam |
sahasraśikharaṃ ramyaṃ sauvarṇakalaśānvitam || 38 ||
[Analyze grammar]

gaganasparśi śobhāḍhyaṃ tatraiva vidhinā harim |
bhagavantaṃ prabhuṃ devaṃ pratiṣṭhāpaya kānakam || 39 ||
[Analyze grammar]

pratimārūpiṇaṃ devaṃ devarṣigaṇabodhitam |
surūpaṃ sundaraṃ jagatkartāraṃ parameśvaram || 40 ||
[Analyze grammar]

nijaśaktiyutaṃ nijaiśvaryapārṣadasevitam |
nijā''yatanasaṃyuktaṃ pratiṣṭhāpaya tatra ca || 41 ||
[Analyze grammar]

sarvadṛśyaṃ sarvasevyaṃ sarvapāpapraṇāśakam |
sarvaśāntipradaṃ devaṃ śrīpatiṃ puruṣottamam || 42 ||
[Analyze grammar]

ityuktvā svāmine rājñī tūṣṇīmāsa kṣaṇaṃ tataḥ |
rājā pathyaṃ ca tathyaṃ ca mene mokṣapradaṃ vacaḥ || 43 ||
[Analyze grammar]

japasatraṃ cakārā'sau māsikaṃ kīrtanānvitam |
āhvayāmāsa siddhāṃśca ṛṣīndevāṃśca mānavān || 44 ||
[Analyze grammar]

akhaṇḍanāmabhajanaṃ kārayāmāsa māsikam |
hare kṛṣṇa hare kṛṣṇa śrīpate puruṣottama || 45 ||
[Analyze grammar]

antarātman prabho viṣṇo parameśa namo'stu te |
ityevaṃ bhajanaṃ rājā kārayāmāsa cāniśam || 46 ||
[Analyze grammar]

bhojanāni vicitrāṇi sudhāsvādūni vai dadau |
sevāṃ sarvavidhāṃ sarvasatriṇāṃ vidadhe mudā || 47 ||
[Analyze grammar]

nityamāyānti lokebhyaḥ prayānti ca surādayaḥ |
bhajanaṃ satataṃ tatra jāyate'virataṃ priye || 48 ||
[Analyze grammar]

evaṃ māse śrāvaṇe vai vyatīte cāntime dine |
pūrṇātithau sabhāmadhye praśnaṃ cakāra bhūpatiḥ || 49 ||
[Analyze grammar]

mānuṣāṇāṃ mokṣagatirakhaṇḍitā bhavediha |
yathā tathā surādyā me darśayantu prathāṃ śubhām || 50 ||
[Analyze grammar]

atha siddhāstadā prāhurmandiraṃ tvatra kāraya |
ṛṣayaśca surāścāpi mānavā jagadustathā || 51 ||
[Analyze grammar]

mandireṇa parā puṣṭirmokṣasyā'tra bhaviṣyati |
tatprakāraya rājendra pratiṣṭhāpaya tatra ca || 52 ||
[Analyze grammar]

śrīpatiṃ paramātmānaṃ parabrahma pareśvaram |
pratimārūpiṇaṃ devaṃ sarvamokṣapradaṃ prabhum || 53 ||
[Analyze grammar]

omityuktvā japayajñaṃ pūrṇaṃ kṛtvā tato nṛpaḥ |
kārayāmāsa sauvarṇaṃ sahasraśikharānvitam || 54 ||
[Analyze grammar]

nakṣatrasparśi sudṛśyaṃ mandiraṃ prathamaṃ bhuvi |
sāṃgopāṃgasamastaṃ vai jātaṃ pūrṇaṃ tataḥ param || 55 ||
[Analyze grammar]

cintayāmāsa mūrtyarthaṃ kutaḥ kasmād bhavediti |
rātrau rājā'cintayacca nirviṇṇo mānase'bhavat || 56 ||
[Analyze grammar]

sasmāra māṃ parabrahma śrīpatiṃ puruṣottamam |
ahaṃ bhaktasmṛtiṃ jñātvā sākaṃ tvayā tu padmaje || 57 ||
[Analyze grammar]

gatavān yatra rājā'sau pratyakṣatāṃ gato'bhavam |
sūryavarcāstadā dṛṣṭvā natvā māṃ gocaraṃ puraḥ || 58 ||
[Analyze grammar]

praṇanāma madhuparkaṃ dadau cakāra daṇḍavat |
āsanaṃ pradadau mahyaṃ sarvābharaṇaśāline || 59 ||
[Analyze grammar]

sarvatejo'bhidīptāya sarvaiśvaryānvitāya ca |
sarvaprasannatāvṛṣṭikārakāyā''ntarātmane || 60 ||
[Analyze grammar]

pradadau bhojanaṃ pānaṃ pūjanaṃ ca nijārpaṇam |
sarvasvā'rpaṇamevā'pi cakre bhaktyānvito nṛpaḥ || 61 ||
[Analyze grammar]

prārthayāmāsa māṃ tatra nirmite mandire śubhe |
nityavāsasya yogye vai mahodyānābhisaṃvṛte || 62 ||
[Analyze grammar]

pratyakṣaṃ bhagavannatra vasa sthiraḥ sadā bhava |
salakṣmīkaḥ pārṣadādyaiścopakaraṇairanvitaḥ || 63 ||
[Analyze grammar]

mayā lokasya mokṣārthaṃ tathā'stvevaṃ samīritam |
athoktaṃ yāhi rājendra vanānte śiṃśapādrumam || 64 ||
[Analyze grammar]

ṛṣīṇāmāśramamadhye sthitaṃ mahāntamuttamam |
tatpārśvasthaṃ vāmagaṃ ca vaṭavṛkṣaṃ śubhottamam || 65 ||
[Analyze grammar]

mandire'tra yathāvāso mama tatra tathaiva ca |
tau vṛkṣau tava rājye'tra nau mūrtirūpiṇau nṛpa || 66 ||
[Analyze grammar]

svecchayaiva mayā lakṣmyā cobhābhyāṃ kalpitau kṛtau |
nityau divyau mama rūpau prācīnau bahuvatsarau || 67 ||
[Analyze grammar]

nityapuṣṭau devapūjyau vartete śrīnarāyaṇau |
tānibhau nṛpa cāvāṃ svo yāhi pūjaya mānaya || 68 ||
[Analyze grammar]

ṛṣibhiḥ pūjitau nityau vartāmahe drurūpiṇau |
atha mūrtisvarūpau vai tābhyāṃ prakāśitāviha || 69 ||
[Analyze grammar]

sthāsyāvaścātra vidhinā pratiṣṭhitau svayaṃ nṛpa |
ityuktaḥ sa yayau rājā mahodyāne vaṭāntikam || 70 ||
[Analyze grammar]

śiṃśapādrumasaṃyuktaṃ divyaॆ divyarasānvitam |
vaṭaṃ śubhraṃ samālokya nṛpastvāścaryamāptavān || 71 ||
[Analyze grammar]

ṛṣīn praṇamya vidhivanmaharṣigaṇakāritām |
pūjāṃ cakre drumayoḥ saṃyuktayośca nṛpaḥ svayam || 72 ||
[Analyze grammar]

dhūpaṃ dīpaṃ jaladānaṃ naivedyaṃ kusumāñcalim |
datvā cārāretrikaṃ cakre tadā'haṃ śiṃśapādrume || 73 ||
[Analyze grammar]

stambe nārāyaṇaḥ sākṣātparamātmā sanātanaḥ |
śaṃkhacakragadāpadmadhārī śrīpuruṣottamaḥ || 74 ||
[Analyze grammar]

śyāmalaḥ śyāmavarṇaśca divyarūpo'bhavaṃ puraḥ |
śiṃśapāstamba evā'haṃ cā'haṃ stambo na vai pṛthaka || 75 ||
[Analyze grammar]

śākhā me pārṣadāḥ sarve pārṣadāṇyaśca vai tadā |
maddehayogavantaste hyadṛśyanta madātmakāḥ || 76 ||
[Analyze grammar]

atha vṛkṣe vaṭe stambe bhavatīgocarā priye |
stambā'bhinnā stambagarbhā vaṭakāraṇarūpiṇī || 77 ||
[Analyze grammar]

śākhāśca tava sakhyaśca muktānyaḥ śobhanāḥ priyāḥ |
adṛśyanta tvadabhinnāstvadyoginyastvadātmikāḥ || 78 ||
[Analyze grammar]

evaṃ māṃ tvāṃ vīkṣya rājā sūryavarcā mudānvitaḥ |
prakṛtvā daṇḍavattūrṇaṃ saṃprokṣya vedamantrakaiḥ || 79 ||
[Analyze grammar]

māṃ tvāṃ sammānapūrvaṃ cārohayāmāsa vai rathe |
sauvarṇe śatakalaśe vimānavatsuśobhite || 80 ||
[Analyze grammar]

śataikahastivāhye ca mahotsavasamanvitaḥ |
ānīya mandirabhūmau maṇḍape vidhivattadā || 81 ||
[Analyze grammar]

saṃsthāpya vidhinā kṛtvā pratiṣṭhāṃ sarvakarmabhiḥ |
mandire māṃ tvāṃ tathā ca pārṣadān tvatsasvīstathā || 82 ||
[Analyze grammar]

saṃpratiṣṭhāpayāmāsa divyaṃ pratyakṣamāgatam |
ākalpaṃ nyavasaṃ naije mandire vai tvayā saha || 83 ||
[Analyze grammar]

divyarūpo divyanetravatāṃ bhaktijuṣāṃ kṛte |
mūrtirūpaścarmacakṣuṣmatāṃ māyājuṣāṃ kṛte || 84 ||
[Analyze grammar]

anādiśrīkṛṣṇanārāyaṇo'haṃ puruṣottamaḥ |
anādiśrīśiṃśapānārāyaṇaḥ śyāmalo'bhavam || 85 ||
[Analyze grammar]

anādiśrīśyāmanārāyaṇetikhyātimāptavān |
tvaṃ vaṭaśrīkhyātimāptā mama pārśve'tisundarī || 86 ||
[Analyze grammar]

gauraśvetasuvarṇā vai divyadehā manoramā |
mānavāstu tato nityaṃ surā maharṣayo'pi ca || 87 ||
[Analyze grammar]

pitaraścā'surāścāpi māṃ tvāṃ prasevya muktigāḥ |
babhūvustatra kalpe vai lakṣmi nṛpatā sārthikā || 88 ||
[Analyze grammar]

rājñā tena kṛtā rājñyupadeśena pramokṣadā |
sarvābhayapradānaṃ vai kṛtaṃ rājñā madarpaṇāt || 89 ||
[Analyze grammar]

etajjānāmyahaṃ lakṣmi śyāmalaṃ mama rūpakam |
gauraṃ rūpaṃ tava lakṣmi smara tanmandiraṃ hyapi || 90 ||
[Analyze grammar]

smara taṃ pārṣadaṃ cāpi rājānaṃ ca sakhīṃ nṛpīm |
smarā'saṃkhyāṃstadā jātānmuktān koṭyarbudābjakān || 91 ||
[Analyze grammar]

anye tadā'pyavatārā mama jātā hyanekaśaḥ |
yathākāryānurūpā vai jānāmyetānahaṃ priye || 92 ||
[Analyze grammar]

evaṃ śyāmalarūpeṇa bhaktānāṃ bhaktimuttamām |
śravaṇaṃ kīrtanaṃ pādasevanaṃ vandanaṃ tathā || 93 ||
[Analyze grammar]

arcanaṃ sakhyamevā'pi tathā cātmanivedanam |
lepanaṃ mārjanaṃ pādasaṃvāhanaṃ ca bhojanam || 94 ||
[Analyze grammar]

jalapānaṃ vastrabhūṣādānaṃ śṛṃgārakaṃ tathā |
ārādhanaṃ namaskāraṃ sahayānaṃ ca nartanam || 95 ||
[Analyze grammar]

gāyanaṃ ramaṇaṃ vāṭyāṃ vihāraṃ hasanaṃ tathā |
sarvaṃ tvaṃgīcakārā'haṃ bhūtvā prasanna eva tān || 96 ||
[Analyze grammar]

nināya mama dhāmā'pi tvakṣarākhyaṃ paraṃ padam |
vaiṣṇavī pṛthivī sarvā narā nāryaśca vaiṣṇavāḥ || 97 ||
[Analyze grammar]

paśavaḥ pakṣiṇaścāpi madyogānmuktimāyayuḥ |
śyāmalaḥ śyāmalaśceti nārāyaṇaḥ pareśvaraḥ || 98 ||
[Analyze grammar]

gāyanto jīvavṛndā māmīyuḥ kalpe tadā priye |
pāpino'pi hare śyāma vandato dharmiṇo'bhavan || 99 ||
[Analyze grammar]

paṭhanācchravaṇāccāsya smaraṇānmuktimāpnuyāt |
ante rājā sadeśaśca sagotraḥ saprajājanaḥ || 100 ||
[Analyze grammar]

sāśritaḥ sabhṛtyakaśca sastrīko muktimāpa ha |
api go'śvaprabhṛtayaścāpi muktiṃ yayuḥ parām || 101 ||
[Analyze grammar]

tasmānmandiranirmāṇaṃ pratimāsthāpanaṃ mama |
śreṣṭhamabhayadānaṃ tajjīvānāṃ jāyate kṣitau || 102 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vedhaso'ṣṭāviṃśe vatsare sūryavarcānṛpadvārā mandire'nādiśrīśiṃśapā nārāyaṇasya vaṭaśrīsahitasya prākaṭyamityādiniparūṇanāmā trayoviṃśatitamo'dhyāyaḥ || 23 ||
[Analyze grammar]