Chapter 300

śrīrādhikovāca |
kṛṣṇakānta kathāḥ sarvāḥ saṃkṣepāt kathayā'sya me |
tretākhaṇḍasya vai śāntiḥ śravaṇe me'tijāyate || 1 ||
[Analyze grammar]

śrīkṛṣṇa uvāca |
rādhike bhagavān śrīmallakṣmīnārāyaṇo'bhavat |
anādiśrīkṛṣṇanārāyaṇo lakṣmyā yuto yadā || 2 ||
[Analyze grammar]

tamenaṃ paramātmānaṃ hṛdayekṣaṇavarjitāḥ |
na jānanti yathārthaṃ vai parabrahma sanātanam || 3 ||
[Analyze grammar]

so'yaṃ samāgataḥ pṛthvyāṃ kṛpayoddhārahetave |
bhaktānāṃ mānasapūrttyai narāṇāṃ yoṣitāṃ tathā || 4 ||
[Analyze grammar]

dhanyāstāstanavaścātra yābhiḥ prāpto hariḥ svayam |
dhanyāni tānīndriyāṇi hareryogaṃ gatāni vai || 5 ||
[Analyze grammar]

dhanyāstāḥ ṛddhyaścāpi dhanyā deśāśca te tathā |
dhanyāḥ kuṭumbinaścāpi puruṣottamayoginaḥ || 6 ||
[Analyze grammar]

yatra vai paṭhyate lakṣmīnārāyaṇasya saṃhitā |
dhanyo deśaḥ sa evā'pi yatrā''ste puruṣottamaḥ || 7 ||
[Analyze grammar]

lakṣmīnārāyaṇasaṃhitāyāḥ khaṇḍe dvitīyake |
tretāsantānake nāmnā proktamādyaṃ sumaṃgalam || 8 ||
[Analyze grammar]

sārvabhaumaṃ ca māhātmyaṃ parabrahmaṇa īritam |
tato hiraṇyamayāṇḍasya kośakūrcasamudbhavau || 9 ||
[Analyze grammar]

hiraṇyakūrcahiraṇyāṇḍābhidhāvasurāvubhau |
yuyudhāte saha saṃkarṣaṇena gadayā tataḥ || 10 ||
[Analyze grammar]

merorbhāgā vyavacchinnā ye ye te tvabhavan grahāḥ |
sarvadhāmyarthitaḥ kṛṣṇaḥ prakaṭībhūya dhāmataḥ || 11 ||
[Analyze grammar]

sevāṃ gṛhṇāti ca pṛthvyāṃ kambharāśrīgṛhe'pi ca |
prādurbhāvajayantyāṃ cotsave dānastavādayaḥ || 12 ||
[Analyze grammar]

devadevījananānivṛkṣavallyādiṣu kṣitau |
daśame divase daityaiḥ prabhorapakṛtiḥ kṛtā || 13 ||
[Analyze grammar]

ṣaṣṭhīsūtakaśeṣādyairbālakṛṣṇāvanaṃ kṛtam |
sūtakasya samutpattiḥ sūtātmavaradānakam || 14 ||
[Analyze grammar]

nāmakāryotsave sāṇāsuro vyāghrāsuro hatau |
ekādaśe'hani preṃkhā''roho'nantasvarūpakaiḥ || 15 ||
[Analyze grammar]

talājārākṣasīnāryā moho harau subhaktatā |
lājā sa maṃgalakāryakarī jātā kṛpāvaśā || 16 ||
[Analyze grammar]

dugdhapānadine naikarūpairdhenupayo'śanam |
gorūparākṣasīnāṃ saprāṇastanyasya pānakam || 17 ||
[Analyze grammar]

harerbhūmyupaveśākhyasaṃskāre siṃhikādarī |
anyāścāpi bālakṛṣṇaṃ siṣevire hariṃ prabhum || 18 ||
[Analyze grammar]

karṇavedhe'sya saṃskāre sūcyādyā devatā api |
sevāṃ kṛtvā'bhajan kṛṣṇaṃ patiṃ bahusvarūpiṇam || 19 ||
[Analyze grammar]

annaprāśanasaṃskāre dadāvannāni bhūriśaḥ |
oṣadhayo bhojayitvā kāntaṃ kṛṣṇaṃ prapedire || 20 ||
[Analyze grammar]

vṛttijñānāya vai dvātriṃśadvastūni sahaiva saḥ |
tāvaddhastaiḥ prajagrāha divyatā'sya prakīrtitā || 21 ||
[Analyze grammar]

tato daityastriyo yuddhaṃ vidhavāḥ kartumāyayuḥ |
rākṣasīnāṃ kanyakānāṃ tumulaṃ yuddhamābhavat || 22 ||
[Analyze grammar]

kanyakānāṃ vijaye rākṣasīnāṃ śaraṇāgatiḥ |
divyatā kanyakākārātmatā śrīhariṇā kṛtā || 23 ||
[Analyze grammar]

tābhyaḥ śrīlomaśaḥ prāha sevāmokṣavṛṣāṃstataḥ |
āśramīyāḥ sarvakanyāḥ vrataṃ varṣāsu cakrire || 24 ||
[Analyze grammar]

śatrūñjayādrisaṃvāsāḥ kaṃkatālā hatā mṛdhe |
kaṃkatālyaśca rākṣasyo yuddhe divyā haripriyāḥ || 25 ||
[Analyze grammar]

abhavaṃśca nyuṣurlomaśāśrame cātmavedikāḥ |
pitṛkanyā hareḥ pūjāṃ cakrire pretamokṣaṇam || 26 ||
[Analyze grammar]

rāśibhiḥ kṛtapūjā ca kṛṣṇaprāsādavarṇanam |
mahāmaṇḍapaśobhā ca hareḥ śṛṃgāravarṇanam || 27 ||
[Analyze grammar]

prahlādasya mṛdhaṃ nārāyaṇena bhaktito jayaḥ |
dānavānāṃ mokṣaṇaṃ ca kanyānāṃ varaṇaṃ hareḥ || 28 ||
[Analyze grammar]

śrīhareścaulasaṃskāre romṇāṃ nārāyaṇātmatā |
jīvānāṃ romarūpāṇi tvaghānīti prakīrtitam || 29 ||
[Analyze grammar]

sālamālāsuranāśastatstrīṇāṃ harisaṃgrahaḥ |
yajñasūtrotsave daityā sālamālādijātayaḥ || 30 ||
[Analyze grammar]

vināśitāstathā mokṣadharmā lomaśavarṇitāḥ |
sukeśinaḥ samākhyānam aśūnyaśayanavratam || 31 ||
[Analyze grammar]

devasvāpā bhinnabhinnatithiṣvapi ca pūjanam |
pātāleśasya vai kāraṇḍavasya nāśanaṃ tataḥ || 32 ||
[Analyze grammar]

kanyakā rakṣitā lomaśālaye svastikasya vai |
āraktadeśīyabhūpaśāvadīnasutārthakam || 33 ||
[Analyze grammar]

pūjanaṃ śāvadīnāyai devyai bālabalikṛtam |
devyā rājādisaṃhāraḥ kṛto'tha badarīvanam || 34 ||
[Analyze grammar]

kuru kṣetraṃ hareḥ kuṃkumavāpī prati cāgamaḥ |
bālārpaṇaṃ tatpitṛbhyo mātṝṇāṃ mokṣa īritaḥ || 35 ||
[Analyze grammar]

purādharme śvetaketormaryādā sampradarśitā |
saudāsapatnyāṃ vāsiṣṭho'śmako jātastathā vṛṣaḥ || 36 ||
[Analyze grammar]

utathyabhāryābhogaṃ vai cakre bṛhaspatirbalāt |
dīrghatamā baleḥ patnyāṃ putrānajanayad bahūn || 37 ||
[Analyze grammar]

sarve bālagrahāḥ proktā ye ye yā yāḥ svabhāvataḥ |
atha vyāghrāsurāṇāṃ vai vināśo hariṇā kṛtaḥ || 38 ||
[Analyze grammar]

pañcamā'bdotsave gāndharvāṇāṃ pragāyanāni ca |
siṃhavyāghrādicarmabhyaḥ siṃhāḥ sajīvanīkṛtāḥ || 39 ||
[Analyze grammar]

haro naṭanaṭīyukto nāṭyāni vidadhe tataḥ |
prasannahariṇā tatra kṣetre saṃvāsitāḥ sadā || 40 ||
[Analyze grammar]

śrīhareḥ sarvavidyāptirvarāṭakatapohatiḥ |
varāṭakā'nīkanāśo daṇḍādi ceritaṃ tathā || 41 ||
[Analyze grammar]

dikpharamlecchasaṃhāro hariṇā kṛta īritaḥ |
śaṃkare vastrarahite ṛṣyāśramagate dvijāḥ || 42 ||
[Analyze grammar]

tāḍayāmāsurīśaṃ te satīśāpāddhi rākṣasāḥ |
teṣāṃ vināśitaṃ rākṣasatvaṃ śrīhariṇā tataḥ || 43 ||
[Analyze grammar]

ṣaṣṭhavarṣārambhamahe kṛṣṇādyaiḥ pūjanaṃ kṛtam |
devāyanadvijasya tatpatnyāḥ śvapacatā hatā || 44 ||
[Analyze grammar]

lakṣmīnārāyaṇasaṃhitākathāyāṃ camatkṛtiḥ |
stutistīrthaṃ corjavrataṛṣikṛtamudīritam || 45 ||
[Analyze grammar]

kanthādharasya caritaṃ camatkāro'timṛtyutā |
hṛḍḍakāyanikāsvāmitvaṃ nāstikyaṃ kuruṃgataḥ || 46 ||
[Analyze grammar]

mṛtasya vipraputrasya vṛṣaparvetijīvanam |
nāstikyena maraṇe'sya mlecchajanma sutena tu || 47 ||
[Analyze grammar]

kṛtoddhāro dvayorbhūtvā vaiṣṇavo lomaśānmuneḥ |
raṇaṃgamakṛte yajñe yakṣakanyādivāhanam || 48 ||
[Analyze grammar]

śrīhareśca kṛtaḥ śreṣṭhaḥ saptamo jananotsavaḥ |
raṇaṃgame gate dakṣiṇadhruvekṣaṇavāñcchayā || 49 ||
[Analyze grammar]

antā'rkideśabhūpena lakṣmaṇāryeṇa satkṛtiḥ |
patnīmātṛdrohakartṛmātrāgaskararākṣasāt || 50 ||
[Analyze grammar]

patnīmātṛrakṣaṇaṃ ca śrīharikṛtamīritam |
yuddhe raṇaṃgamasyaiva jayo'tha lakṣmaṇārpitāḥ || 51 ||
[Analyze grammar]

sahasradvayakanyā vai lomaśasyopadeśanam |
putraputrīpatipatnīśiṣyaśiṣyādivarṇanam || 52 ||
[Analyze grammar]

vedhaḥputryaḥ suṣumṇeḍāpiṃgalāḥ svāmibhāvataḥ |
hariṃ vīkṣya yayurdeśān lokayituṃ vimānagāḥ || 53 ||
[Analyze grammar]

satyalokaṃ yayustābhyaḥ śrutvā hariṃ suvīkṣitum |
prasthitā dvāsaptatikanyakā yānena vedhasaḥ || 54 ||
[Analyze grammar]

abrikteśena svasainyaiḥ ruddhaṃ vimānamambare |
dūtādyuktistatra śukrā'rajādaṇḍādivarṇanā || 55 ||
[Analyze grammar]

viśvakarmacitrāṃgadāsurathānāṃ ca varṇanā |
tato yuddhe mlecchakoṭyo vinaṣṭā lakṣaśo'pi ca || 56 ||
[Analyze grammar]

sadvivekā'vivekau varṇitau ca śaraṇāgamaḥ |
punaḥ kāpaṭyayuddhe ca mṛtā mlecchāḥ sahasraśaḥ || 57 ||
[Analyze grammar]

mlecchastriyo lakṣaśo'pi yuyudhurmumuhurharau |
kṛtyābhirnāśitāścā'tha rājñaḥ śrīharidarśanam || 58 ||
[Analyze grammar]

tasya prāgjanmapuṇyādi coktaṃ prasaṃgataḥ khalu |
abriktadeśasāmrājyaṃ bhaktābhyāṃ pradadau hariḥ || 59 ||
[Analyze grammar]

ārabījapradeśānāṃ rājyaṃ yuddhe vijitya ca |
dharmarāṭa pradadau devamarudbhyo daityayoniṣu || 60 ||
[Analyze grammar]

janmāntarakathā devamarutāṃ tatra kīrtitā |
raktabījā''rabījādidhundhudaityakathoditā || 61 ||
[Analyze grammar]

nadīpūroḍhanaukāyā udayākhyanṛpasya ca |
rakṣā kṛtā tu hariṇā prajānāṃ ceti varṇitam || 62 ||
[Analyze grammar]

krūrasiṃhasya vai rākṣasatvaṃ haripramocitam |
aṣṭamā'bde rugṇavyaṃgyādīnāṃ nairogyamāhitam || 63 ||
[Analyze grammar]

jalamagnavasumedhaśreṣṭhirakṣoditā tataḥ |
gopanāthamahātīrthaṃ saurāṣṭre varṇitaṃ tataḥ || 64 ||
[Analyze grammar]

bālakṛṣṇasyopavītamahotsavastu varṇitaḥ |
nāradoktaparāvidyopadeśastatra varṇitaḥ || 65 ||
[Analyze grammar]

pāritoṣikadānāni tathopadārpaṇānyapi |
prabhoḥ sevārcanapūjādiphalaṃ parivarṇitam || 66 ||
[Analyze grammar]

ṣaḍbhirjanmabhirvai jāḍyamaghadṛṣṭāntadānataḥ |
pūrvasvabhāvavaicitryaṃ vistarāt sunirūpitam || 67 ||
[Analyze grammar]

naiṣkarmyayogaḥ samprokto jñānamādhyātmikaṃ tathā |
ātmaniveditabhaktyā rājarājñyoḥ pramokṣaṇam || 68 ||
[Analyze grammar]

āmodanagarāvāsasudhanākhyasya rakṣaṇam |
caurebhyo vai kṛtaṃ divyarūpeṇa hariṇeritam || 69 ||
[Analyze grammar]

tryaṣṭakārorantyajasya sastrīkasyāpi mokṣaṇam |
kauśikāmbarṣiyogena kuṣṭhajalodarakṣayaḥ || 70 ||
[Analyze grammar]

viprabālaṣaṭśatānāṃ nāśakān rākṣasān hariḥ |
nāśayāmāsa yuddhe jīvayāmāsā'rbhakān punaḥ || 71 ||
[Analyze grammar]

tithīkaraṇa saritāṃ ghorapratigrahaiḥ phalam |
viprāṇāṃ nāśitaṃ proktaṃ hariṇā kṛpayeritam || 72 ||
[Analyze grammar]

bāleśvaranṛpasyāpi parīkṣā putrarandhanāt |
kanyāpatnīgrahaṇācca kṛtā śrīhariṇeritam || 73 ||
[Analyze grammar]

jayadhvajasya yajñe śrīharerdarśanamīritam |
droṇādiparvatānāṃ cāvabhṛthe pāpanāśanam || 74 ||
[Analyze grammar]

kolāracilaśaṃbhalanārāyaṇasarāsyapi |
divyatāṃ mokṣaṇaṃ prāpuḥ kathā ceyaṃ suvarṇitā || 75 ||
[Analyze grammar]

dharmāścaturyugāṇāṃ vai pulastyoktāḥ pradarśitāḥ |
akṣarakṣetramāhātmyaṃ proktaṃ kauṃkumavāpikam || 76 ||
[Analyze grammar]

harivaṃśīyaprajānāṃ sahyādrau vāsa īritaḥ |
kharaputrā'dharmajīvā'suranāstikatā harau || 77 ||
[Analyze grammar]

darśitā'sadgatiḥ paścād gatyarthaṃ varadānakam |
atha kuṃbhe prayāge cāgatatīrthādikoṭayaḥ || 78 ||
[Analyze grammar]

sanatkumāravacanāt kuṃkumavāpikāṃ yayuḥ |
atha siṃhalavāsānāṃ rākṣasīnāmupadravaḥ || 79 ||
[Analyze grammar]

mahāmāryādibhirvināśitau badrīṃ gate harau |
āgatya hariṇā prajīvitā mṛtāstu ye purā || 80 ||
[Analyze grammar]

atha jñānaṃ viśeṣā'dvaitā'dvaitaṃ mokṣadaṃ matam |
harervibhūtayo mokṣapradāstato'bhivarṇitāḥ || 81 ||
[Analyze grammar]

vyūhacatuṣṭayasyā'pi svataḥprakāśarūpatā |
varṇitā kuṃkumavāpyāṃ tīrtharūpeṇa vāsitā || 82 ||
[Analyze grammar]

uṣṭrālaye mahākhaṇḍe jhaṃjhāvāte mahatyatha |
kṛtā śrīhariṇā rakṣā jīvitā ye mṛtāstadā || 83 ||
[Analyze grammar]

urvaśyāścakravākītvaṃ mārjārītvaṃ tathā ṛṣeḥ |
sanatsujātasaṃjñasya mithaḥ śāpānnivāritam || 84 ||
[Analyze grammar]

cakravākyai pāyitaṃ vai vāri śṛṃge girestathā |
mārjārikābālakānāṃ bhrāṣṭre rakṣā'gnitaḥ kṛtā || 85 ||
[Analyze grammar]

kṛtaṃ ca mokṣaṇaṃ śāpāt kṛṣṇanārāyaṇena vai |
māturmāhātmyamapyuktaṃ tato vaikuṇṭhadhāmani || 86 ||
[Analyze grammar]

nārāyaṇasya vai lakṣmīśayane saṃratasya tu |
darśanārthaṃ cāgateṣu dhenupālādikeṣu ca || 87 ||
[Analyze grammar]

nṛtyādāvadhike kāle yāte lakṣmīḥ ruṣā'śapat |
tataḥ śivādayaḥ pṛthvyāmavāpurmānavīṃ janum || 88 ||
[Analyze grammar]

lakṣmīṃ vihāya bhagavān yayau yatra śivādayaḥ |
lakṣmīḥ sakhyaśca śokaṃ vai kṛtvā janmāni cādaduḥ || 89 ||
[Analyze grammar]

lakṣmyurvaśyau tapo'rthaṃ jagmatuḥ śrīhanumadvane |
nārāyaṇaḥ prasannastatphalaṃ dātuṃ samāyayau || 90 ||
[Analyze grammar]

cakravākyai jalapānaṃ śikhare hariṇā'rpitam |
śivavarmakuṭumbādeḥ kāśyāmāgamanaṃ tathā || 91 ||
[Analyze grammar]

rājamānaṃ nivāsādi labdhvā harirnijālayam |
āyayau kuṃkumavāpīkṣetraṃ ceti samīritam || 92 ||
[Analyze grammar]

uṣṭrālaye mahādeśe hemaśālāyanagṛhe |
viṣṇuyajñaḥ kṛto rājñā dakṣajavaṃgareṇa vai || 93 ||
[Analyze grammar]

rājakanyāśataṃ prajākanyakānāṃ sahasrakam |
prārpya kṛṣṇāya rājādyāḥ kuṃkumavāpikāṃ yayuḥ || 94 ||
[Analyze grammar]

tīrthaṃ kṛtvā punaruṣṭrālayaṃ yayurvimānakaiḥ |
athā''yayurdarśanārthaṃ pitṛkanyāśca tāstadā || 95 ||
[Analyze grammar]

tāsāṃ vimāne rurudhuḥ rākṣasāḥ hariṇā hatāḥ |
prāgjyotiṣapradeśeṣu vimānenāgamo hareḥ || 96 ||
[Analyze grammar]

yajñasyā'nte mahāyuddhaṃ tatrā'surāstu koṭiśaḥ |
vināśitāstato rājye sthāpitā vaiṣṇavā nṛpāḥ || 97 ||
[Analyze grammar]

yajñaṃ kṛtvā hariḥ svīyaṃ nagaraṃ svatanau tadā |
darśayitvā kanyakābhyaḥ svākṛṣṭāstāścakāra ha || 98 ||
[Analyze grammar]

lāśahāsaritāṃ mūrtipratiṣṭhāmahimoditaḥ |
navadhā bhaktirūpāṇi vighnanāśāḥ phalāni ca || 99 ||
[Analyze grammar]

sādhūnāṃ svātmarūpatvaṃ śraiṣṭhyaṃ sarvata īritam |
bhūtālayā''sāmakāmarūpaśyāmādirājyakam || 100 ||
[Analyze grammar]

nirṇītaṃ brahmarājyaṃ cā'kṣarakṣetrāgamastataḥ |
puṣpadolotsavaṃ cakre janmotsavaṃ cakāra ca || 101 ||
[Analyze grammar]

samīraṇanṛpasyāpi mṛgayārthaṃ gatasya vai |
vane pārṣṇigṛharṣestu śāpena śarabhatvakam || 102 ||
[Analyze grammar]

raivatādrau haridattātreyadarśanato gatam |
aśvapaṭṭasarasyetad dattātreyasutīrthakam || 103 ||
[Analyze grammar]

vārāhatīrthakaṃ cāpi sopākhyānaṃ samīritam |
pavamānākhyatīrthaṃ ca jātamaśvasarovare || 104 ||
[Analyze grammar]

kacchaparūpiṇā santāraṇādyā brāhmaṇā jale |
magnā uddhāritāḥ kacchapākhyatīrthaṃ tato'bhavat || 105 ||
[Analyze grammar]

devāyatanabhaktena dikpālānāṃ prajāḥ kṛtāḥ |
muktāḥ śrīharināmnāṃ vai śrāvaṇeneti ceritam || 106 ||
[Analyze grammar]

rāśiyānādideśeṣu rāśidvādaśakasya vai |
katheritā ca muktiśca bālakṛṣṇasarovare || 107 ||
[Analyze grammar]

mahāyajñaśca kathito devāyanāṭanaṃ tathā |
yajñānte śibinā kanyāśatadānaṃ hi śārṅgiṇe || 108 ||
[Analyze grammar]

kṛtaṃ cātha guṇārthāḥ samvarṇitāḥ sādhuyoginām |
tīrthānyuktani sarasi pitruddhārastathā kṛtaḥ || 109 ||
[Analyze grammar]

dvikalākhyasarobhūmau yajñārthaṃ śrīhariryayau |
tatra dharmopadeśaśca pretānāmuddhṛtistathā || 110 ||
[Analyze grammar]

rājñe nītyupadeśaśca tṛtīyādhvaramāgatiḥ |
yajñe'rkalokavāsānāṃ vīrajārādidyusadām || 111 ||
[Analyze grammar]

muktiḥ proktā tathā dānaṃ kanyānāṃ copadeśanam |
avabhṛthasya tattvārthaḥ kathitastatphalādikam || 112 ||
[Analyze grammar]

caturthe tu kratau paścāt svasya mūrtyādi deśitam |
pañcame tu kratau sarvāḥ piśācinyo hi tāritāḥ || 113 ||
[Analyze grammar]

piśācitve kāraṇāni proktāni mantradīkṣaṇam |
pūjāśca divyasadrūpaṃ svasya tatra pradarśitam || 114 ||
[Analyze grammar]

lālāsanākhyasādhurvai yajñānte samupāyayau |
vaiṣṇavīṃ sādhavīṃ dīkṣāṃ sa jagrāha harestadā || 115 ||
[Analyze grammar]

anye pañcasahasrāṇi dīkṣāmāpuśca sādhavīm |
lālāyano yayāvuttarān kurūn kṛṣṇavāñcchayā || 116 ||
[Analyze grammar]

śrīhariḥ svakuṭumbena vimānenā'kṣarasthalīm |
āyayau tatra vai devāyanasya mandirātmatā || 117 ||
[Analyze grammar]

darśitā hariṇā sāṃgadevālayasvarūpitā |
devālayasya khātādyārabhya dhvajāntamīritam || 118 ||
[Analyze grammar]

svarūpaṃ cāntarīyakā vibhāgāśca sphuṭīkṛtāḥ |
siṃhāsanāni devādyāḥ prāsādābhinnanāminaḥ || 119 ||
[Analyze grammar]

merujātīyaprāsādāḥ kārtsnyenāpi pravarṇitāḥ |
vedānāṃ devatānāṃ ca mūrtimānāni vai tathā || 120 ||
[Analyze grammar]

āyudhādīni vai cāpi varṇitāni tataḥ param |
dhvajādayaśca kathitāḥ kuṇḍāśca homasaṃkhyayā || 121 ||
[Analyze grammar]

vāstupuruṣasaṃsthānaṃ devakarmāḍhyamīritam |
ācāryavaraṇaṃ śrīmadgaṇeśādiprapūjanam || 122 ||
[Analyze grammar]

devānāṃ sthāpanaṃ nāndīśrāddhādyaṃ ca prapūjanam |
vāstupīṭhasthadevānāṃ sthāpanaṃ svastivācanam || 123 ||
[Analyze grammar]

pūjanaṃ yoginīnāṃ ca kṣetrapālādipūjanam |
staṃbhadevārcanaṃ śākhātattaddevādipūjanam || 124 ||
[Analyze grammar]

agnisthāpanakuṇḍāṅgayonigrahādipūjanam |
ṣaṭpañcāśaddevapūjā pratyadhidevatārcanam || 125 ||
[Analyze grammar]

lokapālagrahāvāhanādipūjanamīritam |
yoginīkṣetrapālādinaikadevāhutistathā || 126 ||
[Analyze grammar]

rādhādiṣaṭkaṃ parāvidyādicatvāriṃśadayukśatam |
parameśāvatārādi balidānena cārcitam || 127 ||
[Analyze grammar]

netrāṃjanābharaṇādinaikanyāsādi varṇitam |
pūrṇāhutiḥ śṛṃgasnānaṃ caruśrapaṇaprabhati || 128 ||
[Analyze grammar]

rathopaveśanaṃ grāme bhrāmaṇaṃ prāṇayojanam |
ārārtrikaṃ pūrṇahomaścāśīrvādā avabhṛtham || 129 ||
[Analyze grammar]

kalaśārohaṇaṃ mānastaṃbhadhvajādhirohaṇam |
calamūrtipratiṣṭhādi jorṇoddhāraśca kīrtitāḥ || 130 ||
[Analyze grammar]

dhanamedhadhīvarasya turīlakṣmīprasādataḥ |
kuṃkumavāpikātīrthānmokṣaḥ śrīhariṇā kṛtaḥ || 131 ||
[Analyze grammar]

śibikāvāhavoḍhośca jñānāptistapasoditā |
dyuviśrāmakṛṣikāragodhanaṃ siṃhato'vitam || 132 ||
[Analyze grammar]

hariṇā ceti kathitaṃ cātha vṛkāyanādayaḥ |
ketumāle gatāstatra ṣaṣṭigāṃgeyamelanam || 133 ||
[Analyze grammar]

ketumāle mahāyajñaḥ kathito hariṇā kṛtaḥ |
sarvabhūbhṛdupaprāptistaddeśeṣu harergatiḥ || 134 ||
[Analyze grammar]

sarvasṛṣṭijanā''yaśca manorañjanakānyapi |
rātrau prātarbhoṃjanāni mantradānāni kārtsnyataḥ || 135 ||
[Analyze grammar]

vidhivat sarvadevādipūjanaṃ havanaṃ makhe |
dhṛtāni hariṇā koṭyabjādirūpāṇi tatra ca || 136 ||
[Analyze grammar]

avabhṛthakumārotpattiśca tṛptikumārikā |
utpannā'syai kumārasya dānaṃ vivāhataḥ kṛtam || 137 ||
[Analyze grammar]

athoralaketurājadhānyāṃ susvāgataṃ hareḥ |
mokṣaṇaṃ bhūbhṛtpūrvajānāṃ śrīhariṇā kṛtam || 138 ||
[Analyze grammar]

nijasvarūpavijñānaṃ sampradāyasya saṃsthitiḥ |
kathitā'tha krathakasya rājadhānyāṃ harergatiḥ || 139 ||
[Analyze grammar]

mandirādikakāryeṣu kālādyāḥ kīrtitāḥ śubhāḥ |
nakṣatrayogakaraṇacakracandrabhatārakāḥ || 140 ||
[Analyze grammar]

śubhā'śubhāḥ sukathitā muhūrtānīritāni ca |
jarasthālyāṃ rājadhānyāṃ svāgataṃ pūjanaṃ hareḥ || 141 ||
[Analyze grammar]

ṣaḍviṃśatinṛpāṇāṃ prāgjanmavṛttānta īritaḥ |
atha prabhuryayāvuṣṭrālarāṣṭraṃ sakuṭumbakaḥ || 142 ||
[Analyze grammar]

satkāraṃ prāpya tīrāṇārājadhānīṃ yayau tataḥ |
yogibhyo gṛhadharmādyā indreṇoktāḥ pramokṣadāḥ || 143 ||
[Analyze grammar]

pūjāṃ prāpyā''yayāvalvīnararājyaṃ haristataḥ |
arthaśrīnagarīṃ gatvā muktiṃ tuṣitarākṣase || 144 ||
[Analyze grammar]

datvā'tha jinavarddhibhūbhṛdrājadhānikāṃ yayau |
rāmapuryāṃ paribhramya janahāryākhyarakṣasaḥ || 145 ||
[Analyze grammar]

vināśārthaṃ yayau cāpināyā'driṃ parameśvaraḥ |
rākṣasān hatavān rudradvārā'dreścakravahninā || 146 ||
[Analyze grammar]

ārasamayitā kanyādānagraho'tha rakṣaṇam |
prajānāṃ nigaḍasthānāṃ tato'vanamudīritam || 147 ||
[Analyze grammar]

mṛtā'sthibhyo jīvadānaṃ jīvanīnagarīṃ gatiḥ |
likhitasya śaṃkhavāṭyāṃ cauryaṃ hastasuchedanam || 148 ||
[Analyze grammar]

bāhudāyāṃ snānatastu hastayo rohaṇaṃ punaḥ |
jayakṛṣṇavabhūpasya varaṇānagarīkṣaṇam || 149 ||
[Analyze grammar]

kṛtvā hariryayau parīśānarājyaṃ tato'bhramat |
pāvayitvā yayau parījarāṣṭraṃ cāpapūjanam || 150 ||
[Analyze grammar]

vāyūnānagarīyānam indirāvāriṇā hareḥ |
snānaṃ tatra ca vetālānāṃ tu pramokṣaṇaṃ kṛtam || 151 ||
[Analyze grammar]

rājñe caturbhujaṃ dattaṃ darśanaṃ ca tataḥ param |
mudrāṇḍarāṣṭrāgamanaṃ madrirāpurikekṣaṇam || 152 ||
[Analyze grammar]

pūjāṃ prāpyopadiśyā'tha śaivālanagarīkṣaṇam |
kṛtvā līśavanaṃ prāpa pattanaṃ gaṇḍakeśituḥ || 153 ||
[Analyze grammar]

pūjāṃ prāpyopadiśyā'tha yayau līnorṇarāṣṭrakam |
bhramitvā vāruṇīpuryāṃ dhīvarāpurikāṃ yayau || 154 ||
[Analyze grammar]

milīndānagarīṃ cāpi bhramitvā vālinīpurīm |
balalīnanṛparāṣṭre bahumānamavāpa ha || 155 ||
[Analyze grammar]

vratopadeśanaṃ vāśīlāpurīṃ gamanaṃ tataḥ |
pūjopadeśo bhramaṇaṃ rāyagāmalarāṣṭrake || 156 ||
[Analyze grammar]

gamanaṃ tatra ca rimānagaryāṃ svāgataṃ mahat |
phenatantunṛparāṣṭrā''gamanaṃ pūjanādikam || 157 ||
[Analyze grammar]

bhrāmaṇaṃ trinayāpuryāṃ copadeśaḥ prapūjanam |
dhvāṃkṣadṛṣṭāntamatroktaṃ stokahomabhuvaṃ gatiḥ || 158 ||
[Analyze grammar]

umāpuryāṃ vicaraṇaṃ kāṣṭhayānasya rāṣṭrakam |
bhramitvā ca tunnavāyāṃ nagaryāṃ copadeśanam || 159 ||
[Analyze grammar]

tataḥ kolakabhūpasya rāṣṭrābhigamanaṃ hareḥ |
muramāṣānagaryāṃ susvāgataṃ pūjanādikam || 160 ||
[Analyze grammar]

hareḥ snānaṃ bahurūpairgāṃgeyakanyakādiṣu |
tato hāritadeśeṣu tvaparānāvikāpure || 161 ||
[Analyze grammar]

dinamānārkarājarṣergarimāpṛthivītale |
vimānena yayau svāmī kṛṣṇanārāyaṇaḥ prabhuḥ || 162 ||
[Analyze grammar]

aparānāvikāpuryāṃ svāgataṃ deśalokanam |
kenāṭakapradeśeṣu vinipārasarogatiḥ || 163 ||
[Analyze grammar]

yajñārthapatrikāsampreṣaṇaṃ ca yajñapattane |
yajñe kāryakarāḥ proktāḥ pratimāḥ kṛṣṇayoṣitām || 164 ||
[Analyze grammar]

sphūrtinārīnagaryāṃ tu rāyarokīśvarecchayā |
bhrāmaṇaṃ cāpyadhvarasya sthalīṃ pratyāgamaḥ punaḥ || 165 ||
[Analyze grammar]

viprasvataḥprakāśasya sarvadraṣṭṛtvamadhvare |
sākṣād devā vyarājanta devapūjāhavo'nale || 166 ||
[Analyze grammar]

pūrṇāhutistato rāyaraṇajidrāṣṭralokanam |
viṃśatikanyakāpūjāpuṣpamālāgrahādikam || 167 ||
[Analyze grammar]

rāyavākakṣakabhūbhṛdrājye dvīpatraye gatiḥ |
rāyamārīśabhūpabhvāṃ vyacarad dvīpaturyake || 168 ||
[Analyze grammar]

rāyabāleśvararāṣṭre vāyuphenākhyapattane |
svāgataṃ ca tato yajñamahāpūrṇāhutiḥ kṛtā || 169 ||
[Analyze grammar]

āśīrvādā dakṣiṇādyā avabhṛthaṃ vidāyakam |
rāyalambararājye'pi kimuvakrāpurīṃ gatiḥ || 170 ||
[Analyze grammar]

rāyanavārkanṛpateḥ svarlatikāpurīṃ gatiḥ |
rāyahaṇḍeśvararāṣṭre makṣikānagarīṃ gatiḥ || 171 ||
[Analyze grammar]

rāyakūpeśvararāṣṭre havānāyāpurīṃ gatiḥ |
kālīmaṇḍalīnarāṣṭre vigoṣṭhikāpurīṃ gatiḥ || 172 ||
[Analyze grammar]

vanajvālārāṣṭrake ca sānujyoṣṭrīpurīṃ gatiḥ |
tato gatainasarāṣṭre kāyanīnagarīṃ gatiḥ || 173 ||
[Analyze grammar]

koṭīśvarakṣmeśarāṣṭre peyisthāyāṃ gatirhareḥ |
pārūparāṣṭre sañjālānagaryāṃ svāgatādikam || 174 ||
[Analyze grammar]

bālāvittakarāṣṭre'gāt phānkalāśīpure hariḥ |
āṇḍajarānṛparāṣṭre āntaḥprāgasthapattane || 175 ||
[Analyze grammar]

svāgataṃ ca tato bālyarajonṛpasya pattane |
mantriṇāṃgānagaryākhye svāgatādi tataḥ punaḥ || 176 ||
[Analyze grammar]

rāyasomananṛpatervāyumānāpure'pi tat |
pātragonayarāṣṭrīyaprajābhya upadeśanam || 177 ||
[Analyze grammar]

rājārāyapatirājyam ārṣajatanurāṣṭrakam |
urogamanarāṣṭraṃ ca yayau śrībhagavāṃstataḥ || 178 ||
[Analyze grammar]

rāyagrāmānagaryāṃ svāgataṃ cāśāsanāpure |
parāṅvratanṛparājye svāgataṃ bhramaṇaṃ tathā || 179 ||
[Analyze grammar]

upadeśo'tha ca brāhmīlākhyarāṣṭre makhasthale |
āgamanaṃ ca devānāṃ sthāpanaṃ pūjanādikam || 180 ||
[Analyze grammar]

āhutidānamaṃtrā'thopadeśādi prakīrtitam |
brahmacaryasya māhātmyaṃ tatra yajñe prakīrtitam || 181 ||
[Analyze grammar]

sarvātmakatvaṃ svasyā'pi mahāpūrṇāhutistathā |
parihāro'dhvarasyā'pi saptasaritsu tīrthatā || 182 ||
[Analyze grammar]

lāpalātrīpurīyānaṃ sāmudradaityanāśanam |
vidyunmaṇikaragrāho dvinediṣṭhapure gatiḥ || 183 ||
[Analyze grammar]

trāsamānadvīpe vṛndārukādvīpe ca siṃhale |
pampāsarasi cāgatya kuṃkumavāpikāgamaḥ || 184 ||
[Analyze grammar]

śaratpūrṇārāsakhelaḥ svāṃganābhirharestataḥ |
caturdaśajanmajayantyaṣṭamyāmutsavaḥ kṛtaḥ || 185 ||
[Analyze grammar]

divyasabhā'dbhutatāvarṇanaṃ mahaḥsamāpanam |
tāmasākṣiśvapacasya sakuṭumbasya mokṣaṇam || 186 ||
[Analyze grammar]

aśvarūpadharasyā''śvalāyanarṣeḥ praśāpataḥ |
barburanṛpaterbarburadrutvānmokṣaṇaṃ kṛtam || 187 ||
[Analyze grammar]

kālīcaturdaśīrātrau śaṃkarādiprapūjanam |
dīpāvalyāṃ śāradāyā utsavo hariṇā kṛtaḥ || 188 ||
[Analyze grammar]

samparkanṛparogasya nāśaḥ śrīhariṇā kṛtaḥ |
dattātreyasvarūpeṇa tīrthaṃ cāpi kṛtaṃ śubham || 189 ||
[Analyze grammar]

annakūṭotsavaḥ proktastato haṃsasvarūpiṇā |
puṇḍarīkanṛpamuktistato nṛharirūpiṇā || 190 ||
[Analyze grammar]

colarājño'pi muktiśceritā tīrthadvayaṃ tu tat |
vītihotrayoginā vai sahasrarūpadhāriṇā || 191 ||
[Analyze grammar]

sahasrarūpataścāpi ṛṣabhasyāpi rūpataḥ |
darśanaṃ hariṇā dattaṃ stutiścāpi samīritā || 192 ||
[Analyze grammar]

sarastīre kṛte vaivasvatena śeṣamandire |
śeṣasaṃkarṣaṇapatañjalyādisthāpanoditā || 193 ||
[Analyze grammar]

tattattīrthaṃ tathā proktaṃ vāmanāṃguṣṭhatīrthakam |
paṃkilarṣiprasaṃgena jātaṃ samabhivyāhṛtam || 194 ||
[Analyze grammar]

haimakalginṛpāt proktaḥ parśurāmaparābhavaḥ |
aśvapāratnanṛpakṛt somayāgo nirūpitaḥ || 195 ||
[Analyze grammar]

pravargyopasadau subrahmaṇyāhvānaṃ nirūpitam |
savanāni mahāpūrṇāhutiścāvabhṛthādi ca || 196 ||
[Analyze grammar]

śraddhopaniṣadvijñānaṃ viśālikanidarśanam |
lomaśarṣerāśvapāṭalayoḥ saṃvāda īritaḥ || 197 ||
[Analyze grammar]

seyaṃ lomaśagītoktā sarvamokṣanidarśinī |
asyāmānartarājasya kuśalāyoginīstriyāḥ || 198 ||
[Analyze grammar]

saṃvādo'pi darśito'tha svataḥprakāśayoginaḥ |
pūrvavṛttānta uditaścopadeśo gurorapi || 199 ||
[Analyze grammar]

bhāṇavīryabhaktakathā rāmādityanimittajā |
ūrjavratasya kāyasthasya kuṣṭharoganāśanam || 200 ||
[Analyze grammar]

śūdrasya mūkaviprasya śārṅgadharākhyasaṃhitā |
kṛtiruktā''khyānayuktā tapasā bhāvitātmanaḥ || 201 ||
[Analyze grammar]

pārṣṇiradasya śūdrasya kṣayarogo nivāritaḥ |
arkapurīśiturvipraśāpena sarpatā tataḥ || 202 ||
[Analyze grammar]

viprasya sarpadaṃśaśca mṛtiḥ kṛṣṇāttu jīvanam |
rakṣāṃgārakanṛpateḥ rāṇikāyāḥ katheritā || 203 ||
[Analyze grammar]

amohākṣanṛpamokṣaḥ prabuddhaguruvākyataḥ |
abhayākṣanṛpasyāpi tyāgidīkṣānirūpaṇam || 204 ||
[Analyze grammar]

sarovārimagnadevānīkarakṣoditā tataḥ |
brahmastambākhyaviprasya puruṣottamadarśanam || 205 ||
[Analyze grammar]

amarīṃ kanyakāṃ tuṣṭo mahāviṣṇuḥ samudvahat |
gajato rakṣaṇaṃ kūpyavālakāṣṭhaharasya ca || 206 ||
[Analyze grammar]

kuṃkumasya satīśāyā dhanyeśvaryā udantakam |
caityabrahmadvijasyāpi camatkārāḥ prakīrtitāḥ || 207 ||
[Analyze grammar]

harikṛṣṇanaranārāyaṇatīrthaṃ tathoditam |
māṇikītīrthamaya cāśvapaṭṭābhidhaniścayaḥ || 208 ||
[Analyze grammar]

aśvapāṭalasaṃjñasya sādhudīkṣoditā tataḥ |
kāśītaḥ śivaśaṃbhupreṣitayogākhyapatrikām || 209 ||
[Analyze grammar]

nītvā bṛhaspatiścāpi nāradaḥ prāpaturharim |
kanyaiśvaryaguṇadivyalakṣaṇānyāha nāradaḥ || 210 ||
[Analyze grammar]

yogapatrī pratipatrī darśite guṇagarbhite |
maṇḍapo varṇito divyo māṇikyastaṃbhapūjanam || 211 ||
[Analyze grammar]

kalaśasya gaṇeśasya mātṛkāṇāṃ ca pūjanam |
vāstorviṣṇoḥ kuladevasarvatobhadrapūjanam || 212 ||
[Analyze grammar]

phalādeśānvitaṃ proktaṃ mahāmaṇḍapavarṇanam |
kuṃkumapatrikāsampreṣaṇaṃ tāmbūlakotsavaḥ || 213 ||
[Analyze grammar]

rātrau gītinṛtyavādyamallakāvyā'danotsavāḥ |
piṣṭikāmardanaṃ śṛṃgāro hareśca janāgamaḥ || 214 ||
[Analyze grammar]

kāśīyātrāsajjatā cā'saṃkhyakanyāsusajjatā |
yogavāhinikā kāśīṃ prāptā śivapure sthitā || 2186 ||
[Analyze grammar]

pārvatīpuramapyatra varṇitaṃ śivapattanam |
sammānaṃ kuśalapraśnāḥ kailāsasyā'vatāraṇam || 216 ||
[Analyze grammar]

śivapuryāmatha pūjā kuladevyāstathā hariḥ |
kṛṣṇarūpeṇa ca rādhārūpeṇa ca parīkṣaṇam || 217 ||
[Analyze grammar]

cakre kanyā na deyaiti bālakṛṣṇāya sarvathā |
śivaśaṃbhupuro'thā'pi girijāyāḥ puro'pi ca || 218 ||
[Analyze grammar]

lakṣmyāḥ puro'pi hariṇā proktvā dārḍhyaṃ parīkṣitam |
kanyārthā'mbarabhūṣādipreṣaṇaṃ samavarṇitam || 219 ||
[Analyze grammar]

varṇanaṃ yogavāhinyā pārvatyai darśitaṃ ṛcā |
mumuhurdarśakanāryaḥ kṛṣṇāṃgeṣu pravīkṣya tam || 220 ||
[Analyze grammar]

viśrāntimandire kṛṣṇasyā'bhavanmadhuparkakaḥ |
kanyakānāṃ suśṛṃgāro harermaṇḍapa āgamaḥ || 221 ||
[Analyze grammar]

koṭyarbudābjarūpaiśca hariḥ kanyāḥ samagrahīt |
vidhiḥ sarvaḥ kṛtaścāpi kāntoddeśaḥ prakīrtitaḥ || 222 ||
[Analyze grammar]

sarvarūpādivilayo prodvāhavidhipūrṇatā |
sarvābhiḥ saha śayane vihāre naikarūpataḥ || 223 ||
[Analyze grammar]

prātaḥ phullakayātrā ca yogagranthivimocanam |
gaṃgāyāṃ sarvavargebhyaḥ pāritoṣādikā'rpaṇam || 224 ||
[Analyze grammar]

pañcagaṃgātaṭe bālakṛṣṇābhidhasutīrthakam |
śaṃbhave bhikṣikādānaṃ śivapattanamāgamaḥ || 225 ||
[Analyze grammar]

satkārapūjanaṃ cāpi vidāyaḥ kṣāntiyācanā |
kuṃkumavāpikākṣetramāgamo yogayātriṇām || 226 ||
[Analyze grammar]

gṛhapraveśaḥ kāntānāṃ vihāro'tha vinodanam |
gurumantragrahaṇaṃ ca vanānāmavalokanam || 227 ||
[Analyze grammar]

dyauḥ kanyārūpiṇī līlāṃ koṭyarbudābjarūpiṇaḥ |
kāntābhiḥ ramamāṇasya harerdṛṣṭvā mumoha sā || 228 ||
[Analyze grammar]

atha sarvakanyakānāṃ samādhiṃ harirairayat |
sṛṣṭitrayākṣaradhāmādikaṃ tvadarśayaddhariḥ || 229 ||
[Analyze grammar]

mahīmānavidāyaṃ ca mithaḥ kṣamādiyācanam |
mātṛbhirbhikṣitāḥ kanyāḥ sarvāḥ śrīhṛriṇā'rpitāḥ || 230 ||
[Analyze grammar]

maṇḍapādiparihāro lakṣmīsevā surītikā |
janmotsave ṣoḍaśe svasatīnāṃ punarāgamaḥ || 231 ||
[Analyze grammar]

śivaśaṃbhvādimokṣastretāsantānaśruteḥ phalam |
tretāsantānaviṣayoddeśaḥ khaṇḍasamāpanam || 232 ||
[Analyze grammar]

tretāmāhātmyamuktaṃ ca saṃkṣiptā viṣayāstvime |
tretāsantānake rādhe varṇitā mokṣadāḥ khalu || 233 ||
[Analyze grammar]

nṛpāṇāṃ cāpi bhaktānāṃ yajñānāṃ yoṣitāṃ tathā |
tīrthānāṃ ca kathā divyāḥ santi cātra sahasraśaḥ || 234 ||
[Analyze grammar]

vai dvātriṃśatsahasrāṇi ślokāḥ santānake'tra ca |
adhyāyāstriśatānyeva parabrahmaparāyaṇāḥ || 235 ||
[Analyze grammar]

paṭhanācchravaṇāccāpi smaraṇāt kīrtanādapi |
rakṣaṇādvā gṛhe bhuktimuktiyuktā bhavanti hi || 236 ||
[Analyze grammar]

kṛtādhyāyāḥ pañcaśataṃ navatiśceti saṃhitāḥ |
tretādhyāyaiste'ṣṭaśataṃ navatiśca bhavanti hi || 237 ||
[Analyze grammar]

saptāśītisahasrāṇi ślokā bhavanti saṃhitāḥ |
athottaraṃ tṛtīyo dvāparasantānakābhidhaḥ || 238 ||
[Analyze grammar]

khaṇḍaḥ sampatsyate rādhe kṛṣṇanrāyaṇagocaraḥ |
ṣoḍaśābdātmakāvasthakṛṣṇasvarūpavarṇanaḥ || 239 ||
[Analyze grammar]

kṛṣṇakāntā yoṣitaśca narāḥ kṛṣṇasya sevakāḥ |
bhavantyetatkathāyogācchrīkṛṣṇo'haṃ bravīmi vai || 240 ||
[Analyze grammar]

svasti vo'stu parabrahma śrīkṛṣṇaḥ svasti vaḥ kriyāt |
mātā pitā patiḥ patnī svasti vaṃśā bhavantu vaḥ || 241 ||
[Analyze grammar]

vācakāyā'sya sarvasvaṃ deyaṃ vyāsāya muktaye |
smṛddhaye śraddhayā divyabuddhyā śrotṛbhiro namaḥ || 242 ||
[Analyze grammar]

svarṇaṃ ratnāni śayyādi hīrakā mauktikāni ca |
gajavājigavādīni vimānaṃ vāhanāni ca || 243 ||
[Analyze grammar]

yānaṃ saudhaṃ vāṭikādi deyaṃ vyāsāya śārṅgiṇe |
śrīkṛṣṇovallabhaḥsvāmisvarūpo vyāsa eva yat || 244 ||
[Analyze grammar]

saubhāgyāni samastāni deyānyasmai praśṛṇvatā |
dhanasampatputrapatnīrājyamānaṃ hi labhyate || 245 ||
[Analyze grammar]

brahmaprāptikaraṃ śāstraṃ sarvavidyāprasaṃbhṛtam |
tretāsantānakaṃ kṛṣṇātmakaṃ vijayatetamām || 246 ||
[Analyze grammar]

sarvaduḥkhavināśo'sya śravaṇād dānatastathā |
sarvaśāntisamāyogaḥ sarvasiddhiprasaṃjanam || 247 ||
[Analyze grammar]

vidyābhūkanyakāsvarṇadānānāṃ phaladā śrutiḥ |
mokṣadānaphaladā ca kṛṣṇasvāmyapradāyinī || 248 ||
[Analyze grammar]

omāryaḥ kambharābālaḥ sarvasvāmī satīśvaraḥ |
satāṃ rūpaḥ paramātmā jayatyaharniśaṃ prabhuḥ || 249 ||
[Analyze grammar]

tasminneva pare brahmaṇyarpito'yaṃ dvitīyakaḥ |
santānaḥ santanotvatra śaśvattvaṃ subhagaṃ va om || 250 ||
[Analyze grammar]

vai dvātriṃśatsahasrāṇi dve śate ca śatārdhakam |
catvāraśca bhavantyatra ślokāstretāsutānake || 251 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne lakṣmī |
nārāyaṇamahimā tretāsantānakhaṇḍasthaviṣayāṇāṃ saṃkṣiptanirdeśaḥ |
dvāparasantānaprastāvaḥ āśīrvādāśceti nirūpaṇanāmā |
triśatatamo'dhyāyaḥ || 300 ||
[Analyze grammar]