Chapter 237

śrīkṛṣṇa uvāca |
rādhike'tha caturdaśyāṃ kālyāṃ śrīparameśvaraḥ |
pūjāṃ cakāra vai śaṃbhornijakṣetraprarakṣituḥ || 1 ||
[Analyze grammar]

prātaḥ snātvā pitarau ca pūjayitvā tataḥ param |
īśānadevaṃ cāhūya rudrānāhūya vai tathā || 2 ||
[Analyze grammar]

śaṃkaraṃ kṣetrapaṃ devaṃ samāhūya satīyutam |
svarṇasihāsane śaṃbhuṃ samasthāpayadīśvaram || 3 ||
[Analyze grammar]

pupūja bālakṛṣṇastaṃ yoginaṃ padmajāpatim |
pādyamarghyaṃ dadāvasmai candanaṃ bhasma cākṣatān || 4 ||
[Analyze grammar]

dhattūrapuṣpamālāṃ ca gale harasya sandadau |
bhāle candratilakaṃ ca tripuṇḍraṃ cordhvapuṇḍrakam || 5 ||
[Analyze grammar]

vyadhācchrībhagavāṃstasya hāsayaṃstaṃ maheśvaram |
karṇayoḥ kuṇḍale cāpi karṇikākusumāni ca || 6 ||
[Analyze grammar]

rudrākṣamālikāṃ cāpi dadau tasmai harāya ca |
vyāghracarma gajacarma dadau śrībhagavān svayam || 7 ||
[Analyze grammar]

bhaṃgāṃ dadau ca miṣṭānnaṃ miṣṭapānaṃ dadau hariḥ |
puṣpahārān dadau cāpi śṛṃgāraṃ pradadau tathā || 8 ||
[Analyze grammar]

sugandhasāraṃ pradadau svarṇāmbarāṇi sandadau |
svarṇahārān dadau cāpi satyai bhūṣāṃ dadau tathā || 9 ||
[Analyze grammar]

ambarāṇi navīnāni vibhūṣaṇāni sandadau |
yatheṣṭāni samagrāṇi śrāṃgārikāṇi sandadau || 10 ||
[Analyze grammar]

ārārtrikaṃ cakārā'tha mauktikahīrakān dadau |
evaṃ prapūjya bhagavān bhūtanāthaṃ satīyutam || 11 ||
[Analyze grammar]

utsavaṃ divase cakre rātrāvatha haristataḥ |
bhojayitvā pūjayitvā śaṃbhuṃ satīṃ gaṇādhipam || 12 ||
[Analyze grammar]

kārtikeyaṃ nandinaṃ ca yoginīcakramityapi |
navadurgāḥ prapūjyāpi gaṃgāṃ prapūjya śāṃkarīm || 13 ||
[Analyze grammar]

vīrabhadraṃ tathā jālandharaṃ ca tārakāsuram |
tārakākṣaṃ gajaṃ mahiṣakaṃ caṇḍapracaṇḍakau || 14 ||
[Analyze grammar]

śṛṃgina bhṛṃginaṃ cāpi rīṭinaṃ ca kirīṭinam |
agniṃ candramasaṃ cāpi maṃgalaṃ ca viṣaṃ tathā || 15 ||
[Analyze grammar]

kharparaṃ tasya devāṃśca tathā kharparamālikām |
siṃhaṃ rudrākṣakāṃścāpi vāsukīṃ śāṃkarīṃ prajām || 16 ||
[Analyze grammar]

hanumantaṃ tathā niṣādinaṃ gaṇānapūjayat |
bhairavaṃ kālasaṃjñaṃ ca mahākālamapūjayat || 17 ||
[Analyze grammar]

bhūtapretapiśācāṃśca kūṣmāṇḍānapyapūjayat |
vaināyakāṃśca vetālān gaṇān rogānapūjayat || 18 ||
[Analyze grammar]

mṛtyuṃ ca mṛtyupāśāṃśca caṇḍyādinīrapūjayat |
mātṛkāśca grahāṃścāpi tathā pretānapūjayat || 19 ||
[Analyze grammar]

rogikāśca mahāmārīprabhṛtikā apūjayat |
kṛtyāśca kālikābrahmacāriṇīścāpyapūjayat || 20 ||
[Analyze grammar]

kailāsavāsinaḥ sarvān śītalādyā apūjayat |
gaṇāṃśca gaṇapatnīśca rākṣasīḥ samapūjayat || 21 ||
[Analyze grammar]

māṣapiṣṭādipakvānnairatarpayattu tāṃstadā |
yakṣāṃśca rākṣasān bhūtapatnīśca ḍākinīstathā || 22 ||
[Analyze grammar]

śākinīyoginīścāpi vetālikā hyapūjayat |
kālarātriṃ tathā rātriprajāḥ sarvā hyapūjayat || 23 ||
[Analyze grammar]

evaṃ saṃpūjanaṃ kṛtvā baliṃ datvā tato hariḥ |
homaṃ cakāra vidhinā ghṛtādyaistṛptaye prabhuḥ || 24 ||
[Analyze grammar]

sarṣapādyaiśca māṣādyaiḥ kṛṣṇatilaphalādibhiḥ |
kṛṣṇapuṣpādibhiścāpi tarpayāmāsa devatāḥ || 25 ||
[Analyze grammar]

evaṃ kṛtvā pūjanaṃ ca balidānaṃ hava tathā |
sarvatra dīpadānaṃ ca dadau śrībhagavān prabhuḥ || 26 ||
[Analyze grammar]

ityevaṃ kārtikaśuklacaturdaśyāṃ niśīthake |
kālīcaturdaśī cāpi pūjayitvā hariḥ svayam || 27 ||
[Analyze grammar]

mahālakṣmīṃ pūjayitvā parihāraṃ cakāra saḥ |
tataḥ rātrau susuṣvāpa prātardīpotsave dine || 28 ||
[Analyze grammar]

prabubodha suvādyānāṃ śabdaiśca kīrtanaistataḥ |
kṛtāhnikaḥ kṛtapūjaḥ pitṛpūjāṃ vyadhāt prabhuḥ || 29 ||
[Analyze grammar]

brahmapriyāśca lakṣmyādyāścāyayuḥ śrīhareḥ puraḥ |
pūjanārthaṃ nijaṃ kāntaṃ kṛtakautukamaṃgalāḥ || 30 ||
[Analyze grammar]

rādhike pūjayāmāsuḥ sarvāḥ sarvopacārakaiḥ |
āśīrvādān gṛhītvā ca bhojayitvā nijaṃ patim || 31 ||
[Analyze grammar]

tatpradattaṃ prasādaṃ ca gṛhītvā yayurāśramam |
sāyaṃ dīpotsavaṃ cakre sarvābhiḥ saha keśavaḥ || 32 ||
[Analyze grammar]

aśvapaṭṭasaraḥ sarvaṃ dīpaiḥ pūritamapsviti |
svargavacchobhate cāpi nagarī hi tathāvidhā || 33 ||
[Analyze grammar]

rātrau śrībhagavāṃścakre śāradāpūjanaṃ tathā |
sākṣācchrīṃ śāradāṃ lakṣmīṃ sarasvatīṃ satīṃ tathā || 34 ||
[Analyze grammar]

pañca kṛṣṇaḥ samāhūya pupūja parameśvarīḥ |
nāgavallīdalaiḥ pūgīphalairmiṣṭānnabhojanaiḥ || 35 ||
[Analyze grammar]

sugandhasārairbhūṣābhiścāmbaraiḥ saddravādibhiḥ |
toṣayāmāsa bhagavān yatheṣṭavastudānakaiḥ || 36 ||
[Analyze grammar]

ārārtrikaṃ cakārāpi rañjayāmāsa narmabhiḥ |
svarṇādidakṣiṇā datvā bhojayāmāsa pāyasam || 37 ||
[Analyze grammar]

parihāraṃ tataścakre tataḥ suṣvāpa śāntimān |
kanyakāścāśramaṃ gatvā nidrāṃ jagṛhurutsukāḥ || 38 ||
[Analyze grammar]

prātaḥkāle haristūrṇaṃ prabubodha saro yayau |
sarojale kṛtasnānaḥ sasmāra svaṃ purātanam || 39 ||
[Analyze grammar]

sanātanaṃ svarūpaṃ cā'khilarakṣākaraṃ taṭe |
nijayogānmahātīrthaṃ yatrāste vai sarovare || 40 ||
[Analyze grammar]

rādhike śrīharistatra dadhyau cātmānamātmani |
tāvattatra samāyātaṃ sainyaṃ samparkabhūpateḥ || 41 ||
[Analyze grammar]

mahāmārīduḥkhakhinnaṃ hāhākārakṛtaṃ taṭe |
kṛśaṃ kṣudhātṛṣāvyāptaṃ śrāntaṃ maraṇasāyujam || 42 ||
[Analyze grammar]

śrīrādhikovāca |
saṃparko vai kathaṃ sainyasahitastatra cāyayau |
kasya deśasya rājā'bhūt kathaṃ rogo'sya sainyake || 43 ||
[Analyze grammar]

bālakṛṣṇena kṛṣṇena kṛtaṃ kimasya vai tadā |
brūhi kānta kathāṃ sarvāṃ saṃkṣepeṇa hareḥ śubhām || 44 ||
[Analyze grammar]

śrīkṛṣṇa uvāca |
śṛṇu rādhe sa rājā''sīt samparkaḥ kacchadeśajaḥ |
tīrthayātrānimittaṃ saḥ somanāthaṃ gato hyabhūt || 49 ||
[Analyze grammar]

madaṃśaṃ pūrvakalpīyaṃ dattātreyaṃ guruṃ hi saḥ |
bhajate sma sadā kacche kurvan rājyamakaṇṭakam || 46 ||
[Analyze grammar]

prātaḥ snānaparaścāyaṃ devapūjanatatparaḥ |
dānadharmaparaścānnasatreṣvatithipūjakaḥ || 47 ||
[Analyze grammar]

nityaṃ dhyānaparaścāpi dīnānāthānnadāyakaḥ |
sādhusevāparo vṛddhanideśādyanuvartataḥ || 48 ||
[Analyze grammar]

goviprabhaktasevī ca satīsādhvīprapūjakaḥ |
ahiṃsakaḥ satyavṛttiścāsīt prajā'bhipūjitāḥ || 49 ||
[Analyze grammar]

sādhūn dṛṣṭvā ca vā śrutvotthāyā'bhiyāti dāsavat |
sevate cāmbaradānairbhojyadānādibhistathā || 50 ||
[Analyze grammar]

yadrājye ca satāṃ santi maṇḍalāni samantataḥ |
devabhaktiparāṇyeva kṛṣṇakathāparāṇi ca || 51 ||
[Analyze grammar]

yajño bhavati yadrājye nārāyaṇasarastaṭe |
pratisaṃvatsaraṃ śreṣṭho vaiṣṇavaścātidakṣiṇaḥ || 52 ||
[Analyze grammar]

so'yaṃ rājā rādhike vai sainyasāmagrikā'nvitaḥ |
hastyaśvoṣṭravṛṣabhainoyānavāhanaśobhanaḥ || 53 ||
[Analyze grammar]

yātrārthaṃ somanāthasya saurāṣṭre tvāśvine yayau |
sahasrajanasaṃghāto viprasādhusamanvitaḥ || 54 ||
[Analyze grammar]

kṛtvā tīrthe hiraṇyāyāḥ saṃgame pitṛtarpaṇam |
snānadānādikaṃ cāpi someśvaraṃ prapūjya ca || 55 ||
[Analyze grammar]

mūladvārikikātīrthaṃ kṛtvā prapūjya gopatim |
prācīsarasvatīṃ gatvā nārāyaṇabaliṃ vyadhāt || 56 ||
[Analyze grammar]

tato vāmanabhūmiṃ ca svarṇarekhānadīṃ tataḥ |
dṛṣṭvā kṛtvā cakratīrthamindreśvaraṃ jagāma saḥ || 57 ||
[Analyze grammar]

tataḥ sītāphalāraṇye kṛtvā tīrthaṃ ca tūrikām |
yāyādāmravaṇaṃ cāśvapaṭṭasaro'vagāhitum || 58 ||
[Analyze grammar]

mārge śramaviśeṣeṇa bhojanā'niyamena ca |
tāpaprabhāvataścāpi sainyaṃ rugṇamabhūttadā || 59 ||
[Analyze grammar]

mahāmārīmahārogaprapīḍitaṃ saro'ntikam |
āyayau tīrthalābhārthaṃ rogādhīnaṃ ca duḥkhitam || 60 ||
[Analyze grammar]

rājā vilokya bhṛtyādīn paśūn vai raktasāriṇaḥ |
svaṃ ca rugṇaṃ vilokyā'pi prasasmāra guruṃ nijam || 61 ||
[Analyze grammar]

dattātreyaṃ bhagavanta bālakṛṣṇakṣitau nṛpaḥ |
pāhi tīrthapradeśe'tra pīḍitān mama mānavān || 62 ||
[Analyze grammar]

āgatya sadguro śīghraṃ jīvadānaṃ pradehi naḥ |
rogo'yaṃ nāśakṛcchaktihārako bhṛtyavargiṇām || 63 ||
[Analyze grammar]

paśūnāṃ ghātakaścāpi raktasargo'tidāruṇaḥ |
rakṣa rakṣa kṛpāsindho dattātreya jagadguro || 64 ||
[Analyze grammar]

bālakṛṣṇaḥ prabhuścāpi rakṣatāccharaṇāgatam |
ityevaṃ tvarthayitvaiva sarasaḥ sannidhau nṛpaḥ || 65 ||
[Analyze grammar]

kadambānāṃ drumeṣvevā''vāsaṃ cakāra sainyayuk |
sarastīraṃ samāgatya pītvā jalaṃ taṭe prage || 66 ||
[Analyze grammar]

sasārtho nṛpatiścakre kīrtanaṃ bhajanaṃ hareḥ |
tālītālasametaṃ vai nāmānuguṇavarṇanam || 67 ||
[Analyze grammar]

bālakṛṣṇa harekṛṣṇa nārāyaṇā''rtihan hare |
dattātreya guro rakṣa parameśvara pāhi naḥ || 68 ||
[Analyze grammar]

ityevaṃ bhajanaṃ cakre rājā sahasramānavaiḥ |
sahito garjanā ceyaṃ digantaṃ pragatā'bhavat || 69 ||
[Analyze grammar]

anādiśrīkṛṣṇanārāyaṇaḥ śrutvā sthiro'bhavat |
nagaraṃ tvabhiyāto'pi vīkṣituṃ bhajanādikam || 70 ||
[Analyze grammar]

sammardo'bhūt sarasyeva paritastīravāsinām |
kuṃkumavāpīvāsānāṃ darśakānāṃ sarastaṭe || 71 ||
[Analyze grammar]

rādhike bhajane līnā pārśve paśyanti naiva te |
na cāgre nāpi vai pṛṣṭhe netrāṇyunmīlayanti na || 72 ||
[Analyze grammar]

ekatānaṃ hi bhajanaṃ cakruḥ rogapraśāntaye |
babandhuśca hariṃ vṛttyā rajjvā svahṛdayeṣu te || 73 ||
[Analyze grammar]

dṛṣṭvā śrutvā haristatra bālakṛṣṇaḥ svayaṃ prabhuḥ |
dattātreyasvarūpeṇa tūrṇaṃ copasthito'bhavat || 74 ||
[Analyze grammar]

kukṣau pāvaṭikāṃ haste kamaṇḍalu jaṭāṃ tathā |
kaupīnaṃ japamālāṃ ca dadhānaḥ pāduke śubhe || 75 ||
[Analyze grammar]

kṛṣṇa kṛṣṇa japan rājñaḥ sannidhau samupāgataḥ |
rājā dṛṣṭvā ca taṃ tūrṇaṃ cakāra daṇḍavad bhūmau || 76 ||
[Analyze grammar]

sainyajanāścāpi cakrurdaṇḍavad vai samantataḥ |
prasannavadano devo dattātreyo jagāda tān || 77 ||
[Analyze grammar]

kathaṃ smṛto bhavadbhiśca kāraṇaṃ brūta satvaram |
rājā prāha mahāmārīkaṣṭaṃ tasmāt prarakṣaya || 78 ||
[Analyze grammar]

dattātreyo hi bhagavān kukṣikoṣṭhalikāṃ tadā |
vyādāya tatra yadbhasma dadau tad bhūbhṛtelpakam || 79 ||
[Analyze grammar]

mukhe kṣipetyuvācaiṣaścikṣepa ca mukhe nṛpaḥ |
mahāmārī bahiryātā samūrtā vikṛtānanā || 80 ||
[Analyze grammar]

bhītā praṇamya taṃ devaṃ dudrāva śaṃkaraṃ prati |
sainyaṃ cāpi tadā jātaṃ nirug vai kṣaṇamātrataḥ || 81 ||
[Analyze grammar]

tāvattatra samāyāto dattātreyo'trinandanaḥ |
kāmbhareyo drutaṃ jātastadā śrībālakṛṣṇakaḥ || 82 ||
[Analyze grammar]

rājā vīkṣya hariṃ tatra tathārūpaṃ rameśvaram |
rakṣakaṃ mahadāścaryaṃ hyavāpa sainyayuk tataḥ || 82 ||
[Analyze grammar]

pupūja śrībālakṛṣṇaṃ dattātreyo mahāprabhum |
prasannaḥ śrīharistasmai varadānārthamāha ca || 84 ||
[Analyze grammar]

dattātreyastataḥ prāha rakṣa māmatra sannidhau |
tavāṃ'śo'haṃ tava kṣetre vastumicchāmi sarvadā || 85 ||
[Analyze grammar]

hariḥ prāha tathā'stveva vasā'śvasaraso jale |
dattātreyamahātīrthaṃ tava nāmnā bhaviṣyati || 86 ||
[Analyze grammar]

tatastvaṃ revatagireḥ śikhare vāsamāpsyasi |
raivatādrirmahendrākhyaḥ parvataścāgamiṣyati || 87 ||
[Analyze grammar]

saurāṣṭre ca kumudādiḥ parito'sya nivatsyati |
tadā te śikhare vāso dattātreya bhaviṣyati || 88 ||
[Analyze grammar]

sadā tīrthaṃ mahat tatsyād dattātreyasya sānu tat |
atra tīrthaṃ jalarūpaṃ sadā sthāsyati matsthale || 89 ||
[Analyze grammar]

tatra tīrthaṃ tu te vyomni sadā sthāsyati raivate |
ityukto bhagavān dattātreyaścovāsa tajjale || 90 ||
[Analyze grammar]

dattātreyamahattīrthaṃ jātaṃ sarovare hi tat |
samparkatīrthamevāpi jātaṃ rakṣākaraṃ hi tat || 91 ||
[Analyze grammar]

sa rājā kārayāmāsa taḍāgasya taṭāntike |
dakṣiṇe mandiraṃ ramyaṃ dattātreyavirājitam || 92 ||
[Analyze grammar]

nirug yayau nijaṃ deśaṃ bālakṛṣṇaṃ prapūjya vai |
rādhike śrībālakṛṣṇaścaivaṃ rakṣati duḥkhinaḥ || 93 ||
[Analyze grammar]

avatārasya bhaktānāṃ rakṣaṇaṃ tatsvarūpavān |
bhūtvā karoti bhagavānavatārī parātparaḥ || 94 ||
[Analyze grammar]

sarve'vatārāstasyaiva sarvaṃ tasmāt pravartate |
sarvanāthaḥ sarvarakṣāṃ karoti smṛta eva saḥ || 95 ||
[Analyze grammar]

araṇye parvate nadyāṃ samudre ca vane'pi ca |
viṣame bhayade sthāne smṛto rakṣati māpatiḥ || 96 ||
[Analyze grammar]

śatrumadhye kālamukhe vahnau vāyuprakopane |
bhūkampe ca mahāyuddhe smṛto rakṣati sarvagaḥ || 97 ||
[Analyze grammar]

tridoṣe mardane kūpe roge durbhikṣavatsare |
nigaḍe parapāśe ca smṛto rakṣati sarvadṛk || 98 ||
[Analyze grammar]

viṣimukhe hiṃsramukhe śastrapāte ca vajrake |
vyomapāte prapāte ca smṛto rakṣati cātmagaḥ || 99 ||
[Analyze grammar]

rājabhaye gṛhabhaye vidrāvaṇabhaye'pi ca |
prāṇabhaye sarvabhaye smṛto rakṣati śaktimān || 100 ||
[Analyze grammar]

rādhike ye nijā jātāsteṣāṃ kṛṣṇo nijo bhavet |
tadrakṣārthaṃ mahācintāṃ karotyeva divāniśam || 101 ||
[Analyze grammar]

paṭhanācchravaṇāccāsya phalaṃ tīrthakṛtaṃ bhavet |
rakṣaṇaṃ duḥkhanāśaśca bhavedeva na saṃśayaḥ || 102 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne kālīcaturdaśyāṃ śaṃkaratadgaṇabhṛtyadāsadāsīnāṃ pūjanottaraṃ śrīhariṇā dīpadānottaraṃ ca dīpāvalyāṃ śāradāmahotsavapūjā |
kṛtā pratipadi mahāmārīrogapīḍitatīrthayātrikasaṃparkanṛpādīnāṃ dattātreyarūpeṇa darśanadānena roganāśanaṃ dattātreyatīrthaṃ cetyādinirūpaṇanāmā saptatriṃśadadhikadviśatatamo'dhyāyaḥ || 237 ||
[Analyze grammar]